煩惱!!!

matthew124

我依家中五,
出年就到我DSE,
當然要趁暑假溫書(依家都係岩岩做完野先打出黎)
但係就有個有趣既煩惱-.-"

自問係學校,我都好似吸引唔到女仔同我傾計(主動/被動都試過)
我覺得有原因(係我咁諗姐),
首先,我個班既女仔就好讀得書,
但係就冇咩興趣同男性講野(唔係我一個溝通唔到,係每個男仔都溝通唔到)
其他班就讀唔到書,但係就對男性發情得好犀利(姐係姣)
冇一款係可以交心

我小學個d女仔,出番黎見之後有d會突然約多左我
但係因為我怕左佢地既熱情(個人覺得係受環境影響,變得太斯文)
就咁"答"下博頭,我都會縮(係女個個"答"我)

我睇番我校外既fd(小學/活動 fd)
佢地學校d女好多都讀到書(不論好唔好樣)
而且又同男仔玩得埋(我當然羨慕)

就係咁,個煩惱就黎
作為男人,當然要成家立室(將來)
但係就因為以上既原因,
我冇得係學校試下點同女仔溝通
更加唔好話溝女
咁樣,就算比我上到大學
我都冇可能識到D有目標,又肯社交既女性

我既目標係識到d有自己夢想既女性
係我遇唔到,定係我諗得太理想?

我應該點去學習識女仔呢?

ＭＡＮＤＹ

識女仔第一步當然係禮貌做起,注意自己平時既言行有禮貌,

自己幫得到既就主動幫下女仔,女仔唔會同男仔溝通唔到的,

係因為女仔唔想男仔影響佢地讀書姐,傾計可以私下whatsapp/msn傾既,

所以唔係男仔問題,,多點留意同學習了解女仔既心諗緊咩,,

咁你就會得到你想要既答案的

matthew124

回覆 ＭＡＮＤＹ 的帖子

有時我真係唔知應該禮貌定熱情好
我指熱情係指互相有地方串就串,有心事就傾個種
因為我見好多女仔同男仔好friend都係比男仔串,
但係有趣既係,當我串佢就話我惡
其他人串佢,佢就會打個男仔(佢=某d女仔)
女仔打男仔,我覺得係關係密切既表現

如果話幫女仔,我經常都有,但係情況都係冇咩進展
溝通唔係話溝通唔到,而係做唔到friend
就算有計傾都係同女仔個邊傾

如果話"女仔唔想男仔影響佢地讀書"
我就真係唔明白人地學校點解可以玩得咁開心
人地都係band 1
我地就好似"男左女右"咁

其實唔洗諗點識我個班d女仔
佢地大部份好似80年代既人咁,
唔係個樣,係好似對呢個年代既野冇咩興趣
又唔自拍,又唔whatsapp,好似同世界脫節咁

我唔係唔想了解佢地,但係佢地同社會上既女性真係好大分別
平時聽聽埋埋既異性舉動,一D都冇
而且公主得好犀利,
例如去海灘(班會活動)唔會落水話怕曬,開住把姐同自己人傾計
得番D男仔自己玩

所以真係想識下D正常既女仔
應唔應該叫其他學校d fd約d女仔出黎
但係咁做好似好猥瑣

ＭＡＮＤＹ

matthew124 發表於 12-7-30 11:47 AM
回覆 ＭＡＮＤＹ 的帖子

有時我真係唔知應該禮貌定熱情好

嗯,,,咁呢d女仔可能唔適合你吧,

努力去搵自己鐘意果類型女仔啦,加油=]

胡唸塗

先練厚面皮 當可以擋子彈既時候 食檸檬又有咩所謂

ＭＡＮＤＹ

胡唸塗 發表於 12-8-3 02:17 PM
先練厚面皮 當可以擋子彈既時候 食檸檬又有咩所謂

無錯,,放膽去做,,有失敗先會有成功

c396437

我反而覺得係你個班啲女仔有問題-.-
當然你都有小小.
人地唔彩你又話人唔彩你
人地彩你又話人太熱情...
首先小學同學約返出黎好多都係咁的.
事關小學個陣都係比較童真冇介心.又冇咩點計較男女之別
當一耐冇見又出返黎幾次.
熟返後某程度上就會延續返小學個陣咁
對對方冇冇介心又可以玩得好埋
比著我咁.我都係中意同小學同學出街既人黎
初初有幾次都有個女仔行行下箍住我隻手咁行.
我既反應都係快手搵機會縮開.
但係出多幾次你就會唔多介意
反而可以玩得埋過中學班人

