（全書－完）"第十二話：無憾＃３０８（第１６頁）／#309 作者的話

~傳說中的傻仔︻

比人伏就緊架啦        一埸又一埸既街頭撕殺又黎料了

甩手甩腳      正呀

同埋灰蛇登埸   誓要玩死主角

thchan96

原帖由 ~傳說中的傻仔︻ 於 11-7-20 11:13 PM 發表
比人伏就緊架啦        一埸又一埸既街頭撕殺又黎料了

甩手甩腳      正呀

同埋灰蛇登埸   誓要玩死主角

傳說中的變態傻仔

~傳說中的傻仔︻

第十三話：藍田公屋


「呼．．．呼．．．」

車子在街道上掠過，每過一個街口時、我的心情亦愈興奮，

（兩條友坐埋傾計，我今晚拎正牌去攪掂兩條仆街，

而且地點仲要唔係老銅，事後賴哂係『盛聯』就所有野都名正言順。）

我口角稍稍向上展露，一個微笑代表我的信心十足，

但見浩飛同時亦向我露出一個笑容，我便已經知道對方的想法；

可是王子卻緊鎖眉心，似乎在思考什麼中，

「王子，諗緊咩？」

王子看一看車外的風景，然後再望著我，

「波哥，我硬係有ｄ唔放心。」

「講黎聽下。」

王子深呼吸了一口之後，雙眼露出懷疑的神色，

「大Ｄ唔係傻仔，佢攪完我地之後仲會唔會白痴到成個人棟出黎比我地陰？

而且佢仲要同阿ＭＡＮ一齊，成單野好似有Ｄ古怪。」

「震．．震！！」

這時車子震了一下，更使王子的對話增添不安，

「但係古惑仔咁要面，特別係有朵個班；

就以大Ｄ為例，佢話哂都係『東英』八掌舵之一，

如果攪完鐵打油同埋豬油之後就摺埋自己，好易比人唱唔夠『吉士』，

咁既情況之下，比我都出黎威下先啦。」

回答王子的不是我，而是在我身旁的浩飛，

浩飛回答得頭頭是道，而且我心中一早便很想幹掉大Ｄ，

先入為主的觀念使我力挺浩飛，更順便掃除心中的疑慮。





「係ＬＯ，就好似浩飛咁講，個個古惑仔都要面，

會唔會同人打幾次交就收埋自己先？

起碼以大Ｄ既性格，佢肯定係貪威識食個隻，

玩左鐵打酒佢地一獲，仲唔出黎吹到自己有幾威咩？」

我附和著浩飛，王子頓時之間只有語塞，

「咁．．．你地又講得岩既，或者係我諗多左啦。」

王子弄一弄頭髮之後，便再次問道，

「咁今晚目的地係？」

「藍田！」

藍田是觀塘的公屋區之一，八十年代以前是用於種植的地段，

而『東英』的地盤大多散落在新界地區，當然亦有九龍與香港島的地盤，

所以今晚的目的地，附近亦有大量的『東英』門生，

一個不小心的話，可能形勢會被逆轉、被伏擊的將會是我們。

但是這刻的我戰意高昂，堅信著大Ｄ是料不到我的行動是多麼迅速，

（以為攪完我Ｄ靚就無手尾跟？當我『虎旗』個名係臭四呀嘛？

我就睇下你呢個掌舵今晚係唔係咁撚堅，等我一獲攪正你條仆街大Ｄ！）

古惑仔就要愛面子，為了面子與地位可以小事化大，

我亦是其中一名典形的小混混，為了手下受襲、我決意要把大Ｄ幹掉，

一條生命竟比不上虛名，這是可笑、還是可悲？

眼見車子向目的地愈駛愈近，我更是把精神集中，

「呀！」

可時王子無故叫了一聲，我立刻了解發生什麼事情，

