Chelsea - The Blues Football Club

~鰲~

上rubbishman
果陣有即時討論
應該會放LINK

°笨小軒

原帖由 ~鰲~ 於 11-2-5 09:19 PM 發表
你張簽名好靚
借黎用下

隨便

ｋａｍｅ”

rubbishman我冇acc入唔入到??
同埋我係大陸...上網好唔方便...好多都上唔到....
如果有人可以幫幫手放條link上黎就好啦

~鰲~

唔知得唔得 比個ACC你防下身先 (唔好亂用)
ID:lampard-8
PW:1835288
不過都唔知會唔會放LINK
果陣有個即時討論POST
你去問下有冇人可以放

ｋａｍｅ”

唔該晒你先=]

fathin

打左咁耐   D默契可以咁.....兩次....  施治出營問題仍然有
安歷卡同保辛華今場打得好好

黑仔的我

唉,希望靠英超磨合,歐聯有佳績

~鰲~

後防真係好散
保辛華真係唔掂了(我覺得)
希望用一個高價/自由轉會放走佢啦
E雲仔已經變到好似剩係識打右閘咁
安76唔好放佢打中堅啦
我覺得車仔冇GE野
就係唔夠膽遠射
所以成日比利記後防封哂
成日交失波 上次布力般已經係咁
不過好彩嬴左 車仔真係要改善下呢個問題

黑仔的我

原帖由 ~鰲~ 於 11-2-7 11:21 AM 發表
後防真係好散
保辛華真係唔掂了(我覺得)
希望用一個高價/自由轉會放走佢啦
E雲仔已經變到好似剩係識打右閘咁
安76唔好放佢打中堅啦
我覺得車仔冇GE野
就係唔夠膽遠射
所以成日比利記後防封哂
成日交失波  ...

伊雲仔的確打右後好過中堅
我又未覺得保辛華要賣走咁嚴重,係都文員先
唔係唔夠膽遠射,係冇一個突破既人拉空敵隊2-3個人
車仔面對密集淨係識係人地三閘線橫傳,但都係一樣,拉唔空
我都係度講左n次,隊波冇洛賓呢d人係唔得,每隊波都要一位咁既球員去破密集
但車路士呢家係冇呢位球員

黑仔的我

2011-02-08
艾殊利·高爾榮膺英足球先生
英格蘭足總剛剛宣布 2010 年度英格蘭足球先生的得主是車路士左後衞艾殊利·高爾奪得。

　　這個獎項由球迷前往英足總網站，以一人一票形式選出，今次已是第八屆沿用這個選舉方式。亞軍為利物浦隊長謝拉特，季軍為曼城年青翼鋒亞當·莊遜。

　　去年艾殊利·高爾雖然備受婚姻問題以及離隊傳聞困擾，但仍能專注於比賽，並協助車路士奪得英超聯及足總盃冠軍，可說是實至名歸。

　　另一名曾獲此殊榮的車路士球員是副隊長林柏特。他曾於 2004 和 2005 年連續兩屆獲得這個獎項。

黑仔的我

on99走去朗豪城諗住印,點知話要連衫買先印比我
之後去左自由球印
$252連金章


[ 本帖最後由 黑仔的我 於 11-2-9 02:00 PM 編輯 ]

~鰲~

樓上
我買左件作客= =
本身諗諗下想印T9
之後見佢對利記唔知咩料= =
印番LAMLAM
你個絨字
我仲以為得我呢個垃圾先係咁
不過問題唔大=]用燙斗搞番掂佢=]
(我唔會買正版=]買極品版=])

~鰲~

252=]我買件極品好似你咁=]
都係190=] 但係質素又唔係差好遠=]
所以唔買正版=]

黑仔的我

原帖由 ~鰲~ 於 11-2-10 08:39 PM 發表
樓上
我買左件作客= =
本身諗諗下想印T9
之後見佢對利記唔知咩料= =
印番LAMLAM
你個絨字
我仲以為得我呢個垃圾先係咁
不過問題唔大=]用燙斗搞番掂佢=]
(我唔會買正版=]買極品版=])

印完我摺住走,拎番屋企就影相,所以咁樣
放左一陣個9字直番d,燙番就ok

黑仔的我

2011-02-15  NEW!
- 富咸 0-0 車路士

一月增購球員可說是一場賭博。今仗兩名新將，托里斯表現強差人意，但雷斯卻盡顯潛質。不過球隊經上仗主場落敗，似乎對其脆弱的信心造成不少打擊。結果與對手兩無紀錄再失兩分，正式被熱刺重奪第四位。

　　開賽時熱刺已因兩天前險勝新特蘭而令車路士跌至聯賽第五位並領先三分。因此今仗可說許勝不許敗。可能因此安察洛堤棄用了上仗對利物浦的鑽石中場而回復 4-3-3 陣式，並把自患瘧疾後一直未重拾狀態的杜魯巴放於後備席，而以托里斯任箭頭，輔以馬路達和安歷卡於兩翼。

