武林群俠傳 豪傑(香港和平 )過去名人猛人簡介 大事經典回顧

武林烏龍茶

豪傑香港猛人很多 多得不能盡提名 我便以我最常得以接觸的名人為提呀

我時間針對在2008-2010年9月前 因為武林半年合併2次 很多玩家名都改了

若有事實差異 敬請原諒 這篇從個人觀感以發 不可作事實的全部

從現在想回08年 記憶很淡 資料中可能有些出入

排名不分先後

金莉莉/豆花妹 (刑天長老) 姓別=男 (過去是:豪傑 四大聯會 創世/滅世聯會長)
豪傑最出名猛人不是他技術過人 是因為他用錢最猛 為眾多刑天門玩家的偶像
後來改名'豆花妹" 多次合併後刑天第一寶座位置未曾動搖


雄仔/雄二爺 (無極長老) 姓別=男 (過去是:豪傑 四大聯會 ZERO第二任聯會長)
他有高超技術 有以一勝百能力 為ZERO第一任聯會長 獨行如風 最信任的人
後來他接任ZERO會長後 致力維持ZERO聯 表現尚可 但ZERO聯實力略為下降


烈峰/狗仔峰 (無極長老) 姓別=男 (過去是:豪傑 四大聯會 F聯第三任聯會長=ZERO分支聯會)
F聯第三任領導人 他接任F聯會長後為ZERO聯的 獨行如風 馬前卒 有ZERO聯分支聯稱號 雖然F聯進身四大聯會 但實力不及


龍旋/龍伯 (毒龍長老) 姓別=男 (過去是:創世/滅世>ZERO>F聯 重心人物)
有高超技術 精通毒龍/無極 他愛鬧事但因為技術精湛為四大聯會器重
後期他致力維護F聯 幫助化解多場危機 大約2010年中期離開武林 角色去向"不明"


卡汶/秘書 (無極長老) 姓別=女 (過去是:zero 重心人物)
她無任何殺傷力 但是她是一個盡職的醫師 有她在身邊你會很安全


太上皇/太哥 (毒龍長老) 武林早前人物 姓別=男 (過去是:ZERO聯 重心人物)
他是豪傑 早期最猛玩家之一 愛沖裝 往往裝備排行第一
大約2009年中期離開武林 角色轉手到"清水柴"


霄遙/遙仔 (無極長老) 姓別=男 (過去是:F聯後期第二號領導人物)
他是F聯及群英會幫會核心人物 深得烈峰信任 他為人較為深居簡出 資料不多


一絕一/ON9絕 (刑天) 姓別=男 (過去是:豪傑 四大聯會 靈舞第二任聯會長)
他與F聯烈峰略有仇怨 他上任靈舞會長期間 多次與其他聯會結盟對F聯發動攻勢
後來因ZERO直接援助F聯 導致靈舞長達一年的戰事失利結束 大約2010年初期離開武林 角色去向"不明"


雪糕仔/仔仔 (風雲長老) 姓別=男 (過去是:ZERO>創世/滅世 重心人物)
風雲高手  為武林前期的風雲派偶像人物 為人喜歡說笑
大約2009年後期離開武林 角色去向"不明"


法正/正叔 (風雲長老) 姓別=男 (過去是:靈舞聯>創世/滅世>命運 重心人物)
風雲中最出名人物 愛沖裝 為人隨和 大約2009年中期離開武林 角色轉手到"不明"
  

月嗚步/步步 (毒龍長老) 姓別=不明 (過去是:創世/滅世 實力派人物)  
武林世界中 有傳月嗚步是使用加速程式 月嗚步在聯中人緣不佳 常對聯友發生口角之爭


小森/森仔 (無極) 姓別=男 (過去是ZERO>創世聯 重心人物)
他是一個全能補醫 常為隊友解困 人緣好 大約2009年後期離開武林 角色轉手到"不明"


g冰兒g (無極長老) 姓別=女 (過去是:創世/滅世/zero/F聯/命運 重心人物 後來自立聯會)
龍旋有時後會使用g冰兒g參加各種戰事 其餘資料不多


惡魔小雲 (刑天長老) 姓別=男 (過去是:創世/滅世>zero 偶像人物)
他在短暫的武林生涯 創造了很多驚人傳奇 為武林前期的偶像人物
大約2009初期離開武林 角色去向"不明"


