- 閱讀權限
- 70
- 最後登錄
- 14-1-17
- 精華
- 1
- UID
- 119248
- 帖子
- 10182
- 積分
- 8612
- 註冊時間
- 03-10-29
- 在線時間
- 2381 小時
- UID
- 119248
- 帖子
- 10182
- 積分
- 8612
- Good
- 27
- 註冊時間
- 03-10-29
- 在線時間
- 2381 小時
|
個人對今次總選分析:
先說明一下:我神推係あきちゃ,次推係らぶたん,後面345678就無謂提
今日我係西九睇既,今年係我飯左之後既第二次總選,第一屆小小地玩只係投左2票,當時仲要係投俾まゆゆ既
今年實行玩重本,前前後後用左差唔多1.3萬hkd,買左100票左近(實際真係冇數,但係一定過100)
好遺憾既係排名下降,由12跌到17,更加跌出選拔組成員名單,不過唯一值得慶幸既係:能夠獲得UG既center位
而且今次亦都多得我呢100票,令あきちゃ成功以53票壓低NMB雙雄險勝,呢一點我岩岩已經係あきちゃ個blog度提過,亦都恭喜左佢,而係宣佈一刻果陣我係即時激動到喊埋出黎,要隔離左右遞紙巾(掩面wwwwwwww
另外,らぶたん今年排行暴跌,除左因為參戰人數大幅上升之外,最主要係舊年冇乜太大既亮點值得人注視,外加走廊隊元老平嶋夏海離隊,令到整體排名大跌(事實上,今屆參選既5人入面只係得まゆゆ一個可以維持係前列位置,同時睇到速報小森連排都排唔到真係擔心會唔會一跌就跌出圈外,但係宜家最終排64對於小森飯都唔係一件開心既事)
=======================================================================
整體分析:
上面都講左,今次參選人數係歷屆之冠達237人,外加選拔組名單由40名加到64名,令好多本身人氣唔高既成員都有機會進身選拔組,某程度上其實係一件好事,實際上我地睇返個名單
舊年40位選拔組成員,有38位都能夠保持係各選拔組入面(名次升降就唔提),唔見左果2位就係大家都知道既あっちゃん同なっちゃん
換句話說:即係今次足足有26位新成員加入選拔組,我就挑其中幾位黎講(由最低開始):
首先係63位既中西優香,屬於SKE既佢,一直以黎都有佢既飯支持,其實睇返過去幾年既票數差距,大概都可以估到佢既排名係呢幾年一直都係排係50幾60左右,今年增加選拔名次令到呢位元老終於可以一嘗入選既滋味
56位既木本花音,好大因素係因為佢係マジすか学園2入面零距離桶玲奈一幕而成名,當然,佢係劇場既表現同自身既性格亦都受到一眾名古屋飯欣賞,但係個人預測:如果下屆回復返40名既話,花音就未必可以保得住選拔組了
54位既山内鈴蘭,我相信唔好話香港飯,就連日飯都係因為佢既高爾夫球技術而認識佢,就個人覺得:佢既性格係有d似宮澤佐江,一個典型既元気娘,充滿活力既佢係T4入面表現一直穩定,就算唔需要額外強推,都可以算係一隻潛力股
51位既菊地あやか,只能夠話佢守得雲開見月明,經歷離隊,改名再入返黎(菊地彩香->菊地彩佳,雖然彩香同彩佳既平假名係一樣...),佢一直以黎既努力,無論係本隊又好,走廊隊又好,都係屬於企係後面默默支持既一群,同樣係受惠於選拔組名單上升,令佢終於可以擁有被認同既一日
50位既石田晴香,眾所周知既G+女王,佢出post同回post既能力成功吸引一堆新飯,外加肥秋俾佢企G+宣傳歌既center位,令佢繼第一屆總選後再次入選,佢係用自己既實力去上位既,呢一點值得加許
49位既武藤十夢,名字相當搞笑(むとうとむ,mutou tomu)但係有傳聞指出,今次佢能夠成功上位,背後係有位極有米人士背後強推,實際上,我並唔認為呢位妹妹下年可以保住選拔組,除非佢係黎緊呢年有重大突出既表現
=====================================================
48位既片山陽加,無可否認佢把聲真係好靚,有睇過bingo既人都聽得出論唱功佢真係值得入選,今次能夠入選某程度上果一次既歌姬計劃真係幫左佢唔少,要知日飯除左樣同性格之外,實力都係佢地投票既因素,今次佢入選實至名歸,期望下年可以再見到佢入選
41位既小林香菜,AKB之中既大笨蛋(詳見週刊AKB既測驗系列),講真我真係諗唔到點解佢會入到選拔組,就連佢自己係blog度都話唔相信自己可以入到圍,唔通傻人有傻福!?
