好心,某d香港玩家係咪以為自己玩緊港服?

黑鈴舞月

官網網址係tw既話 我會用番書面語
而hk就用番廣東話/書面
宜家好多香港既兄弟都唔識就住人
睇到之前既回文有人話佢地又用注音唔就我地類似既話
其實我覺得呢樣野冇話有冇回報嫁囉= =
竟然身為香港人既你 對書面語呢樣野應該都好理解嫁..
點解好似講到要打書面語仲好似難過打英文咁?
我都成日同d fd講...同台灣人講野咪同以前番學作文一樣咋ma
如果對方用到注音你又真係唔識既
用番書面語客氣d同佢講唔識睇既話我諗對方都冇問題嫁...
主與客呢樣野 多講都冇用
大家都只係想溝通到 理解到對方既意思
我地又識台灣人理解到既書面語 平時上堂都有學既野
而佢地平時生活中係甚少接觸到廣東話既
我地輕易辦得到的事 何解我們不退一步?
況且 讓其他城市的人民 看到我們香港人是如此謙虛有禮
這也是件好事吧?

勿戰就好 講出心聲咋...大哥們

delight阿柱

純感想.
以前香港人就會話國內同胞係大陸哩.
但係到左今時今日比國內同胞話返轉頭叫做港燦.
大家都係中國人.點解要用貶義字眼去稱呼大家呢.

PS.
有返適當既禮貌我覺得係應該.
有時台灣玩家聽見香港人都怕啦.-__-
可見香港玩家係台灣玩家心目中形象係點.
用下書面字又唔洗死既.Right?

[ 本帖最後由 delight阿柱 於 2009-7-9 09:58 AM 編輯 ]

gary1991920

原帖由 gy愛好者 於 2009-7-8 01:17 AM 發表
一入到去,已經見到好多廣東話,仲要洗頻

見到都覺得反感,又唔好意思去話

入鄉隨俗係基本禮貌黎,定係連書面語都唔識? 可悲

睇黎遲早巴哈會有一大堆砲文都係針對香港同大陸玩家

呢個係港台澳服,唔係台服,如果係台服的話當然需要用書面語而非廣東話
但重點係E加唔係台服,係港台澳服,用返香港語言有咩問題?
1間酒店標明係服務港台澳既用家,難道香港人去到呢間酒店仲要用書面語,而唔可以用廣東話~?

連Aion係咩服都唔清楚,唔該你唔好開post,做好research先插人

芯兒

原帖由 gary1991920 於 2009-7-9 12:10 PM 發表

呢個係港台澳服,唔係台服,如果係台服的話當然需要用書面語而非廣東話
但重點係E加唔係台服,係港台澳服,用返香港語言有咩問題?
1間酒店標明係服務港台澳既用家,難道香港人去到呢間酒店仲要用書面語,而唔可以用廣東話~?

連Aion係咩服都唔清楚,唔該你唔好開post,做好research先插人

其實本來就應該用我地當地的廣東話來交流
但不論係用中文說話或是廣東話都好
樓主重點所講既係一直洗頻, 就係問題所在了
即使台灣玩家說中文..一直洗..當成私人頻道..
一樣令人反感...某些香港玩家就係經常當區頻是私人頻道..
官網寫成tw..即代表已經唔係純港服,
如果可以用番大多數人都睇得明既中文書面語..咁當然最好
但如果間中同香港朋友交流  要使用大頻吹水..
只要唔好一直洗一直吵..就唔係問題

花濺淚

真係攪笑,呢個係港澳台 服 我唔明點解下下要講到乜野入鄉隨俗，成日講站係台灣人諗野既人　請問一下　你問過所有台灣人既意見？　我有幾個台灣ｆｄ都鍾意我教佢地口語　佢地覺得廣東話好有趣，成日講入鄉隨俗，你憑乜野代表台灣人講野　你要我信　你搵個台灣人入黎回覆　我就信你　特首一句我代表香港人都比人插到ｓａｙ　ｓｏｒｒｙ，講入鄉隨俗既　你憑乜？？？？

只要洗唔到區頻就得　我唔明係區頻講廣東話有任何問題，重申一次係港澳台ｓｅｒ　　佢地唔明我地就唔講　讀得書少既香港人玩ａｉｏｎ夠睇唔明書面語啦　你不如走過去巴哈叫人入鄉隨俗添呀　以家我地轉國籍咩　都痴銀線

ｓaｋiｔ＊

我都係用開書面語 -0-!

