天涯明月刀有沒有人玩

邙略

klaum1106 發表於 14-6-21 12:48 PM
點解你地成日話港服小人玩呢?其實好正正就係因為有你地呢d人 自己想玩得開心又唔肯放d錢去投資落隻遊戲到 ...

或者你可以咁諗，九陰嘅設計上只有永無止境咁深落去，單單一招太拳今日出到中階，又難保他日出到深研？我同夜玉曾經講個，這坑是填不滿的。今日出套魅影，聽日出套克制又或者更強嘅武學，長此下去你又如何？

再者，九九金，有好多人話你班窮_連百幾蚊都玩唔起就咪_嘈，事實上又係唔係咁？先睇第一套99武學，炎陽刀，曾經以雙衝鋒（喺呀，你無睇錯，雙衝鋒以前喺賣點來的）同克制無腦腿（比人改弱左四次嘅逍遙腿）而聞名嘅刀法，今日只能慨嘆一句呵呵。這就是99武學，只有一套比一套強，狗娘動、十巴、修羅刀…下一套只會打着平衡嘅正名而漠視一切。

門派套路，門派套路大部份本質上唔差，但喺相對於其它武學你又認為如何？ok，你會答我，比錢"投資"啦_頭〈雖然我唔明點解你會用投資依個字眼〉，咁你又認為除左古譜爪，半古譜棍，禁地宇宙刺，回血劍之外有邊套可以同其它武學分庭抗禮？就同勢力武學比吧，少林龍爪打移花炮？唐門號稱暗器大戶見到金針都想喊，萬獸加速左乜我需要九幽隨行？無根劍三衝鋒你又如何？結果就喺門派只係為左一套內功而存在，丐幫嘅4內完全係劃時代打有錢人嘅結晶。其它門派？叛師吧！

我絕對同意比左錢可以有更多嘅權力，這的的確確係人之常情，但係九陰做緊嘅野就係將小玩家趕盡殺絕。試諗下今次改版？明顯係想小幫會/散人玩家拉入渾水之中，如果你今時今日都認為一切都喺正常合理，我只可以講句道不同不相為謀。

今日你同我講比左500嘅三個人可以打贏一個五萬蚊，我誠心地祝福你他朝可以講同一番說話。

黑薔薇

黑薔薇 發表於 14-6-21 10:40 AM
就係有咁多強勢99金之下,血殺,爪同打狗都仲生存到D人先會噴

改門派武學做咩,改完蝸牛又無錢賺既,緊係出多D99金新古譜,實行今天我的打倒昨天的我

雙月_

邙略 發表於 2014-6-21 13:39
或者你可以咁諗，九陰嘅設計上只有永無止境咁深落去，單單一招太拳今日出到中階，又難保他日出到深研？我 ...

只可以講出新野個陣只係多一種選擇，不代表你要有，研究下套路配合一樣有一片天（低投放=人地高投放都得）

邙略

回覆 雙月_ 的帖子

試舉例並論述之

雙月_

同埋打九陰唔係單一只有追求強勁武學、內功，有很多好玩同連技套路都係九陰特色。
想追求勁慨又唔想投放多錢，咪參考下so 洲比武區d人同問下高手。

雙月_

邙略 發表於 2014-6-21 17:33
回覆 雙月_ 的帖子

試舉例並論述之

想勁
現階段 低投入極實用強勁 有錦衣，黑衣配任何99金，
高階黑衣配魔心手，修羅刀，天羅舞等霸體，
無門腳，神風等防反 對古譜打狗和魅影劍甚至參合指都有50%機會（睇雙方操作，了解套路，有否留意細節如酒雨中不中對手和計算對手怒氣等關係），半血打狗，瘋魔棍 對高低都得，雙刀打團戰。
錦衣
大部份同上，但技巧不一樣因為輸出不及丐幫,但有防守加成輸出較穩定等（丐幫淋唔中酒雨差很遠）
但如中手想慳錢又勁，血殺刀、爪、加魔心消耗有怒血殺拉中冇擋就大。

北．冥

呢家so州真係好多高手
可以學到各種99武功同古譜既(好笑)用法
懷念各位退左game既真正既門派高手

邙略

雙月_ 發表於 14-6-21 06:25 PM
想勁
現階段 低投入極實用強勁 有錦衣，黑衣配任何99金，
高階黑衣配魔心手，修羅刀，天羅舞等霸體，

你可唔可以睇清楚先回？不過唔緊要啦，你都會回我玩得開心就得呀嘛。

（有少少燥，唔建議你覆我了）

雙月_

北．冥 發表於 2014-6-21 18:33
呢家so州真係好多高手
可以學到各種99武功同古譜既(好笑)用法
懷念各位退左game既真正既門派高手 ...