小齊/光頭 (毒龍長老) 姓別=男 ((過去是:靈舞>創世/滅世>命運 重心人物)
毒龍玩家偶像人物 人緣好 技術精 實力派 敗在他手下的猛人無數


韋驚世 (刑天長老) 姓別=男 (過去是:創世/滅世> 命運 實力派人物)
他常伴金莉莉出戰 愛沖裝 喜歡死纏對手 戰場遇見他很難有命回家 在聯聲望高 常做戰事領導工作  


大嫣媽/媽媽 (刑天) 姓別=女 (過去是:創世/滅世 重心人物)
為人隨和 活躍在各種戰場 有技術但不精 她在聯內屬支援角色


麻lin (刑天長老) 姓別=男 (過去是:創世/滅世>F聯 重心人物)
他是後期F聯主將人物 實力與技術高 他與kawaii 有F聯刑天孖寶稱號
大約2010年中期離開武林 角色轉手到"不明"


李國德/德仔 (刑天長老) 姓別=男 (過去是:創世/滅世>ZERO>F聯>靈舞>命運 )
他效力過很多聯會 後來與天忠/g冰兒g/君中之王等人自立門戶 而且高調在其他聯會遨人 引起各大聯會不滿


雷武/武武 (毒龍長老) 姓別=男 (過去是:創世/滅世 重心人物)
為人反覆 愛鬧事 有技術但不精 大約2009年後期離開武林 角色轉手到"不明"


魔劍使/魔魔 (風雲長老) 姓別=男 (過去是:創世/滅世 重心人物)
風雲中略有名氣 有技術 武林中他出名喜歡搶怪 其餘資料不多


法正/正婆婆 (風雲長老) 姓別=女 (過去是:靈舞>創世/滅世>命運 重心人物)
豪傑 早前名人 法正 接手玩家   為人有善 人緣略好 有技術  後來改名"法老皇"


SkyYin/sky (風雲長老) 姓別=男 (過去是:靈舞>F聯 重心人物)
他原本是靈舞重心要員 後來他因事與當時靈舞會長 一絕一 關係惡化 從後轉投靈舞死敵F聯


獨行如風/如花 (毒龍長老) 姓別=男 (過去是:豪傑 四大聯會 ZERO第一任聯會長)
有非常人的技術 敗在他手下的猛人無數 他為人隨和 深得一群他旗下猛人仰拜
在他上任其間多次援助F聯 幫助F聯化解多場危機 大約2010年中期離開武林 角色轉手到"不明"  


PinkGirl/PG (刑天長老) 姓別=女 (過去是:ZERO>F聯 重心人物)
她早期資料不多 後期為F聯重心人物 人緣略好常得到F聯各種支持
武林常傳她使用加速程式批評 後來改名Kawaii 大約2010年後期離開武林 角色轉手到"不明"


奧艾斯/OIC (風雲長老) 姓別=男 (過去是:創世/滅世>ZERO聯 重心人物)
風雲中名氣很高 高技術型 武林中他出名喜歡搶怪 很多武林玩家對他不滿


君中之王/君中(刑天長老) 姓別=男 (過去是:創世/滅世>ZERO>F聯>命運 重心人物)
他效力過很多聯會後來自立組成聯會 他常因一些事情爆發罵戰


十問不戒/十仔 (無極) 姓別=不明 (過去是:創世/滅世>ZERO重心人物)
台灣人的他為人親切大方  受到很多聯友歡迎 技術一般 不太活躍在戰場 活躍在補師角色  
大約2010年中期離開武林 角色轉手到"不明"


