非人氣小說《流星神夜曲》巳重修11/60 重新開放查看 逐步修改中 暫停更新

魔法之蠍

我是新讀者 大家好

風月無痕

看到第二十九話，前段真的有點兒糟糕，但是看著你一點一點地進步也是不錯的。
因為有很多人都給評語了，我就不評了，問題大致上都係果d

TotoGong

20%1年.....5年後先寫完

TotoGong

咁多人回,我都回下先 流星Add Oil

流水星月

在這表示感謝各位對小弟的不離不棄
很感謝大家!
<流星>一作可以來到這裡 都是大家支持小弟的功勞!!

魔法之蠍

風月無痕

好了，終於看完七十九章

花了兩天時間就看完了，感覺嘛.....

打鬥劇情太多，基本上由主角一開始得到影一已經開始打，一直打到特訓打信長，信長果段真係無厘頭-_-跟住見度狂龍先生啦，冰花、迪克、綾x等等，打鬥場面幾乎未停過，即使路過一條村都要走去打下隻就瓜既龍，目的就係為左拎聲望......-_-我又唔見得打完主角變受歡迎左，好啦，唔理，繼續睇，之後去左冰結城，未到門口又打一場-_-甚麼七夜沙皇.....之後去到城之後準備玩咩武鬥比賽又準備打，但係打之前都唔比主角觀光下個城，或者拍下拖同冰花增進感情，基本上主角同冰花既感情就係出自同班同學！呢d根本上就係作者送條女比主角「卓」 玩到冰花失憶都重要對主角死心塌地，我囧左，不過無計，就當係劇情需要啦，因為好歹都係女主角-_-

好嘞，咩武鬥大會仲未開始，先比主角熱下身先，打個要爆珠先打得贏既白虎-_-打完先再打武鬥大會，目的為左咩呢？就係為左主角既好奇心.....好啦，打完一大輪，連啊哥都打埋，呢個伏筆伏左成五十幾章都未見有咩用-_-個啊哥從此消失，我好懷疑佢出場就係為左比主角打敗(謎之聲：廢話，所有敵人都係為左比主角打敗而出場既)不過呢個啊哥都算有性格，明明打贏左都話打輸，佢係得既

打完武鬥大會冰花力量強左，主角一班人既實力又提升左了，我心諗，都係時候比我回下氣啦瓜，點知唔係啵！一個神秘老伯講左d神秘野將主角傳送去xx森林，又再打過！我真係好想講句粗口，屌！ 好勒，一倫苦戰後又有兩個人加入，緋村xx同佢個妹xxx，佢個啊哥都叫好d，但個啊妹.....唔知係我miss左劇情定點，完全無印象佢講過野同出過場-_-佢啊妹個性格咁活潑，有麥理由靜咁耐？人物性格我遲d先講，講番劇情先。

咩咩森林打完，唔知主角點樣由xx森林出番去-_-無得傳送....陰功.....當佢地徒步行番出去啦。

好啦，主角打算成立家族，好似好有大志咁，呢度終於有得休息下，但作者又無寫d感情野，太無聊了，我都唔記得有咩事發生，啊係，好似到主角比帝龍通緝，派咩副將對付主角，我記得佢係用水攻既，之後又打一場，跟住唔知咩野去左搵綾x老母月神，我心諗，應該有d感情戲睇啦瓜，果然！終於比我等度 綾x同佢老母相認果度叫做有戲睇，但唔係主角喎，跟住果頭未講完呢頭個沙皇出場勒
由於太長，下一回先再繼續:smilie_:10:

[ 本帖最後由 風月無痕 於 11-5-15 10:05 PM 編輯 ]

唯進

呢幾話我都唔知回咩好.....
其實我一直覺得明明流星係為戰鬥而戰鬥，又無咩幫家族Ｄ人，我都唔明佢地個個都好尊重他又為佢賣命，一句「我加入。」全部性格改變

流水星月

原因其實- -我係到60集之前我基本上亂來....
然後  我覺得我做錯左- -

唔應該加咁多人入黎架!!!!!!!!!!!!!!!!!x10000000
好q難寫丫!!!

