我在黑社會的日子I～＜完＞

~傳說中的傻仔︻

原帖由 鋼牙章魚丸 於 10-4-17 03:49 PM 發表
偉偉好野!!

你對阿偉情有獨鍾A_A?

~傳說中的傻仔︻

第十六話:

「呢個係咪波哥?」

走廊裡突然有人叫我,我抬起頭看看是誰,

只望見一名中年男士,雙眼很深藏不露,樣子與葡萄有幾分相似,

(小心葡萄個大佬..佢叫史王輝....)

強哥之前的說話,突然提示我眼前的是誰人,

「有咩指教.」

「無,我就叫史王輝,收哂風話你隊我細佬WO.」

「挑,出得黎行預左,咁你想點撚樣?」

我毫不留情地駁斥,

「哈哈,幾夠雷,小心睇路呀.」

史王輝的反應出乎我意料之外,

以為與他起衝突,卻是料不到他會冷靜的離去.

但我又怎會想到在不久的日子裡,他將會弄得華興四分五裂.



「名單已經出左,請各選手到大堂睇下.」

廣播把信息帶給各參賽者,我亦走到大堂看看名單,

第一埸比賽是『中星』的炮頭,看來也是沒有太大威脅,

回頭時看見阿MAN,他望向我的眼神是像是說:你真幸運,

那自大的性格使我想快點碰上他,一報上次之仇.

走回休息室外,正想開門時卻停了一停,

「我頂..佢仲係唔係入面架..」

這使我在猶豫是否開門,心中又忍不住罵了阿偉一句,

「嘿痴..!!」

打噴嚏的聲音從後面響起,原來是阿偉,

「我頂你個肺,你做乜帶佢黎!!」

「係唔係好興奮呢,哈哈哈.」

阿偉竟然沒有當一回事,開門後便推我入去,

幸好房間內只剩下強哥、阿偉與我,何靜儀卻不知到那裡去.

「強哥.」

「點呀,緊唔緊張.」

「OK啦,除左幾個人之外,其他都好似無乜料到.」

「GOOD,比心機,我出去等睇你埸SHOW.」

「收到.」

強哥鼓勵數句之後便離開,休息室只剩下我與阿偉,

「你做乜帶佢黎!!」

阿偉卻擺出一副無辜的樣子,

「我諗住佢黎到,你既POWER會升LV姐.」

「我屌你...」

「仲屌我做乜呀,換衫啦.」

無奈之下我只能默默換衣服,準備好第一埸比賽的熱身.


「今日既第一埸,係華興既阿波對中星既炮頭!!」

站在擂台之上,各社團的擁戴者不斷歡呼,

四面也有觀眾席,更加增添各參賽者的士氣.

我把頭往上望一望,看見貴賓席的強哥正在向我微笑點頭,

(放心啦,強哥,唔會掉你架.)

強哥給予的無言支持,是我力量的來源;

比賽分為三個回合,每個回合三分鍾,

以點數計分,頭部、心胸兩點,手、腳一點,不得攻擊下陰或插眼,

除了以點數計分,亦可以直接把對方打至十秒也站不起來便為之勝利.

「阿波!!加油!!」

阿偉在台下的支持聲有如雷嗚,他媽的興奮得像失心瘋,

「我買重外圍你贏架!!」

(我屌你..原來去左落注...)

我緩緩走到擂台中間,準備開始第一埸的比賽.



看炮頭的身形只是普通的健碩,

神情卻擺出一副想殺人的表情,是想唬嚇人嗎?

「開波!!」

評判一聲令下,比賽正式開始!!

(速戰速決!!)

