副本都要強制分寶...使唔使玩到咁樣先 !!

BIOXFS

某日 , 我跟團刷礦困打寶團 , 開打前一刻 , 隻狙擊提議 : 一陣假如隻王跌野嘅話 , 假如跌件黑魔嘅嘢 , 咁好明顯唔啱自己用 , 就要比咗佢 !
跟住唔清楚係咪其他人諗嘢太急 , 一口答應狙擊呢個"要求" 一個副本有可能只會跌某人物果D 裝/武(值錢嘢)<-有呢個可能性
我心諗 , 大家目的都係打寶 , 吸倒唔啱自己用果 D 嘢 , 講真 我大把 , 我會掛賣番出去 , 其他人都會用呢個其一辦法轉手
, 咁為乜嘢要搞到大家打寶得個吉 , 打副本 , 人人都有付出 , 我絕對唔認同呢個分寶方式
明明自己吸倒 , 喺最開心果一刻 , 我要好唔自願咁去比咗另一個人 , 玩咩
我開嘅團 , 無論係跟其他團 , 都冇人會咁樣講分寶方式 , 我有時會唔使錢 , 比+5 神裝 D 新手用 平均 32 LV 果 D
我肯唔肯比佢 , 係睇佢為人 , 另外講 交情 ,
每個玩家都希望打副本時 , 隻王會跌嘢比佢 , 有冇跌嘢比自己 , 呢個係天意 , 隨緣啦 !
我諗唔倒用乜嘢理由 , 要無情情去比嘢一位大家唔相識 , 但又係同埋一齊打副本嘅人
轉換其他人都唔想咁分寶法

側田爸爸

原帖由 BIOXFS 於 10-1-21 11:13 AM 發表
某日 , 我跟團刷礦困打寶團 , 開打前一刻 , 隻狙擊提議 : 一陣假如隻王跌野嘅話 , 假如跌件黑魔嘅嘢 , 咁好明顯唔啱自己用 , 就要比咗佢 !
跟住唔清楚係咪其他人諗嘢太急 , 一 ...

你睇野太單方面啦!!
當你自己都有需求個時...人地吸到你都好需要既裝,武免費送返比你~
唔係都會好開心? 睇野應該用多角度...而唔係高角度a_a

ckh11

我同你都係咁諗
自己打到野即時俾人費時第日唔組我
其他人打到我d裝有d又唔俾我
我又唔好意思問人攞
結果好多時真係純粹刷副本
除非個團全部熟人
如果唔係我都提議自己拎

ReDkIsS_SiuB

大家都係求開心....


打到唔係自己職業既野...
咪平賣比人嚕..
件裝市價值如果值100m
我會60-70m放比人

BIOXFS

原帖由 側田爸爸 於 2010/1/21 11:18 AM 發表


你睇野太單方面啦!!
當你自己都有需求個時...人地吸到你都好需要既裝,武免費送返比你~
唔係都會好開心? 睇野應該用多角度...而唔係高角度a_a

打副本係大家以一種暫時性合作方式 , 目的係打 裝 武 , 假如喺每一場 D 王 跌 D 嘢 , 只係啱哂你自己用嘅話 ,我係你都會咁提議分寶法 ,
我送嘢比人哋係講我睇倒佢為人 , 而且係我自願比佢
打副本還打副本 , 各安天命 , 隻王肯唔肯跌嘢比自己 , 睇系統隨機嘅機率
呢個係一個形式 , 唔可以講話係自私 ,
而你講嘅當隻王跌咗我好恨想要嘅嘢比人哋 , 我會認命 , 我唔會喺打緊副本未打完去煩住佢 , 又問佢放唔放 ,
我只會不斷去打呢個副本 , 直至我有呢個命去吸倒果件嘢 , 一切隨緣 , 冇咪用錢去買番離用 , 有幾難先 ?
我睇嘢係多角度 , 有諗埋其他角度 , 我絕對相信 , 一般人打副本係唔理吸倒乜嘢都好 , 最緊要係"有"............... 唔啱自己用咪賣咗佢囉 !
打機 , 何嘗唔係想打寶呢 ? 大家有買有賣 , 先係打機嘅其一特色 ,  