乜真係咁差咩-v-

[ 本帖最後由 流水星月 於 11-5-15 04:21 PM 編輯 ]

風月無痕

繼續，大家係咪好好奇我點解記得沙皇呢，原因唔係佢靚仔有型好打，而家作者作到佢死唔斷氣，食果d咩咩丸(兵糧丸？)文筆我遲下先講。連續食左兩次咩咩丸，主角班人已經打到就死咁，但係佢食一粒壯陽藥就所向無敵，我忽傾u ，好勒最後月神香左，條藍龍(唔知點解佢會出現)又死埋，綾x悲痛欲絕要為母報仇而爆發出驚人既力量@o@笨蕉~~銀牙~~~~ko~~一代十二王神之一既豆腐渣就咁玩燃猿

主角一行人既實力又提升左(lv up)@_@講下講下已經講左成五十章，剩番果二十幾章講咩呢？

星月既文筆一路都有進步，我係睇度，但係花成四十幾五十章去練筆，呢個故事一定要重練！唔係真係吸引唔度新讀者黎睇，我好老實同星月大大講，救下你篇文啦，汁汁佢仲比得下人睇，夾硬寫落去無意思，咁樣只會令你篇野好長好長先令到人地忘記你之前寫過既野，從而用新既眼光睇你，我唔知支持你果d人為左咩支持你，但係你都應該知道自己篇野好唔掂啦。

講番篇野，我真係唔知點分類你篇野，東方武俠一定唔係你，西方奇幻小說又唔似，都市玄幻故事你又太過科幻，唯一諗度既就係雜錦大燴集，好似有d日本小說感覺，因為無論係人物名招式名定武器名都好似，但係日本又無寫過呢類小說，所以我話你篇野係雜錦小說，你寫寫下又學左斗破d野，真係雜上加雜，又已經有人講過你篇野有抄襲成份，我都有睇狐忍死神海賊王，幾乎呢d知名小說既重點元素都會係你篇文度搵度影子，仲有話咩家教我無睇啦，唔知咁多，但係主角魔化個形象真係激似死神-_-或者惡魔既形象都差唔多，但係有一點我可以肯定，就係作者大大你篇野質素太低！

人地大陸小說作家都比人話故事龍頭、豬腸、鳳尾，至弊你龍頭都唔係，聽你講仲話作五百章......

講番故事，自從打完沙皇之後，十二王神好似怕左主角咁，由得主角發展家族，可以咁講，前段既故事係十二王神篇，而之後果二十章變左家族爭霸篇-_-幫你分埋，之後其實我愈睇愈無心幾睇，一來故事就睇完，二來好多打鬥場面，幾本上打鬥我都係飛黎睇，真係有心機睇既會係前四十章，雖然文筆低劣，但係睇度你有改進。

講到主角以智力取勝加瑪軍，其實都唔係話好智取，主打對鷹馬果場戰鬥都係靠全主實力打，只不過係大體上用左智慧，一百萬人打到等番幾萬人(唔係好記得)，而主角第一次殺人既反應好冷靜(無記錯係第一次)，淨係內心調整左就算，比人感覺主角好冷酷無情，啊，不如講下人物性格，故事內容都無咩好講了。

太多，下一回再講~

[ 本帖最後由 風月無痕 於 11-5-15 10:09 PM 編輯 ]

流水星月

還是說缺少感情野@v@

流水星月

喔....其實我是打算...
將這篇文先設定2xx權限

然後將前面全部重寫...

