《晴空物語》遊戲短評

Mr.豪

拿 !!!!!!!!  見個個都講優點 , 等我黎掃下興 , 有批評先有進步嘛


本文章將以以下幾個角度作出評分或參考意見 :

總評分： ● ● ● ○ ○

A. 畫面、音效              
B. 上手容易度              
C. 便利性                  
D. 系統完整度              
E. 耐玩性                  
F. 我認為暫缺的東西




[ 本帖最後由 Mr.豪 於 11-7-4 11:32 PM 編輯 ]

Mr.豪

A.  畫面、音效

評分：● ● ● ● ○

其實呢個項目都唔洗點講，從各途徑放出的遊戲圖片都睇到，遊戲的主要走向是以可愛、萌為主打，主要吸引年輕的男、女性；而從觀看官方圖片到走入遊戲內感受，最少畫面沒有太大的差異，一點也不失禮，絕對能滿足外貌協會的你。

音效方面呢，我認為係可以接受的，不過其實我主要都係熄聲玩較多，所以呢方面亦唔作太大評價。

[ 本帖最後由 Mr.豪 於 11-6-12 04:02 PM 編輯 ]

Mr.豪

B.  上手容易度

評分：● ● ● ● ●


其實呢隻GAME真係好易上手，雖然係台版CCB中沒有任何的幫助教學介面，但其實主要都係只跟住條任務線行就OK，最重要係，個畫面唔會同一時間彈好多野出黎，或者要接到成個任務跟蹤表成堆任係度都唔知做邊個先。

佢D任務同一時間多數都只係得一個起兩個止，而且要自己主動去接既並唔多，主要都係順住甘接落去，基本上就算係第一次玩ONLINE GAME既你都無乜問題

[ 本帖最後由 Mr.豪 於 11-6-12 04:00 PM 編輯 ]

Mr.豪

C.  便利性

評分：● ● ● ○ ○

係咪有D好奇點解上面講到甘易上手但便利性得個3分呢? 原因在於易上手唔代表設計便利。

係目前黎講，好多人談論既係遊戲視角無得左右移動，但其實我認為呢個亦唔係重點，反而無得用鍵盤TAB怪先係最大問題。
目前遊戲內打怪主要是先用左鍵選怪，再右鍵按下預設技能 或 直接對怪物按下右鍵攻擊，係台版CCB內由於人數有限制，問題可能浮現得並不太嚴重但由於視角是不能移動的，而人物、怪物是採用3D的，所以較為巨型，所以當公測時若人數一多、整個畫面就會變成十分混亂，到時齋點怪、搶怪都玩死你。
所以絕對有加上鍵盤TAB怪的必要；但雖然無得TAB怪，但卻能夠使用鍵盤TAB人放輔助技，是不是很奇怪 。

其次，頭先都講左，就是介面問題；呢隻GAME既介面並唔會除住選用的解析度而相應縮細，引致當使用視昌800X600等解析度下，介面真是非常巨大，差唔多是佔左2分1的畫面，而且因為遊戲不能視角移動關係，使我地打怪時很常會點到邊緣位的怪物，但即使我地選擇把對話頻、任務跟蹤表隱藏框框都好，但只要我地隻滑鼠接觸到該介面的範圍，個框框就會自動浮現，坦白講真係好「阻定」。
希望可以改為隱藏後即使滑鼠接觸到介面範圍框框都不會再浮現 及 介面大細會隨視昌解析度而相應縮減。

最後，強烈建議加入背包自動整理功能，個背包真的十分混亂。

[ 本帖最後由 Mr.豪 於 11-6-12 04:01 PM 編輯 ]

Mr.豪

D.  系統完整度

評分：● ● ● ● ○

《晴空物語》貴為傳奇第4款同引擎產品，其實係系統方面都近乎吸收晒所有經驗，應該要有既野基本上都有齊，好似收藏冊、成就系統、寵物系統、情侶系統、公會系統等等都一應俱存，但事實上又真係無咩好自豪，事關呢D本身就應該係D一定要有既野黎。
總括而言，其實呢方面真係無咩需要評價，不過不失甘啦。

[ 本帖最後由 Mr.豪 於 11-6-12 04:42 PM 編輯 ]

