【理性討論第9期】單挑刪角，心態為何？

hydefaith213

本人認為單挑刪角呢種行為好小學雞
為左面子就要去刪左隻放左咁多錢同心血既角色 最on9就係一開始仲要拿呢D野去賭
我陵園出黎網吧輸賭$30-40好過 都唔想刪左隻人
我唔知大家係唔係同我一樣
不過隻人物比左我好多回憶 同埋放左好多心血同感情落去玩隻game
叫我刪角? 除非你拿住支搶指住我啦!

SIu贀

基本上挑人單挑刪角我覺得有三方面
1.國戰被人殺死還而被un
-心會有條氣頂住
-俾你圍都仲要un
-紅頻嘈完仲係唔順氣
2.為左面子為左帶頭盔:)
-心諗單挑到人刪角好威:D
-串到人地連角色都冇埋:)
3.妒忌人地套裝令到冇得再令
-可能見到人地著住套黑金.黑露曼.小熊等等
-自己冇錢買妒忌人有:@
-而想一而挑機ko佢!搞到佢冇哂D裝:)

kuok1234

玩日本game，緊係要有日本武士道精神，輸左切腹好正常

XYZ5678

係街度
見到條友
大家都唔順眼
甚至鬧交
會唔會撩人隻揪?
隻揪完
輸果個會點?
立即自殺/下次報復?
贏既又會點?
周圍同人講我打贏左邊個邊個?
-------------------------------
以上均以現實為前提,講返隻game先
game丫嘛,話明game丫嘛
係娛樂既一種(我係咁睇,可能有人唔係)
單挑刪角
只可以話係game入面其中一種打發時間,消除無聊既行為
單挑其實好多online game都有,即係1vs1既pvp
只不過其他遊戲專門有一個決鬥系統而fez極其量只有一個以團體戰為主既競技場
所以我認為單挑係好平常既一回事
至於打輸要刪角
可以話係賭注既一種,大部分game都唔會為1VS1 PVP 專門加上一個賭注系統
賭注多數都係玩家戰前雙方協議
可能係錢,裝備,神器,罕有物件
呢隻GAME,錢無用,易得既裝備少人要,神器不存在,罕有物件邊樣做得賭注
咁就得返刪角呢種最徹底既賭注
至於刪角呢種賭法我係其他GAME都有聽講過
唔止得FEZ先有單挑刪角呢樣野存在
但係FEZ單挑點解多數都係連帶刪角呢?
其實朋友或團友之間,純為練技術而單挑既情況係常見既
只不過係得單挑刪角能造成2千FUN哄動
因為呢隻GAME實在太單調,得呢D野可以抽下水食花生
唔通開個POST講下午3點某個地圖既街場攻守雙方進行左一場拉鋸戰,完左之後,大家返城買水,繼續下場混傷咁樣咩
一係就係兩個大團約戰先可以做下水帖
但宜家咁既時世仲邊有大團約戰,咁梗係單挑刪角最哄動最易上位

kennethas

佢地甘樣做 冇非都系證明自己甘做系岩
但對方 唔認同 就大打出手 或者個人品德差
想把對方立場糾正番或指出錯處 而作出這個 del角 事件掛
btw 不喜匆插

warrence

其實一開始單挑就已經不公平
各職對各職  LV對LV  上石食水與否
加上賭注又過大  輸身家
已經反映左大部分香港人的心態

FEZ是什麼遊戲? 點解吉吉仍是最強的職業?

因為這是一隻鬥智鬥力的戰場遊戲
講求整體的戰略  玩家間的配合  個人的技巧
是一隻合作打國戰的遊戲

難道忘記了打FEZ的樂趣嗎?
你日夜磨練的技術應該應用在哪裡?

關於這次刪人事件
我 你 他都有責任

一方上A石勝負已見
你贏了對戰 輸了人格
贏左仲要開帖大肆宣揚"你贏了!"
強迫別人刪角

一方實現承諾刪角
雖然勇氣可加 卻很愚蠢
輸對戰 輸埋個家 值得嗎?
看你一身青龍你應該有認真培育過吧?

最後係我地花生友
看完故事發展才懂檢討
花生雖然好味但應該阻止他們
看到人地跳樓你都會阻止佢吧?


