2000FUN論壇

 

 

搜索
2000FUN論壇 綜合論壇 聊天討論版 ...........................
樓主: 神魔方
go

[疑難] ...........................

Rank: 1

UID
4016890 
帖子
16 
積分
16 
Good
0  
註冊時間
15-8-2 
在線時間
0 小時 
發表於 15-8-4 02:48 AM |顯示全部帖子
本帖最後由 色狼星 於 15-8-4 02:50 AM 編輯
私名前Terry 發表於 15-8-3 08:43 PM
下下都陰謀論...做人做到步步都要諗要度好辛苦嫁...
同事未又係人,佢玩得出咩花樣姐?無話唔比整蠱番佢嫁. ...


講真做人做左咁多年都幾十年人,半隻腳都去左賣咸鴨蛋,都唔係自己想咁懷疑人,而係真係經歷太多呢D野,好自然會咁樣.唔係個個人既人生都係咁順利身邊個個都係好人,往往好多時都係衰人多.
如果有人既人生真係咁順冇咩發生咁既事,咁真係好幸福,果種感覺果種既痛果種一世都有既陰影係唔會知,就算好認真同其他人講呢D野,D人都當你吹水扮曬野扮可憐博同情快D去死啦,由十幾歲出黎幫人做野洗車低聲下氣咁受盡人地既氣,細細個到依家做到阿叔呢種年紀我都完全唔會點同人講呢D野,因為D人就會認為我呢個幾十歲既大叔係到吹水唔抹嘴,睇到呢D反應真係覺得冇人理解到自己,真係認為算啦,講黎都無謂,大家都無引.D人只係想日日聽到笑話,邊個樣正身材正,但係就唔想知呢個現實殘酷既一面

同事都係人,好人都係人,衰人都係人,成班加埋都係人,不過成班加埋要做D咩野就唔係可以好像你咁樣講得咁鬼簡單,人性如果係咁善良咁簡單就好啦,我頭先上網無聊去查下都發現原來職場有超過一半以上既人都遇過各式各樣的欺凌,職場真係咁簡單咩?人性又真係咁簡單?細路細到小學都有欺凌,更何況係職場呢個大人既黑暗世界

你叫樓主整古返佢地?你有咩招先?老師,請受我一BY,教埋阿叔我

Rank: 1

UID
4016890 
帖子
16 
積分
16 
Good
0  
註冊時間
15-8-2 
在線時間
0 小時 
發表於 15-8-4 03:02 AM |顯示全部帖子
本帖最後由 色狼星 於 15-8-4 03:18 AM 編輯

未做酒樓之前我做過寫字樓,果到你真係見到曬好多人性黑暗面,各種陷阱,欺凌咩都有,只係睇你自己有冇留意到,往往你認為最好既朋友就係背後插你一刀既人,幾個月既努力可能就俾人幾秒既時間就轉左係人地到自己連名都冇俾人提過.

至於老板就唔使講,有幾多個老板做錯野會認,一句話唔記得有發生咁既事,又或者梗係冇啦就打發到件事,好多時係大多數人面前做好人好似冇野咁,但係對特定一兩個人面前有段時間就未必係咁,但係其他人之前一直認為老板係好人就佢講咩就信咩,完全唔會諗下點解個同事會無啦啦咁反常咁樣講出口 特別係D平時人品又唔係差得去邊既人點解會咁做姐,點解只係對老板一個係咁,點解唔係對住全部同事都係咁,一定係有D原因先至咁既姐,有可能真係老板講左D咩做左D咩,例如好似個主題貼既內容咁佢D同事講咁樣話佢雙面人又或者仆街,佢緊係同邊個邊個有路之類D侮辱人既野 俾你返工無啦啦俾人咁樣講都會唔開心啦,會開心笑果個先至唔正常
寫字樓都有呢D羊俾人當係狼,但係真係狼果隻就收收埋埋唔俾人發現自己係狼,真係俾人整死左先知咩事

如果係事實既講出黎有咩問題,最多係犯左唔係好識睇老板臉色做人,但係有做錯到咩先,如果咁樣要受盡同事氣,返工俾人係到單單打打唔火滾果個都唔係人啦,講真通常D女既好易喊既俾D客俾老板屌幾句就眼淚鼻涕都出曬黎,樓主真係好奇怪唔係咁樣,換轉係班女同事俾人咁樣單單打打我真係好想睇下佢地會唔會喊
係我公司試過有D女既樓面係到喊,第一時間俾人話喊咩野,喊咩撚野,喊喊喊,喊就有撚用架啦,唔好係到扮曬野同我入去向個客道歉,我地老板就係咁樣對住D喊既人,唔理係男係女一樣都係咁,講真重細咩係到喊想人地安慰,有咩唔開心要喊既返屋企自喊啦.
我試過教個一個女新人真係好易喊,喊到我頭都痛埋,真係唔知為果少少野就喊咩野,我真係頂佢唔順踢俾其他人教佢就算啦.