拉特基斯．旦尼

@@  高手出沒 講野好有霸氣

風月無痕

人物性格，主角神劍舞流星，點講好呢，我諗星月大大好想寫主角係一個正義感好強既人，為左消滅十二王神而努力，但係中途又揭發左佢係惡魔一族既人，以主角當時既反應黎睇佢的確係一個咁既人，當知道朋友唔介意佢既真實身份後，主角繼續以打倒十二王神為目標。

其實我覺得星月大大描述主角性格不足，唔單止係主角，其他配角都係一樣，一個好既小說既主角可以引起讀者既興趣，就好似死神個一護，佢係好多場戰鬥入面都強調「唔係為左勝利而戰，係非勝不可！」我覺得星月大大筆下既主角就係欠缺左呢樣情感。

又例如狐忍主角鳴門，其實佢有自己一套正義理念，但因為自出生以來被人冷眼對待，從而令到佢對世俗觀點有所不同，由一開始以「我要成為火影」既動力推動鳴門成長，到後期成為木葉村既救世主，得到眾人既認同，我諗呢個時候做唔做火影對鳴門黎講已經唔重要。

我覺得星月大大呢套做事幾似海賊王，一開頭d劇情都係有d亂黎，一路將志同道合既人拉埋一齊，但係不同既係海賊王故事架構好好，有好多幻想空間，唔同星月大大既文，雖然星月大大既世界觀都好大，十二王神只係打敗左其中一個，但係就比我感覺太雜了，太多花多眼亂既思想，從而令到整個故事都係打打打，由頭打到落尾。

好勒，講下狂龍，狂龍一角一路都覺得佢好型，而且冷漠，我亦睇得出星月大大想創造一個咩角色比主角差遣，由狂龍露出真正身份睇黎，佢之前係王者身邊既左右手，到左而家成為流星既左右手，月牙一角既份量無容置疑係極重，我亦都可以體諒中期形容得佢比主角厲害為左咩，狂龍既隱忍到爆發真正實力一直都吸引我既注意，講真我幾鍾意狂龍呢個角色，但係換左月牙身份之後，星月大大對月牙好似有d偏心，我本來以為佢會搶奪主角鋒芒，成為主角進步既動力，但係原來我諗錯左，月牙始終都係好識得隱忍，佢甘心為左主角做一個沉默既角色，或者可以咁講，以星月大大既筆力，無法將月牙一角發揮出佢真正既實力，我恨啊。

冰花，呢個初時比我感覺很靚妹的角色，毫無疑問，我認為眾多主角之中，冰花一角係取活躍既，由一開始不斷騷擾主角，考驗主角既定力，到左佢失憶，變成一個對事冷淡同文靜既人，前後既變化都令到佢係故事入面好活躍，甚至討人喜歡，然而，最令人費解既係佢對流星既感情，究竟佢鍾意流星d咩？就係因為係同班同學？青梅竹馬？孩童幼稚既感情到左經歷苦難完全一心一意，我覺得有點兒做假，或者星月大大突然寫一個陰謀論比冰花既話會帶起讀者興趣，一個一直潛伏係主角身邊既十二王神，仲失埋憶添，好似洪武三十二入面個敖笑風咁，嘩，諗起都正 。

迪克，比我感覺似路人，但佢實力又唔簡單，呢個又係星月你既錯，無好好發揮呢個角色，或者敖笑風一角可以由佢擔任哩@_@

仲有其他角色我印象不深，所以我就唔多講啦，最後想講星月大大你故事入面既角色要好好利用，多諗一d新意野，既然已經「抄考」左一d

動漫既野，我諗支持你既人都唔介意你借電視劇集d橋既 言盡於此，希望星月大大文筆會更上一層樓。

[ 本帖最後由 風月無痕 於 11-5-15 09:57 PM 編輯 ]

流水星月

其實我知道>..

我根本冇本事去寫主角有咁多人-v-

流水星月

老實講句

70集之後難看嗎?

風月無痕

七十集之後我無咩動力睇，但係個拍賣會寫得唔錯，間中比鬥下身家多少都幾好睇，但後來又變左打-_-

魔法之蠍

原帖由 風月無痕 於 11-5-15 05:22 PM 發表
人物性格，主角神劍舞流星，點講好呢，我諗星月大大好想寫主角係一個正義感好強既人，為左消滅十二王神而努力，但係中途又揭發左佢係惡魔一族既人，以主角當時既反應黎睇佢的確係一個咁既人，當知道朋友唔介意佢既真 ...

格行好WO


有無人幫佢格行

((我要睇)

風月無痕

改左了@_@會唔會好d...

流水星月

修改左頭6集
會不會好一些?