在監房的日子

壞壞小孩子

諗返起一年前而家既我.真係辛苦
因為一單傷人案而被法官判左我去沙咀勞教中心半年
雖然判個刻我都仲未後悔.但已經覺得黎梗既日子將會好難行
仲記得係沙咀既每一日.做既每一件事都一樣.
早上:接4張毯要接到好似電視機咁有前有後.接衫褲要接到正正方方起哂4隻角.
       大約1個鐘頭比你搞掂哂d野.搞掂哂d野阿sir黎cheap房.唔掂既又打又體罰
       跟住就要做晨操.晨操既意思係3個字內不停做掌上壓左右既運動.唔准停
       停左就會累大家重頭做過.冇得食早餐~~做完晨操之後就可以去食早餐
       沙咀既早午晚餐比每一個監房既份量係多d~~食早餐又要合作性又要講求速
       度~~做唔到呢幾樣你份早餐就會比阿sir倒哂落地下.要你好似狗咁食~~
       食完之後就會返去自己住個座打掃.要掃到一粒塵都冇.唔係既又體罰又冇
       飯食..掃完之後又要去剪草.剪草時要跪地.雙腳合埋.雙手包住自己雙腳
       大約剪3個鐘到左右~~如果係呢3個鐘內.比阿sir發現你隻腳有任何移動
       你又會被體罰.冇飯食~~(如果冇草剪就會步操)
下午:剪完草就會去飯堂食晏就.阿sir就會係中午時間交更~~晏就既食品係一杯茶
       同一杯好難食既粥~~當然又係要好合作性同速度~~食完晏就就會去
     【埋位】~【埋位】既意思係全組人分成3行.左轉右轉後轉步操咁既意思~
       係過程中~頭上又有猛烈既太陽照射.所有步操既動作同聲音都要一致~
       好似中國解放軍咁.一但是但一個唔得~就成組人罰兔仔跳.跳足1個鐘~
     【埋位】好既就可以休息2分鐘.唔好既就係咁練.大約晏就2點就會返自己
       個座換衫PE.換完衫就會到PE場.有一個PE阿sir帶住我地做PE.跟本上係
       沙咀做PE先係最辛苦既事.要2個鐘頭內不段做掌上壓.兔仔跳.四式.八式
       十六式等等...途中所有人都要配合.一但有一個做唔到或者跟唔到.我地
       又會罰星期六同星期日加操3個鐘.(本身星期六日係可以休息.但係而家
       我諗都冇休息呢D日子)PE完之後返去自己個座沖涼換衫.搞掂哂阿sir
       又帶我地出去步操.一個人唔掂又要體罰.又打又罵
晚上:步操完後就會食晚飯.食完晚飯就可以返自己個座準備訓教.但訓教之前阿sir
       就會派書信.返房後要將今朝接過既野全部整亂佢.唔可以搏大霧.如果比阿sir
       發現你就加一個月監~~整完之後我地就開始磨皮靴.要磨到對皮靴成對玻璃
       靴咁.好似噴油噴落去咁.要照到牙縫既~~磨完又要吸光哂d廁所水~做完哂
       野之後.阿sir就會宣佈靜坐1小時.靜坐期間唔可以移.移親你就唔駛訓~
       靜坐完阿sir就會宣佈訓教.....

沙咀既生活大約就係咁..時間真係好快過.出面1日等如入面3日.
或者入面真係太辛苦.我係入面半年期間.已經有3名人自殺身亡.
係每次靜坐期間.我都會反省.出去之後唔再做犯法事..
當然出冊後要守監管令一年..如果犯了監管令.就會比人通緝你返沙咀重受3個月
我就試過一次犯左.一返到沙咀比阿sir打到嘔血
所以係呢度想同大家講.犯法既事真係唔好做.腳踏實地先好丫
如果大家有咩唔明都可以icq add我:167318102

皚霙．云云

咁你而家的生活點樣~? 有冇重新做人, 正正經經咁搵份野做~?