Rank: 1

UID
4016890 
帖子
16 
積分
16 
Good
0  
註冊時間
15-8-2 
在線時間
0 小時 
發表於 15-8-4 03:31 AM |顯示全部帖子
本帖最後由 色狼星 於 15-8-4 03:35 AM 編輯

你講既得閒幫下人呢D野我有做開,請食飯就冇,請D小食野野飲既就有,但係一樣都係俾呢D人插一刀,好在有人幫我講返件事,話明碟魚唔係我整.D人要衰既點都係衰架啦.唔好怪阿叔我疑心重,做左幾十年人係咁架啦,不過不過樓主D同事咁樣做都有好處,一來返工無聊又可以有個人成班笑下蝦下幾開心幾好玩呀,真係講得衰D佢死佢既事關我地鬼事咩.二來又可以幫到老板出曬面刷左鞋,又唔會好似樓主咁樣俾人蝦俾人笑,自己個位坐得安安樂樂好鬼舒服正呀.三來我就算咁樣做D同事都當正我係好人架,因為有樓主呢個咁大既目標俾人當正係衰人.
呢D係我返寫字樓都好多呢D事架啦,睇到煩啦.
大家打工打到咁,真係為咩,好玩咩,阿叔我就真係認為無聊唔知為咩,真係要玩 將心比心啦,小學都有教啦.
重有一樣野就係樓主俾人話雙面人唔開心,講真呢樣野有邊個打工仔唔係呀,唔通個個打工仔係老板背後講老板好唔撚得,老板又搵人黎揹鍋,好咸濕,把口好賤,個樣好醜,個身形咁撚似電燈柱咁撚似肥姐既呢D好多唔好既形容老板既野,佢地會當住老板面前講返俾老板知?係既,我就拍曬手掌讚佢地勁,寫個服字俾佢地,我真係未見過有個打工仔會係咁,佢地咁樣都一樣係雙面人,背後講老板,老板面前就一定扮曬冇野扮曬FD係到好似一睇到老板就好開心咁,重有D人做得過火到我地成班都想打佢.講真D人話人地之前睇下自己咩料先啦,自己都係咁既就收下把口啦,單單打打煩唔煩呀,返工好似樓主咁唔點樣講人是非好難咩?除左單單打打講是非笑人就冇其他野可以講可以做?如果真係得呢D野可以做可以講,咁唔該俾人耳根清淨唔係係到煩.阿叔我最怕呢D人,真係好似喃嘛佬係耳仔諗經咁煩死人,係我間公司一早就俾人的去照肺,再犯就直接當住D客面前罵,試過有人頂唔順老板咁樣做入去廚房拿刀,嚇到D樓面同D客,但係我地做廚房都知條友根本就只係扮野,根本就唔會整到老板,就係到睇左好耐休息左好耐唔使做野

Rank: 6Rank: 6Rank: 6Rank: 6Rank: 6Rank: 6

UID
190920 
帖子
2730 
積分
4896 
Good
151  
註冊時間
04-5-13 
在線時間
2572 小時 
發表於 15-8-4 07:25 PM |顯示全部帖子
本帖最後由 私名前Terry 於 15-8-4 08:50 PM 編輯

其實我個句同事都係人背後意思係想講,「他」和「你」是對等,佢做得到的事你一樣可以做,包括背後的小動作講是講非及整蠱...當然你想反攻就唔係你被孤立被圍攻的情況下進行...
浸得耐慢慢就會適應...知道個原理同生態知道個遊戲點玩...學醒左係可以到你未開始接手你已經發現問題或者遠距離你已經看到敵人為你而設的陷阱...根本佢地做任何事都干擾唔到你,到最後只可以死剩把口或者放棄與你為敵甚至化敵為友

Rank: 1

UID
4016890 
帖子
16 
積分
16 
Good
0  
註冊時間
15-8-2 
在線時間
0 小時 
發表於 15-8-9 01:35 AM |顯示全部帖子
私名前Terry 發表於 15-8-4 07:25 PM
其實我個句同事都係人背後意思係想講,「他」和「你」是對等,佢做得到的事你一樣可以做,包括背後的小動作講 ...

