【理性討論第11期】國戰商店

andywong19

•你有無曾經光顧國戰商店？原因為何？
直至現時為止(OB-now)，有，原因係每年GAMANIA既問卷調查我都中野
中左既GASH就拎尼抽sosad

•站響商業立場，你會如何設法平衡國戰商店﹑輪盤以及寶石店既裝備分配？
站響商業立場
寶石店賣既野一定唔可以係玩家熱切希望有既野
因為令野如果就咁放寶石店 咁點搵到錢？
正所謂物以罕為貴
出得愈少就愈珍貴
愈吸引到一眾愛著令3打國戰既朋友(部份可能想晒命)

因此寶石店應該以平凡既裝備發售
價錢大眾化
令新手有消費意欲

輪盤裝備採用中至中上既裝備武器
輪盤係玩家唯二以非HKD獲得珍貴裝備武器既地方(好似係)
對非消費玩家尼講 輪盤係一個好地方
定期更新可作為吸引非消費玩家繼續遊玩既方法(一個非月費遊戲除左付費玩家之外都需要其他玩家)

國戰商店作為直接以HKD(GASH咪又係HKD)抽取限量裝備既地方
對玩家尼講成本較高
因此必須放入珍貴道具
且量不能過多 否則失去其珍貴性
吸引玩家投放以換取珍貴道具
此方法應避免以煩瑣方法處理(如上次既XXXX力量)
一係中 一係唔中 唔好玩玩家
唔好比不設實際既希望比玩家
要抽既 點都會抽 唔會抽既 點都唔會抽

•你認為現時國戰商店可以如何改善以達至玩家與代理雙嬴局面？
現時既操作方法令人滿意
中定唔中一眼睇晒 唔洗煩
當然如果可以降低門檻相信各位玩家都會更開心
都係嗰句 雙羸係要雙方努力先做到 絕非易事

•你願意每月或一次性投資幾多錢響國戰商店？
好抱歉 老實講我已經好耐冇買GASH 更唔好講國戰商店
對上一次買點係拳手出既時候
當然如果真係有吸引到我既商店我唔介意付出幾百蚊博下運既- -

•總括而言，你對國戰商店的評價是？
作為一隻平衡度高既遊戲
搵錢絕非易事 國戰商店對現在既FEZ玩家尼講
係唔錯既選擇 係支持遊戲既一種體現

•你認為每個月國戰商店的總營業額約有多少？（粗略估計）
要睇出咩裝 高既我估有10-15萬- -?

•你希望國戰商店會推出怎樣的商品？
唔好出同活動有關既商品
好老實4週年活動套裝令我好失望
出就出D唔影響遊戲平衡度既野
裝備裝飾武器(正常數值)
石仔都唔錯 但係唔該少DA石 唔好破壞禁售A石後既平衡
稱號？(唔太顯眼 大家未必鐘意)
限時轉國可唔可行？

•你認為國戰商店有何優點與缺點？
優點︰以唔影響遊戲平衡既方法搵錢
缺點︰諗唔到- -有錢大晒掛

•你認為對代理商而言，國戰商店是否成功？
能夠用唔破壞平衡既方法搵到錢
玩家反應不俗 簡單尼講係成功既

judas2000

作為另類POST都幾好,, 不過尼個帖抽水能力小,,
最多係比人發洩下怨氣,, 可以有既作為唔多

講真, 如果抽黑店真係有 特定時間or日子 或者風水陣!! 既話,, 咁既賺錢方法邊有人同你分享
你話用幾千蚊抽黑店,, 我換個睇法, 你不如係洗黑店
黑店話就話係隨機機率, 但你試以平時買獎卷既角度出法,, 大獎車永遠都係得1架
你想大d機會抽中架車, 米比多d錢買獎卷lor,

到頭來, 買得獎卷多個個, 只係比同等人有較大機會中車, 你話佢中唔中就另講
不過佢中個d 2345獎轉得手實夠佢回本,

至於你話黑店應唔應該長存, 我個人認為肯比錢抽但抽極都唔中,, 就會越來越小人抽
到時變相個個買gash過數等收,, 會分化成 肯比好多錢去洗黑店既黑店商人 同埋 賤民
黑商控制哂d價格 ,  賤民就睇下肯唔肯收啦,

