論劍雨,論回憶

Mr.Leungki

聽左好多人講劍雨有幾咁唔好,不過我玩落又唔係咁諗...
  因為隻game令我諗返好多野...(以下內容好鬼死長)
  我知道好多人棄劍雨的主要原因都係:呃錢,代理唔好..或者係多bug
  可能大家已經忘記左(小朋友可能直程唔知)...其實打機係要比錢嫁..
  係以前,無論係ps1,2..任天堂,xbox,gba,pcgame(無論正版或老翻)等等..無話依家咁爽可以down
  去到我的中學時代,金庸同古龍的出現令online game 成為熱潮,仲係我青春回憶的一部份.
  唔知你地現時的零用錢係幾多,不過當年我的零用錢大概250...
  月費對當時的我黎講,其實都幾貴嫁..
  雖然貴,不過我都願意比,因為我想打機..所以就比錢喇!
  每一個人都係咁樣比錢玩,其實好正常
  不過唔知由幾時開始,有好多遊戲都以免費為名,實行免月費的計劃
  當初玩家都覺得好正:唔洗錢wo...其實你醒目,代理都唔笨
  到依家佢地一樣會有好多方法令你比錢,例如唔比錢玩唔勁,合野的石要商城買等等
  時至今日,online game已經普遍同量產化...好多人都玩過唔同的遊戲
  玩家都識食左..慢慢地,online game已經好難生存..唯有不繼實行免月費吸引玩家
  可能你地覺得劍雨商城太呃錢..不過如果劍雨係月費又點?
  試問一隻小小的劍雨,又點同魔獸,盲亨,aion等月費大作相比較?
  其實商城制係為錢唔多的小玩家著想,令佢地可以唔洗比錢都可以享受遊戲的樂趣...(或者引誘佢地買商城野...不過我知大家都好好定力)
  因為成隻game本身,就係靠個商城...(就算唔賺你錢,隻game都要回本...)
  唔好成日話代理同隻game呃你錢,因為佢地無呃你...
  如果佢地真係呃你,你可以報警,我地玩家們都一定會出聲.
  不過,如果你話啲人去商城買勁裝合勁野之後...開紅狂殺啲無用錢玩的人...我都無野好講
  因為資本主意社會就係咁...有錢人玩曬~(李氏力場??)
  想唔比錢都勁..唯有係隻game入面識多啲人,用多啲game錢收勁裝合勁野..(當然一定會好貴同好難賺game錢)
  至於隻game難升喱個問題..其實都係主觀性質...如果升得太快,個個暴頂仲邊有引?
  而bug問題...隻隻game都有,不過係睇佢隻bug大唔大鑊...(劍雨啲bug隻隻都咁大鑊)比啲時間佢地改...
  畫面方面當然無得同3d比喇,不過劍雨2.5d加特效的畫面其實都唔做得唔錯...技能實而不華,有返少少真實感...(某天子x奇技能睇到我眼花..)
  另外講啲好似無乜人提過的..人設方面真係唔錯...反而電影npc做得比較馬虎...(江阿生著到成個乞丐咁)...
  怪物以人類為主,每個門派怪的造型都唔錯,各有特色(例如衡山灰衣同華山劍士)...再加上門派心法...感覺上..終於有返武林game的感覺...
  故事其實唔錯..(雖然電影故事20lv做完...令我有少少囧)不過20lv打後的戲情同支線都好正,有小說feel...(其實20lv之後先至係真正開始?)
  反而令人有一種諗法:其實隻game唔一定要叫劍雨,唔一定用劍雨做吸引都已經好好玩..
  講就講到咁上下喇...有game玩已經好幸福..勁唔勁都已經係次要..
  雖然比有錢仔開紅殺好不爽,但好過比有錢仔真係殺完人之後逍遙法外咁不爽..而且game入面可以叫其他有錢仔殺返佢...總之認真就輸嫁喇!...
  (p.s.我一分錢都無比過咁玩劍雨~)
  其實放棄劍雨的人,可能都唔會睇到喱篇野...(因為走曬)..
  以上為個人意見,不喜狂插都得~~(我接受到的...)

