更新 「長」R.I.P 古龍 昨天我因你而快樂,今天我為你而傷悲

啊幽

興幸，我係1.0開始玩 樓主講既野 大部份我都試過

joe3000

明白我所講架玩家
大多數都係過來人

其實古龍武器偏向一邊係好正常
因為佢個設定出左問題

唔知大家有冇試過1lv用暗器升lv
升到你打官兵..18-20lv前後
人地用劍或刀都會6-7 exp
暗器都係得1-3
唔知係bug定係故意
所以當年暗器係最少見

直至回點轉佛升lv or 3轉

技能系統係古龍一向有問題
做成重大傷害.....
其實佢地懶...只係話你聽..呢招就係勁過前面果招啦...
內裡計算傷害架方法就算寫唔寫比你都一樣
大家知道點解嗎?
因為古龍就係一隻勇高..傷害自然高架遊戲
好少技能架傷害會取決於幾種不同架地方
可能你會話...咁攻高當然技能傷害高
但係一隻出式架online game
係有多種技能...每個技能都有用
每個技能根據唔同情況同唔同狀態黎發動最大架效果
而唔係一招打天下
P.S你地夠識咩時候用11招..咩時候用12,3,4招....道理一樣


記得當年係官兵洞.赤武洞
有人會開召喚術
然後擋住個門口等你出唔到去
出去就要比錢....我彩佢都傻..原地offline
另外風火堂(唔知有冇記錯名)係好好玩架一個地方
入面好少人升LV...因為d怪都幾勁...而且d怪又分得開(唔係講緊屈隻副堂主黎打)
但係,入面有同塔一樣架同曲異工之妙

另外古龍d音樂真係好好聽
最記得登入同快林個音樂
我每次都會跟住哼
衣服做形好多都好有特色
宜家唔係得隻馬...就係得個轉樣...無聊之極

[ 本帖最後由 joe3000 於 10-2-8 12:44 AM 編輯 ]

joe3000

其實我覺得最好玩GE
都係xx道(唔係好記得個名)
當年你要過絕情谷係要做任務
打完狂屍就係去果度升

係珠光寶器國上面同陸小鳳講野
就會入到一條好長...九曲十三彎架路
果度最好玩架係
73-90都可以係果度升
行過可以幫手加血...幫手擋..幫手打等等

另外學左妙手ge...
team埋一堆人...要加hp果時叫埋一堆人果黎
用一用妙手...爽
果度長期都有成10-20人升緊
另外果度係冇出口...同埋完成左個任務就去唔返呢條路...所以係要死返出去
永遠要修裝果時要死...但唔驚...因為你d隊友永遠會好快咁幫你治病養生

最高興架回憶
p.s 唔知幾時改版之後...你一問陸小鳳就會過左去
所以條路從此消失

幸運tom

原帖由 joe3000 於 10-1-5 10:17 PM 發表
其實我覺得最好玩GE
都係xx道(唔係好記得個名)
當年你要過絕情谷係要做任務
打完狂屍就係去果度升

係珠光寶器國上面同陸小鳳講野
就會入到一條好長...九曲十三彎架路
果度最好玩架係
73-90都可以係果度升
...

係....果時記得 有件 古蹟3 好好用 又型

joe3000

果時件古蹟衫加血最大值
好好用...但係唔係人人有
所以好多人都會用龍牙衫

因為龍牙比時間就會打到出黎
順便升下lv

[ 本帖最後由 joe3000 於 10-2-8 12:45 AM 編輯 ]

◎鋒◎

以前係金鵬打龍牙鬥快搶真係好懷念...不過離開左成4年幾真係記唔返了

頹廢o既超人

大家點可以唔..提...哥甲呀~~



個時大家咁幾努力去呢個任務呀
晚晚幾十人去..打個令呀~~

joe3000

哥甲真係好靚
同埋哥甲係其中一個例子

佢證明左點解好多玩家唔想對住隻馬同埋轉樣
當年不知有幾多人為左呢件哥甲打生打死

因為當年嚴政係可以打好耐架
個令比你感覺就係打100次出1次
但係物有所值
又型又好用

呢件衫我都唔捨得賣
一直放係銀行收埋

話說果時冇哥甲就會用東瀛武士服
P.S 有件道士衫...藍色...後面有個太極好靚架
有人想睇下就去防具店
有好多唔同架1lv衫
搵搵下就搵到
D新衫完全唔出新樣...
浪費

ngkk2000

係...以前掛狗
一夜起身幾次 -.-

頹廢o既超人

係呀~總個時岩岩...出狗仔個時....
好似要打女媧~~好似要12xlv 到先做到呢個任呀~~
又係好多人一齊打呀€~~又要叫d 高lv 人幫手呀

小地~!