用得門派套路勁，用99金、古譜一樣唔會差，每套用法都有其合理性，遇到棋估相當對手時，高下立見。

tszlok

雙月_ 發表於 14-6-21 06:45 PM
用得門派套路勁，用99金、古譜一樣唔會差，每套用法都有其合理性，遇到棋估相當對手時，高下立見。 ...

旗鼓相當

北．冥

回覆 雙月_ 的帖子

嗯 但唔少人用99"勁" 但完全唔識用門派招

北．冥

回覆 邙略 的帖子

見到九陰既變化 我都有少少燥= =
算吧 九陰真武俠時代已過

tappy

嘻，一係爪同打狗，一係99
門派套路用得勁又點，我打你扣100，你打我扣300
點解仲要講追得上
明明有差距

雙月_

算啦，當眼中只有缺點時..就算有千樣優點都唔會留意到...正係武俠造型,輕鬆玩唔駛打怪追LV..同朋友自由自在 已足夠了

tomkan39

回覆 雙月_ 的帖子

又係打文ge時間

（低投放=人地高投放都得）
根本冇可能做得到 , 如果真的可以做到 , 咁就唔會仲有咁多人追求強的99武學
希望你唔好先入為主 , 一定認為高投放的人一定不會去練技術
如果照你所講（低投放=人地高投放都得）係可行的話
技術相同的話 , 點解現在會有人噴錦衣4內+血殺刀 , 丐幫4內+打狗 ??
點解國服玩家不斷噴鴛鴦雙刀 , 九宮劍法影響團戰平衡 ??
點解雪齋劍法會被君子當成鎮派武學 ??
點解WN又會出心佛掌去拿正名義去話改善團戰問題 ??
(ps:我所指的的低投放係只買名俊 , 高投放的是名俊+99武學 , 再上的古譜已經唔需要的討論 , 無視防禦擊飛唔知講咩好)

"同埋打九陰唔係單一只有追求強勁武學、內功，有很多好玩同連技套路都係九陰特色。"
我都希望知道有咩好玩同連技套路係可以拿出來打架 , 但佢本身唔係強勁的武學 ??
看到你講的數個套路 , 我只可以對九陰更加失望
原來8大門派玩左2年得番追魂爪 , 打狗棍 , 血殺刀拿到出來 , 其他你提議的都是99武學
如果只係拿出來為好玩 / 連技套路 , 但唔可以打到架 , 咁佢的出現只為博你一笑 ??

"用得門派套路勁，用99金、古譜一樣唔會差，每套用法都有其合理性，遇到棋估相當對手時，高下立見。"
大部份門派武學都不會超過數種效果
有雙沖技的不會有霸體效果
有霸體效果的就不會有雙沖技
高攻套路連招/控制上就有限制
連招/控制強的傷害就有所調整的
點解一開ser的時間沒有一個門派特別過強 ?
正正因為有得必有失 , 所以才叫做平衡
相反99武學 , 古譜 , 雙沖技 , 黃霸沖技 , 紅霸硬直大招 , 20米範圍倒地 , 20米範圍吸人 , 無視架擋擊飛
這樣跟我們說每套用法都有其合理性 ??  當然合理 la , 咩都有得比你用 , 仲唔合理咩

"算啦，當眼中只有缺點時..就算有千樣優點都唔會留意到...正係武俠造型,輕鬆玩唔駛打怪追LV..同朋友自由自在 已足夠了 "

點解咁多人咁鐘意要求人地唔看九陰ge缺點 ??
前兩頁 , 已經有人唔認九陰係刷禁地刷門禁
到最後又要講 (" 唔想刷 " 既咪可以做生活黨,風景黨)
到而家竟然要求我因為武俠造型 , 輕鬆玩唔駛打怪追LV (仲要呢點比人fake 左兩年都仲唔知 , 我第47樓已經解釋左唔關升唔升lv事)
而唔去望佢的 ....... (大量ac被爆 , 大量外掛控制市場價格 , 基礎設計冇因應時代而作出調整
99武學過於強勢 , 新玩法被大幫會獨佔 , 活動增加玩家之間的仇殺度 , 門派內功設計失平衡
新物品只是不斷要求玩家比錢收 / 付出勞力日日刷相同的禁地 , 任務 , 心魔等等)
你估真的以為武學不平衡呢樣野就令到大量玩家流失 ??
朋友 ..... 5內就來 la , 又要刷聖武令 la

