台版《狩龍戰紀》CCB 至有 HEART 狩龍獵人招募！（招募完結）

Mini果凍

個人簡介及參加原因：哈露~我叫果凍。對於萌萌既GAME我就最喜歡喇。問參加原因? 因為"萌GAME與我同在", 扮可愛係我既天性嘛。傳奇既線上遊戲我都有一直留意同埋玩嫁, 玩得最耐既就係晴空物語喇。
曾參與傳奇製的線上遊戲：晴空物語、幻想神域
以上遊戲的角色名稱：
晴空物語: Mini果凍(一氣之下刪角了)、風鈴果凍、Kani果凍
幻想神域: 凝露o

最吸引的遊戲及原因：
最吸引我既遊戲就係晴空物語喇。呢個GAME已經令我回鍋咗好多次喇, 由最初公測玩到依家囉。 那~最初公測既帳號~我都唔係好記得嚕, 因為連帳密加我當時玩咩職都唔記得喇~ 直到新晴空物語又係電視做廣告同海之國開SER既時候回鍋嚕, 果陣我開左隻玄祭叫Mini果凍(點解開玄祭? 因為佢又係補C又可以拎弓喇~我最喜歡弓喇^_^揀值完全Match晒我既Style呢)。果陣我雖然已經唔記得我公測玩左D咩(連角色叫咩名都唔記得埋嚕0_0""), 但只係見到電視廣告又好奇想返黎玩囉~究竟舊變左新有咩唔同呢有咩好玩呢~好似果陣係岩岩出3轉? 睇睇下原來有新SER開於是等新SER一開就開A/C玩嚕! 玩下玩下有種好熟悉既感覺, 我好似好熟解任咁既, 明明已經好似失憶咁忘記晒嫁? 哈~無所謂啦。然後入公會識左一班朋友, 日日ONLINE都好開心咁想見到佢地, 到佢地ONLINE又好開心咁傾計, 每日都期待著大家。又玩左一排~發現玄祭單拖刷副本打世王都好似唔錯呢, 因為我都幾鐘意單刷既感覺(真係好有成就感滴)。好開心就咁又過左一段時間...丫~差D忘記左正題添, 遊戲點解吸引我~因為晴空入面既畫面系統真係好可愛, 而且畫面毫無違和感, 動作又夠流暢, 真係唔係其他GAME可以媲美到嫁~雖然係2.5D 但我覺得已經足夠喇~ 另外呢個GAME可以捉寵物, 我最LIKE既就係"衝鋒野豬"喇, 因為佢太萌喇~搞到我依家都要每日上一上線比佢萌一萌, 真係唔萌唔安樂呀嗄! >_<

係呢~ 後尾因為一D唔開心既事DEL左Mini果凍, DEL埋GAME。不過呢~我DEL左之後一直都覺得好唔捨得, 好想返返黎。直到我過左大半年?一年?終於忍唔住走返黎玩返晴空。好似過左好耐嚕~ 晴空都加左好多職嚕, 我見到岩岩新出左隻職叫神略 係補C黎? 於是就揀左黎玩, 今次就叫風鈴果凍。因為我依家玩親任何GAME都鐘情於玩補C職喇~因為補C職唔需要勁裝唔需要係前線受死都有人組~而且補C係會被坦同打手依賴,我最鐘意被依賴既感覺, 同埋會被保護啦(公主病@_@?)。第一時間緊係搵返隻"衝鋒野豬"比我萌先啦, 由於之前隻帳DEL左無得轉帳, 今次我捉咗隻黎練, 不過練極D素質都唔靚~然後最後就買點換左隻金色"衝鋒野豬"返黎嚕^_^然後就係例行公序望實佢->帶佢跑黎跑去->帶佢打怪->仲有被佢萌倒啦。不過呢~呢陣玩果陣已經走左唔少人, 而且神略點解要著甲冑唷-.- 除左金裝之外都好似無裝岩佢用喇~於是玩左一陣就無玩嚕。個帳號借左比朋友玩。近排ON黎睇下...74LV? -0-"""

之後就走左去玩傳奇新GAME, 台版的幻想神域CCB/CB, 呢度要台灣的VPN真係好痛苦滴, 因為免費VPN好難連得上既。角色緊係揀豎琴啦, 補C丫嘛。幻想神域背景世界觀真係唔錯既, 玩之前我仲突意睇左刀劍神域 1-24集動畫添=_=""。後尾入到GAME玩落總有種唔夾既違和感, 唔知道係字體/設定/配點/場景定邊度, 總覺得場面唔夠華麗, 但有朋友係度玩既, 我都會一直陪玩落去既。 因為玩GAME最主要都係有一班朋友開開心心咁玩丫嘛。直到去到OB...悲劇出現嚕, 新帳號要台灣手機認證=_= 想玩既朋友無辦法開新AC入黎玩, 而且我同佢地都唔鐘意VPN呢種麻煩步驟。最後都係返左黎香港版玩, 但香港版真係太少人喇~我同朋友都係玩左一陣就無玩嚕。離開果陣天空塔都未開添...

再黎就係近排再玩返晴空物語喇~我呢個補C控緊係揀返補C啦~ 有咩揀呢? 喔~嗯~上網睇下先~就係沐星喇~呢次係Kani果凍。開左之後緊係拿拿聲係風鈴果凍度汁返隻豬黎玩先啦~依家每次ONLINE都望到隻豬真係有種莫名奇妙既滿足感滴~^_^。但係依家晴空少左好多人玩嚕, 令我都無咩動力升LV囉, 於是依家驅使我上線既動力除左我隻萌萌豬豬之外真係無咩嚕~

對《狩龍戰紀》的期望：
萌~愈萌愈好啦。角色可愛D, 唔好要NPC可愛過玩家自己喇／。＼抓果D龍都希望可以可愛D啦~ 大家都話幻想神域既場景好靚,但我覺得入面既角色同場景同介面同源神都有種莫名奇妙既違和感, 唔係好配合。 如果做到晴空物語咁角色/場景/介面咁完美融合就好喇, 起碼唔會咁傷眼啦。


附圖:

Mini果凍, D截圖因為洗機唔記得備份唔見晒嚕／。＼呢張係之前參加四格漫畫活動留低既
Link: http://www.2000fun.com/thread-5168557-1-1.html

風鈴果凍

Kani果凍

凝露o