關於FEZ未來發展,初音回答如下: 19/10更新 PAGE 6

rewq

回覆 蜂蜜綠茶 的帖子

我覺得你真係on9到....人講冇錢搵你就真係當$0 net gain

你望下龍谷搵到幾多,對比下FEZ又搵幾多....咁你明未啊?

仲有,如果人地作為一個GM真係唔想搞既,係半年前隻game已經摺左,唔會吊鹽水吊到宜家,仲會係FB打千字文博俾你d on9仔吊?

樓主淨係識抽水,叫人賭一次得就得唔得就摺game,你根本冇諗過點樣搞一隻game,而你諗出來既方法不能治標更不能治本,最後就係加速玩完既結局.

我從來都冇話過gamania搞得成功,但係佢起碼有net gain得來,隻game有得繼續更新,有新野玩既可能性係度,即使佢成日出埋d呃錢野,但起碼比你諗既方法穩重好多.

rewq

樓主,出來回應下我啊....唔好只係附和個d企係你同一邊既人,講下你個絕世神通既好計點樣work法?

定係你只係覺得:FEZ應該一早就應該摺,只不過係方式問題?

初音

蜂蜜綠茶 發表於 12-10-18 10:13 PM
初音真係當人on9
如果fez無錢賺
仲會俾錢去買新版本?

[激長文] 怕字請回到FEZ討論版首頁

依個問題就等我黎親自答你
公司點決定隻GAME仲繼唔繼續
仲會唔會續約好明顯係睇隻GAME對公司有無好處
明顯地FEZ唔會似其他MMO咁係咁衝裝賺錢
一直FEZ只係靠外觀裝備去搵錢返黎
之於有關國戰商店我就唔方便講太多
我深信老手們早就知道FEZ營運團隊有幾個人
每個人都有負責唔同既野, 而道具裝備全部都係由阿口米去決定
但我入左依個團隊咁耐, 初頭我真係極力反對依樣野既存在
直到FEZ連賣廣告都吸引唔到人流
我就發現國戰商店當初係一個好既決定

好
我而家先回應一下樓主既提問和假設同疑慮
第一....我本身講到明初音初音依個FACEBOOK ACC本身係我自己私人帳號
我講野唔會好官方亦唔想好官方, 另外開依個ACC我只係想做返自己
有好多人都好憎我, 我十分明白, 係依個POST入面有大量同樓主有相反意見既人都係好憎我
但我希望樓主你能夠明白, 現實世界係殘酷
唔係話我想賣廣告, 咁D廣告就會唔洗錢咁俾你
錢對公司黎講好重要, 錢對開發商黎講好重要, 錢對所有人黎講都好重要
其實投資FEZ依樣野, 我已經親身親眼咁經歷過4次
第一次係公測, 打正SQUARE ENIX旗號賣廣告
電視廣告我地真係有賣過, 黃金時段瞬間即逝, 半夜三更無人留意到, 朝早大家又返工返學
下午賣廣告又變左好似小學雞遊戲咁, 個時我地買過黃金時段, 買過夜間新聞後既時間
我自己覺得係無乜人睇到, 人數亦無乜上落, 反而係網上宣傳反應仲大
第二次係出擊劍士既時候, 當時我地想再買多一次電視廣告睇下係咪自己估錯
但完全撞晒聖誕檔期, 天價電視廣告我地真係無福消受....所以我地都係繼續網上宣傳
亦有賣過巴士站燈廂廣告, 但價錢同位置係成正比, 我地點可能買到MK依D地方
人流依然無乜變化, 相反, 當年做完AGS之後, 人數係有升!!
第三次係最慘烈既大劍更新....新年....全年最貴既日子....想買電視廣告....算吧啦....
就連網上宣傳都繼續加價....但依然用盡可以動用既資金去買網絡上可以宣傳既著眼位置
跟住仲試埋買街邊個D大電視廣告.....效果完全見唔到....
然後亦因為拎多左錢做宣傳...令到下一個改版差不到要用9個月既時間先儲夠錢買更新
※(儲錢問題下面再詳解)
第四次係槍手連魔導具改版, 又係新年! 明知新年所以電視廣告根本就完全諗都唔諗
網絡宣傳亦變得保守, 除左2000FUN個D之外, 我地就真係孤注一擲買高登、[此內容已被過濾]同香港討論區廣告!
雖然有成效, 但流失亦好高, 當時王子有提過我地, 遊戲風氣問題會令新手難以生存
明知但都要試, 所以.....重複犯錯咁又再一次損手爛腳咁到年底先再能夠出戰車