「王子，咩料！？」






這時王子把充滿疑惑的眼神望出車外，他更把頭伸出外面，

然後數秒過後便收回來，但整個也是不安的面容。

「王子！！」

我再叫一聲，這時他才回過魂來，

「波．．波哥。」

「發生咩事？」

王子的眉頭鎖得更緊，但他這時卻只是搖一搖頭，

「應該係我認錯．．．．．．無事，波哥。」

「真係無事？」

「嗯。」

眼見王子的神情放鬆，應該也沒有什麼事情，

而一座座的公屋已經呈現眼前，相信已進入了藍田的市區。

「浩飛，打比豬油，問下大Ｄ條仆街係邊。」

「收到。」

浩飛拿出電話並致電豬油，但是卻打不通，

「打唔通呀，波哥。」

「屌，再試多幾次。」

浩飛再次致電，但結果仍是一樣。

「唔撚係呀，埋門一腳先搵唔到人！？砰！！」

心情由剛才的興奮，一瞬間趺進失望的黑洞裡，

我更是一腳伸向門邊，狠狠地發洩憤怒的心情。

「波哥，唔洗咁騰雞；以我所知，藍田得３間酒吧，

由呢度行過去並唔算遠，叫班靚仔探左路先再ＣＡＬＬ班我地做野咪得。」

說話的正是王子，這建設性的主意使我的希望再次燃點起來，

「唔洗叫班靚，我自己去探路就得。」

「但係．．．．．．」

王子想阻止我，可是我卻一口拒絕，

「第一，我好打、如果比人伏都可以走到；

第二，班靚係咩料你同我都知，呢Ｄ野都係親力親為好Ｄ；

第三，你知我既性格，係仇人我就一定要親手去做低佢．．．．．．」

王子說不過我，只好點頭作答應狀。





「ＧＯＯＤ，咁我同另外兩條靚去探路，小西你就同王子佢地係度等我電話，ＯＫ？」

司機正正便是小西，那一次他亦有份送我逃出香港，

「收到啦，波哥。」

「波哥，醒扒呀。」

我被提醒了一句之後，便下車與另外兩名較精明的手下分道揚標，

雖然我堅信自己的決定，但這時的我並沒有發覺這是個不理智的行為。

穿過一條屋村之後，眼見前方不遠處便有一間酒吧，

（睇下有無暗位先．．．．．．）

我探望一下四周有沒有易於藏身的地點後，便往一個暗角位走去；

暗角位剛好位於酒吧的對面，但是我卻不可清楚看見內裡的情況，

因為大多數酒吧也用霧化玻璃窗，我們從外面是很難看見裡面的人，

我正想進去酒吧時，心中的理智想法卻勸停了自己。

（如果而家大模斯樣入去，比佢認到我咪走唔甩？

都係睇定Ｄ先，廢事一陣比人反咬一下。）

我伏在暗角位裡，這時酒吧的門剛好被人打開，

兩個熟悉的面孔呈現在我的眼前，那正正便是大Ｄ與阿ＭＡＮ！！

他們正在拿起酒杯，眼見大Ｄ的面似乎有點紅，

應該也是喝了不少酒，而阿ＭＡＮ亦是與以往般健碩；

（仆街，佢地真係係度，ＣＡＬＬ馬做野！！）

我拿起電話之時，背後突然刺痛起來，

「碰！碰！碰！」

數記鐵通發出的打擊落在我的背部，更使我的電話飛脫了在地上，

這時我本能地滾了向前，回頭時馬上擺好架式，

「波哥，好耐無見啦，哈哈。」

「係你！？」

（待續）

[ 本帖最後由 ~傳說中的傻仔︻ 於 11-7-22 06:39 PM 編輯 ]

a1213829

波哥變得傻仔左

凸唯而出

灰蛇撚?

