- 閱讀權限
- 60
- 最後登錄
- 21-4-13
- 精華
- 0
- UID
- 2162741
- 帖子
- 1593
- 積分
- 4249
- 註冊時間
- 11-11-28
- 在線時間
- 529 小時
- UID
- 2162741
- 帖子
- 1593
- 積分
- 4249
- Good
- 114
- 註冊時間
- 11-11-28
- 在線時間
- 529 小時
|
借分享的 希望你地可以比評分 作者
本帖最後由 醜八怪` 於 13-6-22 02:03 AM 編輯
我先貼上參考網站➱解答任何被昆問題(法律/報警) 睇過題目名都知 講咩啦
而作者-曾係Nostale版出現過 就打左尼個咁好既POST 希望大家都禁入去睇下啦~
我都會COPY係度 編輯 有改過既會轉色 + 嘗試加"我"自己經驗 當然會加其他標示的 ❝ ❞ =我所打的
❝將原先排位改成④➫⑤➫⑪➫①➫②➫③➫⑧➫⑦➫⑨➫⑩➫⑥ 因為想試下由覺比人昆 到警署 之後善後野咁睇❞
難題4: 如果入左錢,對方冇比野你?
答: 呢樣野真係睇當時環境,好睇對方係咪完全唔見人,例如black list左你,你搵過好多方法都見唔到佢, 最重要一點,你唔好咁on9去銀行話自己入錯數,之後去報警.
因為,對方會咬住呢樣野,話係你自己入錯數,令到警方係做唔到野,就算事實佢昆你既話都好,[一定告唔入].
❝事件A話說我經銀行過戶買一件玩具 對方應該可以即日比到我的 ;咁佢又話遲D比我 但又不斷sell野比我{成個SALES}咁 ; 我話唔洗喇;唔需要;問埋佢幾時比我嫁 {又比藉口我};之後;我覺唔對路;叫佢一係退款一係比貨;初頭仲聯絡到的{仲話比番錢} 點知最後唔聽我CALL❞
❝事件B另一單 {我都係0_9 } 話說我都有次同銀行講我入錯數 ;可唔可以退番 ; 銀行職員答:名同戶口 都係你confirm左 所以唔可以退 唔好意思 ; 應該可以話...對方唔會知你同銀行講過自己入錯數 ; 可能有特別情況啦~❞
難題5: 佢係msn同你講又唔係真人同你講,咁都叫證據?
答: 任何渠道,雙方協議好,呢個已經係一種合約黎,若果單方面唔理,受害人可以告上法庭,都係好睇程況係民事定刑事. 2者都有唔同的.刑事係最好,係政府會幫你告對方.
❝話說我試過 經〄面交/✆電話/✉信息比人昆左 慶幸警方都受理左 拉埋先知部分係慣犯 同 會經唔同途徑呃人❞
難題11: 比人昆就即刻報警?
答: 千萬唔好咁快,因為差佬會話,時間太小,可能對方唔係到/唔得閒等等.
最佳時間,比人昆之後2日,但過左一至兩個月就唔好報啦,會比差佬質疑番你架= =
❝話說我第一次比人走數 都有諗到即去報警 ; 伯父就比左電話我 叫我打去警局問問要點做先 個警察都話過2日再冇聯絡就建議去附近警局報案❞
難題1: 見到有人話擔心拎走你部電腦,要拎去做化驗,又驚比人告入面有非法野之類?
答: 放心,完全唔會拎走你部電腦,只不過會問你邊到上網個d,要拎走電腦就係拎走昆狗d電腦
❝我比人呃左咁多次 都冇話要拎電腦/電話走❞
難題2: 報警驚比屋企人知?
