唔知大家有無遇過?![個人感想]

gn01077942

唔知大家有無遇過

比人搶場呢個問題...

玩左大半個月夢龍...一直都覺得呢個遊戲好有趣
因為比其他game無咁悶  同埋  可以有好多目標可以達成~

一直都係副本升所以一直都無咩比人搶場搶怪咁...

今晚打算同女朋友兩個去鸚鵡的憤怒地圖刷下靈魂石~打下eq咁喇
提起呢到真係多傷心事...

好記得有一次:

因為唔知隻阿布拉幾時復活...所以同女朋友搵一個無人架分流...
係王出現架地方...打...打...打...一直打足2個幾鐘...諗住咁實會等到王喇...

正諗住有得打王時...
忽然幾個4x lv架人出現...佢地都講明係等王...
我有問過佢地可唔可以唔好打隻王(呢個問題好似...好傻仔)
當然無可能阻止...就係咁...就睇住隻王比人秒左...
之後果一round就算再計好時間去都無用...又係咁...
我又唔會怪佢地架...隻王係公開架...
只係開始覺得~~"隻王唔係我地打架...阿布帽更加唔駛諗住打到

講完提外話...講返今晚先

同我女朋友去返阿布復活果到刷怪...其實我地已經係打算刷怪...無打算理隻王~~"
因為根本唔到我地理...
係果到感覺上多怪d同埋集中d...適合兩個人...

咁刷怪喇...刷刷下...忽然黎左個巫同3個人...
我都習以為常...因為好多人黎搵王...咁繼續打下打下咁
之後開始覺得怪喇...佢地係咁打怪...之後問佢地係打王問左好多次都唔黎我地
淨係一味自己打晒d怪...

終於係我死追問下...佢終於答我喇...

佢: ?!
我: 你係咪打王架?
佢: 唔係,我帶緊新人
我: 咁你可唔可以唔好係到打阿...因為我地係到打左好耐喇,你可以試下轉分流
佢: 唔得...我d人睇緊電視
我: 咁你唔可以咁樣果wor...大家鬥搶無意思
佢: (唔出聲)
我: 我係舞者,你係巫,大家鬥搶無意思果wor...
佢: 照打
我: 咁你咁樣難聽d 即係搶場姐
佢: 你走

我真係吹到啤一聲...
之後佢就繼續打怪...係咁打...
我就努力咁同佢戰鬥...

之後佢地叫埋個遊黎...大家一齊係到爭...
1遊1舞vs1遊1巫

之後我決定叫埋我女朋友走喇...
因為好無謂...

其實話搶又唔係搶唔到...
只係大家都係玩遊戲...駛唔駛有必要玩到咁

雖然呢個係開放地圖...但係對方都已經兩個人係到打...明知無怪都仲要搶...
咁大家鬥耐性有咩謂

平日我自己再加上我所見...其實大部份人去到任可地方見到有人打緊...都會轉分流...或者打第二到
基本大家都係你尊重我,我尊重你...咁遊戲先好玩

係果一刻我真係有諗過係全頻到開名鬧佢地
但諗到一陣又係全頻舌戰...我就放棄左...

如果大家都個人英雄主義...
想踩場就踩場...
想搶王就搶王...
玩遊戲...如果玩到咁...其實好無謂...

說得白痴一點...
遊戲唔係為左某部份人去運行...

坦白講...我即係唔識處理呢種情況...
我都諗唔清楚佢地咁做有咩意思...

可能佢地覺得自己成功左...趕走左兩個傻仔...

我還好記得...剛20lv...打下水道超唔成功...
唔識行...唔夠打...係咁死...d人帶打又要收錢...
之後set 好個隊名搵人幫手打...點知....一set...
勁多人入黎幫手...根本唔會有轉唔到職呢個情況...
果時好開心...有人幫手

但現在呢一刻...唉
唉...我擔心越高lv遇到呢種情況架機會越多...

大家面對呢種情況又會選擇點做??

blackgirl01

人家小朋友你可以點?

當自己黑仔~唔同佢鬥lu~

嬲得多會死快d架==.....有報道過

更何況都只係game姐~唔需要咁上心~咁肉緊囉=.=...