依個歷史回顧我唔知樓主會唔會信, 但一直仲玩緊既老手, 我一講起依D事係會有印象
我地唔係亂咁黎或者孤寒, 我地有衝動過, 我地有保守過, 我地亦有計劃過
每次都試一試反應, SELL SQUARE ENIX又試過, SELL國戰又試過
SELL戰略合作又試過, 連惡搞都玩埋....又如何呢?
歷史係令人用黎反省, 唔係話我地唔想賣廣告, 而係依個時勢....所有既物價已經唔係當年咁
我只係打個比喻, 本身你個家庭既人工收入係足夠成個家庭維持生計
但你個仔就一定要你送佢去外國讀書, 而去外國讀書不但你負擔唔起
仲要個仔讀完返黎其實唔知有無用 (我自己就見外國返黎既人係失敗多於成功....)
唔通真係去搵安X兄弟咩...唱幾句就等你落搭借錢...都要還咖

我唔知樓主覺得我引用依幾年黎我地做宣傳既策略、方向或者形式岩唔岩
我只係想樓主知道, 我地唔係從來無試, 而係試左係咪有用, 試左係咪全數官方責任

好啦
而家我回覆引用既依位人兄所問既問題
FEZ無錢賺仲會俾錢去買新版本?
係有D令人難以至信
唔知依位人兄有無留意到其他地區既消息
我以台服為例, 你覺得佢狀況如何?
我自己就唔講, 你可以去巴X個D到睇下, 又或者問下其他人
無錢賺的確係唔會更新, 只係咁岩港服更新完, 有個繁體版本又係自己分公司做既咪拎黎用
以我自己個人意見, FEZ留係到既就係佢仲有生存價值
一黎香港真係無乜同類型遊戲
二黎點解留得住仲有玩家玩, 又可以自力更生, 做乜我又要摺左佢呢?
三黎只係依班KAI子GM成日都說服公司隻GAME仲有價值
有D公司唔會介意自己品牌, 完全唔理玩家生死, 總之就淨係搶錢搶第一水, 之後關仁隱士
我唔認為FEZ係依種做法, 現階段香港只能見步行步
如果你叫我用更新編年史版本既錢去做宣傳, 基本上同叫我而家即刻關SERVER無乜分別
距離上一次更新已經係一年前, 仲講緊我地岩岩先收到版本去第一次測試
之前有留意開我對上幾個版本既更新消息都會知道...
由收到第一個版本開始最少都要一至兩個月先可以叫做似返D樣
因為一定D BUG有如天上繁星....
其實FEZ既收入流程就係
阿口米出招搵錢 -> 玩家消費 -> 儲起佢 -> 向開發商買版本買裝 ->更新 ->阿口米有新裝再出招
(無限LOOOOOOOOOOP)
我既角色只係一個FING錢既壞人, 好多野本身係拎黎賣, 我就拎晒去做活動送
又或者可以咁講, 我唔介意大家話我咒我又或者點憎我都好
香港教育係應該自己考慮而唔係我話乜就乜
我要回答既問題都應該答完?
同時間我只係想表達自己既感受同經歷
玩家有玩家既難處, 公司有公司既難處, GM有GM既難處
最終既人生大嬴家只有開發商
信不信由你

