紫閻皇城

yanjai

首先  自我介紹一下  本人係紫閻皇城團長 紫嫣兒

從好耐之前既一段時間起  紫閻皇城因為踢掛機  主水回血  低lv上前送死流
而被紫國視為公敵

依段時間入面  每次上線  總係睇到會頻話又同邊團邊個嘈  其實已經覺得好煩厭
從開團到依家  我都係唔準團內人冇修養咁出聲同人嘈  除左我在場  
而每次罵戰  亦只可以由我代紫閻出聲  終於  成於左紫國人既箭靶
每次都係被針對性咁罵  "紫嫣兒正一死人妖  港女"等等   黃頻 紅頻  密頻都出現過

實力  每次我講既都只係"有實力既話  歡迎你挑戰我  不必作無謂既罵戰"
今日  我終於夠power企出黎同你地講依一句喇  係咪~?
唔係我想串  唔係我想威  嬴左紫國第一  第一個感覺就係  我終於可以係2kf出聲
之前既針前紫閻皇城既post  我唔準自己團既人出聲   
第一  係人地眼中  紫閻皇城係地底泥  冇實力  3v3冇出現到
第二  係人地眼中  紫閻皇城係串柒柒  有紫閻皇城既戰場  總會有罵戰
第三  係人地眼中  紫閻皇城自視過高  唔肯同其他團合作
第四  係人地眼中  紫閻皇城狗眼看人低 亂踢人

好  我諗我依家有身份回應你地
第一  3v3既時侯  紫閻皇城仲未成氣侯  內部仍然未進行改革  當然實力唔高既我地  唔敢出去獻醜

第二  紫閻皇城係串  依家講句  對住你地班掛機狗  主水回血  低lv送死流  胡亂擴建  出召送死流  我地串得起  你如果未犯過以上既錯  係絕對唔會俾我地踢  俾我地踢左果d  心知肚明  最重點既係  即使係本團既人犯左依d錯  都會被踢出戰場  絕對未被包庇過  只要我地團既人見到  就會回報俾隊長同副隊知 錯就要認 打就要企定  犯以上錯既人  頂住本團個名  就係本團犯錯  所以  我願意認錯

第三  紫閻皇城唔係自視過高  只係有d團認為  紫閻皇城踢左佢地團既人出戰場  就姐係挑釁佢地團  自此以後莫講合作  即使講野  都係一句起兩句止  講真一句  踢左犯戰場錯既人出戰場雖然頂住你個團個名  但唔代表你果團既人成團俾人踢出戰場  打得國戰  就唔好同我講  "你做乜踢我果團既人?"  而係問我"被你踢既xx犯左d咩錯  令你地踢佢出戰場?"  

第四  紫閻皇城踢既都係有犯錯既人  其次  就係係戰場引罵戰既人  國戰唔係罵戰場  如果你有心針對紫閻皇城  可以密頻罵可以打完國戰慢慢罵  但如果你係戰場上面挑引罵戰  我地一定踢你出戰場  如果果場唔夠本團人數踢  我地會成團離開戰場  因為一場罵戰已經令到本團團員冇心再戰  無謂拖累大家輸  做送死流



如果你唔滿意紫閻皇城既做法  無謂入戰場同紫閻皇城既人打同一場國戰  無謂令你感到不感及憤怒  何必走入戰場同我地發地罵戰  對自己  對紫國都係冇好處  
至於亂唔亂踢人  大家心入面都有唔同睇法  有d人覺得  低lv送死流唔駛踢  有d人覺得主水回血回2次唔駛踢  有d人覺得黃頻講明唔好擴邊度邊度  都仲要擴支塔係度果d唔駛踢
有d人覺得出騎打人破冰  步兵普攻破冰  仲要講極都係咁做既人唔駛踢    如果你係以上既諗法又或者你係會咁做既話   請你  唔好同紫閻皇城同一戰場  我地唔會容忍  唔會手軟  
紫閻皇城唔係吹水團  入到戰場  就係以戰場為主  大家用點用錢玩依隻game  就唔想同依d人同一個戰場  晒時間晒錢  嬴輸唔重要  最要既係  你入到戰場  有冇諗過自己係戰場做過咩位置  
有冇為場國戰令出d咩  而唔係整個殺0死22出黎

我一直冇回應2kf既針對性post  亦都唔俾自己團員參加2kf既罵戰post  無他  因為我地唔需要你地認同  只需要你地合作  而我既合作既指  你不滿紫閻皇城既戰場作風  不必入有紫閻皇城既戰場

