唔送重點石=唔使玩??你地訓醒未呀?

黃綠先生

原帖由 Barry2006 於 2009-7-27 22:01 發表

講到尾~你只不過過度看輕呢隻GAME對洗點GE需求~你係唔可以拎呢隻GAME同你以前D GAME比~跟本兩個唔同情況~玩耐左你就知~

或者我係作為呢隻game既新手，但係我唔會睇少呢隻game對洗點既需求，
我都計好左自己會玩力體鬥士轉精智全副助薩滿再上2轉鎧龍玩坦,
so what? 前後加埋洗兩次技點兩技屬點，用得你幾多錢?
斷估玩到2轉封頂70lv你你應該座住都要玩兩個月啦掛? 真係咁貴咩?
299+229 1個月唔使1張600點，玩兩個月洗左你幾多錢呀?
Aion 月費收你 110，魔獸收幾多我唔記得, 你下下唔留點都係想用最快既時間衝上去，唔代表你唔洗點由一開始就留點玩唔到...
想快就要付出相應代價，你返工遲左起身，飛的斷估都貴過你塔巴士啦係唔係呀?

出社會做野? 咩叫做人處世我唔使係呢個板發帖教人掛?
真係咁唔願意比錢，咁我同你講啦，GC仲幫你留左最後一條器架，而家隻GAME可以雙開，你只要雙開自己帶自己，保證你你薩滿唔使重點啦?
唔會唔得啦掛?升得慢少少真係咁辛苦你?

到底係我看輕呢隻GAME對洗點既需求，定係你高左自己既人生經驗呢? 講人生好似有o的攪笑9唔搭8，起碼你可能睇高左你既打機經驗啦...
希望你再重新諗下咩叫冇必要賺既錢?

今日我唔知醒返工，衝落樓飛的15分鐘返到公司門口力保不失，人地收你60蚊，你放低15蚊落車同個司機講，我覺得你冇需要賺咁多囉~
good，呢個好，我中意。

Barry2006

力體鬥士--->全副助薩滿 用299+299~
副助薩滿--->鎧龍 用299+299~
一共$272~你認為唔貴GE話~冇計~你有米~
但係唔好諗到個個都可以拎呢個數目GE $出黎~
咁果班人係唔係唔使玩~係唔係係你眼中係一班冇$唔應該玩GAME GE人?

仲有你個例子好唔合理~人地政府係計過油價先定收費~如果人地要1000蚊一程呢個不必要GE價錢~你嘈唔嘈?

[ 本帖最後由 Barry2006 於 2009-7-27 10:38 PM 編輯 ]

黃綠先生

原帖由 傻女~欣 於 2009-7-27 22:22 發表
講真
個個都想爭取想要既野嫁啦..
為左自己方便
邊個吾為自己嫁?
邊個吾想有著數嫁
GC都會為自己囉!!!
講到好似自己吾貪咁?!!?
講爭取..吾代表係逼官方去送喎
如果吾比人講呢d野
吾好開論壇囉笨?
講到人地 ...

你地既post一個個都拎隻game同期他版比，拎隻game同其他game比，見你地要比，我先同你地比較下其他game
又係你地話台版送港版唔送，咁有幾多隻game台版同港版 setting 一樣架?
又係你地話第 2d game 唔使重點石，呢隻game要用又唔送比你，咁我咪又話比你知，其實你唔用重點石都一樣玩到囉，
咁你又比唔比下你一日三餐食既野等於人地阿庫汗既細路仔幾多日既食物呀?
你又比唔比下你老豆每個月比你既零用錢，或者你打工一個月收到既人工，等於人地內地農村幾多個月，或者可能係幾多年既收入呀?
又係你地要比，而家比完係唔中意個結果，你地會唔會再麻煩左少少呀?

仲有，你會唔會對錯左話題呀大佬? 而家我只係話比你聽，唔用重點石都練到，再唔係你都可以唔練，再唔係可以選擇唔玩，有咁多選擇，你地就係要嘈o的無謂野...
講左咁多都係唔明，唔明都算，仲要嘈，嘈都唔夠，係要係度博，博完又未滿足，又要唔睇人地講咩...

