玩到好灰

KA2837

alvis425 發表於 12-3-5 06:22 AM
所以你唔明白咩叫團隊合作 同埋搶旗仔硬爆果種FEEL

未入戰隊打街場, 去邊度揾你所謂o既團隊合作!?

唔同自己人玩又點合作~!?

alvis425

KA2837 發表於 12-3-5 05:59 PM
果個香港閪地鐵場, 我入去唔殺人净係救人唔使15分鐘都上5000分...

咁有咩好玩...!?  ...

但你試過唔救人殺人殺到2萬1分未?
街場都好講合作 單單一樣派彈同埋派醫療包都好重要
你做好你本身 人地一樣會做好佢自己
只係街場太多人見死不救咁解

KA2837

alvis425 發表於 12-3-6 01:59 AM
但你試過唔救人殺人殺到2萬1分未?
街場都好講合作 單單一樣派彈同埋派醫療包都好重要
你做好你本身 人地 ...

你有戰隊, 幾個自己人一齊玩一齊上語音, 講嘢肯定大聲啲~

街場派包叫合作? 不如話係為咗攞多啲分~ 正常有邊個見到自己人冇血冇彈唔去派包呢~?

街場根本就你有你打, 佢有佢打, 何來合作之有!?

合作到樓主都唔會出POST啦~

殺人殺到2萬1分 = 殺咗210個? 定係話總分先? 打咩場呀?

講真吖~ 我覺得前晚你地4個同一隊, 真係好屈機, 你地排第一果個點可以做到殺幾十死幾?

真係想你地指教一下~

alvis425

KA2837 發表於 12-3-6 02:58 AM
你有戰隊, 幾個自己人一齊玩一齊上語音, 講嘢肯定大聲啲~

街場派包叫合作? 不如話係為咗攞多啲分~ 正常 ...

派彈唔叫合作? 一枝M320 有幾多粒? 無彈要周街走你知唔知失位失得幾嚴重
只係單單派彈救人派醫療包已經係BF3最基本要做既野 呢D唔叫合作叫咩?

只係救人已經好有技巧 唔係一味得個鳩禁

KA2837

alvis425 發表於 12-3-6 03:36 AM
派彈唔叫合作? 一枝M320 有幾多粒? 無彈要周街走你知唔知失位失得幾嚴重
只係單單派彈救人派醫療包已經係 ...

冇自己人一齊玩TDM用320揾邊個跟你尾派彈俾你呢? 就算你入咗小隊, 小隊入面啲人都唔識, 點會理你!?

講CQ, 尤其地鐡果個場, 3個旗位, 推完一個又一個, 推唔到就死守死CAMP, 唔使叫都識派藥箱彈箱啦, 有分吖嘛~

救人? 企埋一邊, 見有人死就救, 最緊要自己唔死, 使鬼理佢起身果下會唔會俾人射, 最好就死多幾次咁就可以救多幾次, 有分吖嘛~

咁都叫合作?

咁點解會失位呀? 就係因為對面隊有幾個小隊係FRIEND或者同戰隊囉~ 人地有溝通好自己要做啲咩囉~ 人地就算攞唔到分都要成就自己隊贏囉~

我想講, 如果冇自己人一齊玩, 根本人人都係為自己先, 就如樓主話點解仲有人等開咖啡廳支旗而唔去搶售票處~

即係話, 樓主玩到灰係多餘, 冇戰隊就唔好睇果场贏定輸, 睇自己分數就夠!

尤其打TDM唔使講咩合作, 最緊要自己殺得多, 唔使咁煩~ 所以我叫佢打TDM

TDM輸咗唔緊要, 殺得多或者做到技巧分攞到MVP就得啦~ 咁攞唔攞到就自己問題喇~

alvis425

KA2837 發表於 12-3-6 04:56 AM
冇自己人一齊玩TDM用320揾邊個跟你尾派彈俾你呢? 就算你入咗小隊, 小隊入面啲人都唔識, 點會理你!?

講CQ ...

所以我咪講左一樣 你唔知咩叫街場都可以合作囉

我打hk07同一班唔識既人玩 但人地一直有玩開 知道咩叫合作先發揮到小隊既威力
佢地會幫我cover 幫我返生 我會幫佢地開路
唔一定要係自己戰隊

無錯你係岩 自己戰隊一定合作性多好多 因為你可以叫人 但街場只要肯做 一樣照可以做到
所以咪話你只會救人拎分 唔理大局著想囉 救人你救佢明知都係害死佢 點解你仲要救佢?
呢d咪叫自私囉 入到戰隊 你咪又係一樣咁做

我就答你一個你好想知既野
果日你見到我地4個人 我地都係放開打 邊洗講到你咁復習 要傾好點打
要講到合作 真係識玩 洗咩成日出聲

KA2837

alvis425 發表於 12-3-6 07:16 AM
所以我咪講左一樣 你唔知咩叫街場都可以合作囉

我打hk07同一班唔識既人玩 但人地一直有玩開 知道咩叫合 ...

