辯論活動 - 三次元能否與二次元平衝 (評分完結 #131)

花穗

第一次見咁既功能,請問點玩-0-?
我地都有得支持同加入?

花穗

加入既人應該係之前報左名既人吧~?
正常我都係回既時候選擇立場者~
應該冇錯吧~
期待第一位人兄發表!!

花穗

估唔到而家又人人都參加得~
不過立場一樣,等第一個發下言~
而家咩都冇咁好難講...搵個人開場,開幕啦...XD

分都唔太care,care係過程者~
勝出真係...好難有準則~

公平公正公開嗎?
你想死者,未必有咁多死士陪葬~

花穗

evaann 發表於 11-9-21 09:12 AM
問題:(辯者可選擇回答/不回答)(作答等同發表一次辯論帖)(這條問題本人不會作出回應及反問)
背景
我們發起今 ...

有問題就好討論~
冇問題唔想開場白呢~

首先睇睇漫節咁多年黎有咩改變~
一開始真係好簡單,去既人都係同好,愛好者~
慢慢因為漫節大起黎,所以就有更加多唔同既參展商~
所以有改變係正常~
又可以講做,因為大高調而開始引黎不滿~
我記憶中,YES係漫節都做左唔知幾多次~
創意地檔都好似有幾年歷史~
果d都係同漫節冇關,不過平安生存左好幾年~
其實可能一直有不滿,而冇人企出黎~
往往事件就要有導火線~
之後就要有人去引爆~
每個人既底線唔同,好多時人都係因為另他人決定而行動~
所以根本問題一直存在,有冇人去行動而已~

再講cosplay有冇愛既問題~
呢個更加要講cospaly 十幾年既歷史~
當年只係由cw開始既cosplay 看板娘~
一切都係由自己一手一腳做~
除著年代改變,由一開始自己整,去到上大陸做,之後有人幫手上大陸做/有人自己問店,有人接訂上去做~
何謂愛呢? 有人話cos得唔似,冇神髓就唔似~
有人往往忘記了最重要既事,就係管埋別人既野~
我自己都cos過SD...唔好話要我有阿誠既神髓XD
更加唔好話我出得唔似,因為我只係因為鍾意套作品先出黎玩下者~
當然另一個目的就係因為要同人合照~
當年係冇問題,大家都玩得好開心~因為有一班愛SD既影相人士~
不過而家就可以會被人話係衣架人~
冇計啦,時代進步,個個都要求多左,衫,假髮,道具都要齊~
唔係就係衣架,偽COS...

而cosplay為左宣傳,商業利益,都冇咩不可~
人地宣傳需要請人,有cosplayer 做就當然好,不過要知有人就覺得唔應該為錢而做~
咁就自然請其他人做~
市場就係咁,各取所需~
呢個就係現實~
不過現實確實係有真係cosplayer 係去幫某d公司做cosplay 宣傳~
一切都係睇公司有冇心請人,同埋咩價吧~
問題係佢地想要既係結果有冇宣傳作用~

當年一個小小既場就話吸唔到咁多人~
而家個場咁大,多一點東西都冇咩不可~
只要不是太份就好了~
反正呢幾年動漫節已經變哂了~
online 參展商~ 地檔~ 等等~
你覺得有可能回復番當年嗎?
呢個就係三次元既世界...現實呢~
如果只係想係二次元,根本唔應該管三次元既野~
所以二同三根本冇得分開討論~

(反對係指我不會支持綁番條黃絲帶)

花穗

由同人誌人既畫家結集果個唔係CW咩?
COMIC WORLD,一開始係旺角開始~
好似同動漫節冇關~
日本果個係COMIC MARKET 吧?
用日本同香港比既就真係算了~
因為我覺得根本冇得比~
就好似用信和/旺角同秋葉原比一樣=0="

