2000FUN論壇

標題: 尋日集<<星期二檔案>>講男士護膚、化妝、整容 [打印本頁]

作者: 小sion子 時間: 10-8-4 06:17 PM 標題: 尋日集<<星期二檔案>>講男士護膚、化妝、整容

正野=p
http://mytv.tvb.com/news/tuesdayreport/110172#page-1

先旨聲明~唔係想向大家灌輸男士應該化妝甚至整容既概念~
我覺得呢d野做左係要自己接受到、自己開心既~
而究竟去到邊個位自己覺得可以接受, 做左令個人整潔d/醒目d/靚仔d/型d, 邊個位over左接受唔到, 呢d真係個人價值觀~

護膚可以係清潔同滋潤~但亦有人可以覺得係姿整~
化妝可以係禮貌~可以係增添自信~亦可以係喬裝造作~
整容有人話係整心唔整人, 亦有人覺得係裝假狗~
全憑你自己點睇~

不過我係覺得, 起碼有個電視節目去披露下究竟大家可以做d咩去貪靚, 等大家睇完先決定自己接唔接受~好過咩都無了解過就全盤否定~
護膚我覺得可以做多d既~化妝同整容就自己決定究竟有無需要啦~

另外我懶, 所以照搬自己係其他地方寫既一個reply~oo~/

睇完之後多手去左睇其他壇既feedback, 最大感觸既係.....

樣衰又要笑人樣衰, 整容又要話人整過, 仲俾唔俾生路人地行? 個個天生都靚仔?
更甚者, 整容都或者敏感d, 化妝或者平時護膚都要俾人標籤死gay佬呀, 唔死都無用呀個d, 為咩事貪靚要惹來咁大反撲.....?

唔好講靚唔靚仔, 崇尚走"自然"路線個d, 如果有貪左靚個d咁整齊清潔的話, 我對佢地既"自然路線"無異議
但如果頂住一雙雜眉+滿面油光展現粗獷美的話, 我寧願你貪下靚~_~"

我自己都唔支持整容, 男既女既整容我都覺得自己接受唔到, 但人地整係佢自己既選擇, 整完佢真係由自卑走向自信, 而呢個係佢覺得既唯一出路的話, 咁佢都係付出左代價(錢、他人既指指點點、手術風險)去得到佢想要既效果(走出自卑陰影)姐.......

相比起睇完套星期二檔案, 我覺得我更加接受唔到大家睇完之後對男士貪靚既打壓.......

作者: 小sion子 時間: 10-8-4 06:21 PM

為方便起見加埋youtube~=p

[hdutube]SX_JVjxADR8[/hdutube]

[hdutube]9EF00s78yNA[/hdutube]

作者: 鋒．嵐＊ 時間: 10-8-4 09:28 PM

我買多d護膚品就比人話我似女人= =!

作者: 片倉結平 時間: 10-8-4 11:16 PM

老實講我覺得男仔貪靚好正常姐
邊個唔想自己靚d!?
不過我衰就衰在好懶...
經濟許可我都想整靚自己個樣

作者: 小sion子 時間: 10-8-5 10:32 AM

原帖由 片倉結平 於 10-8-4 11:16 PM 發表
老實講我覺得男仔貪靚好正常姐
邊個唔想自己靚d!?
不過我衰就衰在好懶...
經濟許可我都想整靚自己個樣

經濟上其實都係貴有貴做平有平做, 護膚品同化妝品應該唔難買到適合自己消費段既products~
反而係整容就越平你越擔心質素唔好~價錢同手勢眼界、服務配套等等成正比的~

作者: 片倉結平 時間: 10-8-5 05:02 PM

原帖由 小sion子 於 10-8-5 10:32 AM 發表

經濟上其實都係貴有貴做平有平做, 護膚品同化妝品應該唔難買到適合自己消費段既products~
反而係整容就越平你越擔心質素唔好~價錢同手勢眼界、服務配套等等成正比的~

聽完你咁講想題外話問一問...
我見到彩豐行賣d護膚品都幾平,廿幾三十蚊有交易,
d品質有冇保証?效果如何? 唔知sion姐對佢評價如何呢

作者: 小sion子 時間: 10-8-6 02:31 AM

原帖由 片倉結平 於 10-8-5 05:02 PM 發表

聽完你咁講想題外話問一問...
我見到彩豐行賣d護膚品都幾平,廿幾三十蚊有交易,
d品質有冇保証?效果如何? 唔知sion姐對佢評價如何呢

(咦.....我好耐無見人叫我做sion姐......你之前識我?.?)

