究竟有乜方法可以幫到我呢- -??

lieere

話說係咁嘅，我同我條女一齊左一個月，
但係呢個月我都覺得佢好似有啲野煩，
佢尋日用啲好委婉既方法問我，
如果當初我同佢表白嘅時侯，冇接受到我，
而同左第二個一齊，我會唔會等佢，
我梗係答會啦，佢又問我有乜方法令我唔會，
嗰陣我已經知道咩事- -。話說係咁嘅，係我同佢一
齊之前，有個人同我爭佢，當然佢梗係揀左條件咁好既我- -''
嗰個人當然唔會放棄啦，係呢個月不斷咁煩我條女，
話一定唔會放棄佢，又做乜又做物去自暴自棄，
話一定會等佢。我條女搵唔到解決方法，於是先問我點算，
我心諗，條友好想我地散咩- -??等等等...  佢等我都阻唔到佢，
煩住我條女就唔住- -  你等咪自己係屋企慢慢等囉，唔好阻住我地
番正題，有乜方法可以令到佢唔再等呀- -?? 佢近排真係愈來愈煩- -

紅燒牛牛﹏★

- -''  我近排都同你同有差唔多既情況..  
不過我冇理到- -

lieere

有冇人可以幫下我呀- -??

pkpalk

直接約佢出黎傾
同佢講..既然個女仔選擇左我..你到底會唔會尊重佢?
既然尊重佢...我都尊重你..但你唔好(煩)!..可以嗎..?
你認為一直不停咁提佢...你仲鍾意佢..你仲等緊佢..佢會開心咩?
佢會開心...但只在乎你既心意而唔係你既行動...
如果你真係想win我...倒不如做好朋友既角色..

當面傾係最好既..令對方明白...你唔係怕佢...係女朋友面前..表現出唔係討厭佢..你係理智的
反正你唔介意有對手...已經win左一半..
跟住落黎...如果佢仲係咁煩你...你私底下點解決..你女朋友都唔再會有意見啦
因為你已經傾過...表明你既立場(唔介意等..但唔可以煩自己女朋友)...俾足面個男仔..俾晒面個女朋友..發展成咁...係個男仔自己囉黎的..
唔好打佢...因為會幫個男仔加分..要表現得好理性..完全信任個女仔..
跟住落黎...個男仔會一d一d咁俾你女朋友扣分...最後會連朋友都做唔成..
信我..表現得理性...更會令你女朋友知道應該點做..

tomchunman27

身為佢男朋友的你
應該幫佢分擔問題
你咁拖拖拉拉法
你女朋友同你散的機會好大
但係如果你可以幫佢解決左另外果個男人
又可以得到佢芳心, 又可以令到你冇左個對手

所以快D約晒兩個, 當口解決左個問題佢
雖然你要冒住分手的危機, 但係你唔去正視, 合久必分。

lieere

問題係我完全唔識另外果個- -
都唔知點約.. 如果問條女佢一定唔比我咁做
有冇其他唔洗咁直接既方便呀??

~Ayaya~

如果你女朋友會因為另一個男生這樣而跟你分手
那你們的感情也沒什麼大不了 ....... 不要也罷
所以 , 什麼都不用作 , 最多聽她訴苦 , 給她點意見就好
怎說也是她跟那個男生之間的事情
你就算是她男朋友 , 也不宜插手
最重要還是你女友想得通
想不通的話 , 你就算作什麼事
你女友最後反而會怪你

★楓間乂零☆

你試下同你女朋友傾下啦....  叫你女朋友同個男仔講下啦    再這樣下去大家都冇好處的!!    自己又做返d野 緊張d     ...

細刀仔

留上講話叫女朋友同果條仔講 我各得唔係禁好
你子可做既就係睇你女朋友點諗
佢係真心中意你既 冇咩事可令你地fun開架
佢又想同你一齊旦佢又想另一個人去追佢既話
你會唔會你仲未夠中意佢呢(關心果隻)
一個月唔係耐 一定有d動搖
你識得(主)理 好大可能長長99

yi_0628

其實煩住你女朋友都唔緊要...
最緊要係你女朋友對你一條心...
咁就打風都打唔甩你地啦!

RashiBaBe

只要2個人係相愛~就唔會有問題~
你女朋友個心如果係你到~
人地點煩她都無用~

doghung

@.@老實講你怕咩..人地有實力搶走你GA野..味比佢
怪就怪自己輸..如果你有實力張條女好鐘意你.人地搶都槍唔到
希望幫到你..愛情如箭場..

Joeybb

比多d安全感同開心你女朋友吧..

LoSeRbyy

唔洗理個個"等"
佢要等係佢ge事..
你有你地快活..
不過你要比多d定心丸佢
你唔係要佢拒絕個個"等"
係要令佢唔在意呢個人ge存在

p.s佢煩係佢心裡面存在左呢個人
    上面話:安全感

×Ｌi〃◇

理得佢姐

個個人要鍾意你女朋友 甘你都阻止吾到架播 下話

御舞

約佢出黎~3口6面傾掂佢~
傾唔掂就對林佢~(((當然呢句係講笑的

主要既係,暗示叫佢有自知之明

似佢呢種人~我只會代佢可憐