- 閱讀權限
- 30
- 最後登錄
- 11-2-18
- 精華
- 0
- UID
- 861370
- 帖子
- 475
- 積分
- 474
- 註冊時間
- 07-4-4
- 在線時間
- 190 小時
- UID
- 861370
- 帖子
- 475
- 積分
- 474
- Good
- 45
- 註冊時間
- 07-4-4
- 在線時間
- 190 小時
|
因為VN我只玩過AIR, 所以只根據動畫嚟比評語 (比較公平嘛)
Clannad係我感受最深+最鍾意的一套, 所以寫得特別長
(因為我睇英文字幕, 所以人物全部都用上Romanji拼音)
最先接觸ge係AIR,大約係2006年睇第一次, 主要係人地介紹佢首Tori no uta比我聽, 所以先睇.
3套動畫4首OP(Clannad 同 AS分開兩首計, 但當一套動畫計)入面最好聽ge係佢
3套入面最唔明ge都係佢, 12集嚟交代4條線的確有點太趕的感覺.
加上主角同女角之間的發展不足, 個人認為感人度不足, 只有最尾Misuzu果度感人.
隔咗幾年後再睇返AIR, 因為知道Misuzu最尾難逃一死, 所以反而比第一次睇更傷感.
但都只係傷感only.
今年年頭睇完AB!, 突然醒起Key社3大催淚彈只係睇咗一套, 所以"的"起心肝睇埋其餘果兩套.
就係咁我就中咗Key社最大的催淚彈 - Clannad.
老實講, Clannad第一季開頭都幾公式化下.
內容不離"Sunohara去挑戰Tomoyo之後被打飛" & "Okazaki幫Nagisa組戲劇社".
去到Fuko線,整體結構開始有D變化. 知道Fuko的身世後對佢為Ibuki Sensei所做GE嘢有感動過, 但係未至於喊出嚟.
Kotomi果度只有最尾開箱+箱子環遊世界 叫做有傷感LOR. 前面太多嘢講.
Nagisa係第一季的故事我反而無咩感覺, 最唔入戲係佢.
作為Key社3大催淚彈, 個人認為Clannad第一季未能背負其名.
反而笑位十分充足:
Sunohara對Tomoyo/ Okazaki開ge/ 偽yuri/ Fuko亂入等等, 全部都係笑得出的笑位.
之後去到AS, 可以話先至係戲肉.
第一集純粹係玩下+Bridging, 可以無視.
Sunohara線去到最尾Sunohara終於肯理下佢阿妹, 動了神經線.
到兩個老死打起上嚟果陣, 真係有一刻想喊.
不過諗到Okazaki講咗咁多大話嚟昆佢, 真係唔值得幫.
Misae線開始去到話Shima-kun死咗, 已經知道咩事, 所以唔大suprise.
Yukine線Okazaki果樣很man,打起上嚟都唔錯. 最大suprise係Yukine扮佢阿哥之後比人打咗一鎚, 之後個gang member講 "無可能會搵到Kazuto" 果一刻終於忍唔住, 喊咗出嚟.
Yoshino線無咩感覺, 好似太平凡咁.
之後Okazaki開始投身社會, 外加Nagisa終於畢業, 令我開始諗起我的校園生活都就快完結(我睇果陣係Form 6, 呢一刻係Form 7), 到底我會唔會好似佢地咁呢? 呢part可以話幾有同感.
之後Okazaki老豆令到佢無咗進升的機會, 令我更加憎佢老豆 (咁就早咗計XD). 但係Okazaki同Nagisa求婚果一幕, 絕對係出人意表. Okazaki的求婚時刻好神奇, Nagisa都出人意表地爽快咁應承咗.
第16集可以話係轉捩點, Nagisa之死完全令到我呆哂. 呆咗我15分鐘先至夠膽睇第17集. 結果Nagisa真係死咗, 而我係完全接受唔到. Okazaki 拋棄咗佢個女5年, 果一刻我真係好憎Okazaki: 你同你老豆有咩分別? 點解你要步佢後塵? 你個女只係想你讚下佢, 點解你要咁樣同佢講嘢?
第18集開頭, 你點做人阿爸咖? 我對你完全失望. 不過去到中間, Okazaki 遇到佢阿嫲, 講返佢老豆D嘢, 先知原來佢老豆唔係我想像中咁差, 佢自己都付出咗唔少. 去到最後, Ushio的一句話 "The First Thing from Daddy" (爸爸第一件送給我的禮物) 完完全全的感動了我, 淚腺全開, 眼淚直流. 當Okazaki諗返起Nagasi的時候, 前面的眼淚未流完, 新ge又嚟了.