嘩你地真係好高手呀~

23227281

回覆 alvis425 的帖子

講到合作 真係識玩 洗咩成日出聲

呢句又幾岩我覺得 因為本身我亂入SER玩O既
咁有次同到個人拍住去爆旗~本身由輸變到贏~種FEEL唔錯 (SOR 已離題 )
前提係~同我拍果個人真係一D都唔識~係我死左~佢電起我佢死左我電起佢~拍下拍下就變左果場一齊去爆旗
所以有少少認同 "講到合作 真係識玩 洗咩成日出聲" 呢句說話

KA2837

23227281 發表於 12-3-6 01:38 PM
回覆 alvis425 的帖子

講到合作 真係識玩 洗咩成日出聲

呢啲叫好彩! 撞到個同自己有默契o既人~

但係同我所指o既合作無關囉~

認真睇下前面我啲回復, 慢慢理解一下~

唔打中文

樓上想講既其實唔係合作
而係 正確既觀念 (救人前要做咩,要放包 之類)
各位師兄唔洗晒咁多口水教佢咩叫合作啦 ......
反正講咩佢都聽唔入架啦
"當你换咗個心態去玩咁你就會玩得開心好多~" ?? 笑左
講呢句冇問題
但係講呢句既人完全冇去理解他人,
回覆就只會反對他人同堅持自己一套,冇一句顯示到佢明其他人講緊咩
佢覺得自己岩晒,其他人如果想同佢表達另一個意見會好辛苦

結論: 等個post沉啦 , 爭執落去冇意義

KA2837

唔打中文 發表於 12-3-6 07:01 PM
樓上想講既其實唔係合作
而係 正確既觀念 (救人前要做咩,要放包 之類)
各位師兄唔洗晒咁多口水教佢咩叫合 ...

唔該晒~ 你真係識理解人~

呢個POST係應該要沉...

不知不覺的

KA2837 發表於 12-3-1 01:11 PM
最憎人話"不怕神一樣的對手, 只怕豬一樣的隊友", 呢句國產語句竟然由香港人說出...

真係冇文化冇修養冇家 ...

玩lol,見自己隊個個選range或者少血偷襲形角色我就自己選返d少血偷襲形角色黎玩,偷襲形角色好處就係唔洗理隊友,有少血就搵d少血黎殺.......我就變得唔在乎輸嬴,只有乎自己殺唔殺到人,拾唔拾到雞

KA2837

不知不覺的 發表於 12-3-6 11:12 PM
玩lol,見自己隊個個選range或者少血偷襲形角色我就自己選返d少血偷襲形角色黎玩,偷襲形角色好處就係唔洗 ...

如果個個好似你咁識諗就好啦~

我有次同一位朋友一齊玩BF3大地圖, 俾對方兩個戰機高手壓住打,

我果邊冇一個肯去打呢兩架飛機, 全部唔知做緊乜, 我又唔怪得佢地, 因為呢兩機真係好癲,

射一支刺針飛彈過去, 跟本就冇用, 人地一個熱誘彈就KO你支刺針飛彈, 或者飛遠啲就LOCK都LOCK唔到~

我地果邊冇人識揸戰機, 所以一面倒~ 好多人仲話佢地兩架戰機係HACKER...

打打下我就同個FRIEND都有一個想法, 就係唔理輸嬴都要打呢兩架飛機落嚟!

方法亦都唔難, 就係我同我個FRIEND一人一支刺針飛彈,

我就射先引佢地架機放熱誘彈, 之後我個FRIEND立即再補飛!

咁我地就打落第一架飛機~ 跟住我地越戰越勇, 對面出幾架我地打幾架! 打到佢地再冇戰機出~

雖然到最後都係要輸, 而且因為我誘敵機放熱誘彈, 所以冇咩分...

但係我都玩得好開心! 亦都冇怪到其他唔識o既隊友!

因為冇佢地堅持打坦克, 冇佢地死沖爛沖死去槍旗, 都唔會話成就到我兩個打飛機...

可能你會問架地對空裝甲呢? 好多人争住用~ 可惜...

不過唔好話人, 我自己一上咗部地對空裝甲, 未射到人地架機就俾人飛過嚟KO...

pc70343

KA2837 發表於 12-3-5 12:38 AM
仲有! 返工做得唔好做錯嘢俾BOSS屌好正常, 因為有粮出!
但係大家都俾$買隻GAME玩, 點解要俾人屌~!?

自我檢討?
SOR無乜可能,因為一開game我就會入晒狀態自問做到最好

但對住一D用坦克打飛機完全唔知玩乜既隊友
我無辦法要尊重,做唔到你咁樣可以轉心態黎玩
所以玩咩mode都唔關事,TDM佢地一樣可以玩到pat屎咁,照受氣

mancal

唉見到都灰啊

mancal

唉見到都灰啊