「論壇」呀，知唔知個「論」字點解呀? 議論、討論，你都冇睇過人地講咩，點「論」呀?

傻女~欣

原帖由 黃綠先生 於 2009-7-27 10:40 PM 發表


你地既post一個個都拎隻game同期他版比，拎隻game同其他game比，見你地要比，我先同你地比較下其他game
又係你地話台版送港版唔送，咁有幾多隻game台版同港版 setting 一樣架?
又係你地話第 2d game 唔使重點石 ...

哦..如果你吾開呢個post..講d野又咁串
會有人同你嘈?
你講野有道理就吾會有人博你啦
講到一定要用錢咁?
比就一定會比嫁啦
邊個吾會拎其他野去比?
吾比會得黎好?

[ 本帖最後由 傻女~欣 於 2009-7-27 10:46 PM 編輯 ]

黃綠先生

原帖由 Barry2006 於 2009-7-27 22:36 發表
力體鬥士--->全副助薩滿 用299+299~
副助薩滿--->鎧龍 用299+299~
一共$272~你認為唔貴GE話~冇計~你有米~
但係唔好諗到個個都可以拎呢個數目GE $出黎~
咁果班人係唔係唔使玩~係唔係係你眼中係一班冇$唔應該玩GAM ...

算啦，呢個話題就算再講都冇意義，我明白你有你既道理，我亦都相信你知道我想講既係乜野，
當然有人有錢，有人冇錢，玩game冇話只有好有錢既人先玩得，但係亦唔係一分錢都可以唔比就老奉玩晒所隻game既所有野，就算唔講打機，呢個世界又有幾多娛樂可以幾十蚊玩個幾兩個月呢?

我唔係為左引起罵戰需開呢個帖，我估你都唔會想為左件小事而嘈，
只係想帶出一個訊息，就係唔係一味嘈，唔好一味付和人，任何野自己諗一諗先再講，唔係就只係盲目追從。

當係我尊重您理性回帖，而且講既野我亦不得不同意係有你既道理，我就唔再答呢個帖吧，咁應該好快就會沈
只希望有睇到既人會三思文中既論點

小小赤

原帖由 Barry2006 於 2009-7-27 10:36 PM 發表
力體鬥士--->全副助薩滿 用299+299~
副助薩滿--->鎧龍 用299+299~
一共$272~你認為唔貴GE話~冇計~你有米~
但係唔好諗到個個都可以拎呢個數目GE $出黎~
咁果班人係唔係唔使玩~係唔係係你眼中係一班冇$唔應該玩GAM ...

大大，我想提提你，你睇錯左價錢啦
屬點石 -> 229點
技點石 -> 299點
兩粒相加再乘2 = 1056點~
我屋企樓下間漫畫鋪買點卡有特價，GC600點130蚊~
(我見到頭先2000FUN個公告，去佢地門市買都有特價架!)
咁260蚊有1200點，買完晒4粒點石，仲有144點剩，可以買到好多pack水飲架~

我星期六同朋友去唱k連自助餐百幾蚊位，星期日晚又有人約我去食日本野 0     0"
一個weekend食飯唱k入機鋪行一行，已經唔見左4百幾蚊啦~= 口=!!

唔通大大你唔出街，所以對幾十蚊咁敏感 0 v 0"?
比起一般娛樂，打機算幾平架啦，睇開o的啦~ > v <!

順帶一提，我頭先請有玩台版既朋友入game睇左過，雖然屬點石價錢係香港貴少少(貴左30點，即係7蚊港幣左右)
但係技點石同台版一樣價錢架!
咁台灣人都比得起錢玩，點解香港人會玩到牙痛咁聲 0    0" 早兩年我仲讀緊中學，一個星期連飯錢都有250蚊零用錢，1個月買1張點卡，都唔會太辛苦掛...