第19集Fuko重現唔係太感動, 因為早就已經被Ushio覆蓋咗佢. 後面Okazaki搵返佢老豆傾, 終於肯認定佢老豆辛苦養大佢, 又係另一催淚位.
第20集Okazaki唱Dango Daikazoku再加上Nagisa的Flashback, 又係一個催淚位. 結尾見到Ushio 病咗, 只有OMG可言.
第21集唔洗多講, 喊到爆.
第22集, 好多人都唔鐘個Ending, 話佢Load Save/ Game Reset. 但係我就完全接受到Nagisa死咗之後再"返生" 的結局
我自己個人係咁睇:
如果你愛的人會因為你愛佢而死, 你仲會唔會因為咁而愛佢?
第16集Okazaki選擇唔會, 所以Nagisa死咗
第22集Okazaki得到光玉的力量, 可以重生選擇, 而佢選擇咗會, 所以Nagisa先無死.
雖然Okazaki得到光玉的力量,但重點仍然係在於Okazaki點選擇.
D人話Load Save/ Game Reset, 好明顯係無認真諗過. 而呢類comments 係我最唔鍾意見到 (雖然youtube有唔少)
整體而言, Clannad 第一季係一套笑點, 另加少量催淚位, 亦都係為AS鋪路. AS則係整個Clannad 的戲肉, 無論係支線定係主線, 都係可以成為催淚彈的故事.
配樂大多係果幾首, 但係首首都能做夠配合情節. 例如 Okazaki 同 Ushio果幕如果無咗"願いが叶う場所Ⅱ", Nigasa死時候唔播"渚~坂の下の別れ", 催淚效果可能無咁好. 而Okazaki係我睇過咁多動畫入面, 成長+學習最多的一個角色.
AS惟一的不足之處就係佢首ED- TORCH. 次次睇完D催淚位, 就見到Ushio鬼死咁開心咁跳步行, 一大堆人係度Moonwalk, 完全同前面的內容唔配.
Dango Daikazoku (第一季ED) 一開始覺得太過Moe, 唔係太鍾意. 但係睇哂成套Clannad + AS之後, 先發覺Dango Daikazoku並沒有想像中咁moe, 反而仲有D 悲. 試過上網聽Dango Daikazoku合唱版, 聽到中段角色的對白時已經喊咗出嚟. 如果呢首用埋嚟做AS的ED, 絕對比TORCH更加適合.
睇哂成套之後再翻睇, 就如AIR一樣, 因為已經知道角色的結局, 所以比起第一次睇更加傷感. 例如Fuko講ge一D對白第一次睇可能覺得無咩特別, 但係之後睇過卻特別傷心.
最後睇ge係Kanon (2006版)
因為已經受到Clannad的洗禮, 開始對呢類動畫有免疫 (其實係開始抑制力, 只會係內心(吶)喊而唔會表露出嚟 XD)
成個故事+設定係唔錯, 但係線路分佈分面有D問題.
Makato講得最完整, 但相對地過份地長, 導致其他女角的故事不足, 令後期出現趕戲的感覺
Shiori來得快, 走得亦快.
Mai的特殊能力其實應該係最有發揮之處, 但係無奈Makato線令其出現趕戲的感覺.
Nayuki的故事更加係過份地短.
Ayu可以話係Kanon的主角, 初期唔似其他女角寧寧舍舍連續幾集集中講佢, 但係集集都攝少少佢ge嘢落去.
到最後知道佢係樹上面跌落嚟, 果一刻絕對係恍然大悟+無限傷感, 但係無Clannad果陣咁勁.
男主角Yuichi 同阿虛一樣咁鐘意吐糟 (定係杉田智和本人鍾意吐糟?) ,擅長於 把妹(誤) + 失憶.
因為佢選擇咗逃避現實, 唔肯接實Ayu受傷, 所以先至會失憶/封印記憶. 可以話係劇情需要, 所以唔會因為咁而怪佢 XD
如果我係睇咗Kanon先而唔係Clannad, 比較唔會咁大, 對Kanon感受可能會更深.
但無奈正因為睇咗Clannad先先會咁比較. 好想忘記當初睇過Clannad, 之後去睇Kanon感動一次.
之後再去睇Clannad 痛快地大哭一場. 睇哂成套Clannad, 可以話人生一大遺憾, 因為少咗一套未睇過的出色作品.
總括而言, 3套的個人排名: Clannad > Kanon > Air
4首OP排名: Tori no uta > Toki wo Kizamu Uta >>>>>> Last regrets > Megumeru ~cuckool mix 2007~ |
|