原來係咁,不過打工搞咁多野,我真係情願等退休就去其他地方長住,同埋呢d人真係會化敵為友咩
我覺得呢d人最盡都係一樣講是講非笑你最多冇咁明顯,但係一樣都係做返果d野
講真係同事附近講是講非笑人,就算唔係咁明顯明眼人一睇佢地個人就好易睇得出呢d人係唔係做緊呢d野,只係睇下d明眼人有冇心機去理埋呢d咁無聊既野,俾我都冇咁好氣懶理,不如留返啖氣暖下肚




Rank: 2Rank: 2

UID
301148 
帖子
107 
積分
223 
Good
0  
註冊時間
04-11-12 
在線時間
12 小時 
發表於 15-8-10 04:45 AM |顯示全部帖子
本帖最後由 雪糕妹 於 15-8-10 06:08 AM 編輯

註冊左咁耐都冇點上過黎論壇,呢家又重新返黎就亂按主題去睇就睇到咁大單嘢嘅,我之前就緊係同神魔方八下 用短消息傾下.其實我傾左咁耐知道成件事之後,發現神魔方個人又唔係好似佢同事講既咁差只係份人缺點要改下 脾氣真係臭左D既,返工完全冇人會理你咩事照話架,打工仔咩都要硬食架啦就當係買個教訓.不過知道左佢過去既嘢又好明白點解佢會變成咁,個人咁黑仔王,或者上世殺左咁多個人全家先至搞到依世咁黑仔,唔好意思講下笑姐.大家都係女唔使驚我會拿你去賣,得閒出黎mk食飯傾下計,等你個人開心d.唔好怪我爆出黎,因為我呢d咁八既人真係唔講唔舒服架

佢係個貼講左同事認為係佢屈老闆,睇黎佢呢班同事又唔係好似色狼星講既咁嚴重既,不過我又唔敢完全排除有呢種可能性,因為職場同人性呢樣野真係好似色狼星講既咁樣都幾黑暗下,做耐左就知架啦.覺得只係佢既同事就算在場都好,都未必完全清楚全部既事先至咁姐,不過同事都做錯又做得過份左經常係身邊講是非同笑人真係幾黑人憎又幾煩嘅.呢件事係神魔方講嘅,我就唔詳細講,只係講大概重點就算啦,不過都依然幾長下

果日佢同老闆不和既起因係因為整盒飯既飯量不足而最後被大聲到全公司都聽到提醒同質問,曾經有發火唔理老闆一陣之後就講左句等陣先睇埋張單有咩先至再做,但係佢轉頭望既時候只係睇到老闆同同事係到講冇理到,一講完就好兇咁望住佢開始就拿左盒飯俾同事係到望係到講,之後又拿去同另一個同事講 講完之後就返黎更惡更質問方式問佢知唔知個飯幾重....神魔方果時d臭脾氣又黎就唔出聲係到自己一個發火 但係有反省自己有d反應同臭脾氣真係唔係咁岩 所以其實早就冇發火就一直都係到做野完全未休息過想補償返多少,至於之後會再發火係因為聽到老闆向一位同事係到洗碗講嘅說話.
大概既內容就係指佢根本就係一個雙面人,你睇唔出只係因為出黎工作既經驗唔夠耐姐,等你做多幾年野就睇得出.神魔方呢個時候做到無聊重想八下係到講緊邊個就更接近,個同事就轉頭同老闆大聲少少講xx(神魔方既名)係咁既人咩,我睇落完全唔似係d咁既人,佢平時都幾好呀,係唔係因為今日佢同你發生既事你唔係幾滿意佢先至有咁既錯覺渣,而老闆好大反應講邊到係呀,更係唔係啦,佢根本就係呢種人,你千其唔好接近佢呢種雙面人,一陣都唔好.果時神魔方重傻下傻下認為係唔係只係自己疑心重,只係同名既人,唔係講緊自己,但係睇到同事轉頭發現身後面係神魔方就話喂,唔好咁大聲啦,我發現佢係我地後面都唔知有冇聽到呢d咁過份說話.老闆依然沉默了一兩秒就轉頭好惡咁望住佢大聲講 佢聽到就聽到囉,有咩咁大不了,我依家係講緊佢呀,我係到講緊佢係雙面人,雙面人呀,佢可以對我做得d咩.個同事更大聲叫老闆唔好再講啦,叫你唔好講你重咁大聲講返出黎,咁樣做你真係有d過份,你唔係想搞喊佢先收聲姐,我唔講唔理你啦!老闆問返同事驚咩姐.