P.S. 一直以黎係2000FUN上我同fiy有如敵人一般 (其實只係意見分歧囧)
今次多謝你客觀既解釋, 亦多謝咁多位既回覆

眠

回覆 初音 的帖子

我覺得最大問題， 唔係有黑店。
而「只係得番黑店」，
令到低消費玩家好絕望。
咁樣流失左唔少人，
點解唔可以將舊裝以唔同形式， 較低價錢出售呢，
例如限時賣某套舊裝／以package出售某些物品（防晶＋一套裝幾多幾多gash／寶石），
有唔少人， 係唔想抽野，唔想拼命， 但都想有裝換下，
唔係好貪心， 只係想換左套左兩三年既寶石裝。

whoever123

由我2年前玩起 除左買寶石裝+同人買裝之外
$1都無洗落黑店

jkfreekwok

回覆 初音 的帖子

現實就係咁,
唔理你做左幾多野都好,
如果你唔高調D同人講你做左D咩野,
D人永遠只會覺得你無做過野 ﹀﹀

就好似FEZ 賣廣告咁,
明明試過係電視賣, 係高登賣, 係其他唔知咩地方賣過.
但你一日唔係FEZ 版講, 唔係Facebook 講,
好多玩家都唔知原來FEZ 有賣過廣告,
以致於今日咁多人係到吊, 咁多人係到估, 最後產生越黎越多誤會。

其實我覺得,
就當前既形勢尼講,
第一件事要做既係令D人對你地團隊有番信心先。
簡單D尼講,
就係增加多D透明度,
多D係facebook,2000fun 版講下你地最近做左D咩,
比如del bug, 你可以貼D del bug 過程中見到既神奇野, 怪事, 感受, 就算只係講下進度都好,
雖然看似好婆媽,
但其實係比好多玩家一個安心,
覺得FEZ唔係一隻已經比人放棄左既ONLINE GAME。
講真如果唔係今次有更新,
我真係以為FEZ快汁了。

另外假如有天, FEZ 真的打算再賣廣告,
試下主動D係Facebook / 2000fun 講出黎,
咁D玩家先有機會幫你地推廣個廣告出去,
起碼我會主動比條LINK 我D FD睇下,
我相信成效會比之前來的好 !

rewq

回覆 jkfreekwok 的帖子

其實呢....好耐以前,差唔多每位GM自己都有官方blog(我好記得叮叮同紅國個位GM得閒會打d野上來分享下,但係之後就消失左~~~

我都認同初音,或者啊口米應該出來解說下佢地下一步既策略/來緊會有d咩搞作/活動...如果唔係就好似香港政府咁日日硬上,就日日比人吊......唔駛太frequent,一個月次都好....起碼知道你地會上水回應下意見

rewq

同埋廣告呢d野真係唔出好過出...成本效益太低,especially for HK

小天使小小

fez有個難處就係
假設唔更新編年史
其實3/4年以來,遊戲都無任何更新
玩法永遠都係得2種,打怪同國戰

更新職業亦只係去延長呢2種玩法既新鮮感
而一隻幾乎玩到悶既遊戲(fez的確係咁),樓主仲話唔更新拿錢去賣廣告?
呢種唔係賭,係叫極速自殺囉=[

不過
樓主呢?樓主去左邊阿?

初音

rewq 發表於 12-10-19 05:35 PM
回覆 jkfreekwok 的帖子

其實呢....好耐以前,差唔多每位GM自己都有官方blog(我好記得叮叮同紅國個位GM得閒 ...

其實好多時有人問野我就必答
不論facebook定2000fun (最近我的確少上左2000fun,因為d廣告搞到我部機好lag....)
有時候好多野或者大部份既野我地未得開發商同意公開
我地都好難做.....
又或者活動咁, 有時我地諗到新活動想做
但開發商做唔到或者做唔切
如果我先公佈, 之後又做唔到, 玩家只會覺得我地玩野或者得把口又或者覺得我地呃人
唔係唔想講, 我能夠有9成確定既我都已經有時會透露
好似今次改版咁, 我已經老早一收到版本就講定先
不過要修正問題都要兩個月 (或者更長)
或者大家其實想知D乜?