tszlok

tomkan39 發表於 14-6-22 01:27 AM
回覆 雙月_ 的帖子

又係打文ge時間

算啦 當眼中只有優點時
就算有千樣缺點都唔會留意到
追唔追lv 都係在乎玩家自身
如果真係同朋友玩 就算係升lv game 都唔會追lv

klaum1106

其實我又真係想問一句 有邊隻game唔係要不停刷副本?
就正如我之前既例子天龍  日日刷555刷神器刷足一日
好啦講完天龍你又話天龍係極不平衡
又拎多個例子  傭兵天下  個個每日放工放學淨係副本都夠你刷6-8個鐘
我真係想下有咩 rpg 係冇副本要你打
到時真係冇副本要你刷野  咪又係要你比錢去收
打機一定就係咁  唔係付出時間就係金錢  冇其他野你可以去交換令到你更強
就算現實都係咁
講到呢到  你又會話隻game屈錢  真係你丁埋我個份

wiwyzz

我一直認同平衡冇絕對  一隻遊戲總係各有各優勢 無論咩game都係  
過於執著平衡呢點只會失敗 最終只會人人一樣   
但唔代表平衡係不需要   某D野太強又會變左人人一樣  咁有咩好玩?

我覺得宜家個問題係新出果D99金比門派套路優秀太多
以前99金最多都係比門派套路有少少優勢   
但係宜家,99金對門派套路 理論上嬴撚硬
宜家你純用門派套路打嬴對手只係代表你對手真係太廢  無論裝備,技術

以前少林棍控場入硬三甲  宜家比得上99金嗎?冇霸體出招慢 任你再勁都彌補唔到呢D差距
太祖埋身王? 你試下拎套娘娘勁衝完再衝怒招又再衝,之後已經回好6秒果招衝鋒技CD 可以繼續衝 仲有招黃/紅霸轉送埋比你tim   太祖點同佢比?
君子風車轉? 點解我唔用雙刀轉? 合左刀仲紅霸又用到輕功 點解要你?

最大問題係一隻GAME 要逼玩家去買商城招 我覺得呢點已經非常失敗
而且佢開D新野 咩5 6品玉裝無視低階裝既效果  乜鳩江湖內經脈   綁架限時  呢堆全部都係趕絕微課玩家  逼微課轉營中/重課   

大家都知online game要賺錢  但賺太盡只會自取滅亡  
GAME內容keep 住改對課越多既人越有利
微課比中重課屈機->剩番中重課->中課又比重課屈機->剩番重課 ->之後慢慢呢堆重課互想鬥錢 最尾嬴晒但成隻GAME得番你幾個
所以一般呢D GAME都做唔長

大陸GAME就係咁,就算一開頭好好地,慢慢都只會變成只識賺錢  九陰係一個好好既例子         
樓上果位提果堆game 全部都係made in china 可能你只係玩過大陸game 所以我唔怪你

mmorpg仲有好多唔係鳩掟錢就勁既遊戲   
特別係歐美最盛產  eve star war wow dc universe gw2        
呢堆你剩係比月費每日玩幾個鍾都可以好勁   

尋人勿探組

邙略 發表於 14-6-21 01:39 PM
或者你可以咁諗，九陰嘅設計上只有永無止境咁深落去，單單一招太拳今日出到中階，又難保他日出到深研？我 ...

你門派套路唔計鎮派只係鐵品質 好話唔好聽 連魔心螳螂都高級過你(至少佢地係銅)
而桃花蕭,移花炮,辟邪劍 三種都係江湖絕技品質 如果佢連你 普通既鐵質套路都打唔贏 愧對 江湖絕技E 四隻字啦

對於99金問題

首先國服改左用樓雲令換
樓雲令點得黎呢  
官銀買任務做 做完有樓雲令  100個換一套99
(你可以屌佢官銀來源咪又係用黃金換)

係港服先ON99
開左遺忘招式又唔開放樓雲令  入番正題

如果唔用99金方式  改為好似流雲劍/北武劍咁刷戰場 你又會唔會咁得閒走去刷呢(北武劍禁地能力其實OK 但係港服又有幾多人玩凌霄城? 連夠唔夠人開都成問題)

再解如 搬去禁地掉落 同雪齋個D一樣 你要刷幾耐先齊一套呢?  定係你諗住套套都好似羅漢拳咁 禁地出物品
物品隨機抽 咁一樣只係會變左同你一樣 所厭惡既刷
真係老老實實玩mmorpg 離不開個刷字 無論打怪升lv怪既刷等 定係九陰既 刷物品 刷兵錄
玩其他類型既game算吧啦

題外話:
國服最近6.26新區有傳唔會再比99卡密(姐係舊時個D99唔會再係新區出現) 就算出現都係以幾百塊樓雲令黎換
蝸牛亦係6月 同盛大解約

尋人勿探組

wiwyzz 發表於 14-6-22 12:48 PM
我一直認同平衡冇絕對  一隻遊戲總係各有各優勢 無論咩game都係  
過於執著平衡呢點只會失敗 最終只會人人 ...

當然 如果你要講理論
咁你一樣可以話雙沖鋒套路克死 需要虛招做起手既套路啦