霸王卍

原帖由 黃綠先生 於 2009-7-27 02:23 PM 發表
呢兩日睇左你地咁多人講重點石既問題之後，我發現你地好多人係叫救命話唔送石就唔玩，係咁嘈生晒之前就已經有左一個天大既誤會...
30lv送既重點石，係技能重點，唔係屬性重點
你地一堆人一開始自己錯配晒屬性點既， ...

樓主講得好
世上冇野係不勞而獲的=v=

moaa

嘈嘈下距有有得送=.=

魔法之蠍

香港一開始都冇話過會比  係d傻仔係到嘈

ＳIU峰

原帖由 小小赤 於 2009-7-28 12:26 AM 發表


大大，我想提提你，你睇錯左價錢啦
屬點石 -> 229點
技點石 -> 299點
兩粒相加再乘2 = 1056點~
我屋企樓下間漫畫鋪買點卡有特價，GC600點130蚊~
(我見到頭先2000FUN個公告，去佢地門市買都有特價架!) ...

其實gc600點117蚊就有張- -
依家hk至少有一半人玩game既心態係想勁又唔想付出
就算無hkd買點 一樣可以係game度搵錢收
只係用既時間一定比其他人多

惡魔使者~~肥鬼

原帖由 ＳIU峰 於 2009-7-28 09:21 AM 發表

其實gc600點117蚊就有張- -
依家hk至少有一半人玩game既心態係想勁又唔想付出
就算無hkd買點 一樣可以係game度搵錢收
只係用既時間一定比其他人多

冇計,而家係小/中學生玩多,以前我地玩onlinegame會肯比$買月費

makeupkps

算啦~~~我相信都係一個誤會
ps 我都中招=v=
因為以為真係有重點石~~所以就無太理會=v=
不過now 諗深一層~~
官網都好似無話會送=v=
我都係聽人講會送先相信會送~~~
haha~~~~
如果一開始知道無送我實唔會咁配點=v='
不過算~~~唔理咁多
記得以前d game 都無得重置點~~~
now 舒服好多

巴塞羅文

樓主甘撚串有錢分 ?
爭取到免費石甘就最好 , 爭取唔到都無所謂
呻下有罪 ? 全香港100個打工仔有99個都呻加人工 , 你又x哂佢地好唔好 ?
而且就算送都對樓主有著數姐 , 除非樓主唔係玩家, 而係gc既槍手

ＳIU峰

原帖由 巴塞羅文 於 2009-7-28 01:46 PM 發表
樓主甘撚串有錢分 ?
爭取到免費石甘就最好 , 爭取唔到都無所謂
呻下有罪 ? 全香港100個打工仔有99個都呻加人工 , 你又x哂佢地好唔好 ?
而且就算送都對樓主有著數姐 , 除非樓主唔係玩家, 而係gc既槍手

有要求唔係問題
最大問題係佢地要求送既理由大部份都係因為自己有問題
因為自己配錯點要求gc送石<~如果你出去買飯食 自己唔小心整跌左係咪可以叫人地比返個飯你?
因為自己唔捨得買點就要求gc送石<~依家出面好多餐廳都比以前貴左10蚊up
咁你唔捨得買係咪又要求人地降價?

donpun

同意你..
我ro玩獵人 就係唔知道 加左力去到9
我去做2轉都玩左成年幾兩年
但係比起D家D game唔知點解玩ro可以玩咁耐

赤色風暴

好GAME一個
玩唔起

pchoho

玩唔起唔好玩 O_O 冇人想您玩O_O 打機係娛樂  咁娛樂係要消費 冇$消費 唔好要求多多

tszhim

有錢5賺5通益你地咩=.=

重點咁好賺既野你當gc傻咩

CH0N

訓醒了..

銀河戰國

原帖由 tszhim 於 2009-7-28 08:17 PM 發表
有錢5賺5通益你地咩=.=

重點咁好賺既野你當gc傻咩

隻game賣重點台服成年前以經有
請勿咩都入gc數