食環署專門恰阿伯 無人性 有片

天地林輝

「冇錢就攞綜援 唔可以擺檔」食署趕絕擦鞋阿伯
http://hkcdc.org/bbs/viewthread.php?tid=2918

十多販管員拉 80歲女小販, 百街坊起哄喊欺人太甚 (持牌小敗賣乾貨都拉AR~咁坽個牌黎拓?)
http://www.youtube.com/watch?v=bVl4vDE-YjY&feature=related

十食環圍跪地婆婆　途人做架倆被捕( 2010-08-18 )
http://www.youtube.com/watch?v=GkKjXvVJfpU

圍捕賣花翁食署不近人情
http://orientaldaily.on.cc/cnt/news/20090805/00176_036.html

全城責罵食環署的職員 呼籲大家係街邊見到佢地
大家一定要鬧爆佢地叫佢地番歸 收皮
一齊圍住他們  斥責他們正垃圾

爭霸者

唉~~~~~~~~~~~~~~

爭霸者

酌情好D既~~~~~~~~~

壺一v一

原帖由 hkkkfcvv 於 11-4-11 08:26 PM 發表

唔係既 法律不在乎人情姐
下下咁 玩死人咩 人地都係搵食姐
又唔係偷 又唔係搶 都做左30年 養五口 都七十幾歲
唔通真係要迫人迫到跳樓先開心

打政府工, 唔做野又比你屌 做左野又比你屌
雖然如果我都覺得好無人情味
但平心講句, 佢地無做錯
-------------------
捉就應該 唔捉就人情
呢個故事係叫人讀多D書
~~~~~~~~~~~
P.S 口口聲聲屌食環, 搞到現在可能某D人出路打政府工去做食環都唔敢去了
唉, 唯恐天下不亂

[ 本帖最後由 壺一v一 於 11-4-12 10:38 AM 編輯 ]

woodylo

生存係呢個世界就要跟遊戲規則
個個都搬人情出黎講
不如讀多d書自己立法啦
現實係殘酷既,呢類事日日都有,更慘更可憐都有
要怪怪自己

-得閒仔~

是咁架啦....

石獅子

緊係捉d 老野先
易捉d嗎....

hkkkfcvv

http://www.youtube.com/watch?v=rXxpDNSaKdI&feature=topvideos

不滅的靈魂

好心佢個女啦 長女 18歲無業
是但搵份工幫下佢老豆都好啦
唉 真係.....

麥艾克斯

原帖由 天地林輝 於 11-4-12 05:27 AM 發表
最大問題係食環署班垃圾職員 選擇性執法  拉人
周圍有好多小販 個個唔拉
淨係拉個位阿伯
你地知唔知食環署班垃圾職員幾仆街

我投訴阿A, 你走去同我拉阿B?
我唔屌到你反艇?
你估你去到想拉邊個拉邊個啊?
香港地投訴者係大撚晒嘎嘛! 佢話要捉邊個就捉9邊個, 要搞掂個Order, 做完再做其他
成撚日掛住句選擇性執法, 係呀, 真係選擇性啦. 手頭case一大疊, fehd幫辦頂撚住d投訴人, 隔二三日先捉一次. 你覺得好撚多只係證明你無知
阿伯慘就慘在出左名, 人怕出名豬怕肥. 所以暗下底一定有d撚樣玩針對投訴佢
同阿曾生個情況一撚樣, 乜春野有你無你都賴9佢. 生仔唔出都係特首問題. 點解? 因為佢目標大囉

麥艾克斯

原帖由 天地林輝 於 11-4-12 05:29 AM 發表
「冇錢就攞綜援 唔可以擺檔」食署趕絕擦鞋阿伯
http://hkcdc.org/bbs/viewthread.php?tid=2918

十多販管員拉 80歲女小販, 百街坊起哄喊欺人太甚 (持牌小敗賣乾貨都拉AR~咁坽個牌黎拓?)
http://www.youtub ...

「冇錢就攞綜援 唔可以擺檔」食署趕絕擦鞋阿伯
阿伯擺檔犯法大家都難做, 但幾十歲人可以點, 職員勸佢攞綜援都合理. 一黎唔使犯法, 二來可以休息下.
如果個對象係你咁十幾二十既憤青, 職員會叫你攞綜援? 食屎啦

十多販管員拉 80歲女小販, 百街坊起哄喊欺人太甚 (持牌小敗賣乾貨都拉AR~咁坽個牌黎拓?)
賣乾貨濕貨定係小食, 流動還是固定. 小販牌上面寫得清清楚楚. 你個牌唔係賣個樣你走去賣個樣仲係你大條道理? 你無知唔怪你, 但乜撚野叫”坽個牌黎拓?” 無知仲要聲大兼夾惡?