補到你噴血/不明 (無極長老) 姓別=不明  (過去是:ZERO>創世滅世 重心人物)
技術型 石人高手 一給他看上眼 你半步難移 有傳使用加速程式


太上皇/柴仔 (毒龍長老) 姓別=男 (過去是:ZERO重心人物)
豪傑 早前名人 太上皇 接手玩家 有技術但不精 他為ZERO聯忠實派 得到ZERO聯二任會長信任
有傳使用加速程式 後來改名"勝條宮清水柴"


南宮影月/影月(毒龍長老) 姓別=不明  (過去是:ZERO>F聯 重心人物)
早期資料不多 為後期F聯主將人物 有傳使用加速程式


獸血熱勝/獸血 (毒龍長老) 姓別=男  (過去是:創世/滅世>ZERO>命運 重心人物)
技術精 資料不多 大約2010年早期離開武林 角色轉手到"不明"

四大聯會 排名不分先後

ZERO   敵 創世/滅世    友  F聯  
首任聯會長:獨行如風  豪傑中後期知名聯會 長時間與 創世/滅世對抗 後因援助F聯對抗靈舞聯
形成長達一年的中英文聯會之爭 (中文聯  創世/滅世/靈舞   英文聯 ZERO/F聯)
知名猛將 獨行如風/太上皇/雄仔/情心

創世/滅世   主敵 ZERO   友聯   靈舞
首任聯會長:金莉莉   據說: 創世與滅世 屬兄弟聯會 猛人雲集 為豪傑初中期最出名 實力最強聯會
後與靈舞結盟對抗ZERO F聯  後因內部出現多次分化引發內亂 實力日漸下降  
知名猛將 韋驚世/月嗚步/雷武/水軸

靈舞   主敵 F聯   友   創世/滅世
首任聯會長:不明/第二任 一絕一   據說: 豪傑中期知名聯會 靈舞長期追擊F聯 長達一年的戰事初期每戰必勝
但中期F聯得ZERO援助  靈舞情勢急劇下降 後來與創世/滅世結盟 但未有轉機 處境每況越下靈舞 後備F聯吞併
知名猛將 一絕一/法老皇/小齊/浪清心/

F聯   主敵 靈舞   友 ZERO
首任聯會長:不明/第三任 烈峰  據說:  F聯成立已久 成立之初能進身甲聯地位 但 第三任烈峰接任後每況越下
後來備靈舞多次追擊 後與ZERO結盟對抗靈舞 最後迫使靈舞停戰 回過氣的F聯 以各種手段吞併靈舞
知名猛將 霄遙/麻lin/kawaii/南宮影月


驚動一時曾一度堀起聯會
命運   主敵 四大聯會   友   無
武林後期 曾一度堀起一個新秀聯會 據說: 命運前身效力F聯的一個幫會 後來與烈峰出現矛盾 型成的聯會
後來命運在各大聯會廣集英雄豪傑 而且得到各大聯會猛將加盟 在很途時間發展成一個很大的獨立勢力   
知名猛將  君中之王/李國德/天忠/冰兒

[ 本帖最後由 武林烏龍茶 於 10-12-18 11:45 AM 編輯 ]