唔太明白你指太廢係咩...
如果講宇宙船,cospa 等檔,好正常係賣舊野~
而好似其他...bc等,應該有d新野,不過都係打算係漫節清舊貨者~
不得不講就係老翻啦,今年都係一樣有不少~
而其他,好似木棉花(有冇記錯名),角川,都有新既產品~
不過岩唔岩買又係另一件事了~

而cosplay 方面~
今年漫節為左控制人流,所以要入場既即興都要一早登記~
引黎左好多cosplayer 既不滿~
所以明顯cosplayer 會少左/唔去/唔入場~
我唔知你見到既cosplayer 係邊度啦~
不過正常真正cos,玩既人都會係d比較神秘既地方~
會場入面根本唔係一個好既影相地點~
你去d大既cosplayer相薄就會見到d相大約會係邊度~
又可以知道果個影相人士同邊幾個cosplayer 特別熟咁~
當然有人可能只係著重二次元而唔會睇任何既cosplay既~
而cosplay有冇愛呢一點,根本唔可以因為睇到肉而決定~
有好多角色都係賣肉~ 賣肉先係原著,笑~
就正如我之前所講,有冇愛根本就唔係一般可以決定到既事~
呢個會係另一個討論完都未必有結果既問題~

日本的都曾經有幾個輕小說作家畫家黎過簽名會~
而歌手都有出現過~
JAM project今年都會有演唱會~
其實香港既ACG 係慢慢地進步緊~
如果咁有愛,就應該去日本行下~
熱血一下~唔係應該只係抱怨香港咩都冇~

試問CM既限定物,香港有幾多店會入到番黎?
大家都係自己一早去預訂/BID番者~

(原來一開始做左反方就冇得改架喇?攪到好我似覺得不能平衡咁-.-)

花穗

evaann 發表於 11-9-22 06:42 AM
這個就是辯論功能好處
一旦確定立場,不能更改
只有用盡方法去辯解

問題在於你一開始冇將動漫節呢個主題帶出黎~
簡單講即係冇左開場白~

"三次元能否與二次元平衝"呢一個主題~
三次元同二次元相信大家都明白~
不過灰地色帶係...
cosplayer/聲傻/畫家 呢d介乎係兩隻之間既野~
因為一樣有人係太愛一套野,覺得有人cos就係沾污了~
而另一個問題在於可謂平衡~

上面有人講"只對二次元有愛而對三次元無愛，
也不能稱之為平衡"
我好明顯係生活係二次元同三次元之間~
兩方面都有愛,咁所以我好平衡~ 係咪可以咁講?
咁呢一個平衡就變左每個人既準則~

要知道二次元係好大~ACG~
最大既就係Game~
你睇下d PS3,360等大作大賣幾多隻~
再拉既拉到apps 既都係二次元既野黎吧~
請不要誤會,將宅同二次元混為一談~

而上面所講既"宅男會同2次元人物結婚"
只要不被承認,也只不過係個人喜好吧~
只係活在自己既空間~ 只不過將行為比大家睇~
如果你話屋企人,親戚等承認~
而又係合法,咁先算真正結婚吧~

花穗

evaann 發表於 11-9-22 11:12 AM
no no
動漫節那條只是問題
可以選擇答/不答

笑,冇果一條我就唔會開始答到~

睇黎我一開始就做錯左,我應該加入中立=0=
因為我係一個冇立場的人,笑~

一直都係以自己既觀點同角度出發者~
你就當我連最基本既問題
"三次元能否與二次元平衝"
都唔知道點解吧~
平衡係唔同既角度有唔同既解釋~

主要因為冇得多重引用?
我都係見到你話叫我引用,我先引用~
而咁岩第一個想回你先,咁咪引左你囉~
完全同恰你冇關~
對事唔對人架ma~
你見我都唔係追住你黎打XD