古龍有得發展,gamwone唔理姐!!!
gameone只係識開發有q用,留返d玩家仲好喇

joe3000

GAMEONE所謂架開發更新咪就係出包囉
更新架野全部都係EQ同包
一D本身應該有架野就唔更新

話說當年出狗只係跟風...見人地有...自己又加埋一份...其實冇咩意義
都唔符合返個主題
家陣係古龍群俠傳

唔係幻想古龍...比條龍...又可以合體
你估係人地D回合制GAME.....

ANYWAY...當年狗果隻怪係幾難打
但係出左唔耐
入金錢幫就咩都有

話說有好多人...出左金錢幫...岩岩過左100LV
即刻唔玩古龍
因為要130LV先有狗...180LV先有馬
人地一入去就有...

金錢幫又係一樣破壞平衡架地方
搞到好多怪都冇用
P.S 其實出左幫武器好多怪都係冇用
因為打太低LV會秒

一句講哂...都係要平衡

飯桶

咁就7年.....0.2->10.0

mnbvcxz1

我記得我以前係狂c 洞用鏢狂c 慢慢鏢...
好好玩

123zxcvbnm

路過....................

小啤-v-

的確 我都好耐冇入呢個版

大概回憶永遠是美好的

古龍真係我心目中最好ONLINE GAME

116188

見你地係甘吊古龍d咩唔好咩唔好.....其實你地有冇唸過自己係最唔岩果個?
d新手一下子就唔子就唔玩呀?我由1.0開始玩去到2.0打後全部老手唔中意bringd唔識既新手
up lv有d仲開晒全頻吊新手左住晒d呢你地唔講?叫人打電話去古龍吊鬼搞到大家關係唔好你唔講?
已為高lv大晒串77果d老手你唔講?
好la幫武la 紫龍la cross 十字架la 出果時唔見你地話唔用?個個搶住用果時唔見你地有吊過gameone
叫佢唔好出d甘誇既野?佢出你地就要用呀?用左就唔好吊今日呢個局面la,出紫龍果刻大家都默認左頭果
200lv係廢嫁la,唔見你地係甘出釣魚ac果時吊古龍出紫龍?
根本每個人既貪心同私心都會搞到隻game死嫁la 睇下幾時過火位既姐,e+仲有咩好講?
我想講既係要講唔係e+講la大家都有責任
玩家:老手逼新手走,冇就隻game既進度及時提出意見
官方:為搵錢出誇張野走入一條死路 gm不力

joe3000

呢位朋架觀點我有認同架地方
亦有一d地方唔能夠認同

新手玩一陣就唔玩
呢個狀況我解釋唔到
但係好正常

話說當年我玩架時候係一班人一齊玩
周街見到架人都會幫你加佛加e2...問你幾多lv
一唔一齊升...我果個年代新手係好樂意一齊玩
但係唔明白點解某幾日開始古龍愈黎愈雜
有d人佢抽你水就得...你抽佢水就唔得
有新手問佢帶升得唔得就吊鬼
尤其係2.0打後更加明顯
所以變成強越強,弱越弱
呢點我都認同...只係冇打出黎

另外..幫eq同紫龍果方面
先唔講出左之後大家用唔用
回到最原點...點解要出呢d EQ?

玩家貪心就一定...邊個唔想升得比人快?
就算一大班玩家「要求」GAMEONE出都好
身為一隻GAME架管理人...不理後果就出埋d咁架eq
確實有唔岩架地方...任何一隻遊戲,出任務,eq係要經過思考
唔係話玩家要求咩就比咩佢
如果唔係全世界d遊戲就亂哂大龍
所以個重點問題係唔係我地用唔用
問題在於出左呢種eq

唔想用架玩家可以點?
唔用?基於我上面講架心理...
就算係有d人唔想用...你都阻止唔到果d貪心架人
見到咁多人用自然就會跟大隊...羊群心理好正常
知道出問題架人...除左希望之後更新可以改善呢個問題之外
重有咩可以做到?打後已經變左個習慣
古龍亦冇改善...只有變本加厲

所以所謂架每個人貪心同私心搞到隻game死左呢一點...我唔能夠認同
先唔講係咪每個人都貪心 (我自己開頭都覺得d eq好勁...用左一陣就會覺得好無聊...同掛機冇分別)
就算每個人都貪心...最終決定權亦係GAMEONE度
呢個就係重點

歡迎發表意見

疼嬡§小板

古龍一唔收月費果時就開始唔係好掂嫁啦...所以先係咁出包呃錢姐...
如果而家出番月費變番1.0-2.0果時  我都想嫁  最多1個月都係88蚊.... 好過而家係咁298俾人洗...

joe3000

1.0時代
古龍架月費係最平
d人話係最抵玩

但如果唔玩月費...玩點數
會好麻煩
因為1粒鍾用5點
未夠1粒鍾off一off都計你5點
任何野一off就冇左...唔知係個系統唔好...定係gameone迫你買點或月卡

ANYWAY...如果古龍好似以前咁好玩...我比錢玩月卡又有咩問題