呢d小朋友終有日比天收=_="~

有咁耐風流 真係有咁耐折墮丫

gn01077942

我就係唔想自己咁肉緊先唔同佢地嘈...
我連佢地名都唔想公開...當然我圖都cap左xd(始終點都有d 肉緊)

我就係唔明...
遇到佢地真係...咩都做唔到...佢地仲成個公會黎架~~"
佢地點解可以唔怕整臭自己個名同公會...去做d咁架野...
真係一個謎

1593572468

其實而家好多人都有"搶點"觀念,

如果你玩得多台灣game,你就會發現果面更加恐怖,

以前我地玩game,預左一team人一個場,先到先得

但而家開始有d人個觀念係:"所有怪都係大家ge,大家都有權打,無話邊個先,邊個後"

雖然我都唔支持咁搶法,

但無可否認佢地有佢地道理....

唯有希望d人自律少少,有空場ge打空場先啦

jackal_1102

d人係咁架啦...
前日我係度打女王個圖打石順便等隻王啦..
打左差唔多2個鍾~
隻王差唔多出啦..有2個人專打王...
佢地一黎就team   之後係度狂打..
隻王一出~  1個人又點夠2個人爭呢~
結果就係咁比佢地搶左王啦...
見佢地係度打...咁我埋轉ser去搵下第2隻囉~ 點知...一轉...佢地又轉左黎~
真係好無奈..你高lv   仲要2個人team埋  搶人王...有冇搞錯啊~
係打王就一早去打定...咁樣搶..
有d人真係好奸狗囉~

chanjiakang

先到先得霸住個場無所謂lo   有實力既話
我至憎d    無咁大個頭戴咁大頂帽    既x街

【漆黑之牙】

見到樓主咁樣都好慘...可以試下兩個唔同時間的~我諗會小d人,一係就星期一至四早上姐係勁早個隻或你可以通頂等~打完d野比你女朋友都得^^...再者就等雙經個時計好d時間去咁,點解我會咁講呢,因為雙經個時個個都好像傻左咁去組人升lv~個過時候你可以去等隻王,同埋等王的人係好浪費自己的時間...所以自己預好出的時間去打~再唔係就唔好打 =w=

blackgirl01

原帖由 1593572468 於 2009-6-30 01:30 AM 發表
其實而家好多人都有"搶點"觀念,

如果你玩得多台灣game,你就會發現果面更加恐怖,

以前我地玩game,預左一team人一個場,先到先得

但而家開始有d人個觀念係:"所有怪都係大家ge,大家都有權打,無話邊個先,邊個後" ...

香港人未就係鍾意講人權囉~乜都人權人權~

佢地根本係到合理化緊自己所做既事~

永遠唔會將心比己....呢d所謂未來既社會棟樑....笑

紅~x

算數啦～樓主
而家好多小朋友嫁．．比人搶未同佢鬥搶囉
而家ｄ人打機就係咁
開頻吊佢都曬氣
如果好似以前隻龍族咁
開紅殺左佢好耐啦:smilie_:):

gn01077942

原帖由 chanjiakang 於 2009-6-30 02:18 AM 發表
先到先得霸住個場無所謂lo   有實力既話
我至憎d    無咁大個頭戴咁大頂帽    既x街

下...你係咪指緊...我?!

我又唔係話霸住個場...只係...咁明明有兩個人打緊...
個場都飽和左...你仲堅持去打...即係...明想搶場...
實力唔敢講好多...但對於該地圖都有一定喇...我同我女友3x lv 舞者加遊
果到d怪已經係唔夠刷...成日斷combo...
佢地同我地又係差唔多lv...即係大家鬥燒時間...
咁做其實無意思...

同我打呢遍野又唔係話要x邊個...只係...發表一下個人感想...
世風日下架感覺...
我好聲好氣同佢地講...
又唔理
話佢地又唔理...

本住...你唔知我係邊個...你可以點架心態
玩遊戲都應該有玩遊戲架風度掛...
我的確係有肉緊,仲有d嬲...因為受唔到尊重...