答: 如果16 age, 可以自己一個人報了, 如果16以下就要屋企人,不過,如果你驚比屋企人知,掉反轉黎諗,如果佢知道你冇啦啦比人呃左,佢咪仲心痛,起碼報警可以拎番d野
❝我就唔知驚比家人知嫁喇... 屋企人略略都知我 係網上有交易 {電腦係廳幾難唔發覺姐 } 加上有咩驚比家人知?? {你比人呃完又唔講 無啦啦情緒大變 家人仲擔心 定係 好似大雄拎0分怕比媽話?}家人唔係會叫你小心D咩??❞其實比家人知道有咩問題?? 家家有本難唸的經 大家可講下
難題3: 報警要帶d咩野?
答: 最重要帶個"人","身份證","入數單,如果網上銀行就要print 番張過錢時叫張野,唔係交易紀錄,係詳細d個張野,入咩no.自己咩no.個張野" , "通話紀錄,例如MSN,童話(NOS)入面就prt scr","你有錄埋音就最好啦",
❝話說有次 我同對方主要係靠✉/✆聯絡的... CID都受理 我果時show 入數紙 + 個電話出黎(你叫我點prt信息同紀錄... 唯有睇啦) {同我落口供果個係madam 當我囡咁話 下次小心啲喇 唔想下次見到我 } ❞
難題8: 邊間警署報?
答: 任何一間,唔洗send e-mail
❝正常黎講任何一間都可以 ; 因為如果有CID同你跟就得 [當然唔同案件有唔同部門] 話說我第一次報案 去左間冇CID跟 之後師兄就搵輔警 接我去第間警局 {第一次坐警車 }加上E+可以網上報案的 詳情請上 香港警務處 網站❞
難題7: 報案大約幾耐,要做d咩?
答: 快既2個鐘,慢既3-4個鐘,呢d如果入銀行又收唔到物品既case,通常係交比CID,佢要整番份口供.
❝佔左我大約1-4個鐘 等得耐果日太多人 要坐係sofa等... 咁入到去有咩做呢~
首先會問你個人資料 聯絡電話 及copy ID CARD等 有家人陪同 2個電話都會留➔核對完就簽名➔同你落口供➔你有入數紙/其他證據會同你copy一份 方便佢地做野➔落完 就對下口供有冇錯誤➔冇既就簽名係尾頁;;
假如有錯字就係錯果行/上方簽名 (因為有修改的一定要簽名)➔最後尾頁簽多次➔之後回家等消息❞
難題9: 警察點搵番昆人個條友?
答: 佢地會去法庭申請,要求銀行比資料,銀行會比的,同埋呃人個個係冇可能比到假地址銀行,因為登記個時要比地址證明,CID收到資料會去上門搵佢/打電話
❝會搵銀行比資料的~ 我自己搵銀行都要比$300 好彩對方比番錢(呃我既$+銀行$300)我❞
難題10: 幾時先捉到昆狗?
答: 最快都要2-3個月,因為真係要cheak 資料.
❝1次就半年內搵到 原來係學生一名 何必呢~ ; 另外一名不知明人士 因為法庭判埋警方先同我講原來冇搵我 好遲先知 因為我明明係A區報案 但警方話不知明人士原來B區都犯左事 所以直接fax左B區人跟;遺留左我 ❞
難題6: 如果對方夠18 age,會點呢?
答: 基本上, 受害人已經報案,警方係必定要做野,只不過睇佢做野時間耐唔耐,另外,好睇報案人同差佬既取態, 報案人如果只係想拎番錢既,主動消案,對方都唔會有事既,;
但係若果追究番責任,警方又有證據,又夠18 age,係必定會起訴, 罪名係 : [欺詐罪] or [以欺詐手段取得財產] or [以欺詐手段取得金錢]
跟據香港法例第 210 章 盜竊罪條例 , 意圖永久地剝奪他人財產係犯法的.
❝同上 如果捉到對方係會有信通知你 同講埋涉及咩罪 因為每個唔同 所以唔講咁多!!❞
►多謝觀賞◄ |
|
樓主: 醜八怪`
發表於 13-6-17 11:44 PM
留意我交易POST吧 不想在這賣廣告=] 
發表於 13-6-18 08:55 PM
你的文對我很有用!