先來句狠的, 講真, 以二三十蚊貨仔, 講"保證"同"效果"我覺得係.....無意思既.....
或者咁講, 反而係要睇你期望有d咩效果, 先可以講得出佢既效果對唔對得住你既期望
即係......佢係蔗渣既價錢, 你期望有燒鵝既味道佢真係做唔到, 好老實佢同街外買既野質素會有距離(不明來歷大陸牌子除外)~
如果你要用其他大路brand既product同佢比效果, 咁一定覺得彩豐行既野唔好用

但唔好誤會我歧視佢d product~相反我其實覺得佢開拓左一個平既市場~真係等大家有得平有平用貴有貴用~其實係好事~
掉返轉黎講, 彩豐d野同其他brand比價錢一樣係無得比~係擺到明會有唔少其他brand好用過佢, 只係要你付出多5倍價錢10倍價錢你願唔願意既問題~

如上所說, 如果唔睇價錢只比品質的確會被比下去, 但考慮埋價錢呢, 彩豐行d野既品質係對得住佢既價錢有突~有d真係幾好用既~
例如現時我都仲keep住買芒果燕麥身體磨砂~係我覺得如果買其他brand既磨砂要俾多三四倍價錢先買到一半既容量~我自己會認為貴~
同埋更重要既係佢平左我會無所顧忌咁用~而其實肯勤力用都係重要既一點~
而另一個反面例子係買12杯水(舊版)$5x有240ml, 其實都係好東西~不過對我黎講唔夠力, 所以我會買clinique既mse, $330/50ml都心甘情願~

其實個重點係.....你覺得貴既你會用得有顧忌; 你覺得無用既你會寧願唔用; 究竟應該揀平定係揀效果其實要配合返自身情況, 例如經濟能力, 又或者係你呢排殘左需要多d營養既就用"貴野", 平日用既就用粗d平d~
或者咁講, 如果$30同$100係你眼中唔係差好遠既, 咁建議你買其他brand, 因為你afford得起可以買到好d既野俾自己用~
但對於經濟能力稍微低d既人黎講, 彩豐行就會係唔錯既選擇了~

作者: 片倉結平 時間: 10-8-6 10:51 AM

原帖由 小sion子 於 10-8-6 02:31 AM 發表

(咦.....我好耐無見人叫我做sion姐......你之前識我?.?)

先來句狠的, 講真, 以二三十蚊貨仔, 講"保證"同"效果"我覺得係.....無意思既.....
或者咁講, 反而係要睇你期望有d咩效果, 先可以講得出佢既效果對唔對得 ...

真係分析得好好,好鍾意你平衡價錢不凸止,仲平衡埋個質...
其實我自己都係用開d比較中平價ga牌子
都係neutrogena同loreal
貪呢2個牌子男士條line都幾唔錯,
其實我都想試下clinique,不過價錢都真係睇到我眼都凸哂
我2支洗面膏價錢先等於佢1支,真係唔多捨得買...

不過我自己想轉下支toner...同埋想買下磨砂
唔知佢隻磨砂好唔好用...
首先隻磨砂我見到biotherm同埋clinique隻磨砂價錢係差唔多
http://www.biothermhk.com/homme/product.php?gender=m&entity_id=1151&/facial-exfoliator
http://www.clinique.com.hk/templates/products/sp_nonshaded.tmpl?CATEGORY_ID=CAT4042&PRODUCT_ID=PROD66969
兩者比較邊隻會有效d?

另外toner果到我睇中clinique,
不過我一直有個問題...
我見到佢中文就寫4.5潔膚水,但英文就寫Lotion...
我英文比較差d..其實佢d質地係咪同我平時用開d toner一樣?
http://www.clinique.com.hk/templates/products/sp_nonshaded.tmpl?CATEGORY_ID=CAT4042&PRODUCT_ID=PROD67058

另外如果mask方面有冇d好推介?
我希望係控油同去印
不過我自己就唔太鍾意paper mask,鍾意用d洗淨式果d
skin food同the body shop d mask唔知o唔ok呢,
我睇中呢隻
http://www.thebodyshop.com.hk/tc/ProductDetail.aspx?ProdID=1314&SubCateId=134&CateId=4

