王者新年戶外聚會 (初三或初七)投票 - 已圓滿舉行

jack763

租單車....我不識騎   

b1265747477

租單車....我同乳酪同5識 騎單車

marcoltw

b1265747477 發表於 12-1-27 08:27 PM
租單車....我同乳酪同5識 騎單車

1. 放心放心, 大尾督這個後備選擇, 我地主力係bbq, 踩唔踩單車係其次, 可以有d人一邊燒, 有d人行出去附近好近既單車檔租一兩架玩玩一兩粒鐘. 不過我check晒openrice d評語, 大尾督d BBQ任食場平均都可能要80~100蚊一位, 希望唔需要用呢個後備啦!! 西貢那邊的bbq場無揀, 因為仲貴... 最後, 如果大家有其他後備提議亦可盡快提出或打俾我.

2. 講返首選係獅子山公園 (不是沙田紅梅谷, 係由黃大仙天馬苑行10~15分鐘, 可以禁一下面幅圖睇睇)
所以現在更正返, 集合地點係11點~11點15分 黃大仙地鐵站恆生銀行, o係黃大仙村街市買完野食就行過去.
由於藍妹會先o係10點鐘去視察有無爐位, 所以大家在10點將收到小牛的電話 / sms先出門.

3. 消費方面, 由於當日先確定到去首選定後備, 所以價錢大家預鬆少少先, 帶定150蚊或以上就安全d!
    (首選成功, 就平好多, 可能60~80蚊之間)

yau11yau2001

牛 我29/1 OK丫  龍光上

s1001007

騎單車我識a_a

魔法禁書目錄2

禁我咪要好早起身（－ｏ－）．．．．．．．．

魔法禁書目錄2

我可以提供蜜糖
買左環保碳 碳精 石紙 生命麵包
唔該你地找人拎下面的野了~.~快ｄ幫手買野啦你地！唔通大家只想燒生命麵包？

魔法禁書目錄2

有趣閒談～

marcoltw

魔法禁書目錄2 發表於 12-1-28 02:09 PM
我可以提供蜜糖
買左環保碳 碳精 石紙 生命麵包
唔該你地找人拎下面的野了~.~快ｄ幫手買野啦你地！唔通大家 ...

1. 勞工手套的貼圖正, 亦笑左~ 我睇下屋企有無吧

2. 最新出席人數: 鬱爺, 女戰, 神mon, 乳酪, 蝶蝶, 龍光, Andy, 追憶, 小牛, 藍妹

3. 聽朝龍光會犧牲自己, 冒住同菲律賓女傭 / 晨早婆婆爭位既危險, 晨早8點去霸位, 所以藍妹你可以8點打俾龍光問下有無位, 一有位就拎住部份你買左既野去坐定定先~

4. 根據你已有的東西, 看來我們11點那最大批人, 需要買的大多數係食物為主:
- 各式丸類、腸仔/香腸 執一些
- 豬、牛、雞扒一堆
- 雞中翼一堆
- 蔬菜類包括：粟米、三色椒、蕃薯、金菇、茄子、冬菇等 (另要買d錫紙)
- 你買了蜜糖, 夠錢我地就買埋沙爹 / 蒜蓉醬、牛油吧
- 那麼...藍妹你有買到/會買我說的小饅頭嗎? 另外我建議可買包棉花糖(可夾在方包中央)
- 工具/用品: 燒網, 紙杯&碟、膠叉
- 汽水/紙包飲品

仲有無其他平靚正食物想要? 另外用品有無漏, 請幫眼!!!

以下幾樣你地試過未?
[燒朱古力香蕉]
1. 將蕉皮撕開少少，然後塞幾粒純朱古力入去蕉皮與蕉肉之間的位置
2. 將蕉皮蓋上，用錫紙包好，再放在火推旁燴十五分鐘
點好食法？
朱古力和蕉肉被燒成半熔狀態，兩種味道加起來，真係冇諗過咁好食！
注意： 純朱古力粒要整成細細粒，因為太大粒會好難熔。另外，將放朱古力一面擺向火，效果就會更加好。

[燒牛油冬菇]
1. 用大大隻的鮮冬菇，塗上大量牛油
2. 用錫紙包好放在火推旁燴十五分鐘
點好食法？
如果你一向都喜歡食鮮冬菇，這種食法就真係一流！
牛油的香味與鮮冬菇的鮮味簡直是絕配。
如果你喜歡蒜茸味，加上蒜茸一起燴味道亦好好。
注意： 冬菇都幾易燒焦，所以要加倍留意火候。

[燒芝士茄子]
1. 將茄子切成一舊舊，然後舖上適合大小的片裝芝士
2. 將茄子燒成金黃色，就可以挖茄子肉出來食

[焗什菇 & 焗三寶 ]
1. 用你中意食0既菇放埋一齊, 加d蒜茸同油,用錫紙包住焗
2. 用青,紅及黃椒, 加沙爹醬, 用錫紙包全焗.

y12233322

吸引到爆炸!

魔法禁書目錄2

一 股 冬 季 季 候 風 補 充 已 抵 達 廣 東 沿 岸 地 區 。
本 港 今 晨 有 薄 霧 ， 港 內 能 見 度 在 5000 米 以 下 。
本 港 地 區 今 日 天 氣 預 測
初 時 有 薄 霧 。 早 上 天 氣 相 當 清 涼 。 日 間 部 分 時 間 有 陽 光 ，
最 高 氣 溫 約 18 度 。 吹 和 緩 北 至 東 北 風 。

marcoltw

29/1 順利舉行BBQ活動, 同場更加映王者新春LV1大亂鬥, 好吃又好玩~
希望下次再同各位王者兄弟一齊出黎玩~ (女戰建議 踩單車 / 行山 / 打機+食飯等)

在此特別多謝龍光當日晨早8點幾就去到霸爐(仲要好彩地找到差不多最後1個爐位)
仲有住得好遠、車程近2.5小時的女戰不怕辛苦出來,
以及大家都幫手買野、拎野~
可惜的是Andy+佢兩個囡囡, 霸天爺、賢仔、莎士等人因事未能出席, 希望下次有機會一齊玩啦!!!

以下為當日精選相片:


1. 買野、起爐搞左一大輪，終於食得啦!!!


2. o野食雖不算豪華，不過好健康，有菜又瓜又有肉~


3. 中途加第2包環保炭的"核心炭", 出現七尺巨火~~~


4. 真人K1 PVP !? 仲要以1敵2呀~~~


5. 實情係某君俾某2~3個賤人強奪手機......"肉麻短訊大公開"??


6. 難得咁多人出黎玩聚首一堂, 新年流流當然整張"仝人祝賀"廣告相先啦!!


7. 時間尚早, 行去附近的網吧再玩玩, 途經一間名字幾有趣的腸粉店(英文名可能係Elaine )


8. 頭場1等大亂鬥, 年紀輕輕的乳酪...技壓群雄呢~~~


9. 第2場形勢大逆轉, 差不多大部份人都係死傷慘重...只係鬥邊個死得少,


10. 晚上小牛與蝶蝶、女戰意猶未盡，o係黃大仙既<八喜>邊吃邊吹水~
    佢地好照顧小牛, 叫左碟素菜菜式俾我, 味佳但咸左o的!


11. 多汁小籠包~~新鮮熱辣!


12. 三杯雞~又係不錯之選!!!