垃圾生存模式比外掛狗玩

sealkit

啱啱57LV生存模式斷線死鬼左，上來見到篇咁既野，回下。
1)+20屈機甚麼的，HKD玩晒甚麼的。
我本人就冇入過1蚊HKD玩，但武器亦+20。沒金錢付出，就付出多點時間，沒時間付出，就當個真正的普通玩家。自己冇辨法付出咁多，但又話D付出得較多既人屈機、玩晒，咁....人地付出來做咩??最好個個人每日ONLINE 1粒鐘就全身+20，咁咪人人平等?
(其實我就唔多覺有幾屈機，未+20果陣入去都係照打，一個SER入面好多勁人，佢就隨機分隊，你咪等D勁人做主角，自己做配角咁執下雞，保下命咪算)

2)PVP、名字是"競技場"
故名思義，係競技、鬥爭既地方，休唔休閒就睇人既心態，但你抱住一定要贏，又或者唔可以有先天劣勢(裝備)既心態，而又入個競爭既地方，點解仲可以視此為「唯一休閒」之地呢。

富人越富這道理很新潮嗎?李家誠搵錢愈來愈多好出奇?錢不嬲愈滾愈大架啦。
自己付出得唔夠人多，但又要抱住懶係休閒心態，但又矛盾到要同D付出得多既人保持差距。
最好就俾你返1日工，拎既人工同D返30日同一份工既人，一樣，咁就差唔多啦。

3)排行榜
其實呢點上面包晒，排行榜又係競爭既地方，你付出唔夠人多，係輸架啦，好出奇?

4)外掛
唔好睇到外掛咁重，賺到既錢比你想像中少好多。我打野怪1粒鐘，果堆垃圾物品賣埋5金都唔知有冇，仲要係喺擁風草原到打。你唔信手動係排行榜贏到外掛，咁係你既事啦


總結來講，太多OLG唔啱樓主玩。想要唔洗付出得多(時間、金錢)，但可以單靠技術、天份，做到同D付出得多既人有較公平競爭既話，咪去玩LOL、信長、CS、SC呢D囉，學乜野人玩商城制遊戲又要嘈呢。

02186

sealkit 發表於 13-9-27 12:59 AM
啱啱57LV生存模式斷線死鬼左，上來見到篇咁既野，回下。
1)+20屈機甚麼的，HKD玩晒甚麼的。
我本人就冇入過 ...

57LV斷線死左咁可憐呀
1) 我玩左咁耐傷翼傷面 1張高傷面附魔卡 百幾張高武百幾張高防具買賣轉手賺到基本上我都可以+20
我想講呢隻GAME不公平既地方係有錢全身+20同平民+9裝黎講差太遠 基本上個差距可以說是能夠1打3/1打4/1打5

2) 你話我懶? 我每日刷副都刷晒D單人+打下地獄
重點是你說既競技埸 呢個咁細既競技埸 成日都有人見到對手太強就被逼走埸/掛機 玩十埸九埸都見到呢種情況
原因就係+20同+9差距太大 正如我上面想說差距大到是可以1打3/1打4/1打5

3) 精鑄排行榜個玩法係鬥消錢... 你敢講你唔用錢玩會有機會上到頭3?好好笑 講到努力就追到咁

4) 最近就係比外掛狗搞到D金貶值 80蚊1000金呀大佬 你話外掛影響唔大? 你玩1日有冇1000金? 我諗正常人玩1日都冇500金 當你1日刷副刷足10個鐘都冇500金你仲會有動力去玩? 就算搵番D舊GAME玩 D遊戲幣都不至於貶值成咁

總結: 你無認真分析 一尾9UP 信長/LOL/CS呢D我都有玩過 不過呢D對戰GAME埸埸都是咁玩得多好悶呢家都唔想再玩 我係鐘意玩ONLINE刷下副 打下寶 賣下野 外掛狗橫行 商城又不斷出野昆錢 唔用錢玩既手動玩家點玩落去 本來生存模式係幾好幾吸引人去玩 不過D任太膠 簡直係陷阱咁  咁樣死一死法仲邊有心機

linglingb

呢隻GAME冇哂生存希望~

辣到喊

係比港戰玩..唔係外掛~.~