另外其實之前唔識你ga,叫你sion姐係咪好親切呢?哈哈

作者: 小sion子 時間: 10-8-6 03:12 PM

無得咁比既~品牌定位都唔同~
neutrogena同l'oreal係開架品牌~clinique同biotherm係專櫃品牌~唔計廣告同宣傳包裝~淨係要講請ba黎serve你, 例如睇你皮膚需要再推薦products, 解答你問題, 都要錢啦=p
如果你真係覺得價錢重要過保證既~可以買水貨~clinique既水貨都平唔少既~
但第一次買我會建議你去專櫃等ba為你獻策~之後用過覺得好既, 回購既時候先考慮買行貨定係水貨~

好~講返product~全部無用過~oo~
單純睇品牌口碑呢, 我就睇高clinique一線既~
biotherm老實講唔係咁得人歡心~雖然聽講佢men line做得好過其他line既~
同埋......我心底會有一句....l'oreal同biotherm咪都係同一間公司.....用biotherm不如用l'oreal啦~oo~"

clinique呢~我用既基本上係3-step同mse, 無掂過men line~但聽講都係ok既~

先解答左文字問題先, lotion其實係泛指"水水地個d護膚品"既質地, 一般moisturizer(潤膚)黎講pump得出既都唔會叫cream, 會叫lotion (但無油既會叫gel), 但與此同時水劑狀既野全部都可以叫做lotion~
而"toner"其實係指佢個功能, 有調節, 調和既意思~clinique既所有toner都係叫做lotion既~放心~同平時倒落化妝棉個種一樣咁稀~

其實我覺得你都唔一定局限於clinqiue men line~佢條basic line既洗面好似平少少~如果你係去專門店的話到時你可以問下ba/自己試下邊款適合你多d~

mask呢~又係單純睇品牌口碑的話我會看好body shop多過skin food~
但body shop越來越貴~oo~而skinfood就淨係香港行貨貴~水貨其實平一大截~
不過你睇中呢款似深層清潔mask~而如果你無補濕mask之類的話我反而會建議你諗左補濕/補營養類既mask之後先諗深層清潔~
十個男仔有九個要去痘控油去印~但好少見會主動注意返補濕~尤其有多油假象既其實多數係缺水多過係真正既油性皮膚~

其實係以前玩jy既有小部份人會咁叫我~所以我係度諗會唔會係以前係群俠論壇個邊同你打過照面姐=p

[ 本帖最後由小sion子於 10-8-6 03:15 PM 編輯 ]

作者: 片倉結平 時間: 10-8-6 04:58 PM

原帖由 小sion子 於 10-8-6 03:12 PM 發表
無得咁比既~品牌定位都唔同~
neutrogena同l'oreal係開架品牌~clinique同biotherm係專櫃品牌~唔計廣告同宣傳包裝~淨係要講請ba黎serve你, 例如睇你皮膚需要再推薦products, 解答你問題, 都要錢啦=p
如果你真係覺得價 ...

真係唔該哂你~
真係袋左唔小錢落個袋袋到哈哈
遲下出去睇下d mask同磨砂膏先
想問下最後一個問題...
如果補濕mask呢,有冇邊隻好推介?
我之前買左個loreal補濕mask,感覺好麻麻,
同埋唔知係咪我好小full補濕mask,硬係覺得full完好痴住塊面

真係要多d黎呢個版請教下師姐你
希望唔好厭我煩啦哈哈

作者: 小sion子 時間: 10-8-7 01:04 AM

原帖由 片倉結平 於 10-8-6 04:58 PM 發表

真係唔該哂你~
真係袋左唔小錢落個袋袋到哈哈
遲下出去睇下d mask同磨砂膏先
想問下最後一個問題...
如果補濕mask呢,有冇邊隻好推介?
我之前買左個loreal補濕mask,感覺好麻麻,
同埋唔知係咪我好小full補濕m ...

係咪hydrafresh隻cream mask? 我都有買=p~
其實唔係好明點為之黐住塊面, 你意思係佢太lup?
我自己又覺得敷既時候有少少焗身~但過水之後都幾ok~
不過佢都有少少潤~唔係完全清爽個種~但敷完皮膚有軟滑左有脹卜卜左~而且都keep到日幾兩日~所以我收貨~

你似乎鍾意cream mask/gel mask多過paper mask~你可以考慮下origins既drink up~
其實我試既已經係舊版~當時仲賣緊$180/100ml~之後加價變$200~再之後就出左而家既新版drink up intensive~好似係賣$250/100ml~我就無試過新版了~
不過新版變成左可以敷過夜~(我反而唔肯定敷15-30min之後wash off會唔會無咁好效果~oo~)