ngsk86

真懷念，可惜當時無做直播，無得回味

@忘命生涯@

我玩果時好前期,最記得就係晚晚12點都要沖返屋企吸雙經
果時全ser最強係7夕,佢無論係等級定係裝都係最快手果個
之後4大聯會就:傲視天下, 諸神黃昏, 紫雨星魂,極惡俠王
當時岩岩出城戰既時候,我記得係傲視拎左2個ser,紫雨拎左1個ser,極惡都係拎左1個ser
記得第一次打城戰聯會發明左一樣好白痴既技術
就係如果吾夠打,就係咁交易對方既勁人,等佢地睇吾到野,之後神裝果班就圍佢
當時傲視真係好強大,因為好多勁人都係入面
而紫雨相比其他3大聯會就好和平
諸神就人見人憎,好多時都會好多人串諸神d人
極惡係後期彈出,之後同紫雨傾合併
傲視天下創辦人七夕
紫雨星魂創辦人ak
諸神黃昏創辦人銘記
極惡俠王創辦人拓海
當時最深刻既就係諸神入面有個全神裝既人(吾記得邊個)比人爆左ac無晒成身裝走左去報警
之後有人開公頻嘈,嘈到成個ser都知,之後就個個都笑諸神d人
加上諸神入面有大部分人都幾狗下,所以3大聯會好多時都會圍諸神以示正義
我有段時間係傲視入面,記得有次聯戰,7夕同小雲叫我地吾洗入,佢地2個打晒
點知最後佢地2個真係打晒對面成個聯會- -仲分左d錢比我地
而當時小雲一定係全ser最多血既血牛,有段時間小雲可以話全ser無人夠佢揪
之後我因為有fd吾鍾意傲視既風格轉左去紫雨,而我都跟埋去
紫雨對比返3個聯會係最和平果個,所以無咩大活動
紫雨入面既人吾似傲視果邊d人既裝咁勁,咁好打
但成個聯既人都好合作,所以好多時都會係活動拎到d第一名返黎
雖然吾打得,但係個個都好吹得,互動都好多
之後玩到一轉就無再玩,因為真係勁晒錢...
依加諗返起真係好懷念

mrcheung1987

好多人都認識,好懷念隻game d人

hong711

報告不實0.0
鴻仔加速最強啦=-=

o032o

我都好想去正服搵人打下0.0
係私服玩到冇人敢同我打-o-
成日都見3到d人話正服幾勁0.0
但係又冇ac~"~

schugot

現在F聯是唯一一個香港人做聯長的聯會!而且還有戰力搶城的老牌聯!
不過改左名P聯

恆ｊ

送你兩個字＂經典＂

武林烏龍茶

又上黎報到 前晚8:00到 on武林睇睇 隻game依然係無任何更新
我想唔會出3轉已經係鐵一般事實 感覺上今次on武林
分1-8大都人流較上次少好多 應該係好多人都無玩

你講起小雲我記得小雲收皮前曾在公頻招人單P
記得小雲果時係長老無幾耐 成日出公頻話除裝讓賽

風雲係遠攻"麻Q煩制造者"  防禦力方面很兩睇  
內攻防禦確是不錯 但是外攻就達到"神級豆腐"1-2招就死處境
又其在2轉後此種劣勢情況更常見更明顯 風雲對於醫C或者是內攻毒龍
就象有種天生克敵的能力係有絕對優勢 但對外攻毒龍或者行天
風雲豆腐得很 在GAME後期風雲更是公認的"豆腐掌門人" 長期處於弱勢
同一個道理 風雲達人單P處於一種矛盾心態 風雲可以玩弄比自己高幾級的同裝對手
但要打死同級同裝對手用時都要幾久  除非係級數同裝有大差距  雖然單P無形中風雲比其他派別劣 但群P極優是事實
2轉後風雲角色群P不錯 不過風雲為保在戰場中的生存 卻更依賴醫者
不能像其他派別進行獨戰 永遠依附己方群後默默攻擊
由於醫者群P能力2轉後得到莫大強化 更有一種超越風雲的隱定實積能力
醫者又能獨戰又能拹戰又能群戰 風雲在群P的重要角色後期交由醫者替代
風雲轉變為"三不像"角色  以上講的都是風雲天生不利因素  
但"人定勝天" 在"港幣戰士"原則下 又能掌握風雲使用之道
我們香港都出了不少杰出風雲 破格克服 創造了很多傳奇

6-13簽名報到完畢 不次見

gary0513

估唔到三年後仲有人玩緊...

比D資料你...
當年傲視天下最強o個班人集體賣acc...原因係個game已經玩到悶..
因為敵對聯會諸神黃昏無力挑戰...當時傲視長期四城狀態~

第一手惡魔小雲走之前...好似2萬幾血..全身沖爆6星...唔好講單對單...就算10個圍佢一個...都唔見得殺得死佢..
第一手七夕走之前...一招千江就可以秒大部份人..好似扣13000左右無視防禦...技能瞬發...後期單P完全無敵..除左2轉最勁個隻王...其他王全部可以一個人打哂...
唔知宜家有冇改到..不過當時風雲確實係最強門派..攻擊力超強...防禦力同刑天比可能仲好D...至於上面講技術..其他門派我唔知...不過當時風雲就真係冇技術可言..諗下當時全身6星裝既人...可以比七夕掃3,4招就ko..仲有咩技術好講...

