裝備強化@@

mis0129

就是很好，很強大囉!

kuRt`

光之小麗 發表於 12-4-11 10:30 AM
其實我都係好多post講過 @.@
雖然~副本係有限次數進入，但係係副本真係會有強化石出 @.@
所以可以放心少少 ...

有強化石出冇用-.-
去到+15 可能成功率 低至10%  ...  咁有冇防爆石出?

縮縮不行鳥

kuRt` 發表於 12-4-17 12:24 PM
有強化石出冇用-.-
去到+15 可能成功率 低至10%  ...  咁有冇防爆石出?

實有既，只係商城見咁解囉。

kuRt`

縮縮不行鳥 發表於 12-4-17 12:26 PM
實有既，只係商城見咁解囉。

好明顯知道 A_A ...呢D咪官方既宣傳手法囉xd
係呀..副本好好有強化石出 ,, 商城買都好平 不過升星一定好難,,又要迫住去商城買防爆石先升到囉lol  食錢佳作

oo768768

又限次數副本 隻game實食錢 睇下 大家受唔受得住誘惑  老實講港服好快走人 3個月左右  好現實的 人散得快~
沖裝既野隻隻game 都係咁  要勁要洗錢 呢個我覺得沒有問題  唔係隻隻game 都可以靠自己實力去玩= = 我情願佢出番d月$ game 最起馬有d野用錢買唔到 係你玩得幾多就有幾勁

雕娜馬

好多game 都唔係粒強石貴囉~~~ 係粒防爆貴食錢囉  打副係有強石出  但你要沖到上去都要行下商城(乜又係你呀 商城=.=)

縮縮不行鳥

雕娜馬 發表於 12-4-17 01:34 PM
好多game 都唔係粒強石貴囉~~~ 係粒防爆貴食錢囉  打副係有強石出  但你要沖到上去都要行下商城(乜又係你呀 ...

冇辦法喎，月費game賺唔到錢丫嘛，你要睇返依家個市場。

依家市面上既遊戲真係多不勝數，導致到一般玩家既忠誠度極低，呢個情況之下，開發商單單靠以前既模式根本就係會入不敷支，所以就出現左免費商城制，以免費做招來，美其名降低入場門檻，將大部份遊戲內容鎖住放到商城販賣；將完整功能、內容斬件，再放到商城販賣。

狠狠地賺你一大筆。

天使麵專員

縮縮不行鳥 發表於 12-4-17 03:47 PM
冇辦法喎，月費game賺唔到錢丫嘛，你要睇返依家個市場。

依家市面上既遊戲真係多不勝數，導致到一般玩家 ...

+1 月費企唔住既原因之一，係因為玩家冇時間玩，又或者唔想花時間玩，之後造就做外掛既出現，之後外掛會導致玩家流失，玩家唔想做比錢入月費...冇入月費=連game都login唔到...令玩家上線人數下跌，而商城制點都好，都一定唔會好似月費game咁...有login既門檻...人數都自然較高，加上玩家想追求的可以用錢得到，遊戲商從而得到更好的回報。

雕娜馬

呢個po 我覺得 唔應該沉~

hurt

+15真係不得了哦

kuRt`

天使麵專員 發表於 12-4-17 04:12 PM
+1 月費企唔住既原因之一，係因為玩家冇時間玩，又或者唔想花時間玩，之後造就做外掛既出現，之後外掛會 ...

如果講係因為玩家冇時間/花時間玩  ,, 倒不如講官方/代理商 只會投完隻遊戲番黎  炒短線 ??
1隻成功既GAME  係需要內容豐富 , 滿足市場需求 , 同埋有問題官方會不斷解決 又或者不斷更新 等玩家知道官方未放棄過隻遊戲 ..
以上幾點 , 有邊隻game真係做得到?
淨係官方同玩家既交流 ,, 開版果時 派條友企係個論壇 ,, 當隻game 開始唔掂 ,,比人插既時候 ... 條友就唔知縮左去邊到  零交流又唔知官方想點

最後我覺得 , 玩家係消費者  其實我地比錢係應該去求網遊比玩家一個保障  希望長久玩落去 ,,,
但係代理商一句 , 最終話事權係歸本公司 ,, 姐係代理商先係絕對 ,, 就要一班消費者跟番代理商去走 ~~  

如果要怪月費令玩家企唔住 ~  不如怪 代理商點解  可以係幾年內 代理到幾百隻遊戲番黎 ~  錯在邊到有眼睇啦?_?

媽呀好毒呀

kuRt` 發表於 12-4-18 07:32 AM
如果講係因為玩家冇時間/花時間玩  ,, 倒不如講官方/代理商 只會投完隻遊戲番黎  炒短線 ??
1隻成功既GAM ...