[ 本帖最後由 Mr.Leungki 於 10-11-3 03:39 AM 編輯 ]

至尊嘸賴

原帖由 Mr.Leungki 於 10-11-3 03:35 AM 發表
聽左好多人講劍雨有幾咁唔好,不過我玩落又唔係咁諗...
  因為隻game令我諗返好多野...(以下內容好鬼死長)
  我知道好多人棄劍雨的主要原因都係:呃錢,代理唔好..或者係多bug
  可能大家已經忘記左(小朋友可能直程唔 ...

唉...終於有個出來講野係有道理..我服你講既野..不過我總係覺得佢太大食啦..無錢玩真係好難生存

你睇下佢d加攻加防加暴石...呢d先係勁既主要來源..如果有錢..整晒呢d石..真係低lv都打死高lv..

零極魔冰

我幾同意你的講法，不過有錢就強，其實隻隻有PK的online game，去到最後都係有錢人玩

俠4邪魂

月費vs商城當然係月費好
但係試明呢隻game轉左月費會有幾多人玩?_?

雲路

有內涵的主題
這就是熱情了

Mr.Leungki

一定無乜人會玩...劍雨好難同其他月費大作比較..
首先畫面無3d已經好唔吸引眼球..
玩家連入game體驗的衝動都無...邊個會留意入面好玩的元素..
所以實無乜人玩...
就算玩家覺得劍雨唔錯,都只會齋睇,唔比錢玩..(因為唔值)

Mr.Leungki

的確係好黑暗...有錢就可以勁...
因為比錢玩的人就係老闆..
我地唯有眼白白睇住佢地有幾勁同有幾多錢..
不過我中意係game入面識有錢仔,分分鐘佢送勁野比我..或者低價賣啲石比我..(其實我都幾狗嫁..)

TingGgg_Bb

劍雨何得何能可以收月費
我以經細細個番學得個50雞1日包埋食飯
都要買月費.知唔知點解?
因為隻game好玩囉
又睇下其他game..邊個話會開game幾日就話佢食錢食到咁?
你睇佢商城仲食錢過網龍就知
你估仲係天龍時代咩?放隻咁架水平game出泥想搵咁多?
回到本都算你好彩- -
我玩幻月之歌 karos 之類幾隻game都無放過錢洛去..
都可以殺下d港戰-_-..e隻?100個圍埋去就死
貼埋大床都無人玩啦

Mr.Leungki

嗯嗯,講得岩..
月費的話,的確吸引唔到人玩,唯有出商城賺錢..
時代的確變左好多..(我老喇..)
個個玩家都係食客..(識食嫁ma..)
所以劍雨依隻game,輕鬆下就好,唔好深究丫..(唔係會好危險..)
打機唔同揀伴侶(記得有人話過揀game同揀女一齊...),無人會同隻game一生一世..
所以希望大家唔好咁執著..唔比錢玩,玩到唔想玩(或者玩到想玩其他..)就算喇..
打機當逢場作戲好喇~(我對遊戲真係花心喇...)
當有個美好回憶~得閒回味下..

99金

遊戲收費方式並不是吸引玩家的主因
遊戲的內容，畫面才是吸引人的地方
你當初留意劍雨ｏｌ是什麼原因，我想大部份人都是因為電影吧！
一個免費遊戲就算不開商城不賺錢，沒好內容或者好畫面，我想你也不會去玩
大家離開劍雨也是這些原因，何況再加上商城吸錢．．．
現在ｏｌｇ難生存不是玩家的問題，而是製作廠商的問題
橘子自制遊戲太沒誠意了，玩家才不買帳
畫面技術你們沒有，內容就不可以豐富點嗎？橘子可以多給點創意嗎？
韓國泡菜遊戲一向以來都是畫面好，內容差
近年大家都對泡菜遊戲感到厭膩了，現在他們也開始創新了

另外，回憶就別談了
以前的遊戲不像現在的遊戲那樣千篇一律
遊戲也沒現在出得這麼頻繁，選擇也不多
現在免費遊戲滿街都是，免費遊戲的質素也越來越高，光是免費全完吸引不住人
時代不同了”現在遊戲免費給你玩，你還嫌這嫌那”這種思想已經不行了


