【理性討論第11期】國戰商店

霉乂男

相信好多玩家都知道國戰商店係FEZ為數不多既收入來源之一，
但同八婆珊迪一樣需要考驗大家既人品同勇氣，所以評價參差不齊；
今期理性討論就以「國戰商店」作為核心，
去分析國戰商店各種優劣（無論從玩家或商業角度），
表達心聲以及探討其改善空間。

---

假如你唔知點講，可以嘗試由以下幾方面入手：

• 你有無曾經光顧國戰商店？原因為何？
• 站響商業立場，你會如何設法平衡國戰商店﹑輪盤以及寶石店既裝備分配？
• 你認為現時國戰商店可以如何改善以達至玩家與代理雙嬴局面？
• 你願意每月或一次性投資幾多錢響國戰商店？
• 總括而言，你對國戰商店的評價是？
• 你認為每個月國戰商店的總營業額約有多少？（粗略估計）
• 你希望國戰商店會推出怎樣的商品？
• 你認為國戰商店有何優點與缺點？
• 你認為對代理商而言，國戰商店是否成功？
  

由於題材敏感，以下事項討論時務必注意：

• 是否光顧國戰商店純屬自願性質，因此不存在「呃錢﹑搵笨」一說。
• 「機率」無明確指標，故不列入討論範圍。
  

所有參與討論回覆視內容可獲加５－５０分作鼓勵，亦歡迎對他人言論發表意見；
此外，過份離題﹑人身攻擊及粗俗字眼會被屏蔽，以免影響正常討論。

mingsaber

•你有無曾經光顧國戰商店？原因為何？
有!!!因為好多GAME成日搞埋咩時裝~出黎既效果真係一般((又搞埋咩咩屬性影響平衡))~~FEZ真係唔錯~又令!!
•站響商業立場，你會如何設法平衡國戰商店﹑輪盤以及寶石店既裝備分配？
我會將3者合成輪盤!!!  1.來方便玩家 2.官方有固定收入 3.可吸引更多人去抽
E家黑店!!對好多玩家黎講都係高消費~~好多人都怕太多錢都唔中而去收!!
輪盤價錢合理~~可增加客源!!
•你願意每月或一次性投資幾多錢響國戰商店？
每月一千 IS OK
•總括而言，你對國戰商店的評價是？
好壞參半!!!!好既~~有好多唔同令衫揀!!!唔好既:有時都覺得D機率同款式令人卻步
•你認為每個月國戰商店的總營業額約有多少？（粗略估計）
10M
•你希望國戰商店會推出怎樣的商品？
希望日版D裝香港都出得囧((有D應該版權問題冇得出
•你認為國戰商店有何優點與缺點？
好既:真係多令衫抽!!!!可以吸引人留低!!!日日用D7裝真係會想死= =" 唔好既:機率太低((你肯比唔一定有野中:有朋友HK800去~~食白果抽= =D石水搞到用唔哂爆倉
•你認為對代理商而言，國戰商店是否成功？
短期好成功~~~~長遠真係要想法子!!!!

不過倒有個建議:其實可以推出換領卷!! 將3耆合成輪盤)) +入換領卷!!! 好似20張卷可以換到咩裝~30張卷可以換到咩裝((定期更新
可以增加吸引力~~~而且防止了炒賣及玩家被呃既機會

白夜之神

點解咁多人會認真答

咁我認真下啦
黑橘快d出fez戰鬥咭 實賺到蝕

kerberos

你有無曾經光顧國戰商店？原因為何？
有...手痕+同團友玩下+支持下隻game+堅想要個期裝備

站響商業立場，你會如何設法平衡國戰商店﹑輪盤以及寶石店既裝備分配？
以十份來分  6國戰 輪盤1 寶石3

你認為現時國戰商店可以如何改善以達至玩家與代理雙嬴局面？
呢個唔識答....

你願意每月或一次性投資幾多錢響國戰商店？
有返工500都OK 無返工1蚊都唔想

總括而言，你對國戰商店的評價是？
有錢人的玩意

你認為每個月國戰商店的總營業額約有多少？（粗略估計）
$50,000

你希望國戰商店會推出怎樣的商品？
簡中出一些靚裝就可以了...唔好件件裝都放曬係個到搞到寶石店同盤廢左咁...