個小販見人賣乾貨好賺, 入d貨想搵甜頭. 人地見佢擄過界, 暗下底投訴佢. Fehd來到勸佢收返埋然後走左, 佢費事扎死貨, 繼續想賣埋佢. 到fehd返轉頭佢都未去晒d貨仲係度賣緊. 咁點撚樣? 繼續當見唔到?.

十食環圍跪地婆婆　途人做架倆被捕( 2010-08-18 )
惻隱之心人皆有之, 尤其係d年老小販,  情理上fehd搞佢自己都唔願意, 仲要俾d憤青屌上天花板.
但犯左法就係犯左法. 大罪差人做野, 小事咪fehd做野囉. 跪一跪話唔拉就唔拉, 咁我跪一跪叫你去死你去唔去死? 香港玩撚完啦咁. 使唔使10個fehd特遣隊跪返個阿婆先可以做野?
做架倆個市民未必係個壞人, 佢都係想幫個阿婆, 但明顯佢係無腦不分青紅皂白. 衝動係解決唔到問題.

圍捕賣花翁食署不近人情
阻街同小販問題係fehd當中分屬唔同範疇, 阻街係由食環署分區辦事處統籌行動, 小販問題係由小販管理特遣隊負責行動. 特遣隊係唔會做阻街case的.
市民同情個阿伯係可以理解, 但又係知d唔知d, 走去同小販管理特遣隊嘈個阿伯無阻街, 然後話小販隊態度惡劣, 要報警. 但點惡劣無人講得出. 經報紙佬寫一寫, 一篇煽情報導又出爐.


全城責罵食環署的職員 呼籲大家係街邊見到佢地
大家一定要鬧爆佢地叫佢地番歸 收皮
一齊圍住他們  斥責他們正垃圾
你最後呢堆字我都費事回, 好似人地殺你老竇咁
如果你老母係做fehd小販隊, 你仲會唔會咁樣講?
我唸你起碼都會了解左佢難處先出聲.
你今日識得搵fehd捉小販既報導出黎, 點解你又唔搵埋fehd捉小販被人襲擊既新聞? 你又選擇性批判?
理性客觀d吧, fehd係小販處理手法上或者仲有改善空間, 但某d人犯左法都係事實, 唔好屌到d前線人員好似千古罪人咁. 無咁既必要.
我想講, 我唔係盲目撐執法人員. 老實講我都希望佢地可以再鬆手d.
我係呢d現場, 都會企出黎同fehd求情. 不過我唔會亂來, 因為事實上係有人犯左法, 拉係道理唔拉係人情.
Fehd想走盞都要個場合合適. 人少少唔多覺走犯就走犯, 唔報上去無人知.
成班人係度圍觀又拍片單野揚開晒, 就算fehd本來想放個小販一馬唔做, 係咁既情況下都唔得啦. 個班暗下底唯恐天下不亂既仆街唔會罷休

[ 本帖最後由 麥艾克斯 於 11-4-12 05:13 PM 編輯 ]

新生走犯

食環署班垃圾職員幾仆街

天空上的一顆星

又係水果日報

麥艾克斯

原帖由 新生走犯 於 11-4-12 05:08 PM 發表
食環署班垃圾職員幾仆街

係呀, 香港既未來靠晒你班棟樑了真係...

狂～雪龍

係度斷人衣食 罰都唔洗罰咁密丫 比返d良心黎

b081148

如果我係食環處職員
我會埋去買個雞蛋仔-.-

〒狂龍〒

呢個係法理同人情問題,在法理,個阿伯係做錯,食環署拉佢係合法的,
在人情,個阿伯已經7x歲,靠自己咁有骨法,應該隻眼開隻眼閉,
我自己就會咁睇,應該從2者取個平衡,
假如條街唔係好多人,唔會造成阻街,如果我係執法者,
我會當睇唔到,
舉多個例子我耐不耐會係太子搭地鐵,有時係d繁忙時間真係好多人係個出口出出入入,
你呢個時候擺檔,個人都會有少少燥,
但係d無咩人既時間擺檔,我又覺得ok喎,

雖然今次睇落弱勢既係阿伯,但我地唔知頭唔知路,
又唔好咁快插d食環署d職員,
學黃子華咁講,搵食姐!煩犯呀?
如果佢地接到order有人投訴,佢地點都要做d野,
但假如係有心專足個阿伯為做夠數之類,我都會覺得有點兒那個

『黑聖』

哈哈,人地用歧視就驚,比d人呃飲呃食
人地有手有腳做野就比人拉(冇話佢無牌小販係岩)
曾生管得好,咁唔會有咁多問題出現a_a
咩事緊係入曾生,香港佢最大,決策方面都係佢,派人都係佢.佢有個好風氣會有咁多無牌小販?
無牌小販,乞丐,風氣最能夠睇出政府問題

[ 本帖最後由 『黑聖』 於 11-4-12 11:13 PM 編輯 ]

我係人你唔係

http://hk.dv.nextmedia.com/templ ... &av_id=15172867
阿伯明明有申請綜援 但係講大話啵