另外我想再重申一次.....裝備既野呢....我唔會答亦唔想答
國戰商店有好有唔好, 係玩家層面一定唔好, 對公司黎講有無都無分別因為都係無錢賺, 但係營運單位方面就會覺得佢係FEZ既續命靈藥.....
寶石商店或者輪盤.....有時候....唔係我地唔想放....咁當大耳隆...唔係....開發商黎追數追錢個時
你都要放國戰商店咖啦....黎緊既改版我都希望更新返依兩樣野
我地仲PLAN緊....每一件裝對我地黎講都好重要....
而家我講更唔更新裝備都係死路一條
講左更新到時唔批, 又俾人婊
而家講定唔更新仲大獲

唔通FEZ好與壞真係在乎溝通與關懷?! (你夠

kawah1111

SKIP曬所有字海

明既就會明,唔明既點9UP都唔會明

各位騷年,你地要比心機推POST 啊=]

jkfreekwok

突然心血來潮想講多少少。

先唔探討一D唔知官方會唔會做既野,
就只講一下我地可以為FEZ做D咩野 。

就吸引新血黎講, 首先要做既就係改善一下FEZ 宜加既風氣
FEZ 既風氣,
我唔知由幾時開始啦,
總之簡單D黎講就係太負面 + 太認真, 有時真係認真過哂頭。
好似平時打國戰,
明明個場國戰又唔係團戰, 又唔係賭名利賭身家賭del acc,
但一個二個對輸贏就執著到呢.....
好似輸左會死人咁。

唔夠20lv ? 踢啦, 想輸咩
支OB 起太出 ? 踢啦, 累炒 !!
咩話....隻騎係到吉人? 仲唔踢等幾時 ?!

最後導致D咩?
咪就係一個新手想試下打前線, 想試下擴建, 想試下出召,
結果咩都試唔到, 就係試到咩叫比人踢, 比人吊, 比人罵
大佬..........咁樣仲會有新血加入???
我第一個唔信 ﹀﹀

另外就宣傳黎講.
FEZ 長期佔領2000fun 版第一,
其實已經係一個唔錯既宣傳,
但無奈FEZ 版D訊息太負面,
當一個有興趣既人點入黎,
睇到既唔係D人分享佢既遊戲心得,
而係一個二個post 係到吊P甲, 吊踢人, 吊FEZ既團隊, 再加D 討論FEZ 點解仲未汁既文,
結果無正面幫助唔講,
反而令人覺得呢隻game 根本不值一試 ﹀﹀

我唔知你地平時係點搵online game 玩
不過就我黎講,
我唔會第一時間去搵D game既詳細資料
但我會走去睇隻D game 既game play.

所以我覺得如果大家係有心為fez 推廣既,
最好既方法係主動D, 多D upload 你地既國戰片上黎,
唔需要好勁, 唔需要好精彩
因為作為一個新人黎講,
佢要既只係隻game 比佢既大約感覺。
另外只要影片下面既評語係友善既, 有資料性既, 講出影片中既主角有咩應該注意
個新人就會間接吸收到隻Game 既知識,
令佢玩既時候無咁易撞板。

以上就係我既建議,
多謝花時間睇哂佢既人 :)

jkfreekwok

回覆 初音 的帖子

咁講啦,
就宜加既情形黎講,
首先FEZ 都營運左4年,
已經算係一隻老遊戲,
再加上FEZ版成日見D人係到話汁汁汁,
就算初音你今日話FEZ會係下一個月停止營運都唔會有人覺得出奇。

就只係呢個感覺,
我相信已經令到好多打算消費 / 新加入 既人止步。
試問邊個會花心血玩一隻就汁既online game ??