完全冇人知我係香港人 =   =!


不過我都有D香港人係全頻度係咁洗問有冇其他香港人 ..

真係會覺得煩厭 -_____-!

gary1991920

原帖由 花濺淚 於 2009-7-9 05:37 PM 發表
真係攪笑,呢個係港澳台 服 我唔明點解下下要講到乜野入鄉隨俗，成日講站係台灣人諗野既人　請問一下　你問過所有台灣人既意見？　我有幾個台灣ｆｄ都鍾意我教佢地口語　佢地覺得廣東話好有趣，成日講入鄉隨俗，你憑乜 ...

其實可以開個post,topic係"好心,某D香港玩家係咪以為自己玩緊台服?"

chiu0255

比香港人佔領左

壞孩子x小林

連書面語都唔識 比個膠你

花濺淚

香港人洗頻就唔得 咁台灣人洗頻就得?
口語都唔比講 不如禁埋香港人打機添呀

chris0718592

原帖由 花濺淚 於 2009-7-9 11:43 PM 發表
香港人洗頻就唔得 咁台灣人洗頻就得?
口語都唔比講 不如禁埋香港人打機添呀

思想幼稚
只差在你冇講:『人地殺人放火就得,點解我唔得?』
同小朋友有咩分別?
先唔好話台灣人,就算香港人都唔鍾意你啦!

花濺淚

原帖由 chris0718592 於 2009-7-10 01:12 AM 發表

思想幼稚
只差在你冇講:『人地殺人放火就得,點解我唔得?』
同小朋友有咩分別?
先唔好話台灣人,就算香港人都唔鍾意你啦!

好笑 難道我有比喻錯?

港澳台SER 點解香港人係區頻連打口語 都唔可以? 都要比人開貼?

不斷講站係台灣人角度  你地有無人站過係香港人角度睇? 唔識書面語 既人唔通就唔講野?

你地係咁講香港人用口語洗頻好有問題 咁台灣人洗頻係唔係等於無問題? 洗頻問題每一隻遊戲都出現 係唔係要例牌開個貼? 幼稚? 咁開貼個個叫成熟?

[ 本帖最後由 花濺淚 於 2009-7-10 02:51 PM 編輯 ]

chris0718592

原帖由 花濺淚 於 2009-7-10 02:50 PM 發表


好笑 難道我有比喻錯?

港澳台SER 點解香港人係區頻連打口語 都唔可以? 都要比人開貼?

不斷講站係台灣人角度  你地有無人站過係香港人角度睇? 唔識書面語 既人唔通就唔講野?

你地係咁講香港人用口語洗頻 ...

就係呢d心態囉,話晒都台港澳三地既人都係入面,
個個都係你呢種心態既話,
點解人地得我唔得?只會令到誤會加深,
台灣人:『港澳人不是好人!』
香港人:『台灣人不是好人!』
澳門人:『台港人不是好人!』
大家都唔肯讓一步,
點解你唔諗下,自己先做好一個好榜樣,
再去話:『我都冇用口語洗頻,你地台灣人用注音洗頻唔o岩!』
咁你就有道理...
但你連自己有錯都唔知,你又要格硬用口語,
人地又要格硬用注音,
跟住就係到大家話大家錯,
囧...

另外,冇話唔可以講口語,
但最好唔好係區頻講,你話你同你個fd係度用普通頻係咁講 廣東話,
都唔會有人去話你,
但係區頻<-----係台港澳三地既人一齊睇
就要講番d三地都明既語言....
最後,你話唔識書面語,唔係話你有錯,
但係可以去學架麻...唔通你連學野都唔識?
如果你真係有去學過,咁咪唔好對號入座,樓主唔係講你呢種人!

