隻GAME感覺唔錯

jimmy2kkcas

睇開D啦,E+好小GAME冇內掛啦,唔通你真係想禁技禁到手軟咩

wolfhell

jimmy2kkcas 發表於 12-12-22 12:22 AM
睇開D啦,E+好小GAME冇內掛啦,唔通你真係想禁技禁到手軟咩

本人强硬支持要冇內掛，就要禁技禁到手軟

否則本人洗乜回覆姐

andy哥哥

玩開匯思個足球game,見又有新game試，就入來看看，見到討論得甘熱烈，我都發表下意見。
其實沒有內掛，個研發公司米重簡單，晤使做果part。但個公司都系要做內掛落去，就梗系因為D玩家要先做架啦，你晤中意用甘你米晤好用咯，比果D想用的玩家用。你自己晤用，又晤比人地用，甘姐系想點呢？
要想現今個社會，都系速食文化，而家D玩家點同5年10年前比？果時D game裏面指引有少，又沒有自動尋路，分分鐘跑餐死，要解個任，分分鐘搞幾日。換轉而家，解個任要1-2個鐘，個玩家即刻晤玩啦。所以有沒有內掛，系晤怪得個研發公司。況且，就算沒有內掛，甘米做就左D外掛公司，玩家除左比錢遊戲公司賺，重要比錢買外掛，而且分分鐘D外掛重有木馬病毒，重大件事啦（絕對系真事，有報案的）。
所以我系晤反對有內掛的，我建議大家，不如看看個game有沒有D好玩野重好啦，如果個game晤好玩，有內掛無內掛，又有什麽關係呢。

andy哥哥

不如轉話題，個game有沒有D好玩野？或者個人中意的部分。請有玩的朋友發表下啦。

wolfhell

23樓你可以咁講，本人唔怪你，

但係本人唔理你地話本人ON9又好、食古不化又好、睇唔開又好....等等乜野都好

本人都100%強硬反對有內掛出現，同埋有D野唔係話用D咁小朋友思想諗自己唔用內掛就OK冇問題

如果學你話自己唔用內掛咪得咯，咁洗鬼今時今日仲有部份玩家反對有內掛出現呢 ( 唔單指本人一個仲有好多地區都反對有內掛出現 )

同埋本人唔理5-10年前冇內掛會係咩情況，可能10年前本人仲讀緊小學N年班都唔知咩叫做內掛或者果時有遊戲玩就已經好開心唔理得咁多

所以唔好同之前年代比較，之前年代已經過去，就算點講都好都係已經過去成為歷史， 再講本人接觸新電玩有冇內掛係本人首選，

其他野只係次選姐係畫質、技能流唔流暢...等等。

andy哥哥

其實個game有內掛，會對你有什麽影響？姐系好似去旅行甘，有旅遊指南，你可以看，也可以晤看。重要都系個地方好晤好玩，風景靚晤靚。晤通有左旅遊指南，會影響個地方靚晤靚？
所以我真系晤明點解你要強烈反對內掛，如果你的觀點正確的話，好應該講清楚比D遊戲開發商聽，甘先可以做D好玩啱我地玩的遊戲。
但系以往經驗系，如果個game沒有內掛，大把玩家會用外掛，問題重多。就算而家D game有內掛，重系有人用些什麽按鍵精靈之類的東西。同埋一但很多玩家用外掛，很大程度會影響官方個ser，（外掛就系破解程式，大量增加個ser的負荷），很容易死ser的。