最後  我知道大家都認為紫閻皇城嬴左紫國第一係冷門  係爆冷  亦冇咩人支持紫閻皇城嬴取五國第一  我地從來冇期望過有團外人支持  不過  真係好多謝x-fire  幻影同埋c團既支持  冇你地  紫閻皇城就唔會有今日既成果  真係好多謝你地  另外  一個女仔要控制到個團  亦要多謝團入面既各位團員支持

影謙

紫閻皇城比我見識到係
戰場行黎行去踢,
串嘴踢,
自己人主水回血唔踢,(這個比以往有改善,但依然有)
好多好多奇怪理由等
可能只係我覺得奇掛,
但跟你們同場就好像一定有踢人投票,
有一次比個投票卡死左要自彈

[ 本帖最後由 影謙 於 2008-12-22 02:43 PM 編輯 ]

reallyhihi

隔住部電腦真係多野講d
我5國比賽都睇晒
職業相剋可以屈到c團對君臨咁10比0完場都得(果日真係汗都標唔切)
琴日5隊大家派咩職有眼睇
不過唔講e樣 你地贏左係事實
但你地玩fez玩到會比自己國人仇視 點解仲可以唔檢討下
而大條道理走出黎壓低自己國民
其他國幻影 xf c團 係咩人 五國國民有眼 你拎出黎講 都係想講你地物以類聚姐
藍國 天上白玉京 留字

yanjai

原帖由 影謙 於 2008-12-22 02:40 PM 發表
紫閻皇城比我見識到係
戰場行黎行去踢,
串嘴踢,
自己人主水回血唔踢,(這個比以往有改善,但依然有)
好多好多奇怪理由等

自己人主水回血唔踢,(這個比以往有改善,但依然有)
當你洗頻後 佢係咪仍然有第2次主水回血或者一直唔起身?有既請你踢佢  另外  由於收左一批新人  有人犯此頖錯請踢左先  然後再密頻通知我  感謝~

戰場行黎行去踢,串嘴踢,
戰場行黎行去  姐係你未知自己係戰場做咩位置既角色  通常我地會講  低於20lv既唔好上前線  可以出水出騎出巨人   行黎行去既人係戰場既人姐係冇貢獻  咁點解要俾佢入戰場晒一個位  呃一場經?
另外  串咀唔踢  等罵戰?國戰唔係用黎罵戰  你輕鬆吹水冇問題  但係引起成班人唔打國戰同你玩罵戰  咁係佢錯定係人地錯?

理由係奇怪  就好似你回依個post出自於你既奇怪心理  都唔奇  但多謝你提出寶貴意見

由莉菲亞

賣花生1m一粒意密

本人對此事保持中立及持關注態度

by the way, 大家同為紫國人, 沒必要隔夜仇吧, 拋開成見努力面前先係重點

迷失小細

多謝妳既祝福"
我地團俾人仇視"我地有檢討"
但係某d人有冇檢討呢??
如果妳場場同我地打,,就會知道我地踢既係錯咩既人,,
吾係話妳"
而係我地都有檢討,,但某d人冇囉

新的一天

皇城加油喔~~
BSER<Feather>上

由莉菲亞

補充少少野, 嫣嫣, 我覺得犯錯既人係要踢, 我同你都算識左好耐, 由死團果陣開始

不過, 如果合作出團果陣, 我覺得要先溝通再踢會比較好, 畢竟有時候可能只係各團之間缺乏溝通之間的誤會吧, 就好似有次我出QML俾街人話我搶左出, 其實只係雙方之間缺乏溝通姐, 真係有人要出QML點會唔俾佢出呢, 我寧願出騎都唔想當受

yanjai

原帖由 reallyhihi 於 2008-12-22 02:47 PM 發表
隔住部電腦真係多野講d
我5國比賽都睇晒
職業相剋可以屈到c團對君臨咁10比0完場都得(果日真係汗都標唔切)
琴日5隊大家派咩職有眼睇
不過唔講e樣 你地贏左係事實
但你地玩fez玩 ...

職屈唔屈唔係我地講  大家既職業都係自己揀出黎  我地每次練習  同咩團打  都係用依10個人黎打  當然  你可以一早就轉職屈我地

紫國強唔強  弱唔弱  唔係在於一個團  而係在於紫國既人  你轉左團雖然你已經唔係果個團  係紫國玩都仲係紫國人  紫國人上戰場就要為紫國領地多少而負責任
而我地  就係對紫國既領地負責任先令紫國人敵視我地  可能你係紫國有分身  可能你對幻影 x-fire  c團有偏見  你既動機無他  明眼人一睇就睇得出  不過  我講既係多謝佢地支持  
依3個團既強大同實力冇人唔認同  只有人眼紅  而你  係邊d  我不作評論

強調  要針對要罵就係依個post對住紫閻皇城  唔好拖埋依3個團落水  你既做法十分唔理智

yanjai

原帖由 由莉菲亞 於 2008-12-22 02:58 PM 發表
補充少少野, 嫣嫣, 我覺得犯錯既人係要踢, 我同你都算識左好耐, 由死團果陣開始

不過, 如果合作出團果陣, 我覺得要先溝通再踢會比較好, 畢竟有時候可能只係各團之間缺乏溝通之間的誤會吧, 就好似有次我出QML俾街人 ...