MING仔==

如果長刷既咪比佢lo-.-"如果係解任刷得1場就廢事比佢了

piscesboy0220

個黑魔指既裝備係深淵裝?
如果係既話,的確係有呢個準則,"按職業分配"
但只適用於深淵裝,其他普通裝就邊個吸就邊個,
不過就算連普通裝都要接職業分配,都唔會唔公平,
通常都會開團前講定先,打到既深淵裝要點分配,
你唔接受既可以唔跟呢團,同埋一定打到黑魔裝?
唔俾打到屬於你既裝?如果打到屬於你既裝,你咪一樣可以免費拎到,
學上面話齋,諗野唔好單方面,
同埋就算唔係按職業分配,都唔代表你可以吸到裝,
所以諗多冇謂,接受唔到組隊既分配模式,大可唔跟呢團

FKen_balance

其實怎樣分裝都只是全組人的配合, 你大可以不跟隨...
不過在 aika 有這種分裝方法我第一次聽....aion 就見得多- -

BIOXFS

原帖由 ReDkIsS_SiuB 於 2010/1/21 11:34 AM 發表
大家都係求開心....


打到唔係自己職業既野...
咪平賣比人嚕..
件裝市價值如果值100m
我會60-70m放比人

我同你一樣咁做 , 咁咪係囉 ! 唔啱自己用咪賣囉 ! 我用半價放番出去 , 咁咪又有人執倒平嘢囉 ! 最終獲益咪又係我自己以外嘅人 !
PS:大家要認真咁去諗下 ! 最主要一個問題 ,
     假如每場 D 王 跌親都係聖騎果 D 值錢嘢 , 假設其餘 5 位一定唔啱用 , 咁需唔需要吸倒嘅其餘 5位 乖乖哋自動自覺搵隻聖騎免費交易呢 ?
     拿 ! 呢一個免費交易 , 通常只會用喺 大家相方嘅友好交情上去決定 , 係跟打副本打寶係兩會事 ,
     明明大家各不相識又冇交情 , 而用呢種分寶方式去暫時合作打副本 , 系統就同大家講隨機 , 我就同大家講 , 隨緣 !
     總之  唔啱用 , 隨便點決定 , 一係賣 , 想要咪買囉 ! 買倒就夠運 , 買唔倒咪下次囉 !

raysonlove

樓主唔係話.. 隻狙擊提議 打到黑魔裝唔岩用的 俾佢咩=.=?
明顯地唔係職業性分法啵..
不過按職業分配係準則呢點係無錯"

raysonlove

其實唔洗成日諗打到人地岩用的裝就俾佢...
另一個諗法...
佢打到你岩用的裝佢就俾你~
咁樣唔係兩全其美咩?
當然你可能接受唔到呢種分配方法.
咁就打之前先商議一下~

BIOXFS

原帖由 FKen_balance 於 2010/1/21 11:51 AM 發表
其實怎樣分裝都只是全組人的配合, 你大可以不跟隨...
不過在 aika 有這種分裝方法我第一次聽....aion 就見得多- -

AION 我有玩過 ...開頭大家講好哂 , 邊個吸倒寶就係佢嘅 , 最後係得我吸倒條"好嘢"仲幾"值錢"
跟住....擋王果位....唔聲唔聲搵我交易...佢對我講話 : 呢件嘢 , 唔啱你用 , 而佢個 FD 又講話啱佢用比佢 ,
咁即係點 , 一早講好哂 ! 最後得個講字 !

