- 閱讀權限
- 40
- 最後登錄
- 14-11-27
- 精華
- 1
- UID
- 511517
- 帖子
- 765
- 積分
- 1185
- 註冊時間
- 05-12-23
- 在線時間
- 421 小時
- UID
- 511517
- 帖子
- 765
- 積分
- 1185
- Good
- 12
- 註冊時間
- 05-12-23
- 在線時間
- 421 小時
|
以下係我小小個人意見
或者會有少少長, 希望巴打們唔好介意
不喜勿插
入正題
首先我唔知道你同你女朋友認識左幾耐 一齊左幾耐 相處模式係點樣 一齊所經歷過D乜
哩D野可以令我地深一層次去考慮 根據以上種種 哩個女仔所做出黎哩件事既嚴重性有幾大
舉例1: 認識唔算耐 感情根基唔深厚 無特殊經歷
建議: 無需要再一齊
原因: 係一段感情基礎唔穩定之下 做出出軌行為(無論精神上或肉體上) 代表哩個女仔對哩段感情毫不認真 根本無諗過兩人之間既將來 簡單少少講就係無責任心 (P.S. 唔好以為責任哩樣野得男仔先有, 女仔都有好多責任) 咁既情況底下 即使原諒 再次發生既機會相當高 (嚴重性不定)
舉例2: 認識同一齊已經有一段時間 基礎算穩定 亦一齊經歷過某些風雨
建議: 值得考慮 視乎樓主對哩份感情既執著及愛既程度而定
原因: 一段穩定既感情用金錢係點都買唔到 係一樣好難得既珍寶
事後建議及考慮問題: 如果樓主的確仍然深愛對方 認為值得比次機會 有幾樣野一定要做
首先 考慮BB到底要唔要, 要既話, 驗證BB既真DADDY係邊個 (即使未生都可以驗, 但唔係頭幾個月, 醫生可以比受精周期, 即係計算到有左幾耐, 以星期計算, 咁樣就可以計返到底係邊個既)
第二 萬一BB唔係樓主親生 應該如何處理? (考慮分手或繼續一齊?) 如果繼續一齊 BB要定唔要? 要既話樓主自己能唔能夠接受? 屋企人能唔能夠接受?因為一提到生仔 唔再係男方同女方兩個人既問題 已經牽涉到兩個家庭
第三 必須認真確定哩件事樓主能夠翻章 重新開始 而唔係口不對心或者一時唔忍心 愛情永遠自私 去到哩一步 樓主必須先諗自己 因為咁樣先對自己,女方同BB付責任 (因為你一時唔忍心 到後來發現過唔到自己果關 到頭來只係浪費時間心機 而且最重要係令個BB受罪 落與唔落都對BB唔公平 落左 個女仔可能同返果個"第三者"一齊 咁樣等於殺左人地個仔(個人認為) 唔落 個BB萬一係自己既 咁個BB一出世就無DADDY)
第四 如果以上三件事都做到 我先係到佩服樓主既大度 因為我肯定10個人入面無半個人可以做到 同埋我必須恭喜女方 你搵到個絕世好男人 求你好好珍惜哩個男人
第五 兩個人必須要好好討論以後既相處態度 承諾等等 因為咁樣仍然可以係埋一齊 算係再大既風浪都經歷過 好應該認真為哩段難得既感情做好打算
至於提到"第三者"要打你 按照樓主所講 首先唔可以告佢自稱三合會成員 因為佢無"撻朵" / "響朵", 但可以告佢刑事恐嚇, 我讚同樓上某位巴打所講, 應該先備案, 咁樣係對自己既保障, 因為比人打左先報警, 會浪費好多時間, 而已經備案既話, 唔理係咪果個人叫人打, 警方都有條件相信"第三者" 同哩件事有關連, 可以請佢返警署坐返幾個鐘 至於女方點解唔比你報警 可能係對"第三者"仍然有感情 但既然過去就無必要追究 因為係無結果 (睇返例子2第三點) 但個人建議樓主唔理擺明車馬定暗地裡進行 報警係必須 女方阻止你 建議你可以咁同佢講(我用第一人稱): 如果有你仲想同我一齊 就比我去報警 而家有人話要打我 我報警係保障我自身安全 而唔係要拉佢 唔通你想你男朋友比人斬? (只屬參考, 請按照樓主用平常用詞進行修改)
可以建議既係咁多 但一切一切仍然靠樓主個人決定 不管結果係點 樓主係哩件事都係受害者 本人表示同情 希望樓主能夠捱過哩一關 有個幸福既未來
以上建議純屬個人意見 不喜勿插 |
-
總評分:
Good + 3
查看全部評分
|
樓主: asd453727192
發表於 12-9-10 02:40 PM
發表於 12-9-20 09:50 PM