人會進步  當初既諗法同做法都會改變  楓同古斯帶團果陣  踢人  誤會之頖既事應該未有出現過吧~或者有  只係冇明顯
同v團之間既問題  隨住楓返黎而作出改善  期待楓同古斯既回歸

[ 本帖最後由 yanjai 於 2008-12-22 03:03 PM 編輯 ]

yanjai

原帖由 新的一天 於 2008-12-22 02:57 PM 發表
皇城加油喔~~
BSER上

你係琴日既邊一個@@  借杖俾既你果個@@?

定係  問我係咪gm果個-.-

雪長空

首先要o係度恭喜下紫閻皇城嬴左可以代表紫國出賽,
比賽果日我唔左場, 實際情況唔到我講.

我o係度要講嘅係, 冇錯,
低lvl 送死流,
主水回血,
騎破冰,
步兵普攻破冰,
亂擴地,
以上呢d 行為確實乞人憎, 即使要踢相信都冇人反對

但係 其實紫嫣兒你除左玩game ok 勁之外, 相信都係好團長一個, 聰明人一個
所以你應該知道你一個團冇可能長期有50 人online,
冇可能長期夠50 人一齊打一個場,
紫團點都要同一d 外來嘅玩家合作打國戰.
如果外來嘅人好似你咁講  一d 都唔肯同你團合作嘅話
以你地一個團要打嬴一場國戰唔係唔可能, 不過一定非常非常困難

而以我係2kf 呢度所見,   貴團好似重係度招緊人
且勿論你團係唔係唔夠人, 或者你團係唔係好多分身以致要踢分身招新人
(因為我唔係紫團嘅人, 我唔清楚亦無資格講)
但係冇左紫國國民嘅支持, 要收人咪難到.....
重有收到嘅人可能係 低lvl / inactive,
到頭來受害者咪又係你地團

依我看來, 如果紫團係紫國重係被「視為公敵」, 被視作「地底泥」,
對個團甚至係紫國都只會百害而無一利,
聰明嘅你唔應該係e 個時候發個咁辛辣ge post,
而更係應該盡能力同紫國各團和解,
同紫國人和解,
如果你團可以做到,
相信紫國一定可以從中得益

而紫團ge 團員, 既然身為代表紫門國出賽嘅團嘅團員,
更應該係國戰中努力, 唔好比人話紫團係-6鸁/屈兵種
唔好再 引發罵戰 (d 人亂鬧咪唔好理佢lo) / 亂踢人( 踢人講原因會好好多ga) 等等,
唔係只會令紫團係紫國愈來愈被排擠...

而紫國其他嘅團, 係鬧人 / 引發罵戰之前一定一定要先諗清楚,
紫團唔係我地針對嘅對像
而實情係紫國人, 不論係咩團, 出發點相信都係為紫國好,
無謂因私人因怨而搞衰紫國丫...
真係睇紫團唔順眼嘅 , 咪唔好一齊打lo
重有, 針對個人嘅說話請唔好再講la
紫嫣兒係紫閻皇城團長, 係代表紫團, 但係唔使有不滿就對住佢鬧嘅,
it"s only a game, 冇必要玩到人身攻擊咁嚴重掛..?

最後, 我好想係e 度提出一樣野......
只係我個人嘅夢想, 但係我好想同紫國各團都深入合作下,
無他, 只係因為我想增進自己嘅實力,
同埋試下, 將紫國各大團團結起來...
e + 我嘗試緊同暗團合作打, 但係都好希望之後可以同你地團, v 團, 以致其他大小團合作下..
只係我個人嘅小小心願.........

louissham

原帖由 yanjai 於 2008-12-22 02:29 PM 發表
首先  自我介紹一下  本人係紫閻皇城團長 紫嫣兒

從好耐之前既一段時間起  紫閻皇城因為踢掛機  主水回血  低lv上前送死流
而被紫國視為公敵

依段時間入面  每次上線  總係睇到會頻話又同邊團邊個嘈  其實已經 ...