不過尼d情況唔會長遠落去既,, 咁貴玩隻game,, 個人仔整靚d又唔會勁d既前提下
會咩無人收裝同埋 無咩人肯比錢玩,, 最尾真係得番d 小學雞去玩落去,

至於以前d黑店裝 點處理, 同埋寶石裝如何達至平均,,
我個人覺得, 尼個問題你問阿口米啦, 可能 法利工活動長存尼,

that's all

hibeatvs

Q1 : 你有無曾經光顧國戰商店？原因為何？
A1 : 有，小賭怡情。

Q2 : 站響商業立場，你會如何設法平衡國戰商店、輪盤以及寶石店既裝備分配？
A2 : 在商業立場，本人會以公司利益為首，把武器以及裝備被抽中的機率下調，增加寶石店的裝備種類並調高格價。
　　但若玩家的立埸觀看，必須向玩家作出民意調查，以玩家的利益為首，營利為次。

Q3 : 你認為現時國戰商店可以如何改善以達至玩家與代理雙嬴局面？
A3 : 我認為可以把抽中武器及裝備的機率調高，令玩家可以更加投入地去使用國戰商店，
　　而代理商亦能從中賺取金錢，以達致玩家與代理商的雙嬴。

Q4 : 你願意每月或一次性投資幾多錢響國戰商店？
A4 : $ 0 / Month     ，     $ 0 / Once

Q5 : 總括而言，你對國戰商店的評價是？
A5 : 以五星而言［★★★★★］，本人的的評價為［☆☆☆☆☆］

Q6 : 你認為每個月國戰商店的總營業額約有多少？（粗略估計）
A6 : 若平均每一分鐘有一人抽國戰商店，並抽出一份虛寶，每月的營業額便有４３２０００港元，
　　比大部分打工仔要多出接近２０倍或以上。

Q7 : 你希望國戰商店會推出怎樣的商品？
A7 : 我希望能夠推出絕版的商品，使從前錯過了的玩家能夠再次收藏到該些物品提高玩家的歸屬感。

Q8 : 你認為國戰商店有何優點與缺點？
A8 : 我認為國戰商店的優點是能夠即時交易，但缺點多不勝數。
　　其一，一些玩家不能負擔其抽出高價虛寶的費用，因大多數抽出的虛寶都是令人興奮的興奮組合、
　　召喚攻擊增加礦石B級×10及建築攻擊增加礦石A級x5。
　　其二，在國戰商店缺貨的時候，代理商重新輸入一些０及１的數字入國戰商店內的系統時，
　　實在是慢得非常人能夠接受，
　　而其他缺點就要靠代理商自己探討、發掘、領悟，並作出相應的對策解決問題。

Q9 : 你認為對代理商而言，國戰商店是否成功？
A9 : 對代理商而言，國戰商店是成功的，但代理商未能賺取最大的利益，所以國戰商店未能做到最成功，
　　還須努力改善，令國戰商店能夠把每一位玩家的金錢全部奉獻給我們偉大的代理商。　　遊戲橘子。