錯晒，你睇返十年前，當時既線上遊戲真係十隻手指數得晒。果時仲未有免費遊戲出現，全部都收月費，RO果時淨係一個server，高峰期在線人數係可以破萬。試問現今有邊一隻免費遊戲做得到？

就係因為初期幾隻線上遊戲既成功，導致有一堆「跟風」既廠商制作左好多半成品遊戲。(大家都應該同意舊既online game其實先係最耐玩)

而係呢個時候，由於開始有大量game出現，但係月費制既情況之下。一般玩家好少會跳槽去試一隻新game，呢個情況正正促使左免費制既遊戲抬頭。你可以免費玩，但係想享受？ok 你逐樣俾錢買。而其他公司見到呢種方式可以係初期大量吸引人流之後，就幾乎全部轉營到免費制。

同時免費制既出現，開始令玩家既忠誠度下降，抱住「呢隻game唔好玩咪玩第二隻囉，反正大把game。」而廠商就認為反正啲玩家都唔會長玩架啦，令到每隻game既質素愈黎愈低，形成一個惡性循環、亦即係現今線上遊戲界。

形成呢個咁惡劣既環境，開發商/代理商固然有責任，玩家既責任都唔少。

縮縮不行鳥

媽呀好毒呀 發表於 12-4-18 10:30 AM
錯晒，你睇返十年前，當時既線上遊戲真係十隻手指數得晒。果時仲未有免費遊戲出現，全部都收月費，RO果時 ...

十分同意，所謂要刮別人的鬍子前，先把自己的刮乾淨。我地玩家唔可以一味罵代理或者開發，係罵之前亦都要先諗下自己既問題。

光之小麗

小麗我都明白大家消費者心態~因為一路我都有玩開其他遊戲~
我作為一個消費者當然曾經想某隻Game長玩落去啦~
但到最後並唔係佢內容唔豐富~又或者係無更新~因為自己對呢隻Game無興趣已無玩~
所以一隻成功既Game~無錯是需要內容豐富，滿足巿場要求~
但其實我地點樣去取決一隻Game既內容?同埋滿足巿場要求?
始終每一個人有不同的需求、不同的所需~並不可能要求官方走某玩家既路線~
作為依家官方的我，並唔係想用d花言巧語黎哄你地玩~
我真係想玩家們比多d既意見我~等我可以再做好d呢隻Game~
你話唔掂比人插既時候~會唔會仲有我係度比你地鬧~
我可以話比你地聽會~但大前題係如果真係出左事的話~
我希望係解決左個問題~然後先再比你地鬧~
我明白玩家們係心急~但真係有望你地比時間我處理問題先~

kuRt`

媽呀好毒呀 發表於 12-4-18 10:30 AM
錯晒，你睇返十年前，當時既線上遊戲真係十隻手指數得晒。果時仲未有免費遊戲出現，全部都收月費，RO果時 ...

人係貪婪=.=
我都認同你咁講 , 不過開發商/代理商都要負上好大責任 ,
免費制令好多 幣戰 搵到網遊存在價值 , 亦都令好多曾經忠誠於網遊既玩家 趺落谷底 ..

kuRt`

光之小麗 發表於 12-4-18 01:44 PM
小麗我都明白大家消費者心態~因為一路我都有玩開其他遊戲~
我作為一個消費者當然曾經想某隻Game長玩落去啦~ ...

咁我都覺得暫時睇既內容都幾吸引既 ... (暫時)  
好多代理商派人係論壇到 搞宣傳 陪等候緊既玩家吹水 ,,,
當遊戲運行中 , 過左初期果段高峰 ,, 連論壇既宣傳搞手 都自自然然失蹤 =.=

光之小麗

kuRt` 發表於 12-4-19 02:45 AM
咁我都覺得暫時睇既內容都幾吸引既 ... (暫時)  
好多代理商派人係論壇到 搞宣傳 陪等候緊既玩家吹水 ,,, ...

小麗我暫時主負責呢隻Game~所以暫時都會主負責

媽呀好毒呀

kuRt` 發表於 12-4-19 02:42 AM
人係貪婪=.=
我都認同你咁講 , 不過開發商/代理商都要負上好大責任 ,
免費制令好多 幣戰 搵到網遊存在 ...

金幣戰士其實係月費制時代都唔少，只係分明在於，月費制金幣戰士既錢俾其他玩家賺，而免費制就係官方賺埋。

kuRt`

光之小麗 發表於 12-4-19 10:59 AM
小麗我暫時主負責呢隻Game~所以暫時都會主負責

=   =將來如果公司叫你負責其他遊戲 ... 你失蹤就知咩環境啦LOL

縮縮不行鳥

kuRt` 發表於 12-4-20 02:34 AM
=   =將來如果公司叫你負責其他遊戲 ... 你失蹤就知咩環境啦LOL

世事難料