NotsWater

波哥！快d爆seed打爆果3個低能！

thchan96

話左會俾人伏架啦

~傳說中的傻仔︻

第十四話：圍困


還記得在中山的時候，居住的村落遭受著一班小混混的霸佔，

他們的頭領便是『忠烈社』的烈爺，而且『忠烈社』在中國大陸擁有極大勢力；

三個月前、文烈使共產黨的高層命令香港警方緊盯本地的社團，以方便他的勢力能伸至香港，

太多太多的事情，也足以證明烈爺的能力不可忽視；

『忠烈社』的架構也充滿中國氣息，文烈之下便是十二分堂，

每堂也有一個堂主，當中更是以十二行肖作為其代表象徵，

而我很早便已經與其中一名堂主有過火花，他便是灰蛇．．．．．．

（「灰蛇哥，咁岩呀。」

薯頭的神色變得且敬且怕，這舉動已經表明來者是誰，

名為灰蛇的帶頭人，穿著一件突出心胸紋身的衣服．．．．．．）

剛才在後偷襲我的數個人，其中一個的心胸清楚紋著一條巨蛇，

蛇眼更好像它的主人般緊盯著我，想不到我會再次碰上這人。

「灰蛇，估唔到係你。」

背上的痛隱隱傳來，偷襲的一擊剛好打在肌肉間的神經線，

現在我舉起右手也感到有點吃力，戰鬥力遭受大減。

他身旁的人我也好像有點眼熟，那好像是我在中山市集時纏上的人，

「自從中山之後，我就諗緊點樣可以再見波哥你。」

在灰蛇說話的同時，我的眼珠向四周望去以找尋逃生之路，

但是想不到埋伏的不只是眼前的數人，因為四方八面不斷出現小混混，

每人也是兇神惡剎，手上的鐵通與木棍更反映眾人的殺意。

（電話！！）

我眼珠才剛望向自己的電話，卻已經被人拾起來，

「唔洗諗住打電話啦，哈哈。」





灰蛇把我的電話關掉，然後再交給他的手下，

（今次大獲．．．）

「我地『華興』上次比左五百個黎買你地ｄ炸藥，雙方有過合作基礎；

你而家黎伏我，好似唔岩情理ｗｏ？」

王子那次上中山找我之時，順便用了五百萬購買『忠烈社』的炸藥，

雖然最後也給我炸掉，但是這也不失為雙方結交的一條橋樑。

灰蛇卻搖一搖頭，食指也隨之左右擺動，

「一單還一單，有過交易唔代表唔伏得對方；

你凌成波唔係第一日出黎浦，唔會咁簡單既道理都唔識？」

灰蛇言之有理，我一時之間也說不出話來，

「無錯！！而且我地『盛聯』已經同『忠烈社』達成合作條約，

你地『華興』只不過同人做過一次生意就係度套交情，會唔會低能左ｄ呀！？」

一把熟悉的聲音從酒吧的方向發出，我回頭張望之時，

只見小混混群讓出一條路，內裡走出了兩個人；

（阿ｍａｎ，大Ｄ！！）

只見阿ｍａｎ走過去灰蛇那處打招呼，說的話更是使我吃驚，

「估唔到呢條撚樣今晚真係會黎伏我地，好彩古惑康估到。」

大Ｄ這時也作出附和，順便把手中的酒杯狠狠地摔在地上，

「砰勒！！好有古惑康，如果唔係我地今晚比人收皮都唔知呀。」

隨著這一下落地的聲響，更是把在埸眾人的情緒拉高。

（再咁落去就唔掂！！）

「大Ｄ，我地同你地個牌頭仲有合作，你而家即係擺明車馬反口！？」