stasa200789

Q1:你有無曾經光顧國戰商店？原因為何？
A1:有 想要裝靚　吾中橘子之計也

Q2:站響商業立場，你會如何設法平衡國戰商店﹑輪盤以及寶石店既裝備分配？
A2:一D人氣較高既裝備分配係國戰商店 輪盤就分配多D新出同靚既裝備　寶石店就倉底貨

Q3:你認為現時國戰商店可以如何改善以達至玩家與代理雙嬴局面？
A3:好多人抽唔到佢地想抽既裝　反而廢物就一大堆　改政策消費到一定金額可送乜乜物物裝

Q4:你願意每月或一次性投資幾多錢響國戰商店？
A4:一次性投資　8000港元　外國留學生唔多返香港

Q5:總括而言，你對國戰商店的評價是？
A5:不得好評　日本國戰商店好好多　反視香港國戰商店物價過高機率過低　乃有錢人之玩意

Q6:你認為每個月國戰商店的總營業額約有多少？（粗略估計）
A6:40-60萬不定　擒獸也　破壞小朋友夢想

Q7:你希望國戰商店會推出怎樣的商品？
A7:最好同日本一様　出多D同ＡＣＧ有關既裝

Q8:你認為國戰商店有何優點與缺點？
A8:D裝與日本不同　有特色　D廢物仲好特別　但美中不足　須時常更新便可復得人心

Q9:你認為對代理商而言，國戰商店是否成功？
A9:代理商乃無良奸商也　實行茶餐廳主義 今成功上位　如國戰商店一但失利　FEZ灰飛煙滅

CloudAW

其實十蚊抽一次都ok, 好似買六合彩咁, 幾刺激。
而且一次抽幾百蚊, 又唔會話渣都冇, 起碼都賺左d 道具先。

不過 d 雜CODE 又真係太廢, 整容卷又有 ... 頂牛又得果30,
如果唔係有新裝既話真係搵鬼抽,
相比起黎, N年都唔會更新既輪盤就抵抽好多。

最近個升級版要廿蚊抽一次, c石40粒真係呃得盡左d。
希望橘子唔好賺上腦, 順手升級左個黑店就好啦。

冬姑仔

好易發達
請比分我

緋翎雪姬

問芯莪自己就仲味幫襯過爛橙間黑店 芣過其實作為代理商..
黑店緊系成個game既核心啦`佢地代理/開辦無非系為咗賺$$
而輪盤就好似附屬於黑店咁 遲芐或者會有更多..
再講..有裝絕非技術既認同 打機系求開芯
令裝令武無疑令玩家打起上黎會有信芯d
的確黑店/姍迪/輪盤果d抽吾抽系睇玩家自己
無人逼您抽既..您想頂防頂攻其實吾洗$$都有
努力草多d星戒同gm錢囉..
- - - - -
芣過有時真系覺得d黑店a石s石會坐長石獸風
呢個的確令莪好討厭
或耆好多人會話抽黑店吾想抽到書/石果類野
芣過大家會吾會諗芐d遠工石獸真系好可惡!!
有時自己挽近戰真系好無引..
(當然莪吾系想vip某國/挽家..而且佢地上果d石亦味必系抽黑店)

edwinsowin

•你有無曾經光顧國戰商店？原因為何？
見fd次次中野.就想搏下.點之中晒伏野
•站響商業立場，你會如何設法平衡國戰商店﹑輪盤以及寶石店既裝備分配？
1/3、1/3、1/3
•你認為現時國戰商店可以如何改善以達至玩家與代理雙嬴局面？
吐嘈中...唔係嬴...係贏...
入番正題.國戰商店比到好大收益爛橙、令fez條命都長d、呢件係好事
不過國戰商店多伏野.單向講句係【搵笨】
我都比人搵笨a_a
•你願意每月或一次性投資幾多錢響國戰商店？
幾千.有好野既.0.直接去收(唔知計唔計呢.0.
•總括而言，你對國戰商店的評價是？
ok啦.0.
就係因為多伏野.d裝先炒到咁貴
自己抽到伏晒既.冇得唔服既~.~
加上又可以平d收裝.好壞參半
•你認為每個月國戰商店的總營業額約有多少？（粗略估計）
冇10m都有9m
•你希望國戰商店會推出怎樣的商品？
re番d舊野出黎、好多舊野都好想要
•你認為國戰商店有何優點與缺點？
【•總括而言，你對國戰商店的評價是？】果度講晒啦.0.
•你認為對代理商而言，國戰商店是否成功？
由日服既寶石裝變要人抽裝.我冇得唔服



p.s.前幾日抽左90抽死q晒.非常影響心情~.~

ericlok

站響商業立場，你會如何設法平衡國戰商店﹑輪盤以及寶石店既裝備分配？
舊既寶石裝擺返係寶石商店 並且一次過推出來發售 等新手定期入點 購買寶石裝備

輪盤就輪流每個禮拜更新一次, 都係d舊裝以循環方式每個禮拜咁出
等d想抽既玩家 可以草星戒 或者趕唔切 就急需買點抽

國戰商店 就擺返d新裝落去 因為蚊左d寶石裝出黎 所以國戰商店會更加難中裝
玩家需要多買點先可以抽到想要既裝備

水錢

有乜野唔好姐
幾好啊
至少我400GASH收到一套頂攻
國商898

warrence

•你有無曾經光顧國戰商店？原因為何？
有
因為國戰商店有平常所需要的道具和美麗的裝備
雖然機率低些
但都有意慾去抽下
亦是唯一途徑可以取得最新裝備的方法

•站響商業立場，你會如何設法平衡國戰商店﹑輪盤以及寶石店既裝備分配？
在商業立場
我覺得以黑橙現時的營運方針無問題
當然如果能定期更新輪盤和寶石店
就算舊裝也好
都會吸引更多的玩家去消費