你認為國戰商店有何優點與缺點？
優點:維持隻GAME既運作
缺點: 玩家難囉心頭好

你認為對代理商而言，國戰商店是否成功？
10分講佢有6分....做到雙WIN就10分(姐係唔好件件都黑店就可以高返少少分)

sd1682828

你有無曾經光顧國戰商店？
有
原因為何？
抽裝搵錢
站響商業立場，你會如何設法平衡國戰商店﹑輪盤以及寶石店既裝備分配？
有新裝備推出時，會先把裝備放置於國戰商店。原因為新裝備能吸引部份玩家抽獎。
然後觀察市場，把人氣低的裝備放置於輪盤內。
寶石裝備則按日本做法而定。
你認為現時國戰商店可以如何改善以達至玩家與代理雙嬴局面？
當玩家該兩天內抽到一定次數，而並沒有中裝時，一定會抽中一件裝備。當抽中裝備時，次數重新計算。
你願意每月或一次性投資幾多錢響國戰商店？
每兩星期一次，一次$200
總括而言，你對國戰商店的評價是？
7分/10分
你認為每個月國戰商店的總營業額約有多少？（粗略估計）
$80000(好似少佐D O_O)
你希望國戰商店會推出怎樣的商品？
目前很好
你認為國戰商店有何優點與缺點？
優點:可賺錢
缺點:更新慢
你認為對代理商而言，國戰商店是否成功？
是

仙人SH

應你都哂氣.......
問題ge答案過分主觀.理想......
變左發夢post......
答左之後都係一成不變.......
成班友仔為左果幾十分........

愛雪._.

•你有無曾經光顧國戰商店？原因為何？
沒有,太貴了 小女玩唔起._.

•站響商業立場，你會如何設法平衡國戰商店﹑輪盤以及寶石店既裝備分配？
其實我覺得出新裝去吸引玩家係不錯
重可以令玩家玩多D點
例如出D裝係寶石店
其實計返 D裝係寶石店賣重搵得多吧...
計返  一套聖騎裝(戰裝) 人地放20蚊-40蚊
          但係寶石裝就160蚊套(大約吧
輪盤呢樣野
我抽星介丟抽左過2000粒
次次都牛同牛同牛
人地唔食牛都抽中= =
不過聦聽到好多人都中意玩輪盤
因為好多人都抽中黑武(之前
呢加D人話D裝好樣衰= =
所以抽到都唔用-.-........

•你認為現時國戰商店可以如何改善以達至玩家與代理雙嬴局面？
呀~~~~
呢個問題應該係機率問題掛
重有D垃圾(PVP卷)個D唔好咁多- -
好似個個法XXX力量(唔買點係唔記得Orz
抽到唔岩可以用50GASH再抽
又可以令人地抽到唔好既野再加小小錢重抽
代理又可以搵返多D客人
(搵多人客既意思係唔會因為抽幾次唔中就唔玩
可以令玩家有多機會/希望(迷之聲:希望越大失望越大(.3.

•你願意每月或一次性投資幾多錢響國戰商店？
佢肯出下新裝+靚既話
1個月200蚊都OK既
我最想要個套裝又無左......
真係好失望- -
呢個係令我唔抽既原因之一

•總括而言，你對國戰商店的評價是？
你講呢加? 呢加我覺得係吸錢系統
有D有錢既人當然覺得無所謂
但係我呢D無錢既小玩家
抽幾錢都好難頂- -
重要抽D星水 頂牛
真係會想自殺

•你認為每個月國戰商店的總營業額約有多少？（粗略估計）
50000蚊到都唔算過高吧-.-?
樓上都有玩家玩4000蚊1次
50000蚊都唔會高了吧

•你希望國戰商店會推出怎樣的商品？
靚裝.3. 其實FEZ除左裝 武器 重有D咩要-.-??????
如果佢出咩坐騎我第1個唔玩- -
國戰真係無咩特別要
如果真係要既話可以加D飾品
例如天使翼 介指 紋身......
都係唔錯既
如果出左代理都會搵多好多錢吧

•你認為國戰商店有何優點與缺點？
優點 係可以抽到一D人地唔易有既裝
         就算抽到唔靚既裝都可以放返比人
缺點 難抽D吧 好多人成日話抽到D唔岩既裝
         雖然放就話放到 但係有時件裝既價比寶石裝重要翕幾倍
         都係令人地唔買寶石裝既其中一個既重點