我以疾拳直打向他的面龐,炮頭卻像意料不及,

「啪!!」漂亮的一擊已經把炮頭擊退,

「你老母..!!」炮頭想抱回面子,

雙拳不斷揮出,希望能夠亂打亂撞之下把我擊到,

幸好我平常是有操練,他亂揮一通的拳我全數避過,

眼見炮頭的心胸露出大片空位,

「一野收你皮!!」

我把腿微微屈曲,左手撥開炮頭的拳,

「呼...!!」

右腳根稍稍旋轉,力量從腳根傳到腰間,

右拳再隨腰間轉動,直轟向炮頭的心胸前,

「碰!」右拳結實地陷入炮頭的胸口,這一拳起碼有二百磅!!

炮頭被我打得倒下,雙手掩住傷口露出痛苦的神情,

「一...九..十...」評判結束倒數,

我以兩分鍾三十七秒的時間快速地結束第一埸比賽,

「好波!!!」華興的眾人也為我而歡呼,只見炮頭如洩氣公仔,

帶著失望的表情離開,第一埸比賽獲得勝利!!

(待續)

johnchc

2分幾鐘搞點一條友真西利,何靜儀去左邊呀

DAVIS123456

死左啦

~傳說中的傻仔︻

RE JOHN:佢下期咪出番黎~

RE DAVIS:世事都比你看透了

鋼牙章魚丸

但我又怎會想到在不久的日子裡,他將會弄得華興四分五裂.

輝輝都好陰下

~傳說中的傻仔︻

原帖由 鋼牙章魚丸 於 10-4-18 03:51 PM 發表
但我又怎會想到在不久的日子裡,他將會弄得華興四分五裂.

輝輝都好陰下

做得BOSS緊要有番咁上下實力   而且將會有一個重要角色離我地而去

藍色千羽鶴

一次過睇晒好爽呢>3<

最喜歡熱血家伙的說!! 要有雷氣!!!

~傳說中的傻仔︻

原帖由 藍色千羽鶴 於 10-4-18 07:09 PM 發表
一次過睇晒好爽呢>3<

最喜歡熱血家伙的說!! 要有雷氣!!!

哈哈   希望入面既粗口同埋不良用語唔好教壞大家

多謝你既支持@.@

~傳說中的傻仔︻

第十七話:

完結第一埸比賽後,我再觀看其他人的比賽,

阿MAN、阿朗、龍仁與刀疤等人全部也順利晉級,

看來我終會與他們來個龍爭虎鬥.

是夜,我被阿偉約往餐廳吃晚飯,

在前往的途中,「姐姐仔,幾錢姐.」

一班金毛飛正在挑逗著異性,我起初以為是正常的『企街』,

豈料再望真一點,被挑逗的竟是何靜儀!!!

有沒有這樣碰巧!?上天是要玩弄我嗎?

(屌..救左佢先算..)

「喂,兄弟.」

我走過去,何靜儀的眼神好像看見救星般,

馬上躲進我的身後,這情況自然遭受惡劣的回敬,

「你老母,兄咩弟呀?你邊度架.」

「你盤我呀?」

我最討厭這些人,常常以為自己三五成群便很有勢力,

「盤你唔撚起呀!!」

金毛飛出手推我的同時,我的腿已經把他撐開,

「係唔係想開拖?」

我輕輕的瞄了他們一眼,其中一名金毛飛好像認得我,

「喂,佢咪今日幾野收左炮頭個條友.」

「唔係呀..」

「哨啦...比佢拆骨咩...」

金毛飛經過討論後,相相逃去無蹤.




再看回何靜儀,我不好意思地問她,

「你做乜又會比班傻仔圍住?」

「偉哥約左我去食飯..行行下就比人問價...」

(食飯!!阿偉都約左我食飯...條仆街又想玩野...)

阿偉的多番舉動,似乎是想我與何靜儀重修舊好,

「咁一齊行啦,我都被阿偉條撚樣約左.」

前往的途中,我們雙方亦沒有說話,

但出乎意料地氣氛很良好,這是為何呢?

到達餐廳後,聽著阿偉的瘋言瘋語,我與何靜儀相視而笑,

忽然間像燃起了我內心深處的某樣東西,

但三年前的事件就像刺激般,突然把眼前幸福的畫面斷路.

