DELDELDELDEL

jackwahhk

原帖由 shun1994 於 09-11-5 10:32 PM 發表
我今年f4 F2,3 系同我一班 但系升上F4就吾系嚕
系我f2個年我開始越上佢 f2下學期 我就開始鍾意佢... 到而家f4我仲系鍾意佢
我仲未有一次向佢示愛... 但系我搵過一D朋友幫我問過 如果我鍾意佢 佢會吾會受我之類個D
...

你地都係只識左兩年, 但你地關係如果可以進步, 就會有個合適既時間講到~~ 點先進一步呢? 你比多d時間出黎相處, 比佢知道除左同學,關係, 朋友關係  其實都可以做到知己~~  你而家無啦啦表白嚇死人, 佢只係知道你係班上其中一位同學~ 而你無付出過 係未到表白果個階段既, 你有無同佢去出街呢? 放學搭車依d個個都可以架啦, 你有無搭車時候同佢傾下計 做朋友既有無比風度出黎 送佢返屋企呢? 佢生病, 你有無關心佢病情, 有無放定紙巾你身  等佢除時須要, 膠布有無帶一兩張係身  佢整親為佢貼呢? 依d都其實係朋友做既~~ 但就係依d事情會令大家關係更密切,  你亦唔會講一句"  我真系好想知到佢系到諗咩"  朋友與朋友之間係有一條隱形線聯係~~ 你就係要將依條線由隱形 慢慢加上顏色 令大家經歷更加精彩  當你同佢一起解決困難, 一起心享開心, 心中就會慢慢呈現出你既影像~~

jackwahhk

原帖由 shun1994 於 09-11-8 05:26 PM 發表
朋友階段而經到左 答車個陣都會傾下計甘
但系佢都系一d吾系幾甘講野既人
同埋佢都吾系成日出街

唔係成日講野 唔緊要架，一對夫婦結婚後幾十年講都講到厭啦，但點解可以仲繼續行埋下半世呢~ 大家一齊唔係靠把口，講得多就一齊，而係佢個心感受緊你對佢認唔認真。出唔出街都係睇你誠意~  你話最近出左套戲，你好想同好朋友去睇，可唔可以借一日時間比你同你去睇。你估佢出唔出呢，有時間 而佢信得過你，佢一定會去...  等我教埋你絕招啦

女仔大部份係信緣份，你要特登去撞佢，比佢知道你喜歡佢。"咁岩既" <--- 就係依三個字  講得好可以迷到女仔~  每逢撞到佢笑笑口 比D好既聲線講依三個字。你個袋好重wo，須唔須要我同你拎，比D 關心唔該~~ 你要比佢知道 依D只會係對佢做既野。等佢感受到你喜歡佢，佢自然會有D奇怪反應，一係避，一係會傾得深入左，你自然會知道答案架啦。你乜都唔做，我係佢都覺得你同其他男仔無乜分別，搵個好樣D仲好啦~  追女仔可以講係鬥靚仔，因為女仔大多數係搵靚仔....  但唔夠靚仔，就要係個女仔未有意識去拍拖之前追佢，用關心同時間去贏靚仔。 到左佢有意識去拍拖既時候，你先開始既話，佢一定會同D靚仔去街多過理你。所謂時間可以戰勝一切，我去街都見到靚女同唔係咁靚仔既拍拖，點解唔搵靚仔？其實人地係識左好耐，一路係不斷付出關心去維持依份關係。