又或者讀番下書, 學下 d 野咁, 都要為將來打算下架...

hello1988

非人生活.......幸好我沒有犯法.在你服刑其間有三人自殺,懲教署職員有沒有責任??進得來勞教所的都是頑劣不堪的人,嚴刑峻法,強迫他們接受規律生活,可能會帶來反感,未必會使頑石點頭.唯一產生的只有警戒作用,進去一次便不敢再入地獄.在你身上的確發揮作用,不會再有下次了.

[ Last edited by hello1988 on 2004-9-15 at 04:57 PM ]

壞壞小孩子

在沙咀自殺的3人.懲教署只用了簡單3句就完結了整件事
他們不會覺得自殺那3人很可憐.反而覺得佢地冇乜用
連咁既事都要自殺.自己做既野應該自己承擔.自殺是不能解決問題
佢地個3句就係:因學童在沙咀勞教中心受訓期間.不幸在PE堂上中暑
                     而沒有向職員投訴不幸身亡
就是呢幾句就可以

[ Last edited by 壞壞小孩子 on 2004-9-15 at 05:59 PM ]

櫻之花花

其實入得尖咀你既年齡應該都唔係好大，未來總有好長好長既路要行。竟然已經出來，畀心機做人，唔好令家人同朋友再擔心

懲教署既人打犯都已經見怪不怪，可以話已經係佢地既習慣，我屋企人都係做懲教署，所以都好明白入面發生既事係點。我都知道我地既勸解可能你未必會真係會聽，點都好啦！努力。

blueapple

看完後..好可怕,
一直以為這些只是在電影場面中出現,
原來現實比電影中還要可怕,
希望你可以腳踏實地做人吧!

壞壞小孩子

電影入面既情節都岩
只不過電影拍既係赤柱同石壁監獄
個d都係犯了重罪.接受長期判刑既犯人
佢地係監房既日子係好輕鬆
但沙咀勞教中心有名叫勞教
當然比每個監房也要辛苦好多

echoane

無語，慶幸自己沒看到這些黑暗面。
說是勞教也不應該漠視人權至此，但好像已經變成慣例一"一。

漢堡神偷

看完也感到害怕
地獄生活遠比自由生活困難得多
惡人有惡報
這是他們做過壞事所得的懲罰
怪不得別人
為此你出來後要從新做人
別走回頭路..

鸚明神鵡

如果比我, 我覺得我會捱唔住........

0ojordan123o0

好恐怖啊
使唔使咁樣做啊??

壞壞小孩子

沙咀唔同其他監房囉
其他監房你可以同人傾計.隻眼可以亂望做乜都得
但係係沙咀.你唔准講野.除非回應阿sir
隻眼唔可以亂望.除非是先得阿sir批准
做乜都要問過阿sir
入面每一樣野雖然係好辛苦.都係想你係辛苦之中得到教訓.從而反省囉

安永

我都有個fd 以前入過沙咀
個到連傾計都唔得
當佢想傾計時就對住牆傾
阿sir 問佢,佢就話自己同自己講野
之後到佢出黎呢時,佢同人講野都慣左對住牆
佢都要成個星期先習慣到對住人講野
裡面呢生活真可怕
而家有另一個fd入左TC
雖然冇DC咁辛苦
不過都唔好過
佢話入沙咀好d 因為可以早d出黎

☆幻影★

看完後..fell到好可怕=.=

14號

.....香港原來仲有體罰
.....倒晒d野食落地好似狗咁食...我可能會同佢死過...
.....我諗住入到果d地方頂多都係不停咁步操....
點知慘咁多...
如果靜坐果1個鐘坐坐下訓著左會點咖....

千與千尋

唔係咁ar ma ...咁恐佈,可唔可以投訴佢??
經一事長一智
現在好好做人吧!!

壞壞小孩子

如果可以反抗或者投訴.我諗入面既人唔駛咁辛苦囉
靜坐一刻如果亂郁.你就唔駛點訓架喇
訓左2分鐘左右阿sir就會走過黎嘈醒你
呢d叫精神折磨

千與千尋

你幾多歲??

安永

Originally posted by 千與千尋 at 2004-9-15 10:38 PM:
你幾多歲??

14 至 25 歲

keah4

睇完...比著我我可能真係會自殺=.="
根本係sm的=.=!!
恭喜你可以重獲自由~願你可享受未來美好既日子^^