我連忙搖搖頭,把這些不好的回憶暫時驅散.





經過數日的汰選,只剩下八強的名單,

分別是我、阿MAN、龍仁、刀疤、阿朗與其餘三人,

而最觸目的一戰,相信是我與阿MAN的再次對屢,

不單止我,阿MAN的心情同樣緊張,

「一陣我就收你皮.」

阿MAN在大堂轉身離去時,向我道出這麼一句的說話.

(我等你呀..仆街...)

在休息室內,我吩咐眾人離開,

剩下我獨自一人,能夠安靜的分析戰略.

(阿MAN...!!)

我的拳頭不自覺地緊握,仇恨的力量使我的戰意提升,

這刻的我想快點上擂台,與阿MAN一決高下.





「大家好,到左八強既比賽,第一埸係華興既阿波對華興既阿MAN!!」

華興的眾人分開了兩組,就像我與阿MAN的水火不容,

「文仔!!隊死條柒頭!!」

菊花的聲音傳了過來,令我極不舒服,

阿MAN舉起手指公,示意沒問題的樣子.

「阿波,加油.」

陌生的聲音來自台下的阿朗,原來他也為我打氣,

「嗯.」

強哥,阿偉與何靜儀也來觀賽,我有意無意地望著何靜儀,

只見她的眼神像對我說:加油.

「準備!!」

評判在台中間舉起手,我與阿MAN亦已擺好架式,

「開波!!」

評判的手快速揮下,我與阿MAN的死戰亦立刻展開!

(待續)

補充資料:
盤:起底
企街:妓女

[ 本帖最後由 ~傳說中的傻仔︻ 於 10-4-19 09:43 AM 編輯 ]

鋼牙章魚丸

難道係強哥!?

DAVIS123456

死硬

~傳說中的傻仔︻

RE魚丸:乜野強哥??

RE DAVIS:邊個死緊@.@?

順便係度作出宣傳先:::

<兄弟死戰篇>將會完結   緊接而來既係  <訣別、絕望篇>

精彩既預告將會係<兄弟死戰篇>完結個時放出

小弟希望可以營造一個劇力萬均既故事  呈現係大家既眼前!!

亦都係我參賽既口號:黑道的明爭暗鬥  絕對劇力萬均!!(未投票就趕快投啦!!)

另外為左答謝突破二千大關既瀏覽數字   只要每日係我POST作出有意義既回覆或者討論

都會得到GOOD 1個@.@  每日名額有限呀   呵呵

最後希望支持開我既讀者們  可以KEEP住支持小弟  謝謝

[ 本帖最後由 ~傳說中的傻仔︻ 於 10-4-19 11:21 PM 編輯 ]

~傳說中的傻仔︻

第十八話:

相信阿MAN這刻想得與我無異,便是將對方狠狠地轟下,

由於仇恨的推動,彼此在開始的剎那已經在博命,

「碰!!碰!!碰!!」

沒有章法的戰鬥,純粹的憎恨對方,

拳頭在我們的面龐留下烙印,激烈的情況使台下觀眾也在嘩然,

「嘩..洗唔洗咁激..」

「佢地有仇呀?」

只有阿偉等人才會明白我們的舉動,這是雙方恨意的表達.

(唔得,我無佢咁多氣,博落去我會輸!)

我連忙後退,阿MAN亦料到我有此一著,

所以他不急於進攻,只是在出口術,

「咁快就莫氣啦?」

阿MAN擺出輕視的樣子時,我右腿已經快速地踢向他的面頰,

「碰!」

我在踢擊方面下過苦功,果然阿MAN在大意之下立受報應,

他被踢得暈眩,腳步顯得虛虛浮浮,

(機會!!)

我馬上衝過去,卻看見他面上突然露出奸笑,

(大獲!!)

