2000FUN論壇

標題: 上水河上鄉BBQ撞鬼驚歷(100%真實) [打印本頁]

作者: 妃下郎 時間: 12-3-19 03:15 AM 標題: 上水河上鄉BBQ撞鬼驚歷(100%真實)

本帖最後由妃下郎於 12-3-22 12:42 AM 編輯

係幾個月前Ge事黎
果晚我同一班FD去上水河上鄉私人BBQ場通頂啦我地9:00開始一直食下野相安無事
都左2:00到啦 D女都走晒得番班公Ge 無無聊聊咁咪坐係到傾下偈囉
成班公都無咩野好傾傾得最多Ge咪係咸濕野囉
傾傾下唔知邊Q個提議講鬼故
果時悶悶地大家都贊成
咁咪講下D咸濕佬撞鬼囉
話咩某某人係一個月黑風高Ge晚上係公路上遇到某某神秘女子
諗住有豔遇接左佢上車同佢搞果時就..............
跟住傾傾下就傾到上水河上鄉圍村Ge鬼故
話對面個間屋有死過人話果到經常有人撞鬼
傾傾下-.-[咪住..有D唔對路wo]<----個肥仔陰聲細氣咁講
咁我地問佢咩事啦
佢不斷叫我地唔好再嘈唔好再講野...........
跟住有個信佛Ge FD 同佢講
你請醒D 大不了就夾中指
此言一出個肥仔眼甘甘咁望住信佛個位FD
接著就出現左一種極不自然Ge現象
有流浪狗出左黎.............當然不只一隻啦
你可能會問:有不只一隻流浪狗出左黎就好極不自然咩?
當然...有不只一隻流浪狗出左黎係好自然Ge事黎-.-
但當e班狗全部眼甘甘咁望住我地e班人就極不自然啦...:
果時我地先知弊傢伙講大左!!!
跟住信佛個位FD叫我地圍住個火爐坐咩事都唔好向後望
過左5分鐘左右班狗無啦啦對住我地吠係望住我地黎吠呀!
跟住我地有D部分人出現身體不適
我就唔知點解全身都震過貓王
係停唔到不斷咁震
哇...死火啦 3:30到點頂到天光呀
跟住信佛個位FD拎左3支煙仔出黎當係香咁對住條河拜
一放低3支煙係地
omg.......3支有2支熄左姐係果隻野唔受......
好不容易頂到清晨4:00 但係D狗仲係吠過不停.......
唉.....不行了...頂不下去了....只好拿幾百元出來租一間細房
8位男子係一間細房打算坐到天光閃水去黃大仙廟求平安啦
點知全房D燈熄Q晒.....當時我地心裡應該同一時間彈左句:唔x係呀
跟住個肥仔就黎料......
不斷自言自語我地都好驚好無奈作出左e個決定....放佢係露台(我地係咪好仆x呢-.-...)
佢係坐左露台地下.....我地見到佢後面有D青光.......攝青鬼....
跟住都無咩時間去諗啦......見個肥仔想嘔....
我地有2個FD打算一齊拉佢去出面嘔啦.....
我地就係咁係房等佢地番黎
突然出面有人大叫....
我地就衝晒出去....
見到個肥仔一野Fing低2位大隻佬
我地真係o左咀
跟住信佛個位FD見我地一齊捉住佢
話要夾佢中指個肥仔不斷都無咩知覺....
但當夾佢中指個野呢...唔知點解個肥仔突然力大無窮一野Fing低晒我地6條友.....
再一拳食落信佛個位FD個心口....
信佛個位FD理所當然咁訓左係地..
跟住佢咩都無講拎左佢條佛鏈比個肥仔
跟住個肥仔震過貓王同係咁叫後就暈低左
我地拉佢番左房
果時6:00.....
直到7:00都無出任何事
見天光.....個肥仔都醒左啦(不過唔知點解佢面黑黑咁)
就打算一齊閃水啦.....跟住我地就一齊去搭火車~~~

故事未完~故事未完~
我地搭火車果時見大家都無事啦
就打算唔去黃大仙廟啦
點知去到大圍
我地有個FD暈左.....
我地唔知咩事啦...
有D路人好心問我地洗唔洗打報警呀
我地都話唔洗....
因為我地清楚知道....
單野仲味完....
如果唔去黃大仙廟...
隻野可能跟你回家過節
我地立即搭左去黃大仙廟上香
唔知你地知唔知啦...
去黃大仙廟上香...要拎9支香....
有3個神壇每個壇就上3支香...
暈左果個FD佢係行都行唔到Ge
但係係第一個壇上左香後....
佢竟然慢慢清醒過來
可以自己行路同上香
真係神奇個神奇比卡丘呀
事後條佛鏈裂左係裹面裂左.....出面就無事
個FD話條佛鏈係佢去泰國果時向高憎買Ge
e家裂左姐係話幫左肥仔頂左一劫
我地問佢點解隻野要搞我地....
佢就話我地講鬼故果時...有人係到好多口咁講....我Feel有野.....黎料啦!
唔小心得罪左隻野....而且傳說圍村係特別猛鬼的!
所以我在此勸大家係圍村/野外都唔好提有關鬼Ge野
更不應玩請仙等Games
免得惹禍上身!
遇到鬼時...要保持冷靜....你冷靜到Ge....其實隻野都吹你唔漲
佢唔可以對你做出一些物理性Ge傷害......你要同自己講你見到Ge野全部都係幻覺!
再默唸自己相信的宗教經文!

作者: 妃下郎 時間: 12-3-19 03:15 AM

打左好耐啦我><大家十卜下啦
100%真心真事黎!!!!!!

作者: ｃhing 時間: 12-3-20 01:24 PM

其實夜晚係街度真係唔好講鬼故=.= 仲要講得咁過火
會惹d老友記埋黎聽-.-
今次好彩有你個fd係度搞得掂=_= 唔係都幾大獲

作者: 妃下郎 時間: 12-3-20 09:50 PM

本帖最後由妃下郎於 12-3-20 09:55 PM 編輯

係未遇到之前我都唔係好信......e家就真係信到十足十啦