- 閱讀權限
- 102
- 最後登錄
- 17-7-10
- 精華
- 24
- UID
- 173267
- 帖子
- 259629
- 積分
- 13778
- 註冊時間
- 04-4-5
- 在線時間
- 11920 小時
- UID
- 173267
- 帖子
- 259629
- 積分
- 13778
- Good
- 2799
- 註冊時間
- 04-4-5
- 在線時間
- 11920 小時
|
o係香港做男仔，除非有父幹，否則真係慘過食十舊屎
出來工作，除非跟車維修地盤裝修之類體力勞動，否則幾乎都係女性優先或只請女性。
簡單講，除左男監獄警同鴨，冇工唔請女人(但相對地，女監獄警同雞一樣唔請男，而且男做鴨，難度係高過女做雞好多好多)，只差在女人願唔願做，唔請男既工卻有一大堆！
就算請左，好多時又同酬不同工，同一公司同一post，有時有D辛苦危險工序、開夜、去大陸等等，女同事唔使做，人工就一樣喎。 有時D大時大節前夕，例如冬至、平安夜、兩個除夕、中秋節，女同事有得早就，男同事冇~~
升職、加薪，女性有先天性優勢
升職升女不升男、加薪加女不加男 = 男人廢 / 男人畀D風度讓下女仔，好男不與女鬥， 同女人計較同女人爭，係咪男人黎架......
升職升男不升女、加薪加男不加女 = 性別歧視、平機會見
做sales既，同女同事爭生意，「你係咪男人黎架？同女人爭生意？」，ok，就唔同你爭，畀晒客你班女人，畀你班女人做晒top sales好未？「top sales全部女仔，班男sales個個都冇客，所以話香港男人真係廢到無倫，真係唔知佢地點樣妻活兒，大陸妹都唔吼佢地....」
冇拍拖，就係毒男宅男電車男。主流觀念仲會以為，而家女多男少你都搵唔到伴，一定係你有好大問題。
卻鮮有人知道真相：所謂女多男少，係計埋外傭(近30萬幾乎全女)、長者(通常男定女較長命？所以婆婆多定公公多？)，外傭同長者會唔會係拍拖結婚對象？
據2011年人口普查數據，20至39歲、從未結婚、不計外傭，男有約67萬，女僅有約62萬。
有拍拖，仲死，作為男方已經係原罪，好似前世欠左條女咁，乜野責任乜野付出，無論係唔係關於錢都好，全部係男方單方面付出。
男人提出AA制/輪流付賬、提議低消費節目，係孤寒小家斤斤計較不願付出冇風度冇承擔不負責任唔愛自己女友......
女人呢？冇得輸，即使分文不出亦係天經地義，唔好話請埋男人，提出AA制/輪流付賬，已經係皇恩浩蕩，提議低消費節目係慳家、賢妻良母、好女仔、錫著男友荷包....
安排節目，又係男人責任，否則就係冇主見、唔識照顧女仔......
但當女人心中有節目有主見時，男人就要放棄自己主見去遷就女人，男人堅持主見，就係冇風度唔讓女仔、大男人乜都要話晒事、唔尊重女仔意見.....
甚麼情人節、聖誕節、乜乜物物紀念日，唔係應該係雙方既咩？但事實往往又係男方單方面付出，plan慶祝節目、送禮物、攪驚喜、使錢......女人就齋收。
到底係情人節，定女朋友節？
一句「風度 」= 無限屈機魔咒，令女性站於無敵不敗之地 + 將所有男性單方面無條件無限量付出甚至奴役，全部合理化。
吃喝玩樂畀晒錢、被食夾棍、管接管送、送花送禮、隨傳隨到、無限遷就、忍讓、旅行節日等plan節目、攪驚喜、拎手袋、做阿四、「滅」蝦殼橙皮督檸檬餵埋女人食......細心、溫柔、專一、明明女人錯都要食死貓扮死狗去道歉去tum女人、女人冇主見時畀主見女人，女人有主見時就掉左自己主見去遷就女人......
仲有女人不想做、不願做的，男人仆著去做。女人想做的，男人掂都唔好掂....
全部係一句「風度」，就合理化......
相對「風度」而言，女人有甚麼是應份的？淑女？溫柔？賢良淑德？善解人意.....大把女人反對，話性別歧視、食古不化、大男人、落後無知、規限/欺壓/剝削女性、你以為自己係邊個、你憑乜要求人、點解女仔一定要溫柔賢良淑德善解人意.....
