完了嗎?愛我還是她??

偉遙

同男朋友一齊唔係奈，但已經分過一次手，當時原因係佢仲未放低ｅｘ．
呢次再一齊，原本好地地，仲一齊行街睇傢俬．
之後
早幾日突然間，佢又話心情唔好，想自己一個靜下，遲幾日搵我．
無見已經６日，無聯絡亦都已經２日，我懷疑佢個ｅｘ又搵佢．
佢係咪仲未放低ｅｘ？我應該等佢搵我？定係我應該搵佢問清楚？

ＭＡＮＤＹ

有機會係,又有機會唔係,

等多一星期先決定吧.

花濺淚v3v

你係佢女朋友
你絕對有權問清楚
拖拖拉拉唔會有答案

CHoK!麟=)

佢第一次同你講分手就係因為ex，証明佢同你開始時都未清楚自己想點，定係純粹搵你做水泡或者想食兩家茶飯?
如果未搞清楚呢d野就繼續同佢一齊，受傷只會係自己呀!

偉遙

回覆 ＭＡＮＤＹ 的帖子

我怕我忍唔住搵佢，我好掛住佢．

偉遙

回覆 花濺淚v3v 的帖子

我都明白拖拖拉拉唔會有答案，但我怕搵佢比佢覺得我迫緊佢，唔比佢靜下．

偉遙

回覆 CHoK!麟=) 的帖子

其實佢唔搵我，一句話想靜下遲ｄ搵我，已經傷害左我．

小彊＊

作為旁觀者 我睇完呢篇野 會毫無疑問咁叫你同佢分手 原因 :心裡有兩個女人
但如果我係妳 我可能都會因為太愛佢 而縱容佢
然而縱容佢既後果係你地必然唔會有好結果

偉遙

回覆 小彊＊ 的帖子

你覺得我應該放棄?

花濺淚v3v

偉遙 發表於 12-10-31 11:39 PM
回覆 小彊＊ 的帖子

你覺得我應該放棄?

驀然忘了當初怎決定相愛
相愛的心終於都變做感慨

情人在　心不再
哪有動情是意外?

---

雖然一個男人心裡面同時有兩個女人
係不忠
但我都想你諗清楚先下決定

兩個人可以相愛係埋一齊
好不容易

☆可兒☆

睇完你篇問題.. 我諗起以前我曾經所謂識過既男仔/女仔/人
呢d case  , 我從來唔會俾人再hurt自己
所謂既hurt   唔係愛唔愛自己
而係因為基於[尊重]

我寫過好多篇文章..內容都好多時有[尊重]既意思在內
唔好講係唔係情侶...
朋友之間  同學之間..
欠缺左尊重 根本個關係即使聯繫到都唔方會好...

呼之則來 揮之則去
當自己係乜呢~~!!

我係唔會容許呢d情況again發生
亦都接受唔到
我尊重任何人....
你唔尊重我...我唔會再搵你..
見到面 我都仲會比dd風度say個hi~
其他就免提免問..
除非  我發現對方已經改變
知道何謂[尊重]

偉遙

回覆 花濺淚v3v 的帖子

唔敢諗，我怕越諗越錯．

偉遙

回覆 ☆可兒☆ 的帖子

ｓｏｒｒｙ一句，我覺得你諗得好偏激．

小彊＊

偉遙 發表於 12-10-31 11:39 PM
回覆 小彊＊ 的帖子

你覺得我應該放棄?

我覺得你應該放棄
由呢件事睇到佢冇你想像中咁愛你
成日話談戀愛談戀愛 即係有溝通先有戀愛
佢一句話靜一靜就算 一兩日唔緊要 但六日......代表咩我諗妳最清楚
引用樓上 尊重真係好緊要 特別係戀人間

偉遙

各位,其實多年前佢比前妻傷害得好深,之後都一直唔敢再愛人咁深
而佢同前女友一齊2年,因咩事分開都唔多講(但我一定唔係第三者,我識男朋友時佢地已經分手)
我同佢一齊只係個幾月貸仔,但足足6日無見,無聯絡3日,我真係好想知佢諗緊咩.
至於尊重呢樣野,其實佢都好尊重我,基本上大部份嘅野,我想點都得,佢唔會迫我做d唔想做嘅野.

花濺淚v3v

偉遙 發表於 12-11-1 11:52 PM
各位,其實多年前佢比前妻傷害得好深,之後都一直唔敢再愛人咁深
而佢同前女友一齊2年,因咩事分開都唔多講(但 ...

因為曾經失去過
人先會學懂珍惜

試試決意離開佢
睇下佢挽留邊一個?

偉遙

回覆 花濺淚v3v 的帖子

唔洗試佢都知道,佢唔會挽留任何一個,佢成日都怕愛其他人,亦都怕人地愛佢.

花濺淚v3v

偉遙 發表於 12-11-2 12:37 AM
回覆 花濺淚v3v 的帖子

唔洗試佢都知道,佢唔會挽留任何一個,佢成日都怕愛其他人,亦都怕人地愛佢. ...

呢種人真係唔要都罷...
有一份愛情擺係面前
都唔識珍惜

真係傻
枉你仲咁關心佢/咁愛佢
為左呢件事而苦惱

我真係好嬲怒

偉遙

回覆 花濺淚v3v 的帖子

可能我以前嘅男朋友,無一個比佢更識諗掛,起碼現任呢位有能力照顧我,盡量就我掛.

花濺淚v3v

偉遙 發表於 12-11-2 10:38 AM
回覆 花濺淚v3v 的帖子

可能我以前嘅男朋友,無一個比佢更識諗掛,起碼現任呢位有能力照顧我,盡量就我掛. ...

祝你幸福。