我想作出最後一絲努力，以化解眼前的危機，

可是任世人如何努力，有些事情卻難以從人願；

「凌成波，你今晚帶得人黎伏我，唔通你自己又唔係想反口？」

想不到大Ｄ為人粗中帶細，這一下的反問更使我難以作出反駁，

他的面色比剛才更紅，眼裡也充滿怒火，

「如果你今晚唔黎伏我，又點會有而家既情況呀！？」

（仆街．．．我唔夠佢講！！）

知道自己吃虧在先，我也難以再振振有詞，

「嘿嘿，頭先古惑康岩岩叫我醒扒，你而家就成個人棟係我前面，世事真係好撚奇妙。」

（古惑康．．．估唔到佢真係聰明到咁．．．）

古惑康是『東英』龍頭霍驚天的近身，也是『東英』的大腦，

基本上很多的外交政策或是交涉，也是古惑康的主意；

之前『東英』乘著『華興四大』內亂，不斷吸收我們流失的人材，

雖然人數是在『華興』與『盛聯』之下，可是他們卻『貴精不貴多』，

五幹部與八掌舵的素質較之前更好，這也是屬於古惑康的功勞。

「好，就當我ｏｎ９在先，而家你同『盛聯』既人企埋一齊，又即係算點！？

『東英』八掌舵同『盛聯』四大金牌打手係酒吧飲酒，傳出去好似唔太好聽姐！」

（今次我仲唔捉正你黃腳雞！？）

正當我沾沾自喜之時，想不到大Ｄ露出一個『白痴』的神色，

「估唔到你真係ＯＮ９，我同朋友飲下酒傾下計都唔得？

唔同『牌頭』就唔可以坐埋一齊？無錯，我地的確同你地個牌頭話合作要攪正『盛聯』，

但係人地而家搵我睇下有無另外既合作機會，咁就要隊死人？

『華興』唔係小氣成咁掛，傳出去我怕比『中興』、『謝記』、『雷星』Ｄ人笑你柒咋！」




再一次的反駁，但結果是再一次的被人羞辱，

我的心情壞透了，拳頭不自覺地緊握著．．．．．．

「所以，今晚我地係名正言順咁攪正你，哈哈哈！！」

阿ＭＡＮ笑得極之狂妄，語氣更是討厭得很，

「屌你老母！！」

我大喝一聲，作勢要打向眼前的阿ＭＡＮ，

阿ＭＡＮ舉臂就擋，可是我中途變招，

目標從阿ＭＡＮ轉向灰蛇，左拳一揮而出！！

「碰！」

但是灰蛇卻早已作好準備，我的突襲沒有得手，

相反灰蛇雙手緊扣我的左臂，同時我右面傳來極大壓力，

「呼！」

我的眼珠立時向右望去，一個拳頭正往我的面孔轟來，

「逢！」

我立時把頭臚向下壓，避開大Ｄ的重擊，

但是我卻沒法閃避阿ＭＡＮ蓄力的踢擊，腹部痛感馬上傳來，

「砰！」

力道大得驚人，我下盤被硬生生地踢離，

灰蛇再配合阿ＭＡＮ的動作，捉著我的左臂把我狠狠地摔出去！

「嗚呀！」

我被摔在地上的同時，刀光劍影立時罩來，

我狼狽地滾開去以作閃避，但短短時間卻滿身掛彩，

「切！！切！！切！！」

刀鋒過、血痕留！！

我滾開之時右腳順勢作出伸踢，一人的開山刀被我踢往半空，

我雙手立時撐向地面、跳高緊握利刀，再借勢從半空中向下疾劈！！

「刷！！」

那人的頭部被我一分為二，血花立時濺往我的面上；

「凌成波．．．你今晚係咁大！！」

但我才剛站穩，阿ＭＡＮ三人卻又已經走過來．．．．．．

(待續)