kingkkong

原帖由 貝果小娃 於 2009-7-8 02:09 PM 發表

咁又係 ~ 算拉~ 台灣人人品好既係多好多.. 用%黎計 香港人 ... 我自己係香港人都睇過眼

傻-.- 果次係 Ser1 區5  見到1個台灣人 係 區頻 到講
【 ->  香港人不要玩Aion <- 】  之後 講 【 -> Aion是台灣人玩的 <-】
之後就好多香港人問佢點解 再之後就成班台灣人同佢講 【你丟台灣人的面子】。
最慘係同台灣人講野,話明我係香港人.. (果個人最中意用普通話注音), 10個字有9個字都唔明

因為,我係AIon打唔到九方.. 很不幸
令到我好似玩單機game..
我更常常比台灣人 干我媽媽... 唉 - -  
佢地個個台灣人9成都係得 小學3年班既英文程度.. 好失望囉
我同佢講, Please wait a second。
佢同我講番 等了你一秒了,還不快點來?
有個香港人用廣東話同我講野(普通頻道),有個台灣人走埋黎同我講 【不要嘈,老子不明白,給我滾】
無奈囉 --------------------------------------------   --------------------------------------------
之後同佢講 We are speaking in Cantonese.This is not your business.
佢又講 【你說啥啊?我聽不懂英文】
佢之後狂鬧我地。
個名記得係 天XXX 之後3個字唔記得
見過幾次e種人

花濺淚

原帖由 chris0718592 於 2009-7-10 05:32 PM 發表

就係呢d心態囉,話晒都台港澳三地既人都係入面,
個個都係你呢種心態既話,
點解人地得我唔得?只會令到誤會加深,
台灣人:『港澳人不是好人!』
香港人:『台灣人不是好人!』
澳門人:『台港人不是好人!』
大家都唔 ...

Sorry,我幾時講過我係格硬用口語呢?到呢一刻玩緊我都係安份守己 都係用書面語,同埋我無對號入座,言論自由有嗎?討論區係比人討論?定係一定要個種人先可以回貼?旁人就唔可以出聲?

[ 本帖最後由 花濺淚 於 2009-7-10 10:26 PM 編輯 ]

alolun

原帖由 chris0718592 於 2009-7-10 05:32 PM 發表

就係呢d心態囉,話晒都台港澳三地既人都係入面,
個個都係你呢種心態既話,
點解人地得我唔得?只會令到誤會加深,
台灣人:『港澳人不是好人!』
香港人:『台灣人不是好人!』
澳門人:『台港人不是好人!』
大家都唔 ...

搞笑....幼稚

以前d人夠打仗啦
你唔諗下佢地點解唔讓下大家

人就係咁架啦   你比錢個乞e  睇下個乞e比唔比番d錢你

你好心 你既事  唔好咁話人

咁d台灣人黎 港服打書面  又話佢唔岩  一定要佢打口語?

外國人黎玩  又一定要打中文咁?

無謂少少野就嘈黎嘈去

最重要係 你同緊咩人講野 就用咩語言

[ 本帖最後由 alolun 於 2009-7-11 03:30 AM 編輯 ]

冰玥藍晴

其實真係有D香港人唔係好識用書面語
我自己之前玩GAME都識過D咁既人
如果見到有人打廣東話我都覺得無咩野
有時我同D FD係隊頻用廣東話傾計唔小心錯頻都係咁
其實最緊要佢地唔好白木就得啦~
尼家好多台灣人對我地香港人其實都已經無以前咁反感
反而佢地見到D簡體字既就好唔鍾意
AION真係幾多香港人玩^^
每一個國家都有唔同種類既人
唔擔保有邊一個國家無壞人
如果港澳服同台服相比我自己就比較鍾意玩台服
無他架~就係因為鍾意呀嘛!
最緊要玩得開心者~如果玩得唔開心可以選擇唔玩架^^!!
祝大家遊戲愉快~~

[ 本帖最後由 冰玥藍晴 於 2009-7-11 04:28 AM 編輯 ]

花濺淚

絕對認同以上兩位 既講法，廢話唔多講　祝大家遊戲愉快

bucien

=_=你係到講有咩用..你入game入面做和平使者囉--

By_Endy

打機都要煩,自已鍾意講咩咪講咩

樓上有人話入鄉隨俗

咁點解d外國人/內地同胞ge朋友來香港旅行

佢地仲講英文/普通話?