本人以一個紫國人民的身份，認為「不必入有紫閻皇城既戰場」這句話是不負責任的，
國戰是屬於全過紫國的人，土地利益也是全個紫國人民的利益，
不是話自己個團ｄ人，個場自己人多，就係屬於過個團，

大家有責任達成共識，唔係一個公會就可以定一個遊戲規則，
如果有心改革外交，就先同其他公會和紫國人民去達成你所說的「錯就要踢或錯就要罵」
究竟點做大家先會認同? 遊戲規則點先可以令人信服

好多時如 「油利雞絲」講，係 溝通問題，
唔係一句話「啊，係你啦係你破冰騎」唔理係咪突登即話嗅你，
又或者起雙子塔，點解會有人搶住起同一個位，事前有無話比人知你擴地? 我唔講你唔講，邊個知?
唔通個個紫國人都係用 "紫閻皇城" 的vent????


不過點都好，加油吧，為我們弱少的紫國爭一口氣吧。

[ 本帖最後由 louissham 於 2008-12-22 04:49 PM 編輯 ]

由莉菲亞

原帖由 Ycale 於 2008-12-22 03:14 PM 發表
－。。－唔好意思  我來帶由由走...... 由由 我地睇 別打字  別管人家事    -..-
奧利上

O仔你個死仔包快D番來紫國, 我地團需要你

yanjai

原帖由 louissham 於 2008-12-22 04:10 PM 發表

本人以一個紫國人民的身份，認為「不必入有紫閻皇城既戰場」這句話是不負責任的，
國戰是屬於全過紫國的人，土地利益也是全個紫國人民的利益，
不是話自己個團ｄ人，個場自己人多，就係屬於過個團，

大家有責 ...

你唔入一個戰場姐 第個戰場都唔入?紫國係咪靜係開一個戰場?
不負責任既係果d一入場就引罵戰既人  人不犯我我不犯人  國戰係對事不對人
就因為國戰屬於紫國人既利益  所以先要爭奪

雙子塔既問題係  唔止一個擴建者  本團從來冇踢過唔小心起雙子塔既人

小強:D

原帖由 louissham 於 2008-12-22 04:10 PM 發表

本人以一個紫國人民的身份，認為「不必入有紫閻皇城既戰場」這句話是不負責任的，
國戰是屬於全過紫國的人，土地利益也是全個紫國人民的利益，
不是話自己個團ｄ人，個場自己人多，就係屬於過個團，

大家有責 ...

其實如果咁不滿
叫叫你地唔好入黎唔係可以小d罵戰咩?
唔通你好想罵戰?

仲有次次罵戰前都係話踢人
講就講埋踢人原因
但係服唔服唔係我地問題
當然原因唔係on9既原因啦

係咁多

牙草))

支持紫國A SER 支持紫閻皇城
琴日比賽都好有大將之風 團長請人食糖 雖然我地輸左 佢地會問一句:玩吾玩友誼賽?
我地輸左都叫我地玩(雖然吾知係吾係想串我地 不過感覺上吾係) 希望紫閻皇城贏埋黃綠藍紅 為紫國爭光
合ser 希望我地吾會比人排斥 (ser b f團上)

yanjai

原帖由 雪長空 於 2008-12-22 04:07 PM 發表
首先要o係度恭喜下紫閻皇城嬴左可以代表紫國出賽,
比賽果日我唔左場, 實際情況唔到我講.

我o係度要講嘅係, 冇錯,
低lvl 送死流,
主水回血,
騎破冰,
步兵普攻破冰,
亂擴地,
以上呢d 行為確實乞 ...

將近考試  本團有部份團員可能不常上線  所以需要引入一批新人補助充戰力
開依個post前  我都深思熟慮過  以小人之心度君子之腹既人一定係話我個post係挑釁

但係  如果你查下之前d post  會發覺  針對紫閻皇城既post唔少  而我地亦都冇回post  姐係你地所謂既潛水
依家  我地團終於可以係"你地10打10嬴左先好出聲講野喇 "既人面前回返所有post
不過  我大部份認同你所講既...多謝你既諒解

0050

原帖由 牙草)) 於 2008-12-22 05:01 PM 發表
支持紫國A SER 支持紫閻皇城
琴日比賽都好有大將之風 團長請人食糖 雖然我地輸左 佢地會問一句:玩吾玩友誼賽?
我地輸左都叫我地玩(雖然吾知係吾係想串我地 不過感覺上吾係) 希望紫閻皇城贏埋黃綠藍紅 為紫國爭光
...

合團不就可以了嗎(微笑走近)