至於打女王方面,我已放棄了...呢隻貴族王...
我呢d平民唔o岩打...果日d人黎打王...
問佢地頂帽幾"金"...
佢地答我...最平350
"點"(唔知有無記錯)

gn01077942

原帖由 紅~x 於 2009-6-30 11:10 AM 發表
算數啦～樓主
而家好多小朋友嫁．．比人搶未同佢鬥搶囉
而家ｄ人打機就係咁
開頻吊佢都曬氣
如果好似以前隻龍族咁
開紅殺左佢好耐啦:smilie_:):

哈哈~我第一隻online game就係龍族~xd
果時成日打怪都要好小心會比人偷襲
果種感覺好正...係其他game到已經搵唔返
我估如果係以前龍族...佢已經開左紅一個炎浪飛左過黎...
唔駛同我搶~~"

我都唔想同佢搶..因為我要返工...玩架時間已經唔多...
唔想浪費時間

×葉仔×

呢隻GAME太多小朋友
同小朋友玩就同佢搶...
佢點對你就點對佢...
唔係就叫人黎幫你...
唔好同佢玩耐性...
佢地日日放假...時間比你多..
人多蝦佢人小

blackgirl01

原帖由 gn01077942 於 2009-6-30 11:29 AM 發表


哈哈~我第一隻online game就係龍族~xd
果時成日打怪都要好小心會比人偷襲
果種感覺好正...係其他game到已經搵唔返
我估如果係以前龍族...佢已經開左紅一個炎浪飛左過黎...
唔駛同我搶~~"

我都唔想同佢搶. ...

wowo~ 我第1隻online game都係龍族呀 XD~~

我係玩祭司既~而家都係玩祭司

B文子=]

--狗賊行為 你黎先仲要俾人叫轉ser佢同kai子有咩分別
有既..佢俾kai子更kai..唔介意既話講個名出黎等我黎認識下佢啦樓主
呢d咁既奇人  唔教唔得

。﹏§由。§

支持樓主爆佢個柒名出黎
邊有人咁柒人地到先仲係度搶
呢D叫社會未來棟樑???
柒頭一大件only 咁無品既人 死左佢都罷
自己高lv就搶哂 呢D根本就係小朋友行為
高lv真係大哂咩 咁高lv唔見佢打高lv地方 搶埋D新手地方
帶人升唔識叫比人帶果個轉ser??睇電視??佢屋企半山好大??定係板間房 ??
最憎無品人士!!

gn01077942

...原來大家都對搶場存在一定架厭惡...
其實我已經對件事無左感覺~~"因為返工好眼訓...

爆佢地個名都無用...無影響搶場呢個風氣
佢地好似成個公會都覺得無問題咁~~"5個人都理直氣壯咁...
而且無論我地講咩佢地都唔應...keep住搶...
呢個先係問題~~"仲話帶新人升...
感覺好似係到教壞新人咁...有公會唔係大晒架~~"
如果你去打街球...有人打緊都要跟隊喇...

不過爆人名字缺德...我只係想把夢龍中...
一個晚上發生左架一件令人肉緊架事講出姐~~"希望大家對搶場呢樣野唔好覺得好正常...好理所當然...

我估佢地自己睇到呢個post都應該會自我收歛一下
(睇唔到就無得講)

人地讓你...唔係因為怕你...
只係堅持下去無意思...反正都要有人要走...

話說我係咁大個仔第一次係2000fun開post~~"
以前去開巴哈...

大紫x]

好多字呀 w0w
搶場應該冇乜邊個未試過..
搶d人要自己柒.柒
你又真係無奈地要欣然接受/_\

gn01077942

原帖由 blackgirl01 於 2009-6-30 02:46 PM 發表



wowo~ 我第1隻online game都係龍族呀 XD~~

我係玩祭司既~而家都係玩祭司

wowo~我都係祭司~回想起來...以前龍族的祭司很強大...
一吸一棍...又一件~
而家我玩舞者...本身其實係玩騎...但係返工架情況下...
好難追到友人lv...為免拖慢佢地...只好轉玩舞者
感覺夢龍的祭司都很強大~~

gn01077942

原帖由 大紫x] 於 2009-6-30 04:53 PM 發表
好多字呀 w0w
搶場應該冇乜邊個未試過..
搶d人要自己柒.柒
你又真係無奈地要欣然接受/_\

字數証明我幾咁無奈~~"
可能我比較鍾意吹水xd~打下打下就咁多字

kennest123

我都試過一次
諗住去打石..
打左勁耐
之後有班人黎左..
甘一齊打..冇所謂
但係打打下唔對路
我行埋隻怪到...唔打..跳去第隻到..
佢根住跳過黎..搶
之後佢地幾個仲要係同一個幫
我問佢..分明玩野ja
佢話..你咪開喇叭唱我lo
O哂..
之後咪走人..轉ser
果次勁嬲-,-