　　不過富咸領隊曉士似乎已看準了車路士慢熱的特點，甫開賽雖然未有猛烈進攻，但每每以體力化的壓逼「招呼」客軍，並於六分鐘已烕脅施治的大門。倒戈的杜夫於右翼傳中，小禁區頂的安德魯·莊臣右腳施射，幸被今仗首度正選的大衞·雷斯清出。

　　過了約十分鐘車路士攻勢漸多。林柏特在 4-3-3 陣式下推入禁區及施射的次數也比上仗更多；泰利及拉美利斯均曾作射門。但狹小的加雲農舍球場，令射門及策劃進攻也不容易，只依靠遠射作用有限。破爛的草地也沒幫上忙。44 分鐘托里斯獲最佳的機會，安歷卡交予入楔的托里斯，但「王子」卻似乎踏着草頭而滑倒，射門軟弱無力而被沒收。上半場補時雷斯從後場的 60 碼長傳交至單刀的托里斯，可惜也未有第一時間施射而再被沒收。上半場兩無記錄。

　　下半場車路士自然加強壓力，大衞·雷斯更經常推至中場綫執行安察洛堤常說的「從後方策動」，而首五分鐘托里斯已兩度在禁區內攻門。他的一次頭鎚及一次右腳熨射可惜均告高出，但最少已顯示球隊已開滲透入對方禁區。

　　然而到了 65 分鐘仍無明顯突破，安察洛堤以卡勞入替表現平平的安歷卡。位置上雷斯也與伊雲奴域對調位置，他立刻作出一次遠射及一次頭鎚攻門但未中鵠。此時杜魯巴也入替托里斯，攻勢逐漸加強起來。

　　83 分鐘富咸以謝拉及前車路士球員古莊臣入替梅菲與丹比利。但車路士一眾球員似乎信心不足，一心以和為貴的富咸囤重兵令客軍難有寸進，甚至林柏特也誤傳頻頻。更不幸的是今場表現非常突出的雷斯竟在補時最後一分鐘在禁區內勾跌丹普西而被判十二碼。幸好由他自己主射的十二碼欠缺角度被施治撲出才幸保未全失三分。

　　究竟斥重資一月增兵是否明智之舉，至今仍未可蓋棺定論。不過其實今仗全場射門 23 次，其實表現也不算太差。托里斯也可見走空位的觸覺已逐漸回復，只差埋門一腳仍略欠信心而已。希望他盡快復甦，否則來季歐冠盃席位可能笈笈可危。

今場最佳球員：大衞·雷斯
雖然補時階段輸掉十二碼非常不幸，但其潛質不可忽視。防守上完全做到卡華路的工作，攔截時間準繩、引球出擊快速，還有他六尺二寸的身高和今場顯示能打中堅及右閘的靈活性，令他比現已重投摩帥旗下的葡萄牙人更有優勢。更重要的是他比其前隊友拉美利斯更迅速地適應英超聯的節奏。似乎他將比費南度·托里斯更早建立在球隊中的作用。今季不能為球隊出戰歐冠盃實在非常可惜。

正選陣容：
富咸：舒華沙｜漢基蘭｜艾朗·曉士｜沙斯度｜拜亞特｜薜維爾｜梅菲｜丹普西｜杜夫｜丹比利｜安德魯·莊遜
車路士：施治｜伊雲奴域｜大衞·雷斯｜艾殊利·高爾｜艾辛｜拉美利斯｜林柏特｜安歷卡｜馬路達｜費南度·托里斯

°笨小軒

呢場波其實F托都有小小表現..
不過雷斯真係踢得幾搶鏡..
下半場6x分鐘竟然同伊雲佬調位踢
佢打右閘都唔錯..
果然冇入左貨..

[ 本帖最後由 °笨小軒 於 11-2-17 02:58 AM 編輯 ]

°笨小軒

係啵唔記得講..
富咸對車仔呢場波摩佬有黎睇
唔知想做咩呢

。褲仔

原帖由 °笨小軒 於 11-2-17 01:21 PM 發表
係啵唔記得講..
富咸對車仔呢場波摩佬有黎睇
唔知想做咩呢

因為佢想返黎教車仔哈哈

。褲仔

原帖由 °笨小軒 於 11-2-17 02:56 AM 發表
呢場波其實F托都有小小表現..
不過雷斯真係踢得幾搶鏡..
下半場6x分鐘竟然同伊雲佬調位踢
佢打右閘都唔錯..
果然冇入左貨..

我幾欣賞雷斯~後防新卡華奴

~鰲~

2比0
出線冇咩問題