•你認為對代理商而言，國戰商店是否成功？
成功 當然成功啦 昆左咁多人買
聽講有人一次過買5K蚊都有
但係抽左垃圾一堆
易左我呢D唔買點
因為佢地排D無用既CODE
我就可以從中獲利

didi168

你有無曾經光顧國戰商店？原因為何？
試過一次，難得有D裝覺得好靚!  博一博
站響商業立場，你會如何設法平衡國戰商店﹑輪盤以及寶石店既裝備分配？
國戰商店10蚊一次，應該最新最靚裝備放係呢度。
輪盤，希望1-2個月UPDATE一次。放下舊裝備，武器/ 新裝備但不會出現在國戰商店
寶石店放舊款國戰商店東西，靚就貴D，無咁靚就平D  
你認為現時國戰商店可以如何改善以達至玩家與代理雙嬴局面？
如果消費達至某個金額，送一套裝(有幾套裝可選擇)，消費越多裝越靚
咁起碼唔會用左幾千蚊咩都無..
你願意每月或一次性投資幾多錢響國戰商店？
100↓   頂攻頂防已足夠
總括而言，你對國戰商店的評價是？
都係有錢人玩意。裝備再靚都係頂攻頂防...
但係以前話就話唔再賣A石係道具店， 但係而家就賣係國戰商店。
A石始終影響遊戲公平。 希望刪除
你認為每個月國戰商店的總營業額約有多少？（粗略估計）
烈士太多，  都係睇佢賣幾多。 因為次次都會賣到無貨..
你希望國戰商店會推出怎樣的商品？
唔好再出容貌券。  可以出一D轉國券，轉名券等等。
你認為國戰商店有何優點與缺點？
優點:在代理而言，賺到笑
         在玩家而言，唔係個個有錢抽國店，小部份玩家擁有獨特裝備而能夠SHOW OFF
缺點:A石影響公平，某些期待已久的裝備只能遠觀而不可褻玩焉(窮等玩家)
你認為對代理商而言，國戰商店是否成功？
非常成功，國戰商店確實令利潤提高很多。
但玩家對代理的感覺就....

zakucha

你有無曾經光顧國戰商店？原因為何？:有,受商店內的誘人型仔裝備吸引(不包括石/藥水)
站響商業立場，你會如何設法平衡國戰商店﹑輪盤以及寶石店既裝備分配？輪盤冇得講 點都得1套..但寶石店可以多少少..
你認為現時國戰商店可以如何改善以達至玩家與代理雙嬴局面？減價 例:50GASH一次
你願意每月或一次性投資幾多錢響國戰商店？就未有收入/工作能力既玩家而言: 10蚊都未必想比(except有米小子
總括而言，你對國戰商店的評價是？黑店
你認為每個月國戰商店的總營業額約有多少？（粗略估計) 平均每玩家200
你希望國戰商店會推出怎樣的商品？不希望就有..
你認為國戰商店有何優點與缺點？優:靚裝 轉賣有著數 缺: 機率不高 例看烈士 10蚊抽B石 都幾火氣
你認為對代理商而言，國戰商店是否成功？梗係成功 賺死你..

LLS

1.你有無曾經光顧國戰商店？原因為何？
Ans : 有。因為希望得到自己想要既裝備

2.站響商業立場，你會如何設法平衡國戰商店﹑輪盤以及寶石店既裝備分配？
Ans : 國戰商店只會更新 最新既裝備
         輪盤就更新舊既裝備
         寶石店更新唔靚既裝備

3.你認為現時國戰商店可以如何改善以達至玩家與代理雙嬴局面？
Ans : 降低成本 機率即使維持不變 也可令人增加意慾繼續消費

4.你願意每月或一次性投資幾多錢響國戰商店？
Ans : 有自己想要既裝就投資500蚊左右

5.總括而言，你對國戰商店的評價是？
Ans : 無咩特別感覺，抽得都預左唔中，抽中左都通常唔岩自己用-.- 無咩感覺

6.你認為每個月國戰商店的總營業額約有多少？（粗略估計）
Ans : 8萬~10萬

7.你希望國戰商店會推出怎樣的商品？
Ans : 我希望係只推出裝備 同埋1d 有用既道具
整容券個d真係無咩用-.-

8.你認為國戰商店有何優點與缺點？
Ans : 優點 係 繼續維持fez既運作
         缺點 係 國戰商店反而助長左炒家勢力 令裝備愈來愈貴 但爛橙既收入而言係成本既10蚊1次

9.你認為對代理商而言，國戰商店是否成功？
Ans : 半成功 因為透過國戰商店 同埋玩家既交易 gash會不斷滾大 令愈黎愈多人買gash
         但跟據番裝備既市價 同國戰商店既成本 明顯黑橙有部分利潤落入炒家中 算係唯一既不足之處?

