第一日既龍珠online 體驗

duelmasters

溫馨小提示:(字可能較多.請慢慢細閱~)

等到5點鍾~終於開ser啦. 好開心.

一入game去到創造角色真係好難決定... 魔童.布歐.呢2個職一開始就覺得好有特色.

之但係身為一個龍珠迷就更係想變下超西啦. SO 最後都係揀左人類.XDD

進入遊戲啦...見到右下角NOW LOADING個圖.呀悟空係到用龜波射佢XDD 等左一陣.入到啦(感動 )

入左去啦.新手教學就必然嫁啦.~之後就係動畫啦....但係話晒封測都只係玩得個幾個鍾...
加上佢D動畫又播左幾分鐘-0-......(可能有得SKIP啦.但係我唔識咁解.).咁算啦睇下啦.之後見到杜拉格C呀.真係好鬼死靚仔


之後D兵仔就更係俾呀格C秒啦.~_~..教學完啦.做任啦.好彩之前官網俾左50點.之後有得買車車LU.好方便


之後個npc教我用果個探測器.一開.見個npc咁串學人教人.就睇下你咩料.點知一睇.成26xx幾戰力...(當時我400幾戰力)


我當堂o左咀..原來人不可貌相係咁解...咁只有受教啦.@0@.之後又做任做任....做到4 lv到.有900幾戰啦.^_^好開心.


第一件事唔係做任.唔係買裝.係返城~做咩呢.??返到城,第一時間就更係用個探測器照人.哈哈.個個都係400幾-500幾戰力xddd(新手心態.高手咪串)


之後就懷住高興的心情繼續做任務了.~


唔經唔覺6 lv啦.有個自由對戰既任務.哈哈.又係探測器既時候啦.我一用.千鈞一髮之間有一個人宣我.~咁我山左個探測器接受啦.(話晒果時都12xx戰力.覺得實冇死啦.)點知一打.....輸左..之後用個探測器睇下佢咩料啦.....我一睇24XX幾....哈哈.O左.


一戰之後.必需努力修練. 繼續做任.!!!!




之後有個場景任.去到見到悟空個呀爺~好友善佢個樣 點知佢叫我同佢打...哈哈.更係俾我秒啦.XDDD 之後同佢講野發現佢放水既- -車


之後有一飛船飛左落黎.(心諗唔通比達咁快出場.)


去到案發現場.原來係小悟空.哈哈.好得意呀


點知...個呀爺就真係夠晒義氣啦.自己走左叫我抬呀悟空俾佢....真係....


之後有D狗仔追住我啦.咁我第一時間就更係攞呀悟空去擋啦.點知原來係唔得嫁


咁只有清佢場.但係佢打極都有.我都廢事理佢.跑番去搵佢個好呀爺- -


之後佢教我蓄氣同用RP啦.(算佢啦.)之後呀格C又出左黎講左一輪野..就飛走左...


走番出走先.~唔經唔覺10 LV啦. 之後一開個背包用左果個一用就升到25 LV果樣野.


一用.加上佢D裝.17XXX戰啦.再睇下周圍D人.哈哈.XDDD 之後啦啦林學下D技先.氣攻砲.狼拳.哈哈.爽呀.


同時...接任既時間接到HIGH左..11-25 LV既任同時接晒.之後一睇個地圖....大鍋..十幾個箭咀都唔知做邊個先好...


算啦.做晒D有龍珠送果D先啦.呢個時候真係頭痕..要搵NPC.但係個地圖得果一忽仔.(可能有得調整.但係我又唔識.)


搵NPC搵到有D嬲嬲地.算..繼續做...之係又有個場景任啦.一入去見到呀牛先生(牛魔王)想同佢SAY個HI.點知一入去就要同佢打.


哈哈.又係秒佢啦更係.之後又講講講講....突然小悟空坐住佢舊雲出黎.又講講講講講.zzzzz~


之後要我入城啦.見到呀芝芝訓左係到.之後又有條龍想咬佢.咁你都諗到之後要點啦.- -打打打打打.打左幾條龍之後呀芝芝醒左啦..


但係你世古唔到.佢一起身就你要同你隻抽.......唉....打打打打打.哈哈秒佢.xddd.但係.....突然彈左一句連線中斷.原來11點啦.- -


又要等第2日5點啦.

[ 本帖最後由 duelmasters 於 11-8-20 11:33 AM 編輯 ]

死_豪

哇~我同人pvp戈時我都唔知對手係邊,比佢先攻左,xd

gundamF91

我想問下點用RP球? 唔識點用

死_豪

原帖由 gundamF91 於 11-8-20 01:00 PM 發表
我想問下點用RP球? 唔識點用

可以係技能到設定/長按你想用rp ge技能,就會出現幾粒野,
用rp威力真係好勁

duelmasters

其實rp果幾粒野有d咩用??.我真係唔係幾識

enoch1023

原帖由 duelmasters 於 11-8-20 01:24 PM 發表
其實rp果幾粒野有d咩用??.我真係唔係幾識

技能版面既技能既右下角有個類似星星既濟（系+下面）
你點入去，之後點一個圓圈（e.g.攻擊力+100）之後系下面個【手動模式】唔好tick
之後禁z儲一粒rp球
禁實個技能1秒（系畫面下面果個）之後就會有個好似爆氣既動畫 招技能就勁左啦

rp setting有份幾種
攻擊技能：威力增加
擊倒（部份技能）
增加持續時間（暈技，麻痹技有）
冷卻時間減少
buff技：
使用ep（mp）量減少
威力增加（補血補多D）
冷卻時間減少

第二把槍

可以令個技勁d 掛...

[ 本帖最後由 第二把槍 於 11-8-20 01:43 PM 編輯 ]

死_豪

原帖由 第二把槍 於 11-8-20 01:41 PM 發表
可以令個技勁d 掛...

唔係嫁,係增強技能威力/效果

妹頭媽媽

每個MAP都有幾個"那美坎印記", 你要開啟左個"那美坎印記"先可以睇晒個MAP~

←璿●璿→

原帖由 duelmasters 於 11-8-20 01:24 PM 發表
其實rp果幾粒野有d咩用??.我真係唔係幾識

玩前最好先到《港服》『龍珠Online』"攻略教學※有用資料※職業介紹※加點心得※閒聊之區"聚集Post爬文
入面有教rp球點用