•你認為現時國戰商店可以如何改善以達至玩家與代理雙嬴局面？
現時國戰商店對於玩家和代理已經是雙嬴
既有固定玩家肯投放大量金錢
代理亦因此達至收支平衡

•你願意每月或一次性投資幾多錢響國戰商店？
如果那一期的裝備好靚就會用多些金錢 大約$1000
但看不上眼的就不會去抽

•總括而言，你對國戰商店的評價是？
挺好
不過如果能取消A石保持遊戲平衡
還可以增加消耗品的數量就更好了

•你認為每個月國戰商店的總營業額約有多少？（粗略估計）
大約有15萬-20萬

•你希望國戰商店會推出怎樣的商品？
想推出的就沒有了
想減少的反而有很多 例如:召A

•你認為國戰商店有何優點與缺點？
優點:可令裝備能直接交易 有靚衫著
缺點:增加貧富懸殊的差距 對於不肯消費的玩家可以說是噩夢

•你認為對代理商而言，國戰商店是否成功？
絕對成功
因為最新的裝備只會在國戰商店出現
迫使玩家一定要出錢才有

但總括對我來說
國戰商店只是一種毒品
唔抽唔舒服

明珠930

你有無曾經光顧國戰商店？原因為何？
無.....因為無錢

站響商業立場，你會如何設法平衡國戰商店﹑輪盤以及寶石店既裝備分配？
定期更新輪盤裝已經好好、舊裝應該刪走，或者要睇下市場需要而決定邊一套裝落畫/再上畫
寶石店又真係太耐無更新，可以將國戰黑店重覆出過好多次又無乜人用ge裝放上去.....其實用黎襯下裝都OK ge
講到最後，輪盤必需更新！！而且一定要定期(最好1季)有"新"野

你認為現時國戰商店可以如何改善以達至玩家與代理雙嬴局面？
減價/買10送2/3優惠、取消A石

你願意每月或一次性投資幾多錢響國戰商店？
除非我有一筆橫財，否則一定唔會"投資"

總括而言，你對國戰商店的評價是？
on能99食_周將D裝倒哂入輪盤啦

你認為每個月國戰商店的總營業額約有多少？（粗略估計）
每個國總有人一出糧就比500-1000去抽.......我估每個國有20-30人左右會咁做
750x25x5=約10萬.....
再加每次更新頭一星期每日有人不斷咁抽20-30次.....我又當每個國有20-30人會咁做.....
7x25x250=約5萬.....
加埋有D人手痕去玩下，大約應該每月有20萬固定收入？

你希望國戰商店會推出怎樣的商品？
聲卷多少少、變態D改名/轉國卷都得.....
出咁多呃多D傻仔去抽ma

你認為國戰商店有何優點與缺點？
除左襯裝同炫耀身份之外，我搵唔到有咩優點

你認為對代理商而言，國戰商店是否成功？
針對D未知搵錢難ge中學雞+賭徒性格ge人，國戰商店好成功

講到尾，都係我無錢姐/____\一個月搵得果幾千
我連點抽都唔知.....

愛糖

開始玩fez係用國商裝,玩玩下投入左就自然想自己個角色好睇d。
當年我係玩女戰,用蛇神。大家可想而知係幾咁。
所以買左第一套寶石裝。(9頭蛇女版)
後來愈出愈多,情況有如平時行街買衫。
afford到而又自己鐘意就買。
後來,佢要抽先有裝。唔多唔少都有抽過,一方面係真係想要,另一方面係要諗:
你想人地比個game你玩,冇理由唔付出。
咁少少當支持隻game營運囉。

但事實上,隻game係比你揀比唔比錢,自己覺得值就ok。
fez係隻好game,唔想因為營運問題做唔到落去,但呢d野我控制唔到。
只可以盡少少力,平時on下keep住有人流,多一個得一個。
比營運商睇到,仲有一班人係鐘意你隻遊戲又捨得比錢,玩家未放棄,你都唔好放棄。

haha,個人感想而已,玩左咁耐係有感情。

眠

fez除左國戰之外， 唯一樂趣就係換新裝備，
以商業角度黎睇， 國戰商店完全捉正玩家心理，
但新裝備都只放在國戰商店，更時時一個月就更新，
而輪盤卻一年不更新，或是更新舊裝備，寶石裝更已長出雜草。。。
令人覺得十分卑鄙。

間接影響遊戲生態，老手可能早就有不同靚裝，少一件半件也不介意。
但新加入的話，想要比較好看的裝備，就只能去抽！
對，你花錢了卻不一定能有。。。
我呢d上班族就話幾百蚊掉落海冇乜緊要，
對學生而言只能用少量金錢遊玩，還要去賭博太無情了。。。
（雖然一堆一開始人生遊戲就有二週目繼續）