wolfhell

內掛同外掛其實根本就係同一樣野衍生出黎，所以你問本人內掛對本人有咩影響

咁點解你唔反問番你自己外掛對你有乜野影響呢，再講內掛同外掛影響力其實係冇乜野分別嫁炸

分別其實唔大，但係大家最重要都只求一樣野就係「快」，乜野快呀!! 升等快、經驗快、打寶物快...等等之類

但係內掛同外掛最唔同之處就係內掛係官方認可，而外掛係非官方認可

本人講到依一度其實內掛同外掛有乜野分別姐，只不過都係醉翁之意不在酒

即係話借內掛做個藉口，實質內掛同外掛嘅共通點根本就係一樣冇分別。

最後本人寧願或者選擇所有電玩都有外掛出現等官方去捉，都唔想所有電玩都設有內掛功能

所以本人唔同你地唔鐘意羊群心理跟你地風或冇自己個人主見、見地...等等思想

andy哥哥

回樓上的朋友，外掛系捉晤曬的！官方花系外掛的錢財何其大？因為要封外掛，要買防外掛的保護程式，比如 N-protect、Xtrap、Apex等，每年每月比服務費。而D防外掛程式，只系識防D已經知道的外掛，新外掛系晤識防的，要個代理公司去搵個外掛返來，比個防外掛程式供應商，然后先可以改版，防到D外掛。等到真系防得到，都晤知幾時啦。而用人工在game裏面捉外掛，系捉晤到甘多，遊戲裏面地圖何期大？24小時，你點捉？你封外掛的號，他就來投訴你，重去消費者委員會度投訴。所以要有很確實的證據，遊戲公司先可以封號。好似警察查案甘樣。遊戲公司想提供遊戲比玩家玩，然后想賺錢姐，使晤使搞都甘啊。你以為遊戲公司想有D內掛外掛嗎？沒有這些掛，玩家玩得沒有那麼快，遊戲公司重可以賺耐D錢添。所以遊戲公司都系逼不得以，先提供內掛的。當然也是為玩家有甘的需要，個研發公司就做D野出來比D玩家用。
所以你如果系因為內掛，而晤去玩個好game, 甘你就錯怪左個研發公司了。我晤系話末日一定系好game, 好game系各位玩家評的。

wolfhell

如果好似你咁講防毒軟件豈不是同防外掛程式咪一樣，學你話橫點都捉唔晒嫁啦，

咁點解防毒軟件生產商及防外掛程式生產商仲要更新及研發，唔研發及唔更新豈不是仲好節省一堆成本，

但同埋你知唔知GM及防外掛程式係點樣捉及偵測嫁

難道GM仲要係遊戲裏面地圖慢慢搵可疑外掛嗎?? 本人同你講你玩緊所有唔理咩類型online game可以見到BOSS、NPC、唔同場景...等等

其實係伺服器背後只係一堆唔同數字組合嘅數字嫁炸，即係例如0101010011..等等之類

及果D 01010011數字都有自己特定編碼黎表示咩地區、咩位置...等等之類，

GM捉外掛都係只係不斷睇緊依D數字變化組合黎捉外掛，係佢地眼中果D就係玩家嘅電磁記錄數據

防外掛程式只係間接性協助手動GM去搵出伺服器可疑數字而已，可能你會話果D防外掛程式一早比中國大陸破Q晒啦

但係本人依編文章開頭都講過防毒軟件豈不是同防外掛程式咪一樣，咁點解今時今日防毒軟件生產商及防外掛程式生產商仲要更新及研發?

最後依個POST嘅14樓本人都講左「 凡係有內掛功能(系統)、自動打怪、打怪小幫手....等等之類嘅內掛一律唔玩

就算該電玩被玩家形容係神作或官方話耗資N年N資金....等等都一律唔放在眼內。」 <----( 依句說話已經答左你如果系因為內掛，而唔去玩個好game )

總結: 你地都見到本人講到咁就係一個咁樣嘅人唔理你地講乜野都好，冇人可以改變或影響本人嘅決定

          即係本人話凡係有內掛功能一律唔玩就一律唔玩。

注意: 本人意思、心中說話、想講野已經都講晒，但為左唔好因為依個問題討論永無休止，所以本人就依一度劃上句號

但本人嘅決定永遠都唔會變，即係凡係有內掛功能一律唔玩就一律唔玩

藍羽臣

有內掛好，岩晒我d打工仔玩。

-堯

內掛都系對一啲冇時間玩既朋友而設姐!
好似LDJ甘- -冇時間玩就真系比人爬哂頭咖啦!

和平核彈奀仔

多謝你地討論令呢個版活躍好多
因為仲係CCB, 而家會收集大家建議俾原廠研究改善可行性

為免火藥味太重, 大家溫和d發表就好了^^
不過正如我之前講, 鹹魚青菜各有所好

我個人覺得每個人對自己, 對遊戲都有要求或需要
所以我覺得大家既理由都可以係非常合理, 互相尊重就得喇

另外, 其實一d小經驗分享
關於外掛, 好多時大家會覺得, 點解回報左又唔捉呢
其實唔係唔捉, 而係捉前收集緊足夠證據者
捉外掛唔係"就咁睇住電磁數據"就可以捉咁簡單既
因為要保證無用外掛既玩家權益
所以好多時要好細心收集同分析數據, 再從後端查好多資料先可以捉
有時需要一d時間(遇上假期會耐少少)
同埋專業既外掛團隊係好多計仔避開耳目
當然幾多計仔都總會有方法查
玩家舉報時可以多些圖, 時間, 地點, 角色名等等, 會減少好多查詢工作
就好似投訴電視廣告/節目咁XD

至於外掛同內掛分別, 我個人覺得外掛只係得部份人有權用(要俾錢/外掛開發內部自己人用)
同內掛(所有人可以用)有少少唔同
不過大家到此為止, 唔同再就呢個TOPIC爭執, 和氣咁過埋2012啦