牙聰xP`

又黎血淋淋 快d搵人黎幫波哥手啦

thchan96

波哥要一騎當千了

fgh14798

玩無雙啦

a1213829

!!!!!!波哥動真格拉. 投降

NotsWater

波哥開老金啦

~傳說中的傻仔︻

要下星期二再更新             請體諒

牙聰xP`

下次記得出兩集

凸唯而出

支持唔住

~傳說中的傻仔︻

第十五話：鋤大Ｄ


何謂『強者』？

『強者』能夠擊敗眼前任何的對手，但前提是『對手』很多時只有一個，

所以當『強者』要面對的『對手』不只是一個的時候，他的下場會是怎樣呢？

「刷！！」

「切！」

「碰！」

血痕愈來愈多，有些只是皮外之傷、但也不乏深可見骨的刀傷；

這情況已經是很樂觀，因為很多時我能夠避重就輕，

在千均一發之時總能避開要害，致使還能纏鬥至今。

可是我一人卻要面對三個不同社團的高手，這樂觀的情況很快便消失，

「噹！」

我把刀面向上一伸，把灰蛇的空襲化解於無形，

「嘿！」

一陣冷笑聲卻從我背面響起，然後腦後傳來一陣怪風，

「砰！」

衝擊力使我整個人飛前，然而大Ｄ的刀早已對準我的頭，

「切！！！！！！」

我只能高舉手臂以保護頭臚，換來是幾乎斷骨的刀傷，

血花在半空灑落，我忍痛同時把腿向後一抽，

「砰！」





總算給我拿回一點甜頭，把大Ｄ的身位踢移，

「『華興』紅棍王！！我睇你都係無撚用架啦！！」

有個不知名的小混混口出狂言，竟然想在旁『執雞』，

我左手扳下他的刀後，右手已經繞著他的頸並拉來自己身前，

「有撚用定無撚用，你試下咪知。」

我冷靜地說出這一句，然後用左手把倒拿的刀鋒插落他的眼眶，

「嗚呀！！」

他痛得想掙脫我，但是我的右臂猶如緊鎖般扣著他，

我沒有一下子完全插進去，而是慢慢地把刀鋒『放』入他的眼球內，

「嘩．．．佢痴架！？」

「大Ｄ．．大Ｄ哥．．．．」

周圍的小混混被我瘋狂的舉動嚇到，正正便是我想要的效果，

我再『加多兩錢肉緊』，把刀從眼眶穿過他的後腦、再向後一拖，

「沙啦．．！！」

血與腦漿混為一體，從這名小混混的半開頭臚內流出。

「凌成波．．你唔係以為咁樣就兇到我地呀嘛？」

阿ＭＡＮ身先士卒，整個龐大的身形向我衝來，

（黎啦！！）

「呼！呼！呼！」

我倆拳鋒交接，之前多次的較量亦分不出勝負、今晚可會有一個結果！？





「上，斬撚死佢！！」

「唔撚洗淆佢！！」

眾人被阿ｍａｎ的勇氣感染，立刻一湧而上，

我卻心中叫苦，只因為剩下的體力不足以支撐長時間，

還要一個不留神，阿ｍａｎ的拳擊已經往我面上散放！

「碰！碰！碰！」

我被他打得意識分散，鼻血也隨著擺動而流下，

（唔得．．．嗚．．）

我勉力高舉雙臂，因而忽略了心胸的空隙，

我從雙臂間望出去，已經隱約看見阿ｍａｎ的笑容，

「呼！！！砰！！！！！！！」

一下超過二百磅的重拳，猶如炮彈般在我的腹間炸開，

「嗚！！！！」

我的意識在這一刻完全散落，身體好像被強風吹襲而飛向後方，

「砰勒！！」

玻璃窗爆裂的聲音襯托著我的墮地，背上的玻璃碎片更是多不勝數；

原來我後方是一間婚紗店，剛才阿ｍａｎ揮出強力的一拳，

不但令我意識直接擊得崩潰，更是使我硬生生撞爆玻璃而趺進店內。

當我本能地站起來時，一股衝動從腹部傳到口內，

「嘔！！」

黃膽水混在血中，從我口內不斷吐在地上。





「凌成波！！唔撚洗扮野啦！」

首先衝進店內的是大Ｄ，我隨手拾起玻璃碎便掉向他，

「沙，沙！！」

大Ｄ冷不防我有此一著，一時之間只能用手撥開眼前的碎片，

（死就死啦！！）

我深呼吸一口氣，把快要吐出來的血吞回去，

然後用盡全身力氣跳起，把力道集中在左手的手碗上，

「呀！！」

大Ｄ看見這情況，下意識把手高舉以作出阻擋，

說時遲、那時快．．．．．．

「刷！！」

我把刀往下方斜斬，鮮血從刀柄流向刀鋒、繼而掉在地上，

「躂．．．」

一些物體從大Ｄ的手中落下，然後便是一聲慘叫，

「呀！！我Ｄ手指！！」

細心一看、大Ｄ右掌裡只剩下半隻拇指，其餘四隻手指均被我斬斷，

我鼓起最後一絲力氣，把肩膀怒撞向他的身軀，

「砰！」

大Ｄ被我撞得趺了出去，把正想衝進店內等人阻了一阻。

（嘿．．．今次我仲唔係鋤大Ｄ．．．連手指都鋤到佢斷．．）

這時我一邊擦去口角鮮血，一手按著自己痛得發麻的腹部，

並盡力把意識勉強集中，準備再次對上眼前的數十人．．．．．．

（待續）

[ 本帖最後由 ~傳說中的傻仔︻ 於 11-8-2 06:45 PM 編輯 ]

凸唯而出

到底該什麼辦?
援兵,體力,精神,..........
現在的我,一樣也沒有
帶着充滿傷痕的身驅,看着前方的數十人
這就是我的死期嗎?
-----------------------------------
嗚~~~~~~~~~~呀~~~~~~~~~!
慘叫聲不停從前方傳出,
一道熟識的身影在我眼中閃過,

他.....他.......不就是摩打哥嗎?
我靠,老子開片也要你幫?
---------------------------------------------------
全部惡搞

~傳說中的傻仔︻

原帖由 凸唯而出 於 11-8-2 08:39 PM 發表
到底該什麼辦?
援兵,體力,精神,..........
現在的我,一樣也沒有
帶着充滿傷痕的身驅,看着前方的數十人
這就是我的死期嗎?
-----------------------------------
嗚~~~~~~~~~~呀~~~~~~~~~!
慘叫聲 ...

你可能high大左=.="        我想問如果主角換左人       大家會唔會有興趣睇落去 >>(可能暗示左d野  a0a)

牙聰xP`

浩飛上位了