不過遊戲怎麼爛，還是有人玩．．．．


[ 本帖最後由 99金 於 10-11-3 09:14 PM 編輯 ]

Mr.Leungki

你岩的..其實我係天真左
可能我玩劍雨的原因唔係因為電影關係,所以失望感無咁大掛?
(我當初只係見劍雨封測,又悶悶地..諗住玩幾分鐘就del..不過玩落覺唔錯..原創武俠小說式故事吸引我..)
其實我都係玩過隻game先留意電影...(聽落好奇怪咁...)
不過你個句:現在遊戲免費給你玩，你還嫌這嫌那這種思想已經不行了...都係無錯的..(要求高先有進步)
閣下果然係識食之人...(其實我真係老喇...思想out喇..)
畫面真係好重要..話是話,唔知點解最近內地的online game 開始用返2.5d或者2.8d黎做..(可能玩復返璞歸真?)..
可能劍雨係內地制掛?所以用內地現時最時髦(?)的2.5d造..
其實睇唔到天空我都有啲失望..不過佢都加返少少特效同美化..我算隻眼開隻眼閉喇..
創意喱方面太主觀...我都唔講咁多lu..(因為我覺得劍雨創意算ok..我覺得故事同心法系統都唔錯..)
mmorpg隻隻都咁上下...有特點的都係職業上的任意配置,或者強大的動作技能...
劍雨我就覺得係故事方面好正...支線都做得好好(支線都有戲情...)真係好似有本小說係面前一樣..
不過我諗好多人玩的時候都係飛字幕..所以應該無乜人明我講咩...==
邊有人好似我咁做任都慢慢睇丫....
不過我真係覺得劍雨的誠意同創意大部分都係個故事度..係我玩劍雨的原因之一

[ 本帖最後由 Mr.Leungki 於 10-11-4 12:55 AM 編輯 ]

TingGgg_Bb

原帖由 Mr.Leungki 於 10-11-4 12:53 AM 發表
你岩的..其實我係天真左
可能我玩劍雨的原因唔係因為電影關係,所以失望感無咁大掛?
(我當初只係見劍雨封測,又悶悶地..諗住玩幾分鐘就del..不過玩落覺唔錯..原創武俠小說式故事吸引我..)
其實我都係玩過隻game先留 ...

大陸出到4d啦
不過我覺得同3d無乜分別
4d game<--神魔大陸a_a你可以上網睇下

Mr.Leungki

出到4d喇!?...==(瘀死)
咩面都無曬 ...好似天子傳x咁嫁?
不過叫神魔大陸..==...個名已經無咩信心..
不過如果劍雨係3d,又會唔會多人玩呢?(雖然2.5d同3d對我黎講都無咩所謂)

TingGgg_Bb

原帖由 Mr.Leungki 於 10-11-4 01:22 AM 發表
出到4d喇!?...==(瘀死)
咩面都無曬 ...好似天子傳x咁嫁?
不過叫神魔大陸..==...個名已經無咩信心..
不過如果劍雨係3d,又會唔會多人玩呢?(雖然2.5d同3d對我黎講都無咩所謂)

咁又唔係喎a_a
我有1個fd入左去試過又幾好玩喎-_-
可惜唔支援win7佢都陪我地玩其他a_a
如果你劍雨唔打開個商城的話3d可能會多番小小人玩
一打開我都閃

至尊嘸賴

總知最後留低既一定係最有錢個個..因為晒左好多錢吾捨得走..

無極限

原帖由 至尊嘸賴 於 10-11-4 10:22 AM 發表
總知最後留低既一定係最有錢個個..因為晒左好多錢吾捨得走..

實有班玩錢既人 唔走既 咪由佢

climbd321

月費我反而會玩......

藍國之心

唉...隻隻GAME都係有點大哂- -

ko121208

原帖由 climbd321 於 10-11-4 08:04 PM 發表
月費我反而會玩......

why

99金

原帖由 climbd321 於 10-11-4 08:04 PM 發表
月費我反而會玩......

我諗你入到去會發現得你一個人玩