另外其實敷蘆薈gel都係一個唔錯既選擇~(你勾起我突然想去萬寧/屈臣氏買返枝jamieson既慾望......)
其實最近萬寧牌同vaseline各自出左蘆薈gel我都已經諗緊需唔需要買枝看下門口~
不過講真我屋企d野真係算相當齊 (最近逐步執緊房, 搵日試下有無可能影下護膚品合照=_=+), 更因為我懶唔用而囤積, 所以完全無理由再買其他野~oo~

作者: 片倉結平 時間: 10-8-7 11:02 AM

原帖由 小sion子 於 10-8-7 01:04 AM 發表

係咪hydrafresh隻cream mask? 我都有買=p~
其實唔係好明點為之黐住塊面, 你意思係佢太lup?
我自己又覺得敷既時候有少少焗身~但過水之後都幾ok~
不過佢都有少少潤~唔係完全清爽個種~但敷完皮膚有軟滑左有脹卜卜左 ...

係呀...果時萬寧有得買...咪買黎試下
學你話齋,有支補濕mask看下門口都係件好事
我用完就係覺得佢好lup...所以用左幾次就冇用

我琴晚係到諗...補濕mask唔洗買咁貴...
學你話齋,平平地買黎full,密d full,效果可能仲好,
我琴晚上網睇,d人話我的美麗日誌粗粗地用,都幾ok,
雖然我唔係咁鍾意full paper mask,不過幾蚊雞塊仲想點...哈哈
所以我心郁郁想買草梅優格,見佢寫到好威,又補濕又控油

你地女仔都真係幾鍾意買下又多d,買下又多d 哈哈
其實我就鍾意用完先買,除非真係好吸引先買黎試下

作者: cfbaby 時間: 10-8-7 04:26 PM

貪美係好事黎架!

作者: unico 時間: 10-8-7 04:59 PM

我從來唔會理=.=

作者: cwk5214 時間: 10-8-7 08:35 PM

小sion子
我想問其實可以係邊度學到護膚??
同埋可以測試你既皮膚,教你選擇適合你既產品(按照成分)

作者: 小sion子 時間: 10-8-8 03:28 AM

原帖由 片倉結平 於 10-8-7 11:02 AM 發表

係呀...果時萬寧有得買...咪買黎試下
學你話齋,有支補濕mask看下門口都係件好事
我用完就係覺得佢好lup...所以用左幾次就冇用

我琴晚係到諗...補濕mask唔洗買咁貴...
學你話齋,平平地買黎full,密d full,效果 ...

粗用的話聽講森田藥粧同美肌之誌好過我的美麗日記~
此其中我自己淨係用過日記~點講呢......敷完唔會有咩特別感覺~_~"
當日用品就ok既, 唔係話佢完全無料到~但唔會有"叮"一聲掂晒既效果~
因為對我自己黎講mask係一種急救手段~所以我會覺得唔夠力~oo~"
可以同其他好少少既mask間開黎用=p~
(其實l'oreal都係無咩特別效果個種=_=" 不過佢既補濕同滋潤效果我覺得好過日記~畢竟佢都係貴少少既貨~)

作者: 小sion子 時間: 10-8-8 03:55 AM

原帖由 cwk5214 於 10-8-7 08:35 PM 發表
小sion子
我想問其實可以係邊度學到護膚??
同埋可以測試你既皮膚,教你選擇適合你既產品(按照成分)

"學"呢個問題有d複雜~_~....
如果你既意思係由零了解去到有d基本常識(例如好似我呢種~_~?), 其實我主要係睇blog睇forum學返黎既~
同埋有機會接觸到既, 例如係去買野既時候遇到健談既ba, 或者幫我做facial個美容師, 有咩問題我都會問下佢地~
加上仲有唔少品牌會將d知識/偽知識放落佢地個官方網站度~
講到尾睇得多聽得多你就會建立到自己既一套~好多時d知識係會互相衝突既~
例如shu, dhc等brand會強調要用卸妝油黎洗面 (其中一個原因係卸妝油係佢地品牌既皇牌~oo~ 不過無可否認shu既卸妝油係好用既~oo~)
而又會有其他人話卸妝油容易谷瘡, 尤其對油性皮膚唔係太好~
又例如美容院會認為暗瘡應該唧清佢, 而醫學角度就認為唧暗瘡好容易越唧越衰~
到最後都係要你總結返自己既經驗見聞化為你既護膚知識~