希望以後的對戰都是技術的交流
就算輸左都請唔好刪角
始終你都有付出時間同心血
禁兩下付之流水不覺得可惜嗎?

jadekuen

哩種決鬥方式有點損人不利己..
其實除左贏左覺得自己威之外應該沒有了吧~
同埋單挑最公平
第1:唔可以上石同食水囉..
第2:同埋職業其中一方不可被剋(本身被剋覺得有信心都打得贏除外)

最後其實有時嘈還嘈
唔好真係去到咁盡話要單挑輸左刪角囉
就算真係唔打唔得既..咁都可以搵野其他野做輸既代價(例如:gash之類)
有時大家識包容下唔好小事化大...好多野都可以迎刃而解
小弟雖然唔係過來人,
但係到希望大家萬一遇到類似問題最好-- 停一停,諗一諗
大家打機都係求開心姐
試諗下同類型既事件成日都發生我相信玩家流失一定更嚴重
正所謂--- 凡事留一線,日後好相見

[ 本帖最後由 jadekuen 於 11-5-22 02:17 AM 編輯 ]

donald02hk

係講單挑刪角岩唔岩之前
等我首先發泄下對單挑要食水裝石既不滿

老老實實,玩得刪角單挑既,都係想用技術黎收人地角色山姐
但係玩到又食水又裝石咁,就已經唔係鬥技術
而係鬥邊個石多蛋多武器多
簡直完全扭曲左單挑既原意
贏左都唔光采啦

發泄完就返返正題
點解會有單挑刪角依樣野出現呢
我就覺得好多時都係因為依d原因
1. 廢事哂口水同小學雞嘈,索性用技術收佢聲
2. 唔夠人嘈,唯有借單挑刪角,等對方淆唔打而收佢聲
3. 覺得自己贏硬,所以就去搵人單挑. 人地受就可以刪佢角,唔受就可以笑佢冇膽
4. 想上位

不過當然都有d例外
好似以前電個fd電到佢嬲嬲豬 就話要同我單挑刪角
結果就當然....


再講落去就離題啦,所以都係唔講


至於岩唔岩方面呢
就真係冇得講既
一千個人心中有一千個哈姆雷特
有人可能覺得刪左隻角都冇乜所謂,最多咪練過
但亦有人會好緊張隻角

不過講真,有時d小學雞真係煩到你燥,仲要歪理當真理,覺得自己係世界中心自己岩哂咁
我覺得依個時候提出下單挑刪角就冇乜問題既            (不過比著我,我都只會叫佢單挑而唔會話刪角
不過大前提當然係你好有信心贏,亦已經預左可能會反輸而刪角個陣

不過如果係唔係都話單挑刪角就濫左d
而且風險都好大下

我玩左咁耐,非國戰個陣同人單挑就試過百幾次,但係刪角單挑呢
就好似只係得2次咁大把?!
而2次都係人地提出既

而職方面呢
未有拳手同擊劍個陣我就覺得唔同職都冇乜所謂
但係依家降p擊劍單挑真係玩哂
所以就算單挑刪角都記住同對面條友講禁擊劍啦

到走數啦
老實講我覺得走數真係好小學雞
出得黎行,預左要還
你同得人單挑刪角就預左有機會會輸然後刪角嫁啦
輸唔起就唔好學人大大聲咁答應/挑釁人 單挑刪角啦
贏就講到自己好威威,輸就即刻戴返個頭盔
輸完唔認數,又或者打個角字之後刪左佢就話自己刪左角
我覺得真係好小學雞好cheap囉

最後到花生友
係依d刪角事件食下花生就ok既
但食還食,唔好係度煽風點火啦
姐係咁
你見到有個人行緊去個坑度
你可以唔提佢食花生等佢自己跌落去or等佢自己避開
亦可以做好人提佢阻止佢跌落坑
但唔該唔好推佢落坑啦: (

最後既最後
勸籲一下
單挑可以提升個人既技術
係互相切磋,交流既好機會
咁難得有對手同你練
唔好玩到咁盡,下下都話要單挑刪角
正所謂凡事留一線,日後好相見

同埋一陣唔覺意輸左
你盞後悔,跟住唔刪角既話又會背住走數既污名
所以都係盡可能和和氣氣
你好我好大家好咁啦


一唔小心就開左字海mode

[ 本帖最後由 donald02hk 於 11-5-22 02:51 AM 編輯 ]

lovey48232

反正大多開端都係因為小氣..心胸狹窄

比人介死/比人掃忍掃出黎n次就紅頻之類

老實講尼種行為好幼稚

一係就去現實度單挑..輸左去自殺喇~

玩隻game都可以玩到禁鬼肉緊..

[ 本帖最後由 lovey48232 於 11-5-22 02:52 AM 編輯 ]

月夜魅雪

搏人注意lo
你試下下次單挑刪角唔放上2kf online有邊個同你玩

上海．

單挑刪角, 最後的嬴家是橘子
在我看來, 單挑無謂要打到咁盡
嬴左唔會多左錢, 輸左只會無面
得失並沒有等價, 只能滿足那一時的虛榮

老實講, fez係一隻講合作性既遊戲, 國戰亦都係講群體, 而唔係個體
除非你一個可以打五十個, 咁你可以唔駛理其他人

打機都係求開心, 何必搞到毫無餘地

得閒咪大家一齊打下國戰un下人囉

BTW呢排成日係人群堆比人戒, 我既初戀情人又唔係阿口米, 點解要揀我

風靜月乂

為何人們愛單挑? 因為單挑 得自己作戰 , 如果勝利 此勝利是完全屬於自己 , 成功感 / 滿足感大
部份在現實生活中 , 未必得到成功感 , 希望在遊戲中 拿得到.