相反話男人要有所謂「風度」，唔止女人，大把被洗腦既男人都贊同。
收入就同酬(但未必同工)，支出就「風度」。大家都係打份工逗份糧，男人要同女人分，開支加倍。女人份糧就淨袋，開支大減，慳埋一大筆。
慳黎一係賺錢買花戴，仲可以大大聲話「我買花戴係用自己錢，唔用男人錢架！你話我係咪好女仔呢....」。
一係唔買花戴既，近乎有收入冇支出，儲埋儲埋，假以時日，積蓄遠遠多過男人，
就大鬧男人「點解我儲到錢你儲唔到？不善理財、大花筒、洗腳唔抹腳、冇鬼用冇前途既廢男人、同你一齊仲點有將來.....」
拍拖已經千金散盡，如同幫人養女湊女。
個個月條女一車車錢運返外家俾家用 ，你自己屋企問拎家用，就支唔以對...hmm..冇呀..今個月有D手緊
其實你老母心底知咩事， 要怪就怪自己當年唔爭氣，生多一條腸一個袋兩粒蛋畀你，攪到變蝕本貨 ，
一個月洗多五千，條女屋企就賺多五千 ，一年就使多六萬，條女屋企就賺多六萬 ，
十年後計一計數，已經輸送左六十萬俾你條女屋企 。
自己屋企出街食頂多去大快活， 你條女屋企就起碼去和民 ，
最後換黎外母同你講：「下? 買樓首期酒席婚紗相渡蜜月......
(下刪一萬字，可簡化為六個字：「所有結婚開支」)緊係男家負責啦，咁禮金你諗住俾幾多？送幾多十圍酒席人情畀女家？我養到個女咁大就咁畀左你......」
對西方的甚麼風度甚麼lady first趨之若鶩奉若聖旨，卻無視人家西方一早視這些東西為歧視女性、視女性為弱者的施捨。
對西方結婚是由女家支付大部份開支的習俗，就忽然傳統中國人，禮金呀所有開支男家付鈔呀就跟足中國傳統。
婚後的中國傳統：妻子要守婦道、照顧服侍男方父母、不再供養外家、有病或生唔出男B都可以被休妻.....就係性別歧視、食古不化、落後無知、大男人欺壓女性.....
結婚時，男人往往被屈「養到個女咁大就咁畀左你」，所以要付大筆禮金、送女家幾十圍酒席人情。
事實係，現代香港，結婚後一對新人通常都係搬出去住另組家庭，
你估真係照中國傳統，女方搬去男方屋企，照顧服侍男方父母(禮金就識跟足中國傳統！)？
你話你冇左個女，人地何嘗唔係冇左個仔？相反，好多男人婚後都係畀老婆食著，親/養外父外母，多過親/養自己父母，
到底係你冇左個女，定係人地冇左個仔，你多左半邊仔？
都仲未計，原來剩係你養大個女要錢、要問人拎返，人地養大個仔係免費既。
原來你個女剩係你有份養，拍拖時，你個女就免費，人地個仔就雙計，幫你個女慳埋一大筆飲食錢、睇戲錢、唱K錢、演唱會錢、旅行錢、LV錢........o個D唔係幫你養緊個女。
擔起成個家的責任, 只落在男方身上，女仔即使會考/DSE 0分，甚至得中四中三，月入得$6xxx - 7xxx，你有幾時見有人話呢類女仔廢？會有人話佢冇資格拍拖、冇錢就唔好學人拍拖之類？ 不單冇，相反仲會慫恿佢盡快拍拖/結婚，搵個男友/老公依靠 。
但男人呢，即使月入「只有」$1xxxx ，其實已經係上述女仔既雙倍到幾倍，而香港個人收入中位數，亦不過係約$12xxx，都可以大把人話你廢，話你辜負父母期望，仲出動埋道德譴責話你點解唔夠上進。
就算娶左個上述月入$6xxx - 7xxx既女仔做老婆，都只會係咁啄住你黎鬧 ，話你餓死老婆瘟臭屋、害左人地個女、累個女仔陪你挨窮.....之類，而無視個女仔本身都係搵得$6xxx - 7xxx呢一點 ，甚至本身搵得$6xxx - 7xxx既老婆，都有資格話返你呢個老公冇出息轉頭 。
唔好彩離埋婚，仲有分身家同贍養費......
在香港, 做男仔, 乜責任付出都關佢地事，乜責任乜付出都係男仔單方面。
女仔呢？由始至終完全無任何責任無需任何付出。
宜家都已經去到男女搵錢差唔多既年代，甚至女人搵錢機會比男人多，仲要男畀？
講法律又有男衰11但女永遠冇，一對未夠16歲男女攪野，無論邊個大個D、邊個主動，永遠係男有罪女係「事主」，又冇女強姦罪 。
即係係香港，咩九都女人玩哂，你好少何見其他地方可以好似香港咁女人玩哂到咁離譜。
中國傳統+男方付出(eg禮金、結婚開支男家出) = 我地係中國人，緊係要跟中國傳統
西方傳統+男方付出 (eg所謂風度、lady first、男方跪地求婚送婚戒) = 西方高等文明尊重女性，女人/女仔/女友/老婆係要黎錫既，有咩唔好？
中國傳統+女方付出 (eg收禮金後，做左人老婆就買斷，不再供養外家，守婦道、照顧服侍老爺奶奶、有病或生唔出男B都可被休妻...) = 而家乜年代？仲執著古代o個套大男人蝦女人野？係咪想女仔好似古代咁冇晒人權，至滿足到你D變態大男人/小男人思想......
西方傳統+女方付出 (eg男係紳士既同時，女亦要係淑女，結婚除婚戒外，所有開支女家出) = 我地係中國人，死鬼佬野關我地叉事.....
|
|
樓主: 友誼第一^.^
發表於 13-7-26 05:26 PM
發表於 13-7-26 06:46 PM
發表於 13-7-27 01:15 AM