黃國共同合作VENT - FEZ 霍爾丁王國

2000FUN論壇 › 綜合論壇 › Fantasy Earth Zero › FEZ 霍爾丁王國 › 黃國共同合作VENT

樓主: beautifulhaha	go 黃國共同合作VENT [複製鏈接]

多多羅

三星高級會員

Rank: 3 Rank: 3 Rank: 3

UID: 1168592
帖子: 304
積分: 437
Good: 21
註冊時間: 08-10-31
在線時間: 575 小時

41^#

發表於 09-8-26 06:52 AM |只看該作者

個人技術都係緊要既。

團對團來講一般有以下經典輸的情況。

1. 第一波被人推爆，被人有目標打主水，要水擴召皆無，等輸。
2. 第一波被人推爆，未至主水位置，有水擴，贏擴之後被人偷塔，擴建度不及對方，輸很多。
3. 第一波，55波，敵人出死0，己方沒騎士，被推，回復到情況1 或情況2。
4，第一波，己方6，敵方四，敵人出死0，己方沒騎士，被推，回復到情況1 或情況2。
5，第一波，我7敵3 推到打到主水，對方主擴，我方殺人，直至殺人cover唔到敵擴的傷害。我方改路打塔，被敵方守軍阻止(或有死0箭塔幫助)，輸擴。

其實國戰原來有好多招可以令戰局改變。

大石責死蟹人數推線、死靈、擴塔、要塞化、巨人炸塔、人手偷塔、人手搶塔、奇美拉、包圍圍殺對手。每一招都可以見招拆招，出騎士可以插死靈巨人，爆塔剋擴塔，而且非常有效，如果簡單化來睇其實就好似剪刀石頭布，而且你可以彈弓手！人地出剪刀，你出緊布就要快快彈弓手出番石頭。

喔，如果勝負是如此簡單，FEZ就不用玩啦。原來剪刀石頭布要看得出才行，彈弓手也是需要配合！

剪刀石頭布其實包含了 1)認清對方的招數。然後-> 2)使出對應的招數，應付對方的行動。兩個步驟不停同步進行而且環環緊扣，但做得好，做得差，分別可大！第一步，其實有用VENT 有擴建已經有條件做得非常好，有死靈VENT即報位置騎士打；騎士看到對方企圖要塞化可以放侵蝕阻止；有侵蝕塔照到有小隊集結副線準備連鎖爆塔？派兵殺之。不過我感受過做得不好，不能有效認清對手的情況。由於對手可以同時出死靈又派人去打塔又可以擴地，招數是可以同時間有幾招，所以vent的對話就可以好混亂。「有死靈啊。嘩！左上支塔比人爆緊。唔夠壓啊出死靈啦！邊個亂起塔啊？踢左10lv果個主水回血。吊！邊能個飛鷹破冰啊？搵人出騎啦！嘩擴得咁慢既。又爆一支喇。暈左！打佢！邊個巨龍打暈啊？」一輪咀。

原來剪刀石頭布要看得出才行。

1) 重要資訊聽唔入耳。(低級錯失)
2) 聽得入耳都係殘缺的資料(有敵死靈你至少報個位丫)。
3) 剩係得要求冇回應跟進工作。(出騎出騎守塔守塔，叫就有人叫，從來未聽過有人回應做緊，定話唔得閒。)
4) 個個都有vent 冇打算打頻，因而少左街人以及沒有vent的團友協助。
5) 亦冇人明言應對方法(有死靈就出騎士好簡易的對應方法。有人打塔，你點做？一個個去送死，定約埋兩隊先去打？兩支塔比人打守邊支先？人地要塞化之後係唔係出巨人爆？定係放棄果條路？定係打穿箭塔陣，令箭塔陣荒廢？)
6) 甚少成功預料對方行動。(稍後再討論)