最開始傲視同諸神敵對既原因..
七夕自己開左個幫會公頻招人..諸神裡面其中一個幫既會長密七夕..
想比個會長佢做...然後就脫離左諸神...比左個幫七夕..自己做副會長
之後諸神個邊就話七夕搶左佢地個幫...開始仇視七夕~

其實online game有敵人好玩好多...不過唔鍾意d人搞小動作~
甚至去到最後七夕公頻放acc..都要開謠頻搞事...

[ 本帖最後由 gary0513 於 11-6-6 12:22 AM 編輯 ]

wawa66391

識得既都冇玩啦.....真係好好玩隻GAME

95564117

0 分  重作

武林烏龍茶

離開武林4個月了 今晚突然想起武林 上左武林行一轉
發現e然同我離開時一樣 沒新創新 沒改版 e加感到我離開武林是做得對o既

今晚檔上黎 簽名報到

jojoss22ss33

很懷念剛開始的武林

開放轉生後感覺就變了

wylamwilly

扑瓜你

schugot

EC大陣個到, 後尾我地有份出力..又有借其他acc塞大陣呢

wylamwilly

我先係洗門陣能手啊

wylamwilly

有賺無蝕, 哈哈哈哈

schugot

仲有好多對F聯各人形容既錯誤, 不過無傷大雅, E到無需講太多喇~

schugot

其實單看你對各人評價, 都估到你唔係F就係靈舞人..
我都明, 有時有D爭執, 隻game先有D趣味.不過或者你比絕洗腦洗得太多..有好多野都係錯誤.  

首先, 我係F聯既, 其他聯我唔敢講, 但F聯既野, 我知你錯左好多野.

(1)烈峰接手, 唔係每況愈下. 因為當烈峰接手個陣, 個聯其實已經死左, 係佢將佢變番生(因前任聯長帶人加入左傲視). 至傲視散, F聯舊戰友想番F, 推舉左烈峰做.佢亦都係F最後一任聯長. 在任期間, 先採和平政策, 養精蓄銳, 廣納猛將義士. (如後來的風長影.程封等人)
推行和平政策, 可以說去到絕攻打F開始先轉變. (後期和zero結盟, 令3聯雖要合聯抵禦, 到最後吸納靈舞餘部都係烈峰主要功績)
註: 令3聯合作, 如風作用也不少.

(2)的確, 早期F唔係幾夠靈舞打, 高手係勁過靈舞, 但唔夠靈舞整體平均, 當烈峰多次話唔想兩邊攻伐, 想搞和平既提議被絕拒絕之後, 同一個星期, 烈峰本人親自向如風要求支援. 再講, zero如jackson所講, 真正幫F打靈舞,頂盡幾次. 因為F維持不主動攻擊靈舞領地, 只少有2個月時間. zero早期係借幫入來幫手防守, 直到zero開始用分身聯洗領地開始結束支援.

(3)F vs 靈舞, 的確以F勝利做告終. 早期說因zero幫手, 仲可以講得過去, 但去到中後期, 靈舞已經唔可以以一個聯同F抵抗.(當然其中一個原因,烈峰當時進行幾項主要改革). 如不是中後期3聯圍F或中文聯圍英文聯. 相信靈舞壽命會更短. 到後期, 絕顧住拍拖, 加上好幾個高裝人士,淡出, 個聯已經半散. 再由烈峰做說客, 說服一些靈舞溫和派加入. 靈舞 vs F故事正式完畢!

(4)zero+F係長久戰略合作關係, 唔係你所講既馬前卒, 好似城戰, 我地會互相支援, 門陣當時係又F聯負責洗, 直到第二任鴻仔, 都基本上維持E個盟約關係, 直到第一次合ser.

[ 本帖最後由 schugot 於 11-1-15 03:50 AM 編輯 ]