KennyCKL

國戰商店能有效帶動2000FUN FEZ版的人流
完。

DSVWXYZ

•你有無曾經光顧國戰商店？原因為何？
無,見人抽返黎既雜物太多

•站響商業立場，你會如何設法平衡國戰商店﹑輪盤以及寶石店既裝備分配？
國戰商店要費去a石.
輪盤要定時更新下,一年一次都已經唔錯.
寶石店要入返d新職既武器,例如宜家係寶石店仲未有槍  魔首器  拳

•你認為現時國戰商店可以如何改善以達至玩家與代理雙嬴局面？
講實話了代理既得益無論點都會多過玩家,雙贏係無乜可能.

•你願意每月或一次性投資幾多錢響國戰商店？
第一個問題已答.

•總括而言，你對國戰商店的評價是？
抽到雜物唔係玩家所望

•你認為每個月國戰商店的總營業額約有多少？（粗略估計）
最低五六十萬,無呢個價隻game執得

•你希望國戰商店會推出怎樣的商品？
好睇既新 舊裝一齊出,可以滿足新手和老手

•你認為國戰商店有何優點與缺點？
優:可以次次5石上戰場.
缺:中雜物多過中裝 武

•你認為對代理商而言，國戰商店是否成功？
唔成功就假啦!
見到咁多人去抽,有d人就算點窮都死閑死抵拎d錢去抽黑店.咁唔使講個d有錢人啦,間直當錢唔係錢係咁抽.

cs2163

你有無曾經光顧國戰商店？原因為何？
有想要d好睇d裝
站響商業立場，你會如何設法平衡國戰商店﹑輪盤以及寶石店既裝備分配？
國戰商店更新時 把更舊國戰商店放在輪盤同寶石店
你認為現時國戰商店可以如何改善以達至玩家與代理雙嬴局面？
降低每次抽國戰商店的金錢由100gash改50gash 增加國戰商店貨存
你願意每月或一次性投資幾多錢響國戰商店？
100蚊
總括而言，你對國戰商店的評價是？
不予置評
你認為每個月國戰商店的總營業額約有多少？
20000
你希望國戰商店會推出怎樣的商品？
10lv頂防全共裝
你認為國戰商店有何優點與缺點？
比較難抽中想要的裝
你認為對代理商而言，國戰商店是否成功？
成功

TonyTonyChopper

吊,黑店唔係問題,500-600蚊都抽唔到一套裝/武,就真係灰到on周
幾百蚊中埋果d建/召a呀 容貌果d垃圾野
我以後都只會同人收
咪永遠都係果班人抽law 睇野咁能短視
講真,你一更新左輪盤,我都抽左幾百蚊啦,起碼中幾把武1套裝先
數都唔識計,點做生意

眠

fez除左國戰之外， 唯一樂趣就係換新裝備，
以商業角度黎睇， 國戰商店完全捉正玩家心理，
但新裝備都只放在國戰商店，更時時一個月就更新，
而輪盤卻一年不更新，或是更新舊裝備，寶石裝更已長出雜草。。。
令人覺得十分卑鄙。

間接影響遊戲生態，老手可能早就有不同靚裝，少一件半件也不介意。
但新加入的話，想要比較好看的裝備，就只能去抽！
對，你花錢了卻不一定能有。。。
我呢d上班族就話幾百蚊掉落海冇乜緊要，
對學生而言只能用少量金錢遊玩，還要去賭博太無情了。。。
（雖然一堆一開始人生遊戲就有二週目繼續）

還有下架了的A石，竟然放入國戰商店。。。
賤！之前又話跟日版下架，鵰！
（話雖如此～ 我都係會用左佢～ 不用白不用～）

希望國戰商店可以減少D垃圾道具，例如容貌變更卷，
每次抽中只會大叫 WTF！

世上沒有雙贏， 只有商贏。

愛糖

開始玩fez係用國商裝,玩玩下投入左就自然想自己個角色好睇d。
當年我係玩女戰,用蛇神。大家可想而知係幾咁。
所以買左第一套寶石裝。(9頭蛇女版)
後來愈出愈多,情況有如平時行街買衫。
afford到而又自己鐘意就買。
後來,佢要抽先有裝。唔多唔少都有抽過,一方面係真係想要,另一方面係要諗:
你想人地比個game你玩,冇理由唔付出。
咁少少當支持隻game營運囉。

