九陰真經 遊俠請教!

tszlok

俠義值去到100就有
有小量惡行都ok 但如果多惡會變邪

寶寶Xlll

係啊...你可唔可以開個PO..講下由你新手玩到而加既心得

可以比我呢D玩極都唔識玩既人睇下呀MA..

tszlok

其實之前都有人問過有咩做 我都係其他post有講過~
我copy返比你睇啦

得閒既可能同同門切磋,踢館,實力高左可以去打禁地
每日玩生活,刺探/巡邏 搵下八卦消息 研究下奇遇
有d人仲玩下綁架/俠士
6:00玩奪/護書,8:30同10:15打門派戰
隨非你係廿四小時專業玩家,如果唔係做哂上面既野時間真用唔小

至於你話有咩心得可以分享下
咁就當吹下水啦
其實九陰呢隻game 最大既賣點就係創新既自由玩法
所以好易搞到d玩家無從入手 開頭可能咩都唔識 但玩慣左d game 見到有任就解
但九陰好奇怪 大部份任都係日任~日日解完又解都係果d任
到你遲d發現解任拎既聲望同打禁地[副本]拎既聲望
你就會發現解任拎聲望係一件好傻既事
因為2者既相差可以係幾十倍甚至幾百倍
咁可能會問 咁整d任出黎做咩
其實有d任係會加果個npc既好感度
而好感度係觸發奇遇既其中一個途徑
所以解唔解任真係睇自己既想法

同埋九陰入面係冇長勝將軍
好多人問邊個門派勁?邊個門派勁?
我可以答你個個門派都勁 只係在乎你既定點係邊
就算係打鬥 各門各派暫時有3派武學都各有所長
冇話邊個門派可以完全虐待另一個門派
各門派總有其高手 其特色

可能玩果陣見到個個都去峨眉刺探
就覺得峨眉一定係最廢既門派
但其實唔係 峨眉係女性門派[當然有人妖開女角玩]
所以女生既玩家較多 自然對pk略遜一籌
雖然宜家女玩家多左好多 有d大公會會長都係女性
但普遍去計女性都係鐘意玩pve 多於pvp
所以峨眉積弱主因呢個都係其中之一

好啦 唔回咁長啦 打住咁多先啦~

寶寶Xlll

唔該晒...最衰我比唔到GOOD你--

咩係玩俠?

tszlok

回覆 寶寶Xlll 的帖子

做俠士即係見到人綁架可以打佢救返比人綁既人 有俠義值
或者可以做捕快捉比人通緝既人~

tomkan39

tszlok 發表於 12-3-27 02:24 AM
其實之前都有人問過有咩做 我都係其他post有講過~
我copy返比你睇啦

之前聽講過唐門過強
玩拉打 而家修改左未??

tszlok

回覆 tomkan39 的帖子

宜家唐門都係拉打較多人玩
不過都有小部份人玩匕首既