我提出分手, 女友暗示會有自殺念頭, 有冇高人幫我?

紫靈姬

其實分手真係好捉心理戰
即係打個比方來說 你女朋友而家個情況就係
一個小朋友經常都會用喊黎博取大人既疼錫
其實一齊三年了 真係咩都可以睇清楚哂
大家性格唔夾既唔夾應該討論過無數次
你不如嘗試下同佢傾下大家比個機會比大家
有咩需要改既部分比一定既時間大家去改
假若係呢段期限內再失言或無改變的話就分手
如果係期限內真係有改善依然可以keep到就真係繼續一齊
你對佢仲會有感情 其實你都未想到真係分手呢個地步
倒不如真係大家坐低去傾下 如果佢真係話自殺 講真佢就係太了解你 你份人太易心軟
先至會講呢番說話黎嚇你唔想分手 如果你狠心啲我相信佢會自虐傷害自己去令到你心軟
你自然就會放下分手呢個理由 長遠落去根本件事就係無解決過
畢竟你地係初戀放唔低大家係正常 呢個期限足以證明大家願唔願意為呢段感情去努力落去
如果佢都係唔肯 衰啲講句我寧願你狠心小小唔理佢 佢反而係會知驚而唔係會去自殺
三年了吵過無數次 都會提過無數次分手 佢要有呢個念頭應該一早做左 而唔係等到今日

紫靈姬

好老實男人有的是時間,可以幾時考慮結婚都無問題.
但女人相反年齡隨住25歲後就開始會焦慮,心急想搵人嫁.
既然已經無個種感覺何必拖住人地啲時間呢?
換轉係你比人拖住你都會好討厭呢種感覺,你而家同佢一齊只係同情.
並唔係真心愛佢,施捨既感情最後只會對當事人更加受傷,會造成更多不憾設想既事
如果你唔想真係釀成佢睇唔開既事件發生,倒不如真係殘忍少少,直接提出分手,你絕對係做硬衰人.
事後點樣補救係事後既事,佢對你好,反而你變得唔珍惜,咁你自己都要好好反省下.
到底你係咪個種..女人不壞,男人不愛..?

紫靈姬

依你現在既情況黎睇,你可以搵到第二個
但係繼續落去,你最後都係會趕走哂身邊對你好既女仔
而你最後只會怨自己,自己一個生活下去!