外掛會在今日開始收費

野蠻同學

相信新手區都會少左好多呢類無技術pk  
加上可以好似我咁 一旦遇到外掛 即時回報檢舉  盡到一個普通玩家想玩好遊戲既心態
方式其實官方都有教  希望大家不厭其煩
http://fs2.wasabii.com.hk/notice/notice_content.aspx?K=1903

補充一點
相信外掛收費之後  微調能力值相信大家都未必完全睇得出
但一旦有懷疑都照樣去檢舉佢
官方就捉緊d

壞蛋bb

希望唔好 道高一尺，魔高一丈啦

有玩過1代都知道，台版FS1個防外掛 可以話系 “不堪一擊”

而代理除左錢之外咩都睇唔倒，

我唔知FS1  同 FS2 系咪同一隊team 管理，如果系既話，只能說悲劇 GG

不過外掛問題都直接影響倒距地既收益，而且仲要系 於隻game剛起步階段

好多新玩家都處於游離狀態，純粹試玩心態，如果哩段時間都唔把握住玩家個心

好難相信呢隻game會為辣椒創造幾多收益。

另外，外掛收費後，相信會少左人用，官方都好似了解到事態嚴重，開始發放鎖帳名單，同檢舉方法

其中我想講一點就系，作為一位2X lv 玩家，我覺得哩隻game既缺點之一，系升級需要好多經

好不容易先升到12 lv逃離新手區惡夢，但反轉黎唸，其實都有優點

第一，就系新手區已經西走一班腦殘，去到進階D實力已經有板有眼

第二，就系因為升級難，所以高等玩家用掛會好驚被檢舉鎖帳（敬請多多檢舉）

最後，我想講既系我於進階區發現外掛既經驗，因為有D人開掛開得好低調，唔容易發現

但其實有蹟可尋，首先睇距既速度，明明大家都系後衛，點解D速度可以差一大截，除非你全部加速度

OK，就算你全加速度，命中率都無理由百發百中，SF SG後仰都彈無虛發，

有一截距離都可以照蓋你火鍋，搶籃板仲勁過C同PF，

最後，你都分唔出的話，就要考你對5個職業既技能了解程度，我本人就熟曬咩職會有咩技

同埋D技能要到幾lv先有得學，有D 低調但粗心大意的外掛使用者，就會大意將一D高 lv技 都 set埋落個人度

明明進階區去到23 lv , 點解會出倒3X 4Xlv 技能， 唔使講都知道咩料 ，開掛是也

最後奉勸大家，珍惜帳號，遠離外掛，遇到外掛，多多檢舉。

野蠻同學

諷刺的是下載次數已破5000多  可想然之呢個掛係單單幾日 已經散播有幾多快有幾廣
而官方只係捉得6個帳號  當中亦唔開玩家個名  我自己都想睇下係咪我檢舉果條友比你凍左
不禁令人懷疑其實辣椒有無真心做野 亂放幾個空號就算  建議唔單止開帳號  需要開埋名

岩岩得知維護後 外掛用唔到  但表示明天先至更新  即係之後再遇到外掛既佢已經比左錢外掛商
今晚放工都可以輕輕鬆鬆打下機

肥鵝

終於 暫時可以舒舒服服咁正常打機 外掛橫行果時 不論台灣定香港人 一睇就知玩緊外掛
竟然可以同人講 自己沒玩外掛 係個人技術問題 聽到簡直好笑
即係呢敢玩就咁敢認啦 十幾lv 出廿幾三十幾LV技 同其他職既技