有時打開野就停唔到,所以唔太想出完post之後又引多個咁~

花穗

〝ANIKI﹑ 發表於 11-9-22 10:25 PM
絕對不可能平衡
二次元就是有人覺得現實太可悲才產生出來的

請先諗好咩係二次元~
唔好覺得每日都睇緊既動漫先算~
你覺得現實可悲先產生即係代表第一隻遊戲,第一部遊戲機,都係因為個人覺得可悲先做~
如果有呢一方面既理據,歡迎提出~

坐商言商,我覺得係因為有利可圖/有夢想,所以先會慢慢產生~
而唔係因為作家,畫家,遊戲制作人因為覺得可悲而去創造~
覺得可悲既只係因為避免現實既人令到二次元世界出現扭曲~
當然,三次元一樣有人扭曲,唔係就唔會有咁多不同既新聞/案件吧~

花穗

回復 全職學生三世 的帖子

萌角們的特徵,缺陷只係所謂既人設~
人設定既野就可以改變~
所以可以有不同既故事(同人誌)
要改變唔係話想就得~唔係妳想某人作畫,某人配音,就可以有一套咁既作品出黎~
一個人既能力有限,二次元既野都唔係完全可以合乎所有人既要求~

可以控制既,唔係我地一兩個人~
一套作品,所需要既人有幾多~
我同意二次元係由人造出黎~
不過就唔認同一切都係自己想點就點~

二次元不只有所謂既慰藉,更加係大家娛樂既工具~
再一次重伸,不要只把二次元放在動畫新番,漫畫~
遊戲都係二次元~ 而諗遊戲唔好淨係集中係gal game/h game~
睇一睇一個月係不同既機種入面有幾多遊戲~
再諗一諗二次元既世界~
要知道,hello kitty呢d都係二次元,都係虛幻既東西~

花穗

回復 全職學生三世 的帖子

以漫畫為例,有時好明顯係迎合大眾既喜好而決定~
睇爆漫都知,人氣下降既,就會被人腰斬~
係呢個三次元既世界,唔係成日都想點就點~
特別當你已經決定左呢一樣係終身既工作~
我地所見到既漫畫,動畫,遊戲,都係由大部份正職既人黎做出黎~
我諗到可以自由發揮既就係同人誌,音樂~

所謂既全知係指咩?
背後可能有好多野,大家都唔會深究~
如果真係可以咩都推敲,咩都知道,咁新遊戲出時,大家都唔會咁興奮同期待~
我只可以認同"再好的樂章  終有一天會覺沉悶"
而唔認同所有野都一早知道,二次元係冇野可以刺激我們~

引用呢一句"這個時候  我們就需要其他三次元的人給我們刺激"
轉換造
"這個時候  我們就需要其他三次元的人制做的東西給我們刺激"

如果娛樂=慰藉
咁...
"三次元遇到挫折時,我們可以投進二次元尋找慰藉"
呢一句說話就等於...
"三次元遇到挫折時,我們可以投進二次元尋找娛樂"
第一個問題出自...
三次元遇到挫折時,不一定係二次元先尋找到娛樂~
而係二次元尋找娛樂既時候,不一係係遇到挫折時~
慰藉呢一個詞語,我認為係因為失意之後先會需要~
而我找娛樂,不一定係因為失意~

花穗

回復 evaann 的帖子

笑,所以我一開始就話唔要做第一個發言果個~
而且呢個題目更加係十分灰色~
在乎平衝二字如何使用

三次元世界能否與二次元世界平衝
人是否可以在三次元世界與二次元世界取得平衝
就已經唔太同了~
老實講,呢一個話題我自己都冇咩立場,哈哈~
純粹係睇下大家發言而睇下覺得有咩唔認同~
從而討論一下大家既價值觀/觀點者~

花穗

霉乂男 發表於 11-9-24 12:43 AM
「雖然現實得個細路....我不知幾想佢變做妹..」

即係你想將一個三次元既事物變成你所認知既二次元咁美好 ...

如果人地話想個細路變做妹,因為覺得細妹係將來可以用女性角度去大家傾計~
而唔係因為睇左動漫,咁是否代表同二次元冇關?