當然，所謂的街人，都在埋頭打敵人、瞄準、捉小跳、挖水，對方出剪刀石頭布也看不出來啦，小地圖、軍頻和vent都不用理，有vent的團當中也存在街人。

彈弓手也是需要配合(一個團的配合程度)！

兩個步驟不停同步進行而且環環緊扣的。出招要人數配合，如何配合變招彈弓手，可以決定一個團的質素。又應用最低人數低配合需求的戰略作例子：出死靈幫肋推線。不計水工的話，只需要一人就可以實行，應對方法也是，出騎士，不計水工的話，只需要一人就可以實行。可是質素低的團體，往往就出不了一隻騎士。最低人數低配合需求的戰略例子二：死靈加兩三隻騎士。對質素低的團體已經是要命的組合……因為要應就要出幾隻騎士啊….vent內傳出「對面隻死靈玩左好耐喇…」。最低人數低配合需求的戰略例子三：老鼠。Vent:「支塔比佢打左一半喇，條仆街合左塔石！」。最低人數低配合需求的戰略例子四：兩隻老鼠。Vent:「吊我守果支塔比人殺左兩次都未有人幫！」人數比人多，又不斷被敵方戰略壓制，如果是高度配合的戰略還輸得心服口服，不斷被低級戰略拉後腿往往令人氣餒…。有反應去應付，仍會輸「太被動」。肉隨鉆板上的玩家，令有做反應的玩家眼火爆(例子：守塔被殺者、指揮者)。人數多配合良好，已經是非常成功的團，如何具體的改善團的配合度，我不知道，希望有玩家作出有營養的討論。

除了配合度之外，一個團還有什麼素質？就是一個團的招數。話說FEZ有好多招可以出，大石責死蟹人數推線、死靈、擴塔、要塞化、巨人炸塔、人手偷塔等等，招式點出就人人都知道，不過出唔出到、招式的完成度就各個團體不同，招式的強度就成為了團隊分高下的另一指標。大石責死蟹人數推線係所有人數多既團都可以使出，不過強度有所不同，各大團都成日同樣先發大石責死蟹人數推線，所以成日會有第一波推線的出現。團打街團通常第一波已經分勝負，因為配合度太低無力回天。招式完成度高的經典例子有幻影偷塔隊。有些團更加有招式強度過低問題，例如出死靈推唔到線；偷塔隊反被殺光；守塔被偷塔殺；人地箭塔陣就出得一隻巨人。豆腐剪刀被硬包打敗了…任你變招再快也是被人屈機。有些團的技能欄中根本沒有偷塔，包圍殺人一回事，冇人夠膽主動偷塔，包圍殺人比人走甩，隻死靈唔識玩等等等等。招式的強度同團員的個人質素非常有關係。因為高強的招式往往需要高技術、高人數需求、高配合度。人數同時影響招式強度及團配合度，單兵技術反映了團的招式強度、單兵意識反映了團配合度。打國戰時，有沒有試過，又被動，反擊又沒力？「比人偷爆左5支塔先有人來守，仲要比人殺左幾件，守塔D人慢慢越來越多先趕走D偷塔隊」以上是經典招式強度及團配合度皆低的情況…守又慢，比人殺番，好喇，人夠多喇，又殺唔到D打塔者，只能”趕走…就即是團友意識及技術皆低。講緊團打團都會發生。單兵技術反映了團的招式強度的另一重要例子是出召喚，例如C團有幾個出死靈特別勁，例如SA豬仔，如果佢地出左死靈條線就會壓得好好。尼歐出奇美拉，跳大插準，時機準，有佢出奇美拉爆成機會上升，火箭兵團幻影月出奇美拉時機準，紅G團唔夠壓一定快速出死靈騎士，有時加埋巨人等等。第一波推線…係最原始但又最先進的招式。

總結一下，港服同台灣唔同，台灣以國為單位，香港以團為單位，共同VENT 其實都係為左打造一個更強的團…，此團是聯合軍好(幾個團入同一個場)，合團也好，人數方面其實已經有幾個團達到滿意的數字(EXP團、夕陽、聖殿騎士等等)。所以我覺得增強團員的技術，意識。會比聯合VENT、合團等等純粹增加人數的行為會有更明顯的進步。另外也希望人數較少的團會主出使出人數足夠使出的招(例如小隊偷塔 5個人就可以實行)，而不是直到完場都係打主線、打副線、一整場坐水。

通宵打，精神不好二千七百多字不想校對….如有錯字或不明白之處請指出。

[ 本帖最後由多多羅於 2009-8-26 07:24 AM 編輯 ]

已有 3 人評分	Good	收起理由
騙徒	+ 1	感謝分享!
dilly	+ 1	成場俾人帶住來打點會win~我十卜你
xxxxxma	+ 1

總評分: Good + 3 查看全部評分

關閉 安全驗證

黃國共同合作VENT [複製鏈接]

瀏覽過的版塊

關閉安全驗證