我講增加透明度, 其實主要目的係想打破上面講既感覺,
比D人一種隻game 仲係keep 住有活動, 有更新, 所以應該唔會係短期內汁既感覺。
所以只要你地多D主動公佈一D信息,
就算之後因為原廠問題實行唔到.
起碼D人知道你地有在為玩家在向原廠爭取過.
問題出在原廠身上,
而唔係因為你地無做過野.

最後, FEZ當然唔係一隻同GM玩家家酒既GAME啦, 但就宜加既情況黎講, 我覺得最首要既係你地GM團隊同玩家建立番互信。

當然我唔係你地團隊,
當中既詳細情況 / 難處我也不是很了解,
所以此文也只是想為你們分擔一下
希望對你地有用  :)

7B!

賣技術時間既GAME係香港真係好難生存..
依家打機係GAME玩你多過你玩GAME
所以真係要多謝GM將依隻係香港咁冷門既GAME維持左4年咁耐

kevin987654

最緊要攪掂p甲

同埋每5-6個月就更新下個中央地圖，成日打來打去都係果十張圖，

對fez更有愛的玩家還是會減少上線時間的

抽水婆婆

同意攪掂p甲先..講真 你打國戰..次次都打唔中人..仲有咩好玩

仙人SH

初音 發表於 12-10-19 04:34 PM
[激長文] 怕字請回到FEZ討論版首頁

依個問題就等我黎親自答你

俾生活節奏急速ge人睇......
一個字:錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢錢

大家明能白未.........?

我真係新泥

宣傳左 比你成班人 入泥 冇人教咪又係走哂 , 仲要送舊錢走.0.

人傳人 FD 教 FD , 起碼 知道大約玩乜 點玩

E+ D人你都知 幾冇耐性 , 三句唔埋 唔識玩 就走人 , 鬼得閒理你 ?

但係用人傳人方法宣傳 你又傳得幾多個 , 傳哂 又唔係個個100%玩 , 之前佢專玩一隻 你介紹左比佢玩

佢咪又係10日玩1次 1次半粒鐘 個D

個人覺得

汁粒係遲早問題 , 例不如:投哂所有錢更新多D 地圖 國戰方法 裝(我想得太容易 別介意) , 放入寶石又好 活動送又好 , 盤抽又好) ,

一次過吸哂走左/玩緊個班人返泥 , 玩到玩得盡情D 開心D 新鮮D

還又係死 點又係死 , 點解唔可以比真心玩家 玩到最後一秒 都係覺得 FEZ係一隻好GAME ?

FEZ 萬歲

冬姑仔

加強新手支援啦
好似日服咁
個巨集 一早set好哂 有哂收水出騎/擴
升lv易過借火 反正fez賣點不在等級 加上去到3x lv開始難升
但新手可以好快去到30lv 咁快d齊技 新手興趣都大左

大部份玩家 踢新手 可能係起錯野/上前線/做膠野/新手串串貢/9up扮代表
咁玩家老手吾教人 可能官方出下手
整個新手必讀手冊(強制閱讀 最好吾好太長 盡量精簡
用d吸引d既標題 例如 fez生存之道
跟住大大粒字 列點出黎
1)低lv最後吾好上前線 2)除左問野 新手吾好咁多嗲 之類...
咁樣算可以減少到踢d新手
有時d新手好串串貢 即係叫你吾好出普攻 佢就大大聲話 關你撚事 吹咩咁樣
呢d我真係忍吾到 投左佢一票先

官方做多d可以長期招新血既野
吾好做埋d 咁短期既野
例如搞新手活動真係好短期
首先新手未必知有活動
第二吾係個個新手都係活動期間加入
第三 多數新手活動 都係老手扮新手拎獎品
所以d新手大酬賓 基本可以收皮

醉孃

隻game輸無人lo..無咩對手..無咩火花..