37位既中田ちさと,同樣擁有迷之入選原因,一直以黎既表現唔係突出,亦無特別強推既對待,到底咩原因令佢可以突然以黑馬姿態走入黎?但係同樣應該只屬一次性既過眼雲煙,出年就會唔見的了
36位既仲谷明香,又係屬於守得雲開見月明既一位,最大既原因肯定係佢今年發售既自傳非選抜メンバー,以3期生加入元B既佢,雖然同前田敦子為初中同班同學,但係就無受到運氣既眷顧,連續3年都處於圈外位置,實際上睇返書既內容,佢好清楚咁以唔同既角度去睇非選抜呢個位置,令人清楚明白到到底佢地內心有幾痛苦,「明明自己一樣付出好多努力,點解咁多年都得唔到人認同」,呢種諗法相信有睇過本書既人都好明白,所以今年佢終於獲得認同,值得恭喜
33位既岩佐美咲,憑無人駅一曲獲得認同相信所有飯都好同意,佢既演歌實力真係好出色,簡單黎講,佢係一粒開始發光既寶石,黎緊如果佢再有演歌碟出既話,應該排名會進一步上升
=====================================================
31位既木崎ゆりあ同28位既矢神久美,呢兩位我真係冇辦法唔擺埋一齊黎講,兩個都係屬於SKE既極級大笨蛋,傻得黎又可愛既性格令佢兩位獲得大量飯既垂青,當然,矢神既排名比較高同佢係平日既表現都有關係,有睇過片想いFinlly pv既都知到佢係入面有突破性既GL演出,證明佢願意接受唔同既挑戰
23位既島崎遥香,又係被強推既一份子,如果唔係大場上年曾經發生過不利佢既事導致被雪藏既話,ぱるる係近乎冇機會上到位,只能夠講佢係冷手執個熱煎堆,希望佢好好把握宜家被強推既機會好好繼續努力
19位既渡辺美由紀,上年速報入選,可惜最終圈外,加上舊年年尾又曾經發生過同飯私交既事令迷路姬係2nd sg入面慘遭出局,如果今年唔係因為佢既表現突出,俾人睇到佢有心繼續發展既,我諗排位唔會有咁高
=====================================================
最後就係萬眾期待既選抜メンバー,最令人大跌眼鏡既應該都係廢宅,連續4年排位大幅上升,係西九現場既人都預算佢最多都只會拎到第7-9既位置,但係最終就係大跌眼鏡既第4,最大原因應該係佢既地元:大分県,或者因為大分県冇好似鹿児島県天氣小姐既代表人物出現,所以今年市政府揚言明撐,似乎佢地既宣言真係有成效喇,當然指原既不屈努力又係值得人投佢一票既,期望下年唔洗再靠市政府撐佢吧
至於河西....據2ch小道消息,由於河西係之前既カチ馬入面大勝,令一眾河西飯跟住佢黎買馬結果齊齊受惠袋到盤滿缽滿,河西嬴得廣告,而佢既飯亦都將嬴返黎既錢全數貢獻返哂俾呢位賭神
小珠嘛...某程度上佢早前既病增加左所謂既同情票,加上被宣佈兼任TK成員,同時吸納部份前田票,所以排位上升係正常,只係比玲奈高就稍為意外
最後就係AKBの魂:高橋みなみ,實際上其實佢今次能夠拎到第6又係要多得前田票,據日媒報導:今次總選入面,曾經係舊年投俾前田既飯,有接近70%都表示今年唔會投俾任何一個人,而係剩低既20幾30%入面,有一半都流向俾たかみな,以上年前田獲得約13萬票黎計,粗略估計有大約2萬票俾左たかみな,換句話說:如果冇左呢2萬票既,佢既位置就會由第6位暴跌去到第9位
以上分析完畢,歡迎亂開地圖炮~.~ |
|
樓主: 妖精ν尾巴◆〃
發表於 12-6-7 12:42 AM
發表於 12-6-7 01:12 AM
