從前有個男仔,佢因為某d事後,鐘意左睇動畫,然後慢慢醉心於ACG文化,變成大家口中o既毒撚
佢一直覺得咁樣係無問題,最嚴重時期,佢患上所謂「二次元禁斷症」,淨係鐘意ACG女角,甚至覺得現實世界o既女仔都係垃圾、不可理喻,但幸好佢留有點幽默感,令到佢未至於比班上同學討厭
直到某日,佢識到一個女仔
果個女仔並唔靚,而且行為舉止粗魯,一 d都無儀態,係個唔似女仔o既女仔
某日,毒撚班上舉行班會活動,係去踩單車
毒撚好鐘意某部小說,知道小說作者好鐘意踩單車,而毒撚鐘意果部小說,就係果個作者係踩單車果陣諗到
毒撚自己亦有寫網絡小說習慣,作品當然難登大雅之堂,但佢都好想試下,係踩單車果陣思考下,嘗試下自己偶像所做過o既野,但好可惜,毒撚自己係唔識踩單車,於是就想借助班會活動,學識踩單車
班會活動中,毒撚一直學唔識踩兩輪單車,但為左跟上班上同學,毒撚選擇踩三輪車
因為毒撚佢係個典型肥宅,踩埋三輪車,大家可以想像下,個樣到底有幾滑稽
但毒撚唔介意,因為佢覺得,即使三輪車好慢,自己又比同學恥笑,但因為第一次踩,心情依然非常好
就係佢自我陶醉緊,班上同學一早飛車飛到老遠,自己慢慢前進緊果陣
果個女仔出現了
佢因為某d原故,所以即使踩兩輪,但依然無追上前面班同學,係毒撚後面慢慢踩,結果追上左毒撚
佢一望到毒撚個搞笑樣,當然係非常粗魯咁大笑,毒撚見狀亦不覺奇怪,因為佢知對方不嬲係咁,而自己同佢唔算好熟,所以都無理對方
然後,果個女仔突然大聲話
「哈.....我愛你呀」
毒撚即時震左下
佢即時呆哂,反應過黎果陣,只能向對方作出苦笑
無錯，一直討厭現實世界女仔o既佢自己都無留意到,自己動心了
毒撚一直無為意e件事,直到某日,佢因為某d原因,所以係屋企裝左wifi
從前佢一直唔用wts,但為左方便聯絡某fd,佢就用了,順手就加埋果個女仔
由果日開始,毒撚就晚晚同果個女仔傾wts
晚晚如事,或者真係日久生情,毒撚終於發覺,自己鐘意左果個女仔
但佢當然無勇氣表白,因為佢都知自己又肥又樣衰,佢都有自知之明
「但佢又好似鐘意我喎」
記起惜日果個女仔果句,令毒撚陷入無盡思考迷宮,但的確,佢開始對果個女仔越黎越好
直到某日,果個女仔突然係wts問毒撚
「如果我向你表白你會點」
毒撚知道,機會來了,於是佢把握機會,講話「我會係你同我表白前,向你表白先」
但女仔並無理會佢,件事就咁不了了之
又到某日,女仔突然又問佢
「點解你要對我咁好」
毒撚知道,今次或者又係機會,於是佢下定決心,向對方表白
「因為我鐘意你囉」
然而,佢無諗到,原來一切,只係自己自作多情
女仔好直接咁講話
「但我同你無可能」
「點解?」毒撚覺得震驚,因為佢一直深信,對方都係鐘意自己,所以佢先敢勇於表白,但換黎,竟然係Bad End?雖然覺得好奇怪,但毒撚依然想知道原因所在
「因為我已經有鐘意o既人」
毒撚睇到後,當場連原本玩緊o既GTA5都即時停止,開始同女仔搞清楚所有野
「咁點解你要問我,如果你向我表白,我會點答?」毒撚問
「因為好奇」女仔回答
毒撚終於知道,自己點解會鐘意果個女仔
雖然佢又粗魯,毫無女仔應有儀態,但正因為咁,先顯得出佢非常特別
特別到令毒撚覺得好有趣
而e家,就因為果個女仔o既特別之處,特別到可以因為好奇,就問e d有示愛意思o既問題,將毒撚o既一廂情願徹底粉碎
毒撚喊了
佢流住眼淚,鬧左個女仔一身,叫佢唔好再因為好奇就問e d問題,會惹人誤會,女仔亦明白自己過份左,講左sorry,毒撚呃佢話自己唔會喊後,祝福左對方早日可以同暗戀對像係埋一齊
事後,毒撚開始「失暗戀」o既生活.佢唔再用wts搵果個女仔,係學校亦假裝堅強,任由假笑掩飾自己的悲痛
然而,習慣唔係話可以改就改到,惜日佢習慣每晚都搵女仔傾wts,習慣突然停止,令佢更加痛苦萬分
幾日後,毒撚最後都係忍唔住,再次用wts搵果個女仔,女仔亦明顯無介懷,開始同毒撚傾計
瞬間,毒撚猶如重生,幾日黎o既憂鬱即時消失,佢知道,女仔已經成為佢o既心靈支柱,猶如佢最重要果幾個朋友一樣
跟住,毒撚再次同女仔變得熟絡,甚至比之前更為熟,更關心、熱心幫助果個女仔
而最近,女仔再次係wts同毒撚講
「你唔好對我咁好啦」
毒撚覺得不解,於是同女仔傾左好耐
簡單黎講,就係無論毒撚對女仔再好都無用,因為佢已經有鐘意o既人,毒撚o既好,女仔係無法報答
而事實上,毒撚亦唔知道自己仲算唔算鐘意緊女仔,因為佢對所有人都係咁,「幫得就幫，以免後悔」,係佢做人宗旨之一,佢甚至唔知,自己對果個女仔係咪真係特別好,好到令女仔覺得毒撚仲鐘意緊佢
毒撚最後向女仔講左一輪連自己都分唔清真假o既說話,令自己繼續能夠同對方做朋友
真與假對毒撚黎講,其實根本唔重要
毒撚只係知道
佢同果個女仔,真係無可能
|
發表於 14-3-13 09:16 PM
發表於 14-3-13 10:34 PM
發表於 14-3-13 11:02 PM
