中國要成為強國 除非共產黨摺埋收檔啦

蘋果~

原帖由 封冠神 於 2009-7-7 12:55 PM 發表

中國唔重視教育 點會高
世事無絕對

你玩咩  大陸唔重視教育?  你反去大陸讀下  三五七年書先講啦
人地高考既level係全球最高架...文科都要讀a.maths同pure.maths
人地大學出黎係做學者,出得書啦

蘋果~

原帖由 黑仔試作1號機 於 2009-7-7 08:28 PM 發表

邊個版本歷史先   共版？ 你個調查系邊睇 唔通系97%民眾支持綠壩果種？ 貪污唔系共產黨問題？ 如果受外界監督都唔會貪得甘嚴重 共產黨系淩駕法律之上 法律系為黨服務 就算明知邊個貪都無距扶 法院唔會受理 上 ...

我認為邊個版都一定係共產黨近３０年統治中國遠勝國民黨統治中國的時期。不容否決
人地講既調查好簡單，係琴日報紙講既．．你唔知，係因為你無睇報紙。
共產黨有不足之處，係米代表佢一文不值先？　

蘋果~

原帖由 零木葉 於 2009-7-7 11:17 PM 發表
傻啦,成也中共敗也中共
無中共中國唔會有今日,
亦以管理呢層面去講中共d較獨裁既手法對於現時中國先洽當
如果唔係!?民主!?民主一早亡國啦
btw
共產主義的確帶黎好多令人反感既野,
無得講,假如要中共消失都一定 ...

家下中國已經無行共產主義。共產黨＜－－這政黨名稱被外國妖魔化左，所以令人反感

黑仔試作1號機

原帖由 蘋果~ 於 2009-7-8 09:08 PM 發表

我認為邊個版都一定係共產黨近３０年統治中國遠勝國民黨統治中國的時期。不容否決
人地講既調查好簡單，係琴日報紙講既．．你唔知，係因為你無睇報紙。
共產黨有不足之處，係米代表佢一文不值先？　

咩野不容否決 根據咩？ 共產黨只系毛澤東執政期間殺死迫死餓死8千萬人以上 高抗日時期4倍 只系不足之處？

[ 本帖最後由 黑仔試作1號機 於 2009-7-8 09:43 PM 編輯 ]

算命

你返大陸都係要小心D
冇咩事都唔好返@@~如果唔係.......

kath

漢人要趕走d維族人
鼓趨分化
迫佢地獨立

發洩

原帖由 蘋果~ 於 2009-7-8 09:12 PM 發表

家下中國已經無行共產主義。共產黨＜－－這政黨名稱被外國妖魔化左，所以令人反感

返屋企讀下書啦
果次佢先證實 , 中國行既係有中國特色既社會主義
變句話說 即係極權制既資本主義
共產黨統治下完全係一個極權制國家,如蘇聯同納粹德國
只是行自由經濟體系, 所以人民都係冇人權所言
新聞自由缺乏和法律偏向貪官腐狗, 不就是共產黨最突出的政治特色?
共產黨沒被人妖魔化,共產主義太過理想,你知唔知毛總時期死左幾多人?
加埋文革 4千萬人絕無花假 係共產主義統治下 78年前有咩經濟成就?
經濟開放之後 變成資本經濟 極權統治
共產黨最大既成就...係當你唔洗做...都有一碗大鑊飯
重有 共產黨最被妖魔化既原因 你去一去北韓先同我講啦

發洩

原帖由 蘋果~ 於 2009-7-8 09:08 PM 發表

我認為邊個版都一定係共產黨近３０年統治中國遠勝國民黨統治中國的時期。不容否決
人地講既調查好簡單，係琴日報紙講既．．你唔知，係因為你無睇報紙。
共產黨有不足之處，係米代表佢一文不值先？　

同你講啦 , 有13憶人口既中國
經濟潛力不是你所想像到...
即使國民黨統治 絕對可以與共狗比較
台灣區區2千萬人 絕一個廣東省面積都唔夠
點解人地科技先進 教育水平高尚 國民質素咁高?
同一個族 同一個體系 唔同既政黨 你可以睇到d咩?
小小既台灣人口係中國既50分1
但係各方面絕對唔輸蝕神州大陸

美人魚Kenny

原帖由 發洩 於 2009-7-9 01:12 AM 發表

同你講啦 , 有13憶人口既中國
經濟潛力不是你所想像到...
即使國民黨統治 絕對可以與共狗比較
台灣區區2千萬人 絕一個廣東省面積都唔夠
點解人地科技先進 教育水平高尚 國民質素咁高?
同一個族 同一個體系 唔 ...

