9月9日官網最新公告!!

MT(星）LP

o甘樣點都會易明Ｄ啦？

未來研通信---第41回
[o係比賽現場遇到o既玩家] 之卷

各位晚安. 我係Programer竹中.

雖然o係度搵緊 [品川未來研 高橋鐵男殺人事件] o既犯人 [前二]先生, 不過搵唔到之餘, 宜家呢單o野仲變成o左一個謎添. 見到搞成咁, [前田Producer]就走o黎鼓勵我, 話:[唔緊喎, 實搵到個犯o既, 千其唔好放棄, 加油呀.]

[前田]先生真係好人啊~

各位如果有任何關於[前二]先生o既情報o既話, 唔該通知番 [竹中sir].

好o勒, 爛Gag就搞到呢度為止啦...(笑)

一去到機鋪或者比賽大會, 都總會見到唔同類型o既玩家, 今日我就想揀一o的最近比較印象深o既o黎o係度同大家講下.

[其之一]

呢排去睇[日本最速決定戰]東海地區予選賽果陣, 有參賽者問我:[哈...我好似係咪o係邊度見過你o既呢?], [係咩? 可能係你睇過未來研通信o卦? (笑)], 跟住同佢傾落, 原來呢個男仔係中學生, 由好遠o既靜岡o黎到名古屋, 要洗晒o的零用錢先至o黎到呢個大賽. 唔~要咁樣o黎參加我o地o既比賽, 真係好感動.

好似佢咁, 山長水遠咁走o黎比賽o既人, 我諗都應該仲有好多. 之後, 我試下挑呢個中學生同埋其他人機, 結果俾人做到慘敗(苦笑).

我領悟到, 唔單止技術, 其實佢地對灣岸o既果份熱情都真係好強囉.

[其之二]

o係某個場, 果度對戰氣氛好旺盛, Level都好高添. 我試過走入去同大家對戰, o係C1 Out Kitanomaru隧道出口果度, 食o左一招從未試過有咁狠o既狼閘, 衰收尾. 話就話係我整呢個Program出o黎, 但係都冇諗過可以用到呢招囉(驚).

[究竟係乜水識用o的咁o既招數呀?] 望向隔個位果位人兄, 即刻打個突!

我見到一個9~10歲左右, 細細粒o既細路仔聲都唔聲咁坐o左o向度...

呢個細路, 用到o的咁o既神技...哎o也, 咁o既才能, 勁恐怖囉!

同以前o既玩家比起o黎, 我發覺到宜家都漸漸多o左o的後生仔同女生玩灣岸. 我都要俾多o的心機去製作一個令更多唔同類型o既人都可以玩得盡興o既Game先得. 唔唔.

好o勒, 下次再見啦.

～呀德～

你俾個原文我地仲好啦= ="

Siubi1104

在正在玩海港灣的沿岸長裙的人們=玩灣岸既人???

電車男2009

唔明你講咩......

呀ming

睇唔明=.="""