中計了!!他虛浮的腳步是在裝出來的,

他彎下身來,一手挾緊我的腰,把我硬生生的撞在柱子,

「噴!!」我口中的鮮血灑在地下,

阿MAN還想乘勝追擊,我絕對不能讓他得手!!

我鼓起十成力道,手肘向他的背脊撞下去,

「嘩啦!!」他同時噴血,亦被迫放開我,

雙方就這樣彊持著,彼此在等待著下一次獵殺對方的機會.



「你老味!!」

阿MAN沉不住氣,故主動進攻,

他雙拳瞄準我的頭顱不斷揮出,

面對他的格鬥技術,我只能先以防守穩住.

「啪!!」

他每一拳的力道很重,我就在等待他拳力變輕的時候,

「啪...」拳力變輕了!!

(黎料!)

機會一閃即過,我當然不會放過,

蓄力的一拳由我右手發出,直往阿MAN的心胸轟去,

但阿MAN的反應亦不慢,連忙使出雙手格擋回防,

「碰!!!」

而我的拳頭直把阿MAN轟退數步,更把全埸的氣氛掀起,

「堅呀!!」

「嘩...有無咁大力..」

「文仔!!小心!!」

眾人為著我們的激戰而歡呼,而阿MAN的神色亦變得小心,

防止我突如其來的重拳,隨時能把情況一面倒.



(打順個勢先!)

阿MAN的氣勢被我壓下,我更是放手進攻,

為的是能在氣勢上壓過對方,使對手戰意下降.

拳頭在阿MAN的身上灑落,而阿MAN的防守亦密不透風,

我故意把拳力放輕,阿MAN果然中計,

「無氣啦!!?」

他立時就想反撲,可時我卻繞到他身後,

右手手臂像鐵鎖般挾制他的頸,左手則配合右手加強力道,

希望能使阿MAN加快缺氧而暈到.



但阿MAN竟然把雙手向後抱著我的腰,

使力一起往後方趺下,這姿勢是兩敗俱傷,

他希望能使我放開雙手,但我並沒有放,

「砰!」我們同時向後摔到,

我仍然出力鎖實他的頸部,他手肘就像發狂似的不斷向我腹部擊下,

「嘔..」很痛!!他的每一肘都是用盡全力,

血慢慢從我鼻孔流下,但我還是鎖實他的頸部,

「吼!!」阿MAN用盡全力的一肘,

「碰!!」我感受到我小腹快要爆開,

痛楚的驅使下我只能鬆手,然後按著腹部叫苦,

「嘔!!」阿MAN的力度足以使我嘔出黃膽水,

但我亦令他不斷呼氣吸氣,好像快要窒息的模樣,

雙方亦暫時失去戰鬥力,就看看誰回復得較快.

(待續)

補充資料:
莫氣:無氣

[ 本帖最後由 ~傳說中的傻仔︻ 於 10-4-20 09:47 AM 編輯 ]

CK

多謝分享  請繼續

鋼牙章魚丸

偉偉先係雙花紅棍

fgh14798

正呢

johnchc

呀波呀文訓低哂 偉哥代呀波出戰 win哂  其實偉哥先係主角 大家被騙了xd

~傳說中的傻仔︻

RE章魚丸:你諗得太多啦-.-

RE JOHN:你都諗得太多啦=.=

預告:

如無意外   ＜兄弟死戰篇＞將會係三日內完結

希望到下一篇　　都得到大家既支持＠。＠

鋼牙章魚丸

第十九話
當我和阿man打到冇力時
我地都倒下了
果陣,阿偉彈出黎
(仆街,打柒阿man啦)
點知...佢講左句:等我收你2條粉腸皮
(阿偉你條仆街!)
跟住屎眼同強哥係度拍手,仲一齊話:估唔到最勁係阿偉
各社團大佬都話 : 社團戰 no.1! 華興--阿偉!換言之,,雙花紅棍--華興阿偉
全場歡呼



亂 入 成 功