台灣0分都升到大學 教育高尚
仲有你知唔知台灣經濟係唔掂
如果呢幾年 大陸唔開放貿易比台灣
台灣唔洗攻 幾年後都散

[ 本帖最後由 美人魚Kenny 於 2009-7-9 01:31 AM 編輯 ]

louishi

原帖由 美人魚Kenny 於 2009-7-9 01:29 AM 發表

台灣0分都升到大學 教育高尚
仲有你知唔知台灣經濟係唔掂
如果呢幾年 大陸唔開放貿易比台灣
台灣唔洗攻 幾年後都散

中國一定不會讓香港或台灣先早一步玩完
如果台灣被攻，即表示中國不仁
如果香港失敗，即表示一國兩制失敗，收復台灣更增難度

←☆浩★→

大家都係一知半解


樓主都唔會知好多

立場好難定

任何事都有好有壞

黑仔試作1號機

原帖由 louishi 於 2009-7-9 02:21 AM 發表

中國一定不會讓香港或台灣先早一步玩完
如果台灣被攻，即表示中國不仁
如果香港失敗，即表示一國兩制失敗，收復台灣更增難度

臺灣有美國幫手 同埋有傳聞軍方有人等機會發動軍變 老共唔敢打持久戰

←☆浩★→

香港民主黨都有美國支持先玩到甘耐

tat951

而家共產黨已經開放左好多啦...個個國家都總有缺點..唔通呢個唔好就即換..果個唔好又即換..
成日換咁個國家會進步咩??係..中國而家仲有好多問題..但係對比番早幾十年前既中國...其實已經進步左好多....進步唔係一朝一直既事...同樣地..開放亦都一樣..
中國既共產黨其實已經唔算行共產黨主義...差唔多係掛住個名only..
如果你真係覺得中國共產黨真係好差..好封閉...你自己去睇下北韓而家咩料- -""佢果d就真係共產黨..玩自閉啦...

寒伯

你咁大段野我唔想睇

不過我同你講
共產黨唔止係一個組織一個派別

佢根本係滲透哂成個中國
無論係鄉間個位村長
大集團既高層
教育局個老師
公務員
民營企業個位個體戶老板

好多好多都係黨員....
要共產黨係中國消失
幾乎係呢一兩代都唔可能發生

仲有中國咁大咁多人
如果唔係以呢種強行式去控制人民
中國早已四分五裂

中國係多民族國家
本身去管理已經好難
你話用綠壩唔好??
我明

但係而家科技發達
如果唔好好管理
就會發生好多而家新彊既事件
外國好多國家都怕中國太強大
所以會唔會係外國勢力去引發種種事件都未知

仲有
你知唔知貧富懸殊係中國呢個地方係一直都發生緊
你睇三國志都知啦
揚州近海經濟發達
四川內陸.孔明都無辦法搞好啦
根本呢件事一直存在..唔好推去共產黨度囉

仲有國民質素??
呢個根本就係民族既劣根性
每個民族都有各自既優點缺點
無禮貌無民化??
想問問你
共產黨做左d咩令到國民變得無民化??

咁美國日本又做左d咩令國民變得有民化??
教育??
你知唔知共產黨建立左幾多年??



----------------所以中國人普遍係六四後唔追求任何自由等人權 只追求錢與名利 不惜任何手段 即係話中國國民質素低係六四共產黨帶比中華民族既惡果...-------------------------

唔追究人權 = 追求名利??

追求名利 = 國民質素低??



咁  唔追究人權 =  國民質素低???

你呢個logic好似好有問題


至於貪污....

我認同你所講既個樣問題

不過呢歸根究竟...都係因為民族既問題
台灣咪又係好多黑金政治

只係佢地方細..資訊發達...要落手難d姐
中國咁大
又邊會有記者or icac無啦啦走去查個鄉村村長收黑錢呀....


講到尾
共產黨當然係有做得唔好既地方
不過..都唔可以將所有錯所有過失推哂落共產黨度囉

苦月明

原帖由 發洩 於 2009-7-7 03:33 發表
共產黨反人民既自由,嚴重控制人既思想
即時中國真係第日成為超越美國既經濟體系...
中國人均收入超越美國...中國人有既只係錢 絕對唔會有其他民族對強國既尊敬
點解? 咁就要問下共產黨啦
我睇到六四帶黎既後果.. ...

2000FUN要成為全香港最強討論區  除非你收左皮先啦

寒伯

原帖由 苦月明 於 2009-7-9 08:01 AM 發表

2000FUN要成為全香港最強討論區  除非你收左皮先啦

唔洗咁激動~.~