香蕉仔

原帖由 側田爸爸 於 10-1-21 11:18 AM 發表


你睇野太單方面啦!!
當你自己都有需求個時...人地吸到你都好需要既裝,武免費送返比你~
唔係都會好開心? 睇野應該用多角度...而唔係高角度a_a

高角射擊

sunnylimax

其實組長有個功能,你可以SET 道具分配:組長
咁D野就去哂你到
其實我都唔知講緊咩- -

呢句入返題先- -
如果組左D咁既人,
我唔會無條件俾佢,只會平小小賣俾佢

raysonlove

樓上打少隻字..
高角度射擊

piscesboy0220

sorry= =原來我睇錯左,
我一直以為係黑魔叫人地打到黑魔裝俾佢,
原來係狙擊叫人打到黑魔就俾佢,
如果係咁,樓主唔駛理佢,賣俾佢就得,除非比較熟
因為呢個已經唔係按職業分配

BIOXFS

原帖由 raysonlove 於 2010/1/21 11:53 AM 發表
樓主唔係話.. 隻狙擊提議 打到黑魔裝唔岩用的 俾佢咩=.=?
明顯地唔係職業性分法啵..
不過按職業分配係準則呢點係無錯"

其實 , 我想講嘅分寶方式 , 系統一早預咗會有一個點分配嘅問題 . 先會有 " 隨機 " 呢一樣嘢
點解 "隨機分配 " 仲唔可以滿足倒大家嘅 " 需求 "
另一方面 , 大家會睇倒吸倒 "寶" 嘅人 , 有機率吸倒完全唔啱自己用嘅嘢 ! 話明吸倒 "寶" , 細路仔都識講 : 問天問地攞唔倒 !
唯一可以用賣嘅方式 , 去令"冇"嘅人變為"有" , 大家睇下咁做係咪解決咗呢個"問題"呢 ?
工會自己人打副本還自己人分配 , 野團還野團分配 , 我識你肯比你係人情係交情 ,
"另外"我絕對唔會開埋聲問一位相方完全唔認識 , 暫時性合作打副本玩家拎嘢 , 係咪未打完個副本, 要大家等埋呢單交易 ?
我玩台服有遇倒一位"細路仔", 同埋一齊打副本 , 當隻王跌乜嘢都好 , 佢好大條道理去問我咃每一位拎嘢
雖然係"虛擬嘢" , 假如 , 乜都可以"比" , 咁我打機又係為咗乜嘢 !
為咗"免費"比 D 唔啱自己用嘅嘢比人哋 ! 人哋話我"好好人" ! 我好開心 !
不如 , 我跟親副本都問人哋拎嘢 ! 就算我唔啱用 , 我 D 分身肯定啱用 ! 咁需唔需要"免費比哂我"
我會對其他人講 " 頭先 " 佢"好好人"唔使我比錢就比咗 D 嘢我 !
PS: 因為趕住出門 , 唔太方便另開一POST , 先會喺回呢一個POST , 回埋其他嘢 ! 請見諒 !

BIOXFS

原帖由 piscesboy0220 於 2010/1/21 12:12 PM 發表
sorry= =原來我睇錯左,
我一直以為係黑魔叫人地打到黑魔裝俾佢,
原來係狙擊叫人打到黑魔就俾佢,
如果係咁,樓主唔駛理佢,賣俾佢就得,除非比較熟
因為呢個已經唔係按職業分配

NO ! 佢係好明顯指出 , 打倒狙擊果 D , 肯定只有狙擊可以用 , 要比狙擊 , 表面上好合理 ,
而且 , 係講緊一團"野團" , 大家"三唔識七" , 目的明顯係"刷裝"
唔係為咗某一個人去"打裝" ,
假設 , 我開一團 , 仲要喺 "全頻" 聲明 : 礦地獄徵人 "幫我"打裝" , 睇怕肯自動送上門幫我"免費打裝"嘅人 , 佢一係心急搵團 , 一係冇睇清楚"中咗我計"
咁"老趁"你肯唔肯跟呢一團"野團"去打副本 ?

ZeRo柔雅

香港人諗法-.- 自私....

大吧GAME都有按職分寶既習慣

zx

我都覺得按職業分裝係ok 嫁wo
當然前提個team係要刷裝先la
有6種職 打到唔係自己職業的比人
唔明e個方法有咩問題
個個去刷都唔知會打到d咩
有時打到你的好裝但去左人地道
你都想人地比你la