我今日好唔開心, 我男朋友講要同我分手... 唉...
我已經十九歲啦, 呢個男仔份我初戀, 我同佢十二歲就開始拍拖.
我地住同一個屋苑, 讀同一間小學, 一齊升上同一間同學, 大家互相勉勵, 升上中六, 目標係一齊考入香港大學, 選讀同一科...
我們現在大家都中七了, 大家都好有信心考到大學, 但係,, 唉,, 當初的約誓已結束....]
讀小學個陣, 我跟男朋友成日交換貼紙, 大家都擁有一本貼紙簿, 小時候我地都覺得好岩Key, 我覺得佢係我最好既朋友, 有咩心事都會搵佢傾計架, 又會一齊出街玩..."
升到中學, 我地又一齊參加同一個課外活動, 一齊溫書, 一齊學習, 一齊溜冰...
就係在中一那一年, 佢約我去溜冰, 我地就係在溜冰場個度開始了, 我到現在仍然覺得, 那天好甜蜜.
大家的父母都無反對我地拍拖, 甚至乎大家都認定我地係一對了...
時間一年又一年過, 終於到中五啦, 大家都有好穩定既感情, 我男朋友因為玩OnlineGame, 成績有段時間差左好多, 我成日叫佢唔好打咁多機, 我地亦曾經因為打機既問題而嘈過交, 但佢明白到我都係為佢好, 每次嘈完交後, 佢都會鍚番我, 氹番我..
會考放榜, 我拎到28分, 而佢就只係得19分, 岩岩好升到中六, 我仲記得個陣佢都好驚升唔到上中六, 同唔到我一齊讀書...
在升中六的暑假裡, 佢約我去大澳, 一起看日出, 那天好浪漫, 佢仲拎左隻紙戒指出黎, 叫我嫁比佢, 話等佢儲到錢買隻真鑽戒比我, 我答佢我一定會等架!!
又一年了, 大家都考完A-Level, 但唔知點解大家的感情好似變淡左, 又唔打電話比我, 又唔覆我sms, 我覺得我已經無左拍拖既感覺啦, 到今日, 5月24日, 佢終於打比我, 我好期待既一個電話, 以為佢只係忙而忽略我, 但係,,, 但係,,, 佢在電話上竟然係同我講要同我分手... 唉..
我又無做錯D咩, 我都唔明點解佢要咁對我, 我男朋友話: 你很好, 錯在我, 識左另一個.. 之後就收左我線啦..
就係話識左另一個就可以唔要我.. 唉.. 我好down.. |
發表於 10-5-24 11:50 PM
發表於 10-5-24 11:51 PM