好, 講完d廢既~講系統學習~
我係無經過任何系統學習美容知識既~無讀過書~無train過~
你想投身美容界的話應該由證書讀起~甚至係讀學位~
亦會有d美容院願意請完全無經驗既學徒/助理~會有職前培訓~
由於我無經驗所以好難話你聽邊度學好~但你可以上網搵下d課程資料~

skin test呢~香港其實有相當唔少既brand可以做free skin test~咁當然做完佢會幫你揀適合你既skincare, 當然係佢自己個brand既啦~所以即係難免會俾人sell~
有睇落好簡單老套既clinique 8問題~(其實佢個網上面好似都有得玩~不過如果你去到專櫃會係ba幫你judge個答案~你自己做就係自己judge答案~)
有睇落好高科技咁既shiseido同ipsa (其實都係同一間公司唔同brand, 不過部機有唔同既)
連regene而家都可以做skintest~上次去到佢仲好好心機添~

至於成分呢.......香港呢方面既course真係少既~當時我都以為hku chem個邊可能會有d呢方面既course, 但似乎係無既~(或者應該話涉獵極少)
證書之類有見過咁樣既:↓↓
http://www.sjsmile.com/courses/d ... id=1285&catid=2
但而家係網上講得好口響個d呢, 多數係自學既~例如可以上呢個網查成份↓↓ (台灣網, 所以如果係台灣有既大路product可以直接查到成分列表~)
http://www.cosdna.com/cht/
其實cosdna都已經幾多野睇~不過始終web source用黎擴闊視野就ok~真係當增值進修的話正式報美容學校既course好d~

作者: cwk5214 時間: 10-8-9 01:20 PM

個course 都好貴下

作者: 小sion子 時間: 10-8-10 02:05 AM

原帖由 cwk5214 於 10-8-9 01:20 PM 發表
個course 都好貴下

你指$1400/15小時?
我反而覺得唔貴, 真係有d用既證書課程, 甚至係興趣班好多都唔止$100/hr.......
例如學yoga都閒閒地要$150-200/hr-_-"

作者: cwk5214 時間: 10-8-13 08:59 PM

屈x氏有醫學美容,用醫學品牌
同而家個d 一般護膚品牌有咩分別??

作者: 鋒．嵐＊ 時間: 10-8-13 10:11 PM

我睇到youtube既評論..好多人都話佢地係gay = =~~

好彩我無化妝者..

作者: 小sion子 時間: 10-8-14 04:27 AM

原帖由 cwk5214 於 10-8-13 08:59 PM 發表
屈x氏有醫學美容,用醫學品牌
同而家個d 一般護膚品牌有咩分別??

其實"醫學"品牌係一個好空泛既用詞........同"天然"一樣咁迷糊........
(你可以覺得係我既偏見, 不過我的確唔鍾意咁樣包裝自己呢d好容易誤導人既用詞, 不過當然呢個世界有好多人好buy既)

一般既"醫學品牌"就會係以科學理論為基礎, 好多時仲有臨床測試有效 (但d測試係個品牌多數都係自己斥資的~)
通常d野都係有皮膚科醫生做顧問/推薦/建議等等等等等等, 務求俾一個專業、務實同權威既感覺大家~

原帖由 鋒．嵐＊ 於 10-8-13 10:11 PM 發表
我睇到youtube既評論..好多人都話佢地係gay = =~~

好彩我無化妝者..

大家又唔係識佢真人, 標籤人地gay乜鬼野丫......~_~"
同埋就算gay都好, 又關大家咩事?
gay唔gay本身就同護唔護膚、化唔化妝、姿唔姿整無關, 亂扣帽子而已-_-"
退一萬步講, 係咪人地gay既話其他"強調陽剛氣色"既一眾男士反而多d機會結識心儀女性呢? 無左d"死gay佬"爭市場喎~

我都係個幾句啦↓↓

化妝或者平時護膚都要俾人標籤死gay佬呀, 唔死都無用呀個d, 為咩事貪靚要惹來咁大反撲.....?
唔好講靚唔靚仔, 崇尚走"自然"路線個d, 如果有貪左靚個d咁整齊清潔的話, 我對佢地既"自然路線"無異議
但如果頂住一雙雜眉+滿面油光展現粗獷美的話, 我寧願你貪下靚~_~

歡迎光臨 2000FUN論壇 (https://www.2000fun.com/)