還有下架了的A石，竟然放入國戰商店。。。
賤！之前又話跟日版下架，鵰！
（話雖如此～ 我都係會用左佢～ 不用白不用～）

希望國戰商店可以減少D垃圾道具，例如容貌變更卷，
每次抽中只會大叫 WTF！

世上沒有雙贏， 只有商贏。

TonyTonyChopper

吊,黑店唔係問題,500-600蚊都抽唔到一套裝/武,就真係灰到on周
幾百蚊中埋果d建/召a呀 容貌果d垃圾野
我以後都只會同人收
咪永遠都係果班人抽law 睇野咁能短視
講真,你一更新左輪盤,我都抽左幾百蚊啦,起碼中幾把武1套裝先
數都唔識計,點做生意

cs2163

你有無曾經光顧國戰商店？原因為何？
有想要d好睇d裝
站響商業立場，你會如何設法平衡國戰商店﹑輪盤以及寶石店既裝備分配？
國戰商店更新時 把更舊國戰商店放在輪盤同寶石店
你認為現時國戰商店可以如何改善以達至玩家與代理雙嬴局面？
降低每次抽國戰商店的金錢由100gash改50gash 增加國戰商店貨存
你願意每月或一次性投資幾多錢響國戰商店？
100蚊
總括而言，你對國戰商店的評價是？
不予置評
你認為每個月國戰商店的總營業額約有多少？
20000
你希望國戰商店會推出怎樣的商品？
10lv頂防全共裝
你認為國戰商店有何優點與缺點？
比較難抽中想要的裝
你認為對代理商而言，國戰商店是否成功？
成功

DSVWXYZ

•你有無曾經光顧國戰商店？原因為何？
無,見人抽返黎既雜物太多

•站響商業立場，你會如何設法平衡國戰商店﹑輪盤以及寶石店既裝備分配？
國戰商店要費去a石.
輪盤要定時更新下,一年一次都已經唔錯.
寶石店要入返d新職既武器,例如宜家係寶石店仲未有槍  魔首器  拳

•你認為現時國戰商店可以如何改善以達至玩家與代理雙嬴局面？
講實話了代理既得益無論點都會多過玩家,雙贏係無乜可能.

•你願意每月或一次性投資幾多錢響國戰商店？
第一個問題已答.

•總括而言，你對國戰商店的評價是？
抽到雜物唔係玩家所望

•你認為每個月國戰商店的總營業額約有多少？（粗略估計）
最低五六十萬,無呢個價隻game執得

•你希望國戰商店會推出怎樣的商品？
好睇既新 舊裝一齊出,可以滿足新手和老手

•你認為國戰商店有何優點與缺點？
優:可以次次5石上戰場.
缺:中雜物多過中裝 武

•你認為對代理商而言，國戰商店是否成功？
唔成功就假啦!
見到咁多人去抽,有d人就算點窮都死閑死抵拎d錢去抽黑店.咁唔使講個d有錢人啦,間直當錢唔係錢係咁抽.

KennyCKL

國戰商店能有效帶動2000FUN FEZ版的人流
完。

LLS

1.你有無曾經光顧國戰商店？原因為何？
Ans : 有。因為希望得到自己想要既裝備

2.站響商業立場，你會如何設法平衡國戰商店﹑輪盤以及寶石店既裝備分配？
Ans : 國戰商店只會更新 最新既裝備
         輪盤就更新舊既裝備
         寶石店更新唔靚既裝備

3.你認為現時國戰商店可以如何改善以達至玩家與代理雙嬴局面？
Ans : 降低成本 機率即使維持不變 也可令人增加意慾繼續消費

4.你願意每月或一次性投資幾多錢響國戰商店？
Ans : 有自己想要既裝就投資500蚊左右

5.總括而言，你對國戰商店的評價是？
Ans : 無咩特別感覺，抽得都預左唔中，抽中左都通常唔岩自己用-.- 無咩感覺

6.你認為每個月國戰商店的總營業額約有多少？（粗略估計）
Ans : 8萬~10萬

7.你希望國戰商店會推出怎樣的商品？
Ans : 我希望係只推出裝備 同埋1d 有用既道具
整容券個d真係無咩用-.-

8.你認為國戰商店有何優點與缺點？
Ans : 優點 係 繼續維持fez既運作
         缺點 係 國戰商店反而助長左炒家勢力 令裝備愈來愈貴 但爛橙既收入而言係成本既10蚊1次

9.你認為對代理商而言，國戰商店是否成功？
Ans : 半成功 因為透過國戰商店 同埋玩家既交易 gash會不斷滾大 令愈黎愈多人買gash
         但跟據番裝備既市價 同國戰商店既成本 明顯黑橙有部分利潤落入炒家中 算係唯一既不足之處?