呢件事之後過左一段日子,神魔方d臭脾氣都未散繼續發火左幾日,佢話果日企係自己平時做野既位置向另一邊望住睇到老闆係到望住自己同同事講野,唔係聽得好清楚,但係佢話聽到老闆講有認到自己當時又係太火滾做得太過火過份左.雖然神魔方重發緊火,不過知道左之後d火氣都開始慢慢消緊,不過個人變得更有戒心唔想講野.但係唔知點解過左一段時間之後就發生呢d事。

Rank: 2Rank: 2

UID
301148 
帖子
107 
積分
223 
Good
0  
註冊時間
04-11-12 
在線時間
12 小時 
發表於 15-8-10 06:00 AM |顯示全部帖子
其實我真係好懷疑會唔會係因為有人講左d咩先至慢慢搞成咁.我問返神魔方做咩咁傻俾人講到咁樣都唔講返出黎,特別係洗碗果件事,咁樣只係會繼續俾人誤會,真係想繼續咁樣落去咩?

佢同我講 :
依家就算係公司講野根本唔會有人相信,d人只會係背後認為佢係到講大話扮曬野既雙面人,再講講出黎如果人地唔認或者根本就唔再記得呢件事當冇發生過既,只係自己太在意呢件事,講出黎自己一樣都係咁既下場或者更慘,不如咩都唔講安靜做返自己野就算數,雖然都係會俾人話俾人笑,其實佢d內容佢大部份都知只係認為太煩唔想理咁多,因為點理都一樣唔會改變俾人話俾人笑,一樣都會有人私底下特別憎佢,就好似佢平時日常生活遇到既人咁樣.但係本身佢自己係一個好唔鐘意講野既人,開頭黎到呢間新公司面對全新既野已經迫自己盡量改變下講多d野,平時係屋企或者出街都係好似自閉症咁樣唔出聲.好耐之前試過有個車手問佢做咩最近咁安靜唔再講野,你岩岩黎呢到做野既時候好似好開朗好多野講起碼多野講過呢家,佢都冇把件事講出黎只係當講笑咁笑住黎答唔知呢.生活上遇到太多呢d事已經變得對人好有戒心,特別係對住曾經咁樣做既人就算盡量唔想去計較唔去怪佢地,但係自己本身個人已經冇辦法做到好似岩岩面對果個人或者入黎呢間公司做咁既樣,呢個係佢自己既缺點之一.佢話開頭入黎做真係好想去親近d同事,因為d同事睇落都好開朗做人好開心同自己完全唔同既人,睇落真係好特別好想知道點先可以咁樣,呢個想法係佢自己讀書既時候睇到其他特別開心既人都係咁諗,佢自己就算真係想開心但係點都係冇呢種感覺,只係變得冇咁難過冇咁悶.最記得d同事曾經問過佢點解咁鐘意拉佢地既衫尾跟住走,佢自己真係好認真當場咁諗點解自己大過佢地少少但係做呢種有d幼稚舉動...睇到佢地就想咁樣做,跟住個同事好開心笑住話緊係xx(神魔方個名)緊係想親近我地先至想咁做啦,之後佢話當時係呆左唔識反應左一兩秒先至俾返反應,諗唔到其他答案,或者真係因為自己下意識想親近佢地先不自覺咁做.不過之後因為佢地話唔好拉佢地衫尾會走光之類,就慢慢戒左拉衫尾呢樣野.

其實知道左神魔方點諗之後,真係有d鼻酸,我都唔係好明點解同事之間要咁樣,其實如果係想迫到佢轉工既就當面講清楚,安排時間俾佢出去搵其他野做,搵左之後就唔做呢間,咁大家都可以唔使再見面係到面阻阻.

Rank: 6Rank: 6Rank: 6Rank: 6Rank: 6Rank: 6

UID
1079125 
帖子
2367 
積分
4360 
Good
113  
註冊時間
08-5-20 
在線時間
1394 小時 

十週年勳章(賀詞) 十週年勳章(截圖) 玩過星曲WEB

發表於 15-8-10 09:17 AM |顯示全部帖子
所以我唔鐘意同女人一齊做野,
因為實在太煩,而且女人可以嬲你好耐好耐。

聯絡我們|Archiver| 2000FUN論壇

SERVER: 2 GMT+8, 24-3-29 06:53 PM , Processed in 0.035291 second(s), 11 queries , Gzip On.

Sponsor:迷你倉 , 網頁寄存

Powered by Discuz! X1.5.1

© 2001-2010 Comsenz Inc.