但事實上,隻game係比你揀比唔比錢,自己覺得值就ok。
fez係隻好game,唔想因為營運問題做唔到落去,但呢d野我控制唔到。
只可以盡少少力,平時on下keep住有人流,多一個得一個。
比營運商睇到,仲有一班人係鐘意你隻遊戲又捨得比錢,玩家未放棄,你都唔好放棄。

haha,個人感想而已,玩左咁耐係有感情。

明珠930

你有無曾經光顧國戰商店？原因為何？
無.....因為無錢

站響商業立場，你會如何設法平衡國戰商店﹑輪盤以及寶石店既裝備分配？
定期更新輪盤裝已經好好、舊裝應該刪走，或者要睇下市場需要而決定邊一套裝落畫/再上畫
寶石店又真係太耐無更新，可以將國戰黑店重覆出過好多次又無乜人用ge裝放上去.....其實用黎襯下裝都OK ge
講到最後，輪盤必需更新！！而且一定要定期(最好1季)有"新"野

你認為現時國戰商店可以如何改善以達至玩家與代理雙嬴局面？
減價/買10送2/3優惠、取消A石

你願意每月或一次性投資幾多錢響國戰商店？
除非我有一筆橫財，否則一定唔會"投資"

總括而言，你對國戰商店的評價是？
on能99食_周將D裝倒哂入輪盤啦

你認為每個月國戰商店的總營業額約有多少？（粗略估計）
每個國總有人一出糧就比500-1000去抽.......我估每個國有20-30人左右會咁做
750x25x5=約10萬.....
再加每次更新頭一星期每日有人不斷咁抽20-30次.....我又當每個國有20-30人會咁做.....
7x25x250=約5萬.....
加埋有D人手痕去玩下，大約應該每月有20萬固定收入？

你希望國戰商店會推出怎樣的商品？
聲卷多少少、變態D改名/轉國卷都得.....
出咁多呃多D傻仔去抽ma

你認為國戰商店有何優點與缺點？
除左襯裝同炫耀身份之外，我搵唔到有咩優點

你認為對代理商而言，國戰商店是否成功？
針對D未知搵錢難ge中學雞+賭徒性格ge人，國戰商店好成功

講到尾，都係我無錢姐/____\一個月搵得果幾千
我連點抽都唔知.....

warrence

•你有無曾經光顧國戰商店？原因為何？
有
因為國戰商店有平常所需要的道具和美麗的裝備
雖然機率低些
但都有意慾去抽下
亦是唯一途徑可以取得最新裝備的方法

•站響商業立場，你會如何設法平衡國戰商店﹑輪盤以及寶石店既裝備分配？
在商業立場
我覺得以黑橙現時的營運方針無問題
當然如果能定期更新輪盤和寶石店
就算舊裝也好
都會吸引更多的玩家去消費

•你認為現時國戰商店可以如何改善以達至玩家與代理雙嬴局面？
現時國戰商店對於玩家和代理已經是雙嬴
既有固定玩家肯投放大量金錢
代理亦因此達至收支平衡

•你願意每月或一次性投資幾多錢響國戰商店？
如果那一期的裝備好靚就會用多些金錢 大約$1000
但看不上眼的就不會去抽

•總括而言，你對國戰商店的評價是？
挺好
不過如果能取消A石保持遊戲平衡
還可以增加消耗品的數量就更好了

•你認為每個月國戰商店的總營業額約有多少？（粗略估計）
大約有15萬-20萬

•你希望國戰商店會推出怎樣的商品？
想推出的就沒有了
想減少的反而有很多 例如:召A

•你認為國戰商店有何優點與缺點？
優點:可令裝備能直接交易 有靚衫著
缺點:增加貧富懸殊的差距 對於不肯消費的玩家可以說是噩夢

•你認為對代理商而言，國戰商店是否成功？
絕對成功
因為最新的裝備只會在國戰商店出現
迫使玩家一定要出錢才有

但總括對我來說
國戰商店只是一種毒品
唔抽唔舒服

水錢

有乜野唔好姐
幾好啊
至少我400GASH收到一套頂攻
國商898

ericlok

站響商業立場，你會如何設法平衡國戰商店﹑輪盤以及寶石店既裝備分配？
舊既寶石裝擺返係寶石商店 並且一次過推出來發售 等新手定期入點 購買寶石裝備

輪盤就輪流每個禮拜更新一次, 都係d舊裝以循環方式每個禮拜咁出
等d想抽既玩家 可以草星戒 或者趕唔切 就急需買點抽

國戰商店 就擺返d新裝落去 因為蚊左d寶石裝出黎 所以國戰商店會更加難中裝
玩家需要多買點先可以抽到想要既裝備