官方無聊貼 - 新晴空物語

2000FUN論壇 › 綜合論壇 › 新晴空物語 › 官方無聊貼

查看: 7909\|回覆: 110	go 官方無聊貼 [複製鏈接]

altamm

官方版主

Rank: 10

UID: 1551645
帖子: 3622
積分: 8337
Good: 126
註冊時間: 09-12-3
在線時間: 6047 小時

1^#

發表於 11-9-2 02:19 PM |只看該作者 |正序瀏覽 |打印

晴空物語上左線個幾月，慶幸得到大部份玩家支持，都算係今年暑假成功其中一隻遊戲，趁今日有小小時間，以下一大堆字海，希望可以同大家分享一下官方既諗法，同回應一下近月在論壇上見到既問題：

1 唔知點解而家d人咁鐘意發放負能量，成日會見到有人大大聲話「晴空物語」好快執，成個月前就開始見到，不過好好彩，到而家就算開左學，晴空物語玩家依然好多，再次多謝大家支持。

2 外掛問題
晴空物語係有用防外掛，有時會出現「被伺服器剔除」就係防外掛既傑作。不過始終有利有弊，防得太勁會有太多誤判，導致好多正常人入唔到game，但太鬆就好易俾外掛破解，所以暫時我地都只能夠雙管齊下，防一半，再人手捉一半。暫時所見絕大部份外掛其實都係賣幣既人打錢，其實玩家們自律唔同幣商買幣，佢地冇錢搵自然就會離開架啦。

3 等級上限問題
晴空物語定位係輕鬆消閒，賣點係人物可愛，所以我地並唔太鼓勵玩家們只專注於升級，忽略左遊戲內其他內容。當然我地都明白遊戲推出初期內容不太足夠，所以每星期都盡量更新新既遊戲內容來滿足大家。可以預告一下，9-10月期間，除左戰場之外，二轉、55級上限、DOTA塔防戰等內容，都將陸續推出。

4 紅利
相信呢個係近期玩家們最多抱怨既問題，由於一開始冇留意到紅利個兌換率同台灣原廠有唔同，導致紅利商城價格唔能夠同台灣睇齊，使大家誤會香港紅利商城貴好多，呢樣確實係我地既責任，再次代表官方致歉。不過有玩家將紅利當係俾錢買既點數咁黎計算，呢種心態已經同紅利點數當初既出發點相違背，我地冇辦法可以認同。不過我地亦有留意到有朋友唔太滿意紅利商城現時既物品，希望紅利應該係提供多d獨特商品既地方作為對付費玩家既回饋，呢樣我地會盡量想辦法，希望可以做得到。

5 帳號被盜
由於晴空物語玩家眾多，有利可圖，導致近期成為騙徒既目標，我地都發覺好多人帳號都被盜。呢方面我地正落力改善客服服務，希望可以盡快幫助被盜既人可以追回損失，尋日已經公佈左新既帳號被盜處理流程，只要玩家報左案，我地會短期內幫玩家先恢復部份可追回物品等玩家可以繼續遊戲，而唔再好似以前咁要等警察調查完再做野。呢方面玩家如果有咩好既意見，歡迎提出，我地會繼續改善服務質素。

6 賺錢
我地希望同玩家保持既係一種朋友關係，而唔係敵對。官方同玩家，大家利益其實係一致既，玩家開開心心玩，我地開開心心賺錢。我地公司需要成本，買game，買server，租機房，請GM等等，樣樣都需要成本，所以我地唔會懶清高扮到唔要錢一樣，不過我地會賺得其所，賺應該賺既錢，同樣，有d玩家郁下就當自己俾左錢大晒一樣，我地都認為呢種心態唔要得，你俾錢，我地提供遊戲服務，大家各取所需，其實利益一致，並冇話邊個爭左邊個。

以上係希望同晴空玩家分享既諗法，有時間我會再上黎同大家傾下解，做下朋友。

已有 11 人評分	Good	收起理由
fjkwok1234	+ 3	欣賞肯與玩家有交流既代理
傻小洛	+ 3	支持...繼續努力=]
sam128	+ 1	繼續努力 !!
qqqqqqqq	+ 3	說法中肯,..但無奈大部分會員諗法自私,一聽.
awx	+ 1	希望我唔係下一個比人爆ac既人啦.
Chancy	+ 3	鼓勵
batboys	+ 3	支持一下~
☆追魂★	+ 5	鼓勵
卍魔龍天使卍	+ 1	冇更新就唔好出來講廢話啦
kaman9501	+ 1	支持你!下次繼續^_^

總評分: Good + 30 查看全部評分

!豆腐! 發短消息加為好友 !豆腐! 當前離線閱讀權限 0 最後登錄 14-11-24 精華 0 UID 420943 帖子 767 積分 1299 註冊時間 05-6-5 在線時間 1257 小時禁止發言 UID 420943 帖子 767 積分 1299 Good 8 註冊時間 05-6-5 在線時間 1257 小時	94^# 發表於 11-9-3 05:09 PM \|只看該作者提示: 作者被禁止或刪除內容自動屏蔽
	簽名被屏蔽
	舉報返回頂部

關閉 安全驗證

官方無聊貼 [複製鏈接]

瀏覽過的版塊

關閉安全驗證