Mr.豪

E.  耐玩性

評分：●  ○  ○  ○  ○

畫面可愛、萌我相信絕對係吸引大家試玩《晴空物語》既主要原因，但吸引你黎試玩並唔係一件困難既事，畫面唔差、係甘易係TVB賣番一禮拜廣告基本上已經達到成效；所以係點樣吸引大家留低玩一段時間先係重點，但係目前台CCB版本而言，遊戲內容基本上極為空洞，整個過程中大家都只不過係「做任→封頂→刷副本→齊裝齊寵→無野做」，可能你會話台CCB版本25LV就封頂你梗係甘講啦，但我覺得問題並唔在於等級上限的開放，而係玩法，即使比盡你60LV先封頂其實亦無大既差異，因為以港台玩家以「擊破」遊戲為重點既性格，我相信唔洗一個禮拜大家就會封頂，二個星期人流就會開始流失；而我認為整個遊戲目前最缺乏既係PK，可能你話遊戲本身都設計左決鬥呀，但係打WIN如何?打輸又如何?，毫無影響，所以決鬥呢個功能其實好快會形同虛設，無意義既功能其實真係無人會玩；而據我所知晴空物語聞說係有戰場系統的，家下只係台CCB唔出大家唔會怪你，但如果官方係打算保留係公測之後再改版先出的話，我忠告你一句，算把啦，唔好收收埋埋啦，直接係公測或者不刪檔封測就直接推出啦，當D人悶到走左之後大部分都係唔會因為你D更新而走番黎，到時就後悔莫及。
而講到戰場系統，希望個戰場系統唔會傻仔到真係開一個特別區域放幾粒水晶比你班友搶餐死就算，甘同個決鬥系統係唔會有太大分別，配套措施唔該相應地推出(戰場商店、戰場排行榜等)，當然地D獎品唔該有番一定吸引性同有D難度、要D時間先可以集齊，如果你只係放埋D HP、MP、能力藥水呀你就自己諗自己啦。

另外，希望遊戲未來的升級方式不會由主線任務(最少也有點戲情內容，雖然佢成堆密麻麻的字我都唔覺得有人會睇)，漸漸改變成無腦+無聊的永遠的重覆任務，傳奇果幾款遊戲都好興呢味野 。

[ 本帖最後由 Mr.豪 於 11-6-12 09:09 PM 編輯 ]

Mr.豪

D.  我認為暫缺的東西

以下純粹個人意見，並會以列點形式表達 !!!!!

1. 戰場系統
2. 寵物PK擂台
3. 賭博系統及賺錢方法(任務?押標跑商?)
4. 公會戰
5. 每日活動(問答大賽?競賽?)
6. 生活系統 (釣魚?)
7. 師徒系統
8. 排行榜
9. 座騎
10. 挑戰塔
11. 對話頻內使用的表情符號
12. 隊伍配對系統
13. 一個較為公認既掛網點

[ 本帖最後由 Mr.豪 於 11-6-12 09:15 PM 編輯 ]

poker12

仲未開放商城~\

佢個副本開始需要多d移動..由其係直線技能

Mr.豪

已更新 A.  畫面、音效 、 B.  上手容易度、 C.  便利性
其餘四個抖陣再寫 , 圖片後補

@Kenny.C@

真係批評得好好!!
同埋我覺得係畫面方面可以講埋「獨特球型遊戲畫面」
因為我覺得E個畫面真係好特別,
同埋取代左3D畫面既玩法個效果都唔錯!!:smilie_:):

[ 本帖最後由 @Kenny.C@ 於 11-6-11 10:16 PM 編輯 ]

Mr.豪

已完成所有項目

﹡香草粒:)

雖然有d短; 但一語中的。
我好怕睇長篇好多廢話..
睇完你D評論..真係會想快D有得玩*0*;;
D.建議令我想起夢之仙境xd;`

Mr.豪

原帖由 ﹡香草粒:) 於 11-6-12 05:34 PM 發表
雖然有d短; 但一語中的。
我好怕睇長篇好多廢話..
睇完你D評論..真係會想快D有得玩*0*;;
D.建議令我想起夢之仙境xd;`

坦白講，隻隻game d應該有既玩法都係甘上下
差在佢設計得好唔好玩

gtrrx7

原帖由 @Kenny.C@ 於 2011-6-11 10:01 PM 發表
真係批評得好好!!
同埋我覺得係畫面方面可以講埋「獨特球型遊戲畫面」
因為我覺得E個畫面真係好特別,
同埋取代左3D畫面既玩法個效果都唔錯!!:smilie_:):

呢個真係無敵
本身我唔係玩得太多GAME
不過岩岩玩果時見到,真係幾特別~
嘩,點解D圖拉遠小小,由左望到右會係曲線黎既
GAG多2秒,-0-"原來係球型遊戲畫面...幾有趣,笑左一聲出黎

HopeNeverEnd

上鏡了~~~~~個名xd

cheerfulming

都唔算係新野，之前黑橙代理果隻 超時空戰記 就係用球形畫面~
佢依家用球形畫面，但係限死左個視角，搞到又係唔上唔落

冰湘兒

有建設性意見 讚讚讚:)

wai1993123

@o@感覺幾好玩1!!!!!!!!!!

KEYz

耐玩性甘低架

HopeNeverEnd

原帖由 KEYz 於 11-6-13 07:48 PM 發表
耐玩性甘低架

暫時黎講的而且確係低到爆(部份玩家頭1日已經試左大部份野)
以樂觀既態度黎講
就係知道只有3日時間
SO特登出少D野
希望玩家係幫搵BUG(不過無咩可能XD)