但是為何要出現一個切腹式單挑? 因為有時人會覺得 , 勝利的成功感 / 滿足感 不足夠 ,
想透過加上賭博方式 , 增加刺激感 , 當勝利時 不但自己 有成功感 , 還看到對手
因敗北 而出現損失 / 傷害 , 令自己滿足感 更加大 , 覺得自己有能力影響到別人 ,
一種證明自己有強大的力量方法 , 慢慢繼續落去會變得目中無人.

因此我不支持這種遊戲方式

[ 本帖最後由 風靜月乂 於 11-5-22 04:14 AM 編輯 ]

禧尐

嘛 香港人要威 好多人打機都比其他 game影響
覺得殺死人贏人就係勁(C_O個D呢 )
所以咪咁鍾意單挑del角囉= =
贏左之後有得串人 叫人del角會威d
d人志在攞彩姐

謝曬

無咁多小學雞去1V1, 去DEL AC, 去走數你地邊得黎咁多水抽
我地要多謝D小學雞俾咁多花生我地食添WOW

[ 本帖最後由 謝曬 於 11-5-22 05:33 AM 編輯 ]

血．天使

在現實生活中找不到地位，
要在遊戲世界內表現自己的強大。
9成叫人刪角單挑者，多數自己是不敢刪的，
只是想別人不敢站出來賭，
然後就可以顯示自己的地位了。

jim511

主要都係因為香港人大多都有D不良的嗜好
就係一定要個D同自己過唔去既人(至珠死地)
從而現實世界,佢地做唔到,可以話係冇可能做到

但黎到ONLINE GAME入面,佢可以做到,
而方法就係DEL人物
雖然唔係真係殺左佢個人,但最少可以令佢冇左心愛既野

情況就好似,
我同你有仇,我唔殺你,我要殺你最心愛既人,
而我覺得最可惡既就往往係呢種情況下係會有一班人係到抽水食花生起哄
呢班人可以話係最變態

打個比方,啊A殺左啊B個女友
係過程之中有一班人就係附近,佢地不單冇去阻止,仲要O係側邊火上加油,
(我就唔信啊A會殺人啦,一定又係9UP架啦),(殺左佢啦,仲唔郁手?)
就係咁,一單殺人案就發生左,事件中有多達20人被警方帶去問話

當然你可以話,真係殺人既時候就緊係唔會仲係咁多嗲啦!
但係你又知唔知E+香港有幾多單欺凌案就係有一班花生友O系側邊多多聲氣而造成?
好心啦,網絡既信息係傳得好快,風氣都會帶到現實世界
呢D咁既睇戲心態唔係一種問題,你唔出聲,冇人話你係啞
個POST入面有一部分都係抽水,花生友既留言
要睇,都唔該你安靜D,唔通你入面戲院睇戲都係咁_多嗲既?
=======================================================================
而情況真係變成終極一戰既話,職業我覺得冇咩所謂,只要係你最熟悉既就好了
石同補品當然唔好用啦...要打,就咩都唔用,頂攻頂防就夠了

Tsuna34416912

個人覺得單挑刪角其實大多數都只不過係因為面子問題,但當終極一戰有結果後..敗方就要抉擇繼續要面還是要之前花落嘅錢

前者會比人話一時之氣/魯莽..等等衝動唔諗後果嘅描述,雖然..有人亦會欣賞佢處事堅決果斷但多數到最後都會變番前面所講咁

但係後者就多數會比人話佢走數冇口齒..等等嘅食言描述..隨時仲會被眾人VIP

當你試諗自己係做緊佢個位置果陣,你又會選擇走數?還是堅決刪角?想比人話魯莽食言還是想比人VIP?

戰敗就多數比人圍觀或恥笑,但無論勝方有幾風光都好,如果敗方真係刪角的話,咁實質上只會整走其中一個FEZ嘅收入來源..

為求自己面子同技術去令到FEZ冇左一個收入來源..諗深層,其實仲累埋其他人..雖然少少的一個玩家可能真係冇乜力,但係少左一個就真係少左

無論贏定輸都好,其實都冇必要去到呢個地步,除非真係好想脫離FEZ

有陣時退一步可能就係最好嘅解決方法

[ 本帖最後由 Tsuna34416912 於 11-5-22 05:39 AM 編輯 ]

Yuk話別

我認為有人挑起刪角果個人已經對fez心淡可有可無既野黎
加上講到要刪角我相信冇咩邊個會咁有自信咁做同接受 (加上真係要dele ac 重要有裝備)
講到要刪角1打1 食水加上石問題 我認為如果你真係重視 你可以打到 over 10min都得 (重要1 round過)
btw 對我黎講dele ac戰 係收山戰咁解 and 同現實生活有冇地位係冇關...... http://www.youtube.com/watch?v=gAeRP4YTaPo

`小爾激光OvO

為左係2KF追數而博上位

冇名的人~~

為左係2kf抽水+製造話題