親身經歷...Speed Dating真人真事

wai1811

講下我背景先, 澳洲讀完大學返黎幾年, 樣,身形樣貌一般, 文員工


去左澳洲幾年, 返到黎香港女性朋友唔多, 工作更加無咩機會識異性,間中都有試過同一D女仔Dating ,可惜都係matching 唔到



一開始返到黎都覺得單身無問題, o仲好自由，但係時間一日一日咁過,每日返工放工的生活,加上生活單調,

放假間唔中同屋企人，朋友食下飯，都係留係屋企多

加上大時大節, 都係一個人留係屋企過, 晚夜個種空虛的感覺越來越強烈,
咁岩上個月電視播求愛大作戰, 佢地對著幾百萬人相體都無問題，點解我唔試下沖破自己的安全網
我就突然有一種好想打破現壯的感覺，於是我就把心一橫上網搵d speed dating website,　

我做過一些資料搜捕, 究竟邊間speed dating 好? 　（可能我個人比較獨）   
最後搵左一間比評價ｏｋ，ｗｅｂｓｉｔｅ，價格都唔差的公司 ( Colour Match ) , 膽粗粗報左名.........
其實一開始都係抱著一個沒咩期望的心態去參加，　因為根據我的人生經驗,往往期望越大，失望越大，
當日去到現場第一時間當然一眼關７，　掃一掃在場的女士

勢估唔到，　ｄ參加者比我想象中ｏｋ，　３０幾人，普遍的女仕質素合格，仲有一兩個靚女
，　咁當然有一些差小小　＝．　＝
主辦人會分配到不同座位，　我的枱號係５號　！！　ｏｍｇ！！　坐我對面的竟然係其中一個靚女．．．．．．


講返個晚個情況，
地區：中環西餐廳
人數：　３６人，　一張枱ｆｏｒ　４個人的，２男２女，
一開始有一d
on9 warn up game 的， 　 岩岩一ｄｄ人啦，　但都叫可以打開隔膜
之後就分枱食飯，先簡介一下同枱的人，

我對面個個女仔ａ，我遠望的時候，第一個感覺係好靚女，
短頭髮，戴大眼ｃｏｎ，　眼大，皮膚白，識打扮

但係近睇皮膚有小小粒粒＆暗瘡印，
總結唔係勁靚女，出街會好多人望個ｄ，但絕對係中上，（１０個蘋果有８個個隻）  

原來佢係陪佢個同事ｂ一齊黎的，　當然佢的朋友無咁靚，但係唔差的，

佢地都係做 Trading 文職

而我旁邊的男士ａ，係一個消防員，大隻，不過好彩個樣麻麻地，健談的

自問本人學歷樣貌較好，但係輸在身形，
我本身唔係好健談，但唔係怕羞個種，　好彩消防員好鐘意吹水，帶動到氣氛，總結有講有笑
大約４５分鐘後，　就係７分鐘一租的ｓｐｅｅｄ　ｄａｔｉｎｇ，男仕會每７分鐘跟不同的女士傾計，　（老實講，我根本就唔想換仆位，　我對ａ小姐有好感）
耐何一定要換啦，　但勢估唔到之後比我識到之後的女生  



開始ｏｎｅ　ｏｎ　ｏｎｅ　單獨Dating ，
係頭幾位的時候，　我都會出盡九牛二虎之力同每位女士傾計

傾Ｄ咩？？　一開始都係離唔開做緊咩工呀，　今年幾歲，平時有咩興趣，　放假有咩做。再唔係講下最近的電影。。
講下講下發覺唔對路，　在場around 16男１６女，　咁樣講落去辛苦過平時返工 interview.....  之後我就學識分配下Ｄ比重，　對較心儀的對象先主動出撃，講多Ｄ野，
多一Ｄ交流，

對一Ｄ完全９唔答８的女士 （例如年齡層有差別的），　就引導佢地講野為主，問她們問題，自己做聽個位
我都由一開始發問一些ＯＮ９問題（有咩嗜好），　改為分享一下自己的有趣的生活點滴（澳洲生活），　或者問下她們的生活習慣，投其所好，再打蛇隨棍上。。。。。　 因為始終大部人都係問埋Ｄ　ＯＮ９野，　我只要有一些另類，就可以突圍而出。。。  最後我都識左３，４　位女士，　交換左電話，　對１，２個較有興趣　
ＷＨＡＴＳＡＰＰＰＰＰＰＰ中。。。。。  有進長展會立即UPDATE　大家

仲識左個大隻消防員。。。。　都有同佢ＷＨＡＴＳＡＰＰ　傾下大家有沒有下文。。佢都識左２個　
　大隻真係有著數
總結，呢餐飯係開心的，識到唔同朋友，又自悟左一Ｄ溝通技巧，
覺得同Ｄ唔同的女仔講計，好有趣味
　
我依家有小小上癮，　想盡快再去多次

sansan903

恭喜~~首先我係男的= =""
基本上係樣唔差搭D口技....唔會追唔到女仔既
你真係好用心分享....純粹個人意見
其實靚女大把啦~適合你既女仔都大把啦~你用心搵實搵到...
逆意維真係好重要...當你知道你問咩,人地會答咩
D囡已經慢慢走進你的魚網內,成功只係時間問題
轉數快既人係著數D