其實有時唔好比種心態自己
"女仔唔中意同男仔玩"
其實錯的.好多女仔都唔會Care的
只係差在你識唔識點去投入呢段友情
唔好諗住識女就=溝女
識就係識.溝就係溝
用識女仔既心態其實好易識到人
當然要揀下識咩類型啦
姣.拜金呢啲真係Say no-.-

只要你有膽去去做主動.要取得一個女仔信任唔難
女仔心一般都係好軟...

一生人中有啲人只係過客
呢家識唔到又so wt?

有時我真係唔知應該禮貌定熱情好
我指熱情係指互相有地方串就串,有心事就傾個種
因為我見好多女仔同男仔好friend都係比男仔串,
但係有趣既係,當我串佢就話我惡
其他人串佢,佢就會打個男仔(佢=某d女仔)
女仔打男仔,我覺得係關係密切既表現

通常一個女仔假如同個男仔係熟既
比佢串係唔會Care.當然唔係過火位個啲
如果係唔識既男仔串佢一定話佢惡
女仔打男仔.味必一定係有路
大家係好FD既.只可以話係知己既表現
亦唔排除有人中意對方...

起司

女生很好認識的!!
只要多了解就會知道了

matthew124

回覆 c396437 的帖子

其實當我抗拒個個熱情既女仔個陣
我既感覺就係同我同學相處既方法
同社會上係有好大分別

你話我:
人地唔彩你又話人唔彩你
人地彩你又話人太熱情...
其實我之所以察覺自己會怕女仔既熱情
係因為個女仔話我怕女仔怕得好緊要
跟住我先開始去諗會唔會係我學校d人有問題
所以我既問題係受學校影響下,我逐漸怕左女仔....

其實因為有個女仔(之前)成日摸我(上半身包括面)
到我捉住佢隻手個陣又話我搞佢
玩死我...(依家都少左理佢)

我開始比d女仔搞到我好亂
而我眼見就係好多我校外既女生係熱情(只小熱情過我學校)
我開始覺得我比我學校d女仔搞到我精神分裂

其實我已經唔想理我學校既女仔
我自我感覺係覺得佢地唔了解呢個社會
甚至當我校有位男同學同我講:"男女之間相處有好多避忌"(當然唔合理個d接觸當然唔應該)
但係作為現代人
男女之間既隔幕係咪真係仲有咁多?
咁多既話,又點可以有一個好既人際關係(係社會上)?
因此我覺得我學校既人
仍然保存住小學生個種心態:
"男女授授不親"

但佢地唔會有咁既感覺
因為成間學校既文化已經同社會唔同
因此,我都唔知我咁諗岩唔岩

c396437

matthew124 發表於 12-8-8 01:42 AM
回覆 c396437 的帖子

其實當我抗拒個個熱情既女仔個陣

Band1?你間學校啲女仔簡直唔多正常
你最好多啲接觸其他異性
如果唔係你大個就更加怕女仔
甚至當我校有位男同學同我講:"男女之間相處有好多避忌"(當然唔合理個d接觸當然唔應該)
更加顯出佢思想好乜...
學你咁講"除左個啲唔合理接觸"外
我同異性朋友出到去.大家跟本冇乜避忌
飲埋同一支水.箍手.有時捉住佢隻手玩.整佢頭髮等等
甚至去佢屋企玩.
冇咩問題根本.最重要係大家唔Care就得

仍然保存住小學生個種心態:
"男女授授不親"
我小學啲男仔女仔玩得仲埋-.-

你間學校啲男仔出到社會好大獲...

matthew124

回覆 c396437 的帖子

都好,真係有人同我有同一種諗法
你講既野完全係我既心聲...

c396437

matthew124 發表於 12-8-8 01:01 PM
回覆 c396437 的帖子

都好,真係有人同我有同一種諗法

你根本係學校洗腦幸存者之一