上面你提到,三次元中從未接觸過二次元既人比比皆是~
呢一句我係唔認同既~
當然,如果你用呢一個世界做單位既,就可以冇視我~
因為我唔想拎第三世界做比較~
就講而家既大國,我地對上既中國~
我相信有睇動畫/卡通既人都好多~
佢地可能未必知道咩係所謂既二次元~
不過佢地一定有接觸過~
你可以問下每一個人細過有冇睇過卡通片~
有冇用過卡通既文具等~
最少我覺得香港有成人細過都會接觸過~
就算冇,都應該會聽過見過~
而且電視每日下午都仲會播動畫~
你話好多人未接觸我覺得唔合理~
因為我相信,睇電視(卡通),打機都係小朋友差唔多必經既階段~
就好似我上面所講,hello kitty,鬆弛熊,迪士尼都係二次元~
試問有幾多人真係冇接觸過??


不要將二次元只係放係gal/h game,後宮等動/漫之中~
雖然上得呢度既人大部份都係有睇~
不過唔好忘記左自己過去既童年~
發言前諗一諗自己既童年,諗下第一次接觸係咩吧...

花穗

全職學生三世 發表於 11-9-23 05:43 PM
回復 花穗 的帖子

亦因為三次元未必事事如意  我們才有新的創意  新的東西誕生

何解事事順讀者意味又係把舊事物重新拚貼?
一套jump既作品有數X個讀者~
何解你覺得佢地既意見會係舊事?

第二段我理解能力太差,唔明~

唔好將所有一切既理論套用係GAL GAME入面~
就用而家既360大作,GEARS OF WAR3 (岩岩同人玩完先上黎)
冇錯,係故事入面,故事既一切係定哂~
所以故事MODE入面係一切都知道~
不過問題係過程,你同唔同既人TEAM,經過都已經唔同哂~
再講下黎緊PS3 出既GVG~
同唔同既人TEAM,得出黎既過程同結果都不一樣~
我唔相信有一場可以由頭到尾都一樣~
當然,我同意玩得多會厭~因為人就係一種鍾意生鮮既生物~
不過我相信都有人會因為鍾意某D遊戲而一直都玩~
特別而家好多作品都番新出過,有D只係改左畫質~
故事明明一樣,一樣有好多曾經玩過既人去再買~

廢萌是指日本既動畫麼?
廢唔廢就唔多講了~因人而以~
可能有好多人覺得有內涵,又好好睇呢~
唔係既話就唔會咁多呢一類新作啦~

你所講既呢一類係寫實吧~

舊作就變左評論家@@? 邊方面既評論家?

乜唔係作者收到我地既書信??

唔見得有好多人都渴望和作者交流...=.=
我承認有人可能係想~
不過唔係期待新作係因為渴望和作者交流~


網上傾下者~
冇需要咁認真...
睇下上面既版主既對答,講下自己既"歷史",不知幾有趣呢~

花穗

evaann 發表於 11-9-23 06:07 PM
本日問題(回答等同發表一次辯論帖)
背景:
神:三次元的不確定因素太多了,沒有旗可以插,

呢D咁新潮既字唔識解~
咩叫沒有旗可以插=.=?

花穗

霉乂男 發表於 11-9-24 12:03 AM
不認同，正因為不可以重來，
不確定因素才遠遠比二次元少。

笑,就算比你重來~
三次元既選項應該點都比二之元多吧=0=" (假設: 傳統gal game同三次元比)
三次元既選項太多了,就食個lunch都已經可以有幾十個選擇~
雖然話所謂既二次元係由三次元制造~
不過如果連所有細節都做到咁多個選擇,未免會令玩家發瘋~

花穗

hixo001 發表於 11-9-25 06:01 PM
去到呢到就停左??冇人再講啦?

因為主持